اولا السلام عليكم ورحمه الله وبركاته


ثانيا انت تقول يااشيل الفكره من راسي والا اتزوج وارتاح


طيب يمكن تشيل الفكره من راسك وبعد فتره راح ترجع لنفس التفكير


واعتقد انك ماراح تشيل الفكره من راسك لان لك عشره سنوات وانت ماشلت الفكره من راسك ماهو معقوله بين يوم وليله راح تشيل الفكره منها باالسهوله


انت اجلس مع نفسك واسالها هل اتزوج ام اقدر ان اشيل فكره الزواج من راسي


فاذا وجدت انك غير قادر على ازاله الفكره من راسك

توكل على الله وتزوج وقبل الزواج استخير الله وقم الليل وادع الله ان يرزقك ببنت الحلال الي تحبها وتحبك


فاذا كنت قادر ان تعدل بينهن في كل شئ توكل على الله وتزوج وهذا مافيها شئ لاحرام ولاعيب فكل شئ محاسب عليه من ناحيه العدل بين الزوجات الا الميل القلبي فهذا فلا لوم عليك فيه

فا انا صراحه استغرب من بعض الردود الذين لايؤيدون الزواج من الثانيه اذا كانت زوجته الاؤلى غير مقصره من جميع النواحي

يعني الئي تكون زوجته كامله من جميع النواحي حرام يتزوج عليها ويعني خلاص يخرب بيته وتنتهي حياته


فهذي حياتك وانت ادرئ بها والانسان الئي واثق من نفسه ومن الشئ الذي يفعله انه لاشئ فيه راح يسهل الله لك فيه


فاذا تزوجت بمن تحبها راح تريح عقلك وقلبك وراح تبقى ام عيالك ببيتها معززه ومكرمه

وباالتوفيق ان شاء الله

__________________
حقيقه صفحتي بيضا ولاعمري جرحت انسان
اساير وقتي القاسي بظلم وغيظ عدواني
ولااذكر شكيت الحال لاي انسان مهما كان
اخفي قصه الحرمان عن القاصي وعن الداني
اجامل وابتسم للناس وانا كلى شقى واحزان
اقاوم دمعي ولكن عيوني حيل تفضحني

سلام عليكم اخي ابو مروج اني من رايي ان لا تتزوج لانك جربت حظك وطلع زين والحمد لله زوجه صالحه وخلوقه وانت اعرف بها من عندنا لانها امامك الان وكل يوم سوف تكتشف شئ جميل فيها لانها تحمل اخلاق عظيمه كما ذكرت انت لانه اهم شئ في الزواج هو الاخلاق الحسنه من الطرفين وليس الجمال ومدام تعلقت بها فانت تحبها والحمد لله والله يوفقكم

أنا توقعت اني بحصل مشكلة مهمة .. والمشكلة اللي انته فيها تراها من صنع خيالك وعاطفتك اللي من كثر ما هي متأججة بفضل الله ثم زوجتك اللي علمتك معنى العاطفة .. !!

أخوي .. انت تتوقع ان اللي تزوج ثانية بسبب الحب والعواطف وعصافير الكناري والأفلام الهندية اللي كنا ايام تلفزيون ابيض واسود نشوفها .. بتعمر معاك العمر كله ؟؟ والا هي نزوة تحب انك تعيشها وتوهم نفسك انك عايش حب أفلاطوني ؟؟


كلامي مب تهجم عليك .. بالعكس اخوي .. انا احترم الريال اللي ينزوج مرة ثانية وثالثة ورابعة .. وانا من المؤيدين لفكرة تعدد الزوجات .. بس على شروط محددة .. حددها لنا الشرع واللي أجازه الشرع (بالعقل) ما نحرم احنا يالبشر ..!!


انت تقول (((بعد الزواج لم اشعر تجاهها بشعور الزوج ناحيه زوجته كنت احترمها و اقدرها و لا عمري غلطت عليها لكن المحبه بمعناها الصحيح لم تكن موجوده )))
وشو هو شعور الزوج تجاه زوجته .. اذا فرضنا انهم تزوجوا بالطريقة التقليدية ((وانت زواج كان بالطريقة التقليدية يعني لاحبيتها قبل الزواج ولا تعرفها من الأساس))... تعتقد انه بيكون ميت عليها والا هي ميتة عليه ؟؟ لا بالعكس .. بيكون الحترام موجود ..والطيبة موجودة إلى أن يثبت العكس .. وذيك الساعة تبتدي المشاكل وعوار الراس .. وهذا هو اللي صاير معاك .. بس من دون مشاكل وعوار راس ((بعيد الشر)) .. والمشاكل وعوار الراس انت اللي تلقه على حساب بناتك ونفسياتهن .!

وقلت ((وهي كانت تحبني وتعلقت فيني بشكل كبير خاصه انها كانت مع امها عند اخوها الكبير و لم تكن مرتاحه معهم ))
هذا هو شعور أي بنت أول ما فتحت عيونها على الدنيا ما شافت الا ابوها .. ومن بعده انته .. شي طبيعي انها تتعلق فيك .. لانها شافت الدنيا بشكل ثاني بفضل الله ثم بفضك .. وعلمت على ايديك وعلمتك على اياديها .. بما انكم من نفس العمر ... شو تبغيها ؟؟ ما تتعلق فيك ؟؟؟؟ الا تتعلق ونص بعد .. وهذا مب غلط في حق نفسها ولا هو غلط عليك .. بالعكس .. هذا دليل على انها شاريتنك بكل ما فيها من عاطفة .. !!

وقلت ((و انا للأمانه تعلقت بها مع مرور الوقت لاخلاقها الفاضله )) .. ولو كانت مثل بنات هاليومين ((اللي بيطيروا العقل بدلالهن وغنجهن على قولة اخوانا الشاميين)) .. اللي ما لهن شغلة ولاعملة في يومهن بعد الزواج الا مطالع التفلزيون .. والخروج والدخول مع صديقاتهن .. والكلام الفاضي .. كنت اساسا بتتعلق فيها ؟؟؟ كنت على الاقل بتردها بيت اهلها .. وبتقول ((خذوا بنتكم .. وربوها علشان تكون ربة بيت وأم صالحة لعيالي)) اللي هي زوجتك الحالية.. وكانت زوجتك الحالية في نظرك ساعتها فتاة أحلامك اللي تاخذ العقل والروح ..!!

يمكن اللي صايبك ملل زوجي .. كلنا مرينا فيه .. وحسينا انه نهاية العلاقة الزوجية .. وصيرنا الطلاق .. لانه ما عاد هناك أي عاطفة .. بس تعرف شي ؟

اذا تبغي تحس انك تحب زوجتك حب جنوني .. حط نفسك في تأملات .. وتخيل أشياء مستحيل انها تستوي .. مثل
1_ تخيلها مع زوج ثاني .. بعد ماتزوجت انته طلبت الطلاق وتزوجت غيرك..
2_ تخيلها اختفت .. شردت من البيت لأسباب غامضة..
3- تخيل انها مرضت ... (((بعيد الشر عنها يارب))) .. مرض شدد قالوا الأطباء إنها بتفارق بعد شهر .. شو ممكن تسويلها في هالفترة ؟؟
4_ تخيل انك انته مرضت .. ((( بعيد الشر عنك يارب))) .. هي شو ممكن تسوي لك في هالفترة؟؟
5_ تخيل انها تغيرت عليك .. وصارت سليطة لسان .. ومحد يسلم من لسانها حتى امها ..!
6_ تخيل انها طلبت الطلاق لعدم استطاعتها تحملك أكثر عن اللي تحملته منك.. ((وايد يسوونها))!



تخيل أسأ الأمور ممكن تحصل لك .. خيل أي شي .. أي شي ممكن خيالك يوصلك له .. حتى لو كان قاسي عليك .. شو بتكون ردة فعلك ومشاعرك من ناحيتها ؟؟


وتخيل فوق هذا وهذا .. انك تزوجت .. ولا فلحت في حياتك .. أكيد بتدور على حب ثاني وثالث ورابع .. لين تحل مشكلة العنوسة في الخليج .. بمشكلة ثانية .. زيادة عدد المطلفات .. ؟؟

وشو ممكن تتخيل في أي مرأة ثانية ممكن يخليك تحبها .. مب موجود في زوجنك ؟؟
الحرمة هي نفسها الحرمة .. مهما تغيرت الأماكن والظروف .. من أقاصي الأرض لأقاصيها .. الحرمة بتم حرمة .. مهما درت على حب يديد والا قديم .. في النهاية بتكون النتيجة وحدة .. لانك ما تدور على زوجة تحبها .. لانه لو كان فيك عاطفة كان حبيت هالمسكينة اللي في بيتك .. انت تدور على علاقة مغلفة بإطار الزواج .. علاقة تخلق فيك نوع من الأنانية ..

و اهم شي ما تنسى تتخيل ان لو كان الموضوع منقلب عليك انته .. وهي زوجتك اللي ما تحس من ناحيتك بأي شي .. على الرغم من انك مب مقصر في أي شي .. من ناحية الدلال والدلع والاحترام .. وحسن التبعل .. وكامل والكمال لله (( ماشالله عليك )) ويتك زوجتك .. قالت لك أنا ما أحس اني احبك .. طلقني علشان اقدر أحصل الحب اللي يهز كياني ويزلزلني من الأعماق .. ولا اني قادرة احصله وأنا زوجة لك .. لاني بهالطريقة أخونك .. شو بيكون ردك ؟؟؟


والسموحة على الإطالة . بس الموضوع نرفزني بصراحة

بسم الله والصلاه والسلام على رسول الله صلى الله عليهوسلم

يقول الله (( ومنءايته أن خلق لكم من انفسكم أزواجا لتسكنوا إليها وجعل بينكم مودة ورحمة))

لو تمعنت بالايه تجد ان الموده والرحمه اتت بعد السكن ولم تتأتي قبل السكن

وهذه سنة الله في خلقه

فيا ايها الحبيب اعلم ان الف من يتمنى مرأه مثل زوجتك

واعلم انها تحبك لانها تمنت سعادتك حتى لو كانت مع غيرها

واعلم انها تقطعت من داخلها ولم تبين لك

فيا اخي راجع نفسك

وان كنت تحب الشقاء والبلاء وغيره فلتتزوج الثانيه ولكن اعدل لكي لا تحترق بنار جهنم يوم القيامه

والله اعلم

السلام عليكم
يا اخ ابو مروج
انت عامل حاجز نفسي ومانع نفسك انك تحب زوجتك
خلاص حطيت في بالك انك ما تقدر تحبها
مع انك تقول انك متعلق فيها
وش تعريفك للحب اذا ما كان تعلق
هل حاولت انك تحبها ..هل كان بيتغير شي في حياتك لو كنت تحبها
آسفه ان كنت حيرتك او ازعحتك
هذي اول مشاركه لي بس علشان ارد على موضوعك

cherry pie

السلام عليكم ورحمة الله تعالى بركاته
انا من رآي لا تتزوج لانك ستخرب بيتك بنفسك الله يهديك ويبعد عنك الشيطان

الازوردي

مادامت زوجتك قد وافقت وأنت لديك الرغبة فتوكل على الله فليس هناك ما يمنع ..

بالعكس ستحل مشكلة العنوسة التي طفحت في المجتمعات وأصبح دائها خطرا جسيما عليها ..

__________________

سبحانك اللهم وبحمدك٠٠ اشهد ان لا اله الا انت ٠٠استغفرك واتوب اليك٠٠

والله أنا أقول أنه زوجتك هذي ما تتعوض بثمن .. وبعدين العادة الواحد لما يحب يتزوجد يبدأ يحفر يطلع عيوب في زوجته حتى لو ما فيها عيوب بس عشان يبرر زواجه الثاني ..بس أنا اللي أشوفه انه أنت أبدا ما ذميت في زوجتك وهذا مب لأنك شهم وعند شيمة لأ .. هذا لأنه زوجتك الظاهر من النوع اللي من كثر طيب أخلاقها وسمو روحها ونفسه الطيبة ما خلت لك مكان تذكرها فيه بسوء ..فالحين انجي للمشكلة هل اتحس انه زوجتك مللك بس ولا هي ملك لأهلك وأخواتك والبيت بحيث ما فيه هذاك الوقت الرومانسي اللي اتحس انك ممكن تعيشه مع زوجتك لأنك من كلامك عنها اتوقع هي ساكنة مع أهلك وأتوقع انها مسؤلة عن البيت وتسمع مشاكل خواتك وغيره وغيره لحد ما صار الكل متعلق فيها إلا أنت لأنه أنت ما خلقت الفرصة اللي ممكن تحبب نفسك فيها ..يعني انت ابدا ما ذكرت أنت كيف معاملتك معاها هل انت لك بعض التصرفات الرومانسية وياها ولا لأ تنتظر دايما هي اللي تبادر لأن شكل زوجتك من النوع المعطاء وانت من النوع اللي ياخذ ولا يفكر كيف يعطي ..طبعا هذا استنتاج ممكن يكون صح ويمكن يكون خطأ وأنت اللي ممكن تحكم . بس أنا أقول أنك أنت ما عطيت نفسك فرصة تحبها وتعيش معاها الرومانسية الحقيقية أنت بس جلست أتشوف هي كيف مع أهلك ومع خواتك وتطمنت انها وايد زينه معاهم وأنها حبتهم وحبوها ونسيت نفسك ونسيتها أنها جدام كل هالعطاء لأهلك هي محتاجة لعطائك .. وفي النهاية تبغي عطائك يكون زوجة ثانية وتبغينه نوافقك عليه بس لأنك ما عشت فرصة الحب مع زوجتك واللي انت حرمت نفسك وحرمتها منها ..أنا أقولك انه علاقتكم تحتاج الى تجديد عاطفي ولازم انت اللي تسعى فيه وتبدأه عشان اتروح عنك فكرة الزواج الثاني .. لأنه الزواج الثاني مب دايما علاج لمشكلة عاطفية (طارئة)

يااخي مادامك مبسوط مع زوجتك ليش تبي تخرب بيتك بيدك وتصير مثل الطير الي يزن على خراب عشة
وانت اشعل الحب بينك وبين زوجتك عن طريق رسائل الجوال وغازل زوجتك حتى هي تغازلك وبكذا
تشعل الحب بينكم وراح تحس بحب عظيم لزوجتك.