او تعال الساعه 9 مساء
وانا بكون موجوده ان شاء الله

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ماادري يا حظي اذا تبين رايي
لكن هو لعاب وموضوع بالسر عن اهلك واضح
يبي يستدرجك بموضوع الزواج
و يعطيك الامان
ودام ياسلام في فيديو ومراسلات وصور فقطعتي الشوط الاول معه
باقي عاد الاستدراج في شقه ولا لقاء بعرض انا يكون زوجك ومن حقي اشوفك
نصيحه يااختي مهما بغيتي الحلال لاترمي نفسك بالحرام ولا تذلي عمرك ولا تعرضي سمعه سنين حافظتي عليها
وهو فعلا اثر عليك اجل ترسلين له صورك ليه و خلاك تقلبين فكره تتزوجين بالسر ويجيك بنفندق

اخلاقه ودينه 😭😳
ونعم الاخلاق ابشرك
رجل يكلم امراه ضعف عمره ويستغل حاجتها لزوج ويطلب صور وفيديوات وكلام لايرضي الله ولا رسوله
انا مدري ليه الناس مؤخرا باعت دينها واخلاقها وكل شي عادي
خاف ربك وانت تنصحها انت اب وعندك بنات
بكره يشبكهم واحد بوسائل التواصل وتجيك وساعتها رح اسال عن اخلاقه ودينه اذا ماابتزها بصورها وفيديوهات
هذي مغامره من مغامرات حظي حلو وبينجيها ربي منها والله يستر عليها ويعوضها خير
لكن انت ابو مريم وش بتقول لربنا

صدقتي صدقتي صدقتي

🤣🤣🤣🤣🤣🤣🤣
والله اني ضحكت ضحك على تعليقك هذا ي مبتعثه
لين سمعوني اهلي في الصاله
ورحت اتوضى للظهر وانا اضحك من قلب🤣
الله يسعدك قد ما ضحكت
انتي شكلك فاهمتني اكثر من نفسي ولا ايش🥲


بس تعليق على سالفة يهددني بالفديوات والصور
شخبااااري😅
ماتوا اللي يهددون
واطلعي معي ولا بنشر صورك😅
الناس صار عندهم وعي والله يخلي كلنا امن
وعى اللي ما يتوعى😇
يا نتفق يا كلن يروح بحاله
اتصال واحد على كلنا امن
يتلونه مع اذانيه هو وصوره وانا ببيتي رجل على رجل😌

.

ابشرك بلكته وانتهت "المغامره"😅

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مغامراتك لا تعليق ؟!!

تزوجي رجل قريب من سنك وان كان متزوج

والحقي على الفرص المتبقية للزواج

سبحان الله لاني اظهرت شي من الضحك والمرح
قال اوجعها بنقطة السن!!!
ولو اني جيت ابكي واشكي
وكلامي كله دراما ومنكسره
كان تعاطف معي وطبطب عليه!!🙄

ترى اللطف مع كل الناس
سواء اللي جا يشكي وهو يبكي
او اللي جا يشكي وهو يضحك
كلهم بشر وكلهم عندهم مشكله
بس واحد اختار يظهر مشكلته وهو يبكي
والاخر اختار يظهر مشكلته وهو يضحك
هذا ما يعني تجي انت تعطيه كف على وجهه
عشان ينكسر ويتكلم وهو يبكي
وينال شرف عطفك وذوقك في الكلام🙂

اما سالفة فرص الزواج
ف تراك ملخبط بينها وبين فرص الانجاب
كوني قربت ما اقدر انجب
مو معناها بالتالي قربت ما اتزوج😅
ومن الجهل ما قتل!

لان الزواج متاح باي وقت وبأي عمر
بعكس الانجاب له وقت محدد
بالعكس كوني ما ابغى انجب" خيار قبل ان يكون اجبار"
هذا يزيد فرص الراغبين في الزواج مني😌

اما سالفة اخذ واحد قريب من عمري
ف مو مشكلتي ان كنت جميله
ومو مبين عليه السن
ويرغبون فيه الشباب
قبل الشيبان المنتهين😌

وشخصيا افضل شاب وسيم
مفتول مشدود😌
ولا متزوج مكرش ومترهل وبالسر!
حتى ما تطرده زوجته من البيت او تخلعه🤣

ولعلمك
باذن الله، باذن الله، باذن الله
لن اتزوج الا شاب "وسيم"😌
يوافقني في الجمال والنشاط والقوه
وليس شايب يالله يقوم بزوجه وحده😅

اخيرا
قل خيرا او فصمت🤫

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

حظي حلو والله لكِ وحشة

بالنسبة لموضوعك , صحيح انتهى الحمدلله
أنا مقدرة وضعك جدا و حاسة فيكِ
وحابة أقولك عادي وضعك جدا انتِ انسانة عندك احتياجات غير ملباة
وهذا سبب تخبطك لكن نصيحة لا تخلي أحد يستغلك بسبب احتياجاتك
واسعي للزواج محد عنده عندك شي هذا شي من حقك
لكن اسعي صح .. عادي استعيني بخطابة ( أظن انك ترفضي الخطابة لكن فكري فيها)
وأهلك آخر ناس تفكري فيهم , كم صار عمرك ؟ هل أحد فكر فيكِ و في احتياجاتك؟
معليش انتِ جدا مطيعة ومازلتي في قوقعتهم عايشة و أخوانك بالذات كلميهم بصراحة أنا ابى أتزوج و أتمنى أي أحد يجيني أنا اللي أقرر مو انتوا !!!!!!!!
وخليكِ جادة و اعملي نفسك مجنونة و صدقيني أحيانا حقوقنا كنساء مانقدر ناخذها بالطيب والتفاهم , مرات ناخذها بالقوة والجنون ..
لاتتنازلي عن حقوقك ابدًا و اللي مو عاجبه بكيفه

انا مطيعه؟🥺😅
ليتك تدرين انهم يعتبروني عاقه ومتمرده🤣
لاني الوحيده في جماعتنا اللي تسوق سياره
(عاد موضوع السياره قصه لحاااالها)🤣

ضحكتيني بسالفة مجنونه🤣
هم اصلا يعتبروني مجنونه ومريضه ومتمرده🤣

ما علينا😌
عندك رقم خطابه؟؟
( نشوف يمكن عندها شي مفيد وانا رافضتها)

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يسعدك يا خيال الهوى
انا احبك واحترمك واثق فيك❤
ومن العضوات اللي ما نسيتهم فترة الانقطاع عن المنتدى
احس شخصيتك قريبه من شخصيتي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )