اخوي مشكلتك الأساسيه الفراغ الحياه مو بس جنـ.....
لا بالعكس فيه أشياء كثيره لكن متي الواحد قلب عينه في الحرام وفراغ خلاص تفكيره كله كذا
زوجتك تحملت معك ولا لك الحق تجازيها بضره
اقتباس:
لكن يعلم الله اني اعز زوجتي جدااااا واحترمها واخاف على مشاعرها ولا انسى فضلها ... لكن من ارضي زوجتي والا اللي خلقها
|
ترضي ربك بس بزواج حافظ علي صلاتك في وقتها والنوافل هذا رضا رب العالمين وبتنسا الزواج الثاني
اقتباس:
والشي الثاني يا اختي يكون ستر للمرأة الثانية وانتي خابره ظل رجل ولا ظل حيط
|
أستغرب هالمثل ألحين إلي تتزوج رجل غير صالح وتتعذب يكون ظله أحسن من الحيط
أخوي أنت زواجك كله بحث عن الجنـ....
يعني مو عشان تستر علي بنت ومحتسب الأجر بلا تبرر رغبتك بالأجر
وإذا تبي الأجر وتسوي خير أستر علي ولد وبنتك ورح ساعد واحد من الشباب العازب وخله يعرس وتسعد قلبين
يعني لو نجي للواقع أساس العنوسه الشباب مايتزوجون وتكلفه الزواج عاليه جدا
مهر وبيت وأثاث وأشياء كثيره مو كل شاب يقدر عليها إلا بقطعت الروح وأنت جربت
لا نسوي مثالين وبنرضي رب العالمين وبنستر علي بنات الناس وهذا مو صحيح
أنا مو ضد التعدد يمكن التعدد يحل مشكله فيه زوجات العيشه معهم لا تحتمل وفيه زوجات لسانهم ينقط سم
وفيه زوجات مريضات وماتقوم بحقوق الزواج وفيه زوجه عقيم
التعدد مباح لكن مو سنه ولا هو واجب
أنت سو الواجب عليك وبعدين فكر تروح تسوي خير وتستر علي بنات الناس
وبعدين انا مااااشفت أحد معدد ولا طلق إلا إلا إلا النااااااادر غالبا يطلقون خاصه الشباب
يعني سنه سنتين ومطلق والحرمه ضعيفه والله يلعبون في بنات الناس ومسوين بنستر عليهم
حرام والله هذا الإثم بيعنه تكسر قلب ثنتين
مايعدد إلا رجل مقتدر ماديا جدا جدا وإضافه لكذا مايحب زوجته الأولي يعني مو تأثر فيه ويترك الثانيه
وإلا بس يجيها يفرغ شهوته ويروح إهي إنسانه مو جماد حرام والله مو هذا هدي الرسول اللهم صلي وسلم عليه
وأخر تعليق تفضفض
الله من الفراغ والله يعني هذا قضيه الأمه ألحين أعدد وكل تفكيركم حريم وتعدد وزواج مو كل الحياه كذا
وأنتو مو حول أسرتين ولا عندكم القدره علي مصاريف والمسؤليات الثانيه
مثلا ولدك من الزوجه الاولي مرض رح وده للمستشفي الثانيه تعبت بنتها ودها ومدري إيش
شي متعب مقابل متعه دقايق وغير التعب النفسي للأولي والثانيه ولك أنت ولا تتوقع أن الحرمه إلي متزوجه معدد ترتاح
بس وش تسوي خلاص تمشي حياتها وأسال كل زوجه زوجها معدد تقول عذاب
الله بس لا يحدني ولا خواتي وحريم المسلمين نوافق علي معدد وإلا تجي فوق راسنا ضره
أمين يارب العالمين
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه