لما كلمت امي تقبلت مني وقالت بحاول اعرف بطريقة ماتحسسوا بشي ..
بس اخر التطورات اللي صارت ان امي من كثر ماهي حريصة على ان اختي ماتجلس مع مرت اخوية تهاوشوا اليوم هي واختي واختي الثانية اللي عايشة معاهم في نفس المدينة وطردهم امي من البيت... طبعا عرفت الكلام هذا من اختي اللي اكبر منهم بس عايشة في مدينة ثانية وهم قالوا لها .. انا تصلت على امي وقلت لها ليش سويتي كذا المفروض تقربيها منك اكثر مو تبعديها قالت لي انا الحين مشغووووووووولة بعدين اكلمك والحين انا منتظرة اتصالها واشوف ايش راح يصير .. (على فكرة اختي الثالثة اللي عايشة في مدينة ثانية لما كلمتني اليوم وقالت لي عن البنات واللي صار لهم مع امي كانت مرة متحامل على امي وتدافع عن البنات وقالت لي مستحيل اختي تسوي كذا وهي وهي وهي ....؟ بصراحة حاولت اني ما اقولها شي لكن تحاملها على امي ودفاعها عنهم نرفزني فقلت لها عن سالفة الرقم واللي صار كله والله يا اخواتي انصدمت وجلست ساكتة يجي دقيقتين مو مصدقة وقامت تسب وتلعن فيهم وطلبت مني الرقم وقالت هي راح تتصرف بس انا قلت لها اذا فكرتي في اي تصرف قولي لي عليه قبل لاتسوي شي وانا واثقة انها بتتصرف صح وعندها القوة والجراة اكثر مني انا صح الكبيرة بس والله اخاف من المواقف اللي زي هذه والله يوم اختي هذه واجهت زوجة اخوية كنت انا ارجف اكثر من زوجة اخوي نفسها ماااااااتحمل ابدا ... لاتبخلوا علي بارائكم احس كاني قاعدة اكلم نفسي في موضوعي اذا مافي ردود اطلب من الادارة تقفل الموضوع ... |
للاسف تصرفك غير سليم نهائياً ولا تتوقعي ان اجاملك ولكن سامحكي الله أسأتي التصرف من ناحية ابلاغ والدتك والخطأ الأشؤنع والأكبر هو ابلاغ اختك ... حتى وان كان عذرك انها نرفزتك ودفاعاً عن امك وموقفها قلتي ماقلتيه .... كان بامكانك ايجاد عذر لأمك كأن تقولي حرمه كبيره أو تعبانه أو متوتره أو أي عذر ثاني .... عموماً أتمنى منكي أن تأخذي كلامي في الحسبان ... الآن لا تدخلي في الموضوع أكثر من كذا لأنه احتمال ان تحصل مصايب وكوارث لم تتخيليها أو تتوقعيها ... ابعدي عن الموضوع نهائياً ولا تحاولي تثيريه لا مع امك ولا اختك ... فممكن ان ينقلب الازواج على زوجاتهم ويحدث مالا يحمد عقباه ... أو أن الأزواج تابعين لزوجاتهم لأبعد الحدود ولا يكون أمامهن سوى قلب الموقف عليكي عند ازواجهم وحينها موقفكي انتي هو الضعيف فواحدة زوجة اخيكي والاخرى اختك ويظهرونكي بمظهر انكي الاخت التي لا تحب زوجة اخيها وتريد طلاقها بأي شكل واختك تشهد على ذلك لأنها انسانه حقانية وماتحب الظلم وتقول الحق لو على نفسها وحينها سيصدق كلامهم اخوكي وزوج اختك .... الان ابعدي عن الموضوع نهائياً ... وكان افضل تصرف تعمليه هو تصرف واحد فقط .... لو كان جوال اختك رقم سوا ... هو اخذ جهاز الجوال بشريحته وكأنه ضاع .... وبها الطريقة لا يوصلها ولا توصله .... اما لو كان جوال عام .... يبغى لها شويه تدخل عقلاني ... عموما .... الله يوفقك
|
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|