رهيب الموضوع يستحق فايف ستار بصراحة
وصلتني قصة من كم يوم اعجبتني عن كيد النساء
واحدة تصحي زوجها كل يوم لصلاة الفجر ويعصب عليها ويجلس يدعي عليها
في يوم قام معصب وقالها بدعي عليك بين الاذان والاقامة ان ربي يكتم صوتك ولا عاد اسمعه بحياتي
وراح المسجد وهي حزينه منه، لكنها فكرت بخطة تخليه يندم
يوم رجع حصلها نايمة وصار ينادي عليها وهي ما ترد .. جا عند اذنها وقالها يا فلانه يا فلانه وهي تناظر فيه وتحاول تتكلم ما يطلع معها صوت
قالها شفيك ليه ما تتكلمين ؟ هزت كتوفها انها ما تدري
وداها المستشفى وجابت تقرير انه كل شيء فيها سليم ونصحوه يوديها شيخ يقرأ عليها
وداها الشيخ وقرأ عليها وما ظهرت عليها أعراض ونصحه الشيخ يوديها المستشفى وقاله اول مرة تمر علي هالحالة
طبعا الزوج حاس بالذنب ويدري انه السبب دعوته عليها
هي قامت تكتب له مسجات كل يوم تحسسه بالذنب اكثر تقوله هذا جزاي يوم اصحيك للصلاة تدعي علي ؟ حسبي الله ونعم الوكيل وتبكي ، والحين كيف اصحيك ما عاد اقدر اناديك للصلاة
وقالها خلاص ما عاد اعصب وبقوم للصلاة ، قالته كيف قالها عادي هزيني بكتفي واصحى
ثاني يوم تهزه بكتفه ما يقوم وترش عليه مويه بارده ويقوم معصب لكن ساكت ما تكلم ، بعد فترة صار ينتظم بصلاته ويصحى من نفسه ، واستمرت على "صمتها" اسبوعين كل يوم فيهم يتحسن بأخلاقه أكثر وييتقرب منها اكثر ويتراسلون بالمسجات وبالاوراق.
بعد اسبوعين فجأة تكلمت وسجدت سجدة شكر لله وفرح هو من كل قلبه ووعدها يوديها العمره
الين اليوم يقولك ما يدري انها كانت تمثل
يا لبا قلبها .. هذه واحدة عرفت تلعبها صح وما تضعف وهي تشوفه حزين ويكسر خاطرها
__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929