26-01-2011, 11:42 AM
26-01-2011, 12:23 PM
26-01-2011, 01:41 PM
|
المشاركة الأصلية كتبت بواسطة بنت الحكمي
الغاليه نبض الدان بعد إذنك لو تكرمتي أوجه شكري وتقد يري وإحترامي للأخت أمة البديع بيض الله وجهك يوم تسود الوجوه وبارك الله فيك وبارك الله لك في زوجك و جعله لك
كما تشائين وأسأل الله أن يعطيك حتى يرضيك يا أخيه كلامك درر و يكتب بماء الذهب فجزاك الله ألف خير على هاذا الرد الطيب والذي أتوقع وبإذن إن أختنا العزيزه والغاليه نبض الدان ستقرأه أكثر من مرة وبإذن الله تعالى ستجد ضالتها بين سطوره . وأرجع لك يا أحلى دانة في منتدانا نبض أنت إنسانه عاقله وواعية وأنت عارفه في قرارة نفسك إن الطلاق ليس بحل وزوجك لو قدر الله كان سكير أو لا يصلي أو يضربك ويسب ويلعن و طبعه قاسي جلف مايتفاهم وخائن وبخيل وفاسد في حياته فكلنا معاك بنقول لك تطلقي مثل هالزو ج ماعليه حسوفه لا كن يا أختي زوجك إنسان ملتزم ورجل يخاف الله ولايخونك و لايكذب عليك ولا يمد إيده عليك على عصبيته كلها وأنت بنفسك تقولي إن له إيجابيات وزوجك مشكلته في عصبيته والإنسان العصبي ينعدم معه الحوار والنقاش في وقت ثورانه فالأفضل إنك تختاري الأوقات إللي تحبين تناقشينه فيها في أي مشكله بينكم وأحسن شئ يكون كلامك كعتاب له وليس نقاش وتنتقي أحب الكلمات وأفضلها أثناء جلوسك معه ولازم تحطي في بالك بأن العصبيه هاذي طبع فيه وماراح يتركها أبد ولو تلاحظي عليه تلاقينه إذا صار معه موقف خار ج البيت وأستفزه بأي شئ مستحيل يمسك أعصابه أبدا أولا مشكورة لوقتك اللي منحتيه لي الله يعطيك العافية ثانيا يالغالية اتمنى تفهموني زين زين العصبية مو مشكلتنا الوحيدة هذا شيء والشيء الثاني طول السبع سنوات وانا متحملة العصبية وأحاول فيها بجميع الحلول كان قبل خمس سنوات لما يعصب ويستهتر يعتذر الحين ولاهمه اسلوبي لما يعصب اسكت ينزل كل اللي بخاطره علي بعدها يبرد هوو ترجع حياتنا طبيعية..طيب وبعدين.. وانا علي امتص كل يوم هذا فوق طاقتي خصوصا ان العصبية مو شيء يجي بالاسبوع مرة لا عالطالع والنزل يعني شيء ضروري ومن ابسط حاجة لاكبر حاجة لدرجة مرة قلت له ماعادت تفرق معي مهيوشه مهيوشه الله لايعوق فليش اتقطع لعيونك شخص ياناس مايشوف الاحسان ولايراعي حسن العشرة شخص ممكن ينسف كل شيء بلحظة واصير اسوء الناس بنظره إضيفي لها النقاط اللي ذكرتها فوق صارت تراكمات كرهتني فيه وبأهله اللي كنت اعدهم اهلي وأنت المفروض يا أختي سبع سنوات عشره كفايه لمعرفة طبايع زوجك والحين عندك بنت وأنت عارفه إن الطلاق مو من صالحك ولا صالح بنتك ولو قدر الله وتطلقتوا مابترو ح فيها إلا هالمسيكينه بنيتك وصدقيني بمجرد ما تبلغ سن الثامنه مدري العاشره والله إني ناسية العمر إلا بياخذها منك حتى لو أنت ماتزوجتي لأن البنت تعيش مع أبوها مو مثل الولد يخيرونه بين أمه وأبوه وأنت بنفسك تقولي إن بنته تخاف منه ومن عصبيته طيب لو طلقك وأخذ البنت وعاشت عنده بالله باأي نفسيه بتكبر هالبنت تتوقعي إنها بتحس بطعم الحب والحنان والأمان من ناحية أبوها أو أهله مثل ما تحسسينها أنت فيه نبض بالله عليك أمسكي بنتك وطالعي بعيونها وتأمليها زين وشوفي نفسك هل أنت قادره أن تخلين هالبنت تعيش يتيمه من أحد الوالدين رغم وجودهم انا ماعذبني الا هالبنت الله يخليها لي بس انا عجزت مااقدر اتحمل عايشين في الدنيا يانبض هاذا قدرك ونصيبك من رب العالمين فأصبري وإحتسبي ولك الأجر والثواب وعليك بالدعاء له والهداية تفكيرك بالطلاق ليس بحل يانبض الطلاق دمار نفسي وتفكك أسري ولو بحثتي جيدا في حياة زوجك ستجدين إنه يحبك ولاكن أسلوبه وعصبيته طاغية على هاذا الحب حاجبته عن الرؤية ما خلتك تشوفينه وكمان حساسيتك الزايده ماخلت فيك صبر وتخليك تاخذي أي كلمه من زوجك على محمل الجد وشكلك من النوع إللي يكبت بالنفس أي كلمه تسمعينها من زوجك ماتنسينها ومع كل خلاف وكل مشكله تتجدد ألآمك وجروحك مع إسترجاع ما مضى من مشاكل في حياتكم لم تناقشوها وتحلوها بل أغلقت عليها الباب وكل ماجاءت مشكله إنفتح ذلك الباب ووضعتيها في داخله والآن لم تجدي متسع وطفح بك الكيل وصرتي تفكري بالطلاق لترتاحي و هاذا ليس بحلا بالذات إن بينكم طفله وأنا أنصحك بأن تشيلي هاذي الفكرة من بالك نهائيا وحاولي إنك تعودين نفسك على الهدوء وقت غضبه وعصبيته وحاولي إنك تتبسمين بوجهه وهو معصب ولاتردين عليه أبد حتى لو سألك قولي له ياحبي لك وأنت معصب يازينك وحاولي تهديئنه و إعتبري يانبض إنه مو معصب عليك إنسي خلي نفسك وكأنه عصب على شخص ثاني أنت حاولي تكيفين نفسك معاه على هالوضع يعني وقت عصبيته لاتراديدينه و لا تناظرينه بنظره يفسرها غلط خليه يتكلم إلين يشبع هو يخاصم وأنت إستغفري خليه هو يصايح ويتكلم عليك وأنت إنشغلي بالإستغفار وخلي نفسك وكأنك ماتسمعينه صدقيني لوشاف هدوئك ورزانتك وصبرك إنه راح يخف تدريجيا من عصبيته وهذا اللي يصير ومن سنوات والوضع على ماهو عليه غير اني اقلمت نفسي على عصبيته يمكن مارديت عليه الا مرتين او ثلاث اما النظرات فمااحط عيني بعينه لما يعصب وليته جاب نتيجة وبالنسبه لأهله يا أختي أنتي إكسبيهم و تقربي منهم بالكلمة الحلوه الطيبه وخذي لهم هدايا وخصصي لهم يوم تزورينهم فيه أنت وزوجك وبنتك وجيبي معاك حلا وقهوه وإجلسي معاهم وسولفي وإضحكي وأضهري محبتك لهم وإحترامك لهم ولوجاؤك زياره شيليهم شيل وأهتمي فيهم زين بإذن الله تعالى راح يتغيرون معك حبيبتي والله كل اللي قلتيه اسويه واكثر اعدهم مثل اهلي والحمد لله عمرهم ماشافوا مني كلمة سيئة او تصرف غلط نزورهم بالاسبوع مرة ومن طيب اخلاقهم طيلة السبع سنوات ماصاربيننا شيء الا سالفة ابوه وامه الله يهديهم يارب واحب اوضح نقطة ممكن تفيدكم:ابوه وامه مايعتمدون عليه كأنهم يعتقدون انه مايحسن التصرف وهالشيء لاحظته بعد الزواج يتدخلون بكل شيء ناحيته عكس اخوه الصغير هو مشيهم على كيفه ويسوي كل شيء من غير مايرجع لهم ولايناقشونه و عليك بالإستغفار والدعاء بأن الله يهديهم ويسخرهم لك و يحبونك مثل بنتهم بالنسبه للخلفه يا أختي هاذا رزق من عند الله وأنت خذي بالأسباب و تعالجي بالرقيه الشرعيه و تصدقي عليك بالصدقه فإن فيها خيرا كثيرا وداوء مرضاكم بالصدقه لعلا ربنا يشفيك و يثبت حملك والحمدالله رب العالمين عندك بنت الله يخليها لك و لا تيأسي من رحمة ربك الله كريم ربنا رحمته وسعت كل شئ إدعي ربك وربنا مايخيب رجاء مسلم وواصلي علاجك عند الدكتوره إللي تتابعين عندها و اللي قاسمه لك ربنا بيصير هدي أعصابك وريحي بالك و شيلي هاذي الفكره من رآسك نهائيا الله يسلمك ويكتب الخير وشوفي من شاف مصيبة غيره هانت عليه مصايبه شوفي قصص الحريم إللي في المنتدى معانا وشوفي مآسيهم وبلاو يهم مع أزواجهم و الله يانبض لتحسين بعدها إنك في نعمه من الله وتذكري يا أختي بأنك لاتهدي من تشاء ولاكن الله يهدي من يشاء أحسني الظن بالله وأدعيه و إلجئ إليه فهو مقلب القلوب ربنا قادر أن يهدي زوجك و يصلح شأنه معاك ثما يا أختي أحيانا الرجل يتعرض لضغوط في عمله أو ضغوط ماديه ونفسيه و يعصب غصب عن إرادته في إللي حواليه وأنت أقرب الناس له لو ماتحملتيه وصبرتي معاه ووقفتي معاه أنت من غيرك بيحتو يه و يهد يه و يواسيه و يطيب خاطره إذا تضايق من شئ أوصار معه شئ لقدر الله . أختي الغاليه نبض الدان هاذي الدنيا كذا مهما شفنا فيها من سعاده لابد وإن هناك توجد بها تعاسه و مافيه أحد من الرجال أو النساء كامل والكامل الله سبحانه وتعالى إنتبهي لبيتك و عشك عش الزوجيه و إذا كان في زوجك قصور فكمليه أنت في سبيل نجاح حياتك الزوجيه أهم شئ قافلة حياتكم تسير و المرأة يجب عليها أن تتحلى بالحكمة والصبر وتضمد جراحها بنفسها لأجل فلذة كبدها أبنائها وتضحي بسعاد تها من أجلهم لأنهم هم ثمرة سعا دتها في المستقبل . أختي نبض العذر والسموحه أطلت عليك كثيرا أرجوك ثم أرجوك فكري بإبنتك أولا و بسعادتها وراحتها و إستقرارها. أسأل الله عز وجل أن يهدي زوجك و يرشده لما فيه الخير والصلاح لنفسه ولأهل بيته يارب أسألك أن تصلح حالهم وتيسر أمور حياتهم وتجعلهم في سعادة و رخاء و إستقرار وتنزل عليهم السكينة والطمأنينة في قلوبهم وحياتهم يارب العالمين . |
|
المشاركة الأصلية كتبت بواسطة روعة المعنى
عزيزتي نبض ..
حياك الله .. مشكلة زوجك مو فقط العيوب الي ذكرتيها مشكلته مشكلة الكثير من ابناء شعبنا الكريم .. التنكر للاخطاء والتعامي عنها .. زوجك مو راضي يصحح سلوكياته الغلط .. اذا تبينه يتغير اول شي لازم تسوينه انك تقنعينه ان كل واحد فيه عيوب لازم تتغير للاحسن قدر الامكان عشان تمشي الحياة .. اذا لسا فيك صبر ولسى تحبينه ( وانا اتمنى هالشي ) فاقترح عليك شغلتين : كل ما طول لسانه لا تردين .. ولا تطالعين فيه حتى .. عتب صامت .. كرري هالحركة شوفي من رابع او خامس مرة وش يصير .. ان شالله بيستحي على وجهه وبيحس انه زودها مجربة لاتأثير الله المستعان الشي الثاني .. لمن تجين تصارحينه اختاري وقت مناسب .. وابدي بنفسك اول يعني لاتقولين من اولها : انا ملاحظة عليك كذا وكذا ويا ليت تسوي كذا لا .. جيبيها من تحت لتحت يعني مثلا قولي له عن غلطة يسوونها بعض المتزوجات (افتحي الموضوع بشكل مناسب ) .. وهو بياخذ راحته بالحكي .. بعدها قولي له طيب انا فيني هالاشياء ؟؟ فيه شي مضايقك مني .. بيقول لك بعدها .. ابدي انتي من تحت لتحت قولي يا ليت ماتسوي كذا لو تقول كذا نبض ترى احيانا طريقتنا بتوجيه الناس لاغلاطهم تكون غلط .. تكون بشكل مهين وحنا مانحس بانفسنا عشان كذا ردة فعلهم تكون عنيفة .. اذا زوجك مقتنع بغلطه ومقتنع بانه يتغير للاحسن .. كذا تمام لكن اذا زوجك ماهو مقتنع وكل شي عنده تمام .. ماني قايلة لك ابلعيها واسكتي زي الباقين !! لا يكلف الله نفسا الا وسعها الزوجة ماهي مطالبة بالسكوت عن سوء العشرة .. وما راح يعاقبك ربي عشان رفضتي تعيشين مع انسان ما يحترمك .. بامكانك تنفصلين عنه .. لكن خلي الانفصال اااااااااخر الحلول بعد ما تجربين كل الحلول السلمية .. الله ييسر لك امورك |
26-01-2011, 01:44 PM
|
المشاركة الأصلية كتبت بواسطة البليغ
هل تريدين الطلاق؟
أم تريدين الرجوع لزوجك؟ ::: أريد إجابة واضحة |
26-01-2011, 02:05 PM
26-01-2011, 05:12 PM
26-01-2011, 06:24 PM
26-01-2011, 07:31 PM
26-01-2011, 07:56 PM
27-01-2011, 12:21 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
