المشاركة الأصلية كتبت بواسطة باريسا

مش عارفه ايش اقول

أنا ما أدري انتي ليش متمسكه في زوجك لهدرجة

لا تقولين حب .. ترى وربي بدت الكلمة تفقد معناها من كثر ما تبهدلت وتعلقت عليها كل الجرائم والآثام

زوجك مريض نفسي .. نفسه ملوثة من جميع الآثام والذنوب .. وإذا تصرف كذا نقول مو صاحي

بس حتى انتي تصرفك صار غير طبيعي .. لا يكون يعديكي من تصرفاته

تكلمين ابوكِ ولما جاء ابوكِ يبي يحميك ترجعين تكلمينه .. ليش

ليش ما تحمدين ربك أن عندك رجال يدافعون عنك !! عندك أب يقول ان ما و سعك البيت العين والقلب لك

ابوكِ تصرفه تصرف طبيعي .. تصرف رجال .. رجااااااااال عندها نخوة .. رجال عندها شرف

تتبي تحافظ على شرفها من مرمطة التراب الي حاطك زوجك فيه

ابوكِ يبي يرفعك وانتي تنزلين نفسك ..

ابوكِ يبي لك الكرامه ورفعه الراس وانتي ..........

ابوكِ يتصرف بكامل وعيه .. يتصرف معاكِ على أنك آمانة في رقبته مسؤل عنها أمام الله

وزوجك ما يدري وين ربه

كافي آخر كلمة قالها أن حتى ابوه ما قدر يربيه .. معترف أنه مو متربي

قولي لي :

لما تشوفين ابوكِ .. وتشوفين زوجك .. كيف تقيمينه ؟؟

ابي افهم انتي كيف عايشة معاه ؟؟

بقولك شي ..

خافي على نفسك .. لأن كثرة معاشرة الناس السيئين تعدي .. حتى انتي

بكرة تشوفين شرب الخمر عادي

كنه دخان .. صدقيني عيونك راح تتعود على القبح ومراح تقدرين تحسين بالفرق بين الجمال والقبح

الخمر وريحته عادي عندك .. راح تستمرئين شكل زوجك ..

لأني شايفه بوادر هالشي عليكِ .. صاير عادي عندك تعاشرين وتجلسين بالبيت معاه وتحبينه بعد

‏عن النبي ‏ ‏صلى الله عليه وسلم ‏ ‏قال

" ‏ ‏إنما مثل الجليس الصالح والجليس السوء ‏‏ كحامل المسك ونافخ الكير.. فحامل المسك ‏ إما أن ‏ ‏يحذيك ‏ ‏وإما أن ‏ ‏تبتاع ‏

‏منه وإما أن تجد منه ريحا طيبة.. ونافخ الكير إما أن يحرق ثيابك وإما أن تجد ريحا خبيثة "

هلين عرفتي ليش ابوكِ تصرف كذا

لأن ابوكِ بعيد عن هالاجواء الملوثة .. رؤيته صارت واضحه ويشوف الشي على حقيقته

لكن انتي من كثر جلوسك معه صارت عندك تشوش في الرؤية وضبابيه .. مثل زوجك

من عاشر القوم اربعين يوم صار منهم

طاوعي ابوكِ .. وخافي على نفسك