اخواتي عند اول مولود يبطلون يجون وقت سفر ازواجهم ..
والطريقة انهم يماطلون لحد مايجي الليل بعدين يقولون عادي بننام وبكره ان شاءالله نجيكم وهكذا
بعد ليلة او ليلتين يقولونها بالوجه لامي انه اريح لنا وانتم قريبين من عندنا والاولاد يزعجونكم ويخرب نظامهم الخ ..

بس صاروا يخلون السواق يجيبهم مثلا وقت العصر والمغرب من كل يوم نقريبا يعني قهوة مع الاهل وعشان ماياخذون بخاطرهم ..

انتي ماسويتي شيء غلط ليه تخافين ! قولي حمدلله انتم قريبين والابواب اقفلهع كويس واريح لي واريح لعيالي اذا نمنا ببيتنا

غريبه دامك بنفس العماره ليش يمنعونك
تجلسي في بيتك
من حقك تجلسي في بيت زوجك افضل واريح
لك ولاطفالك
طيب اقضي النهار كله عندهم وبالليل انزلي
بيتك قولي ماابغى ازعجكم بالاطفال خاصه
انهم يسهروا

__________________

أهلكِ يبالغون جداً!

وحقيقة لا يستوي الخوف عليكِ والإصرار على المبيت عندهم .. مع التنغيص عليكِ والتذمر من أبنائكِ!!


على كل حال موقفكِ صحيح تماماً .. ولو كان أهلكِ خائفين عليكِ فليأمّنوا مداخل البيت جيداً.

__________________


اللهم طِيبَ الأثر .. وحُسْنَ الرحيل.

ماعندنا حرمة تسكن لحالها لازم رجال يكون معاها اسمعي كلام اهلك ولا تعانديهم

_ هذا الكلام ينطبق اذا كانت المرأه بعيدة عن اهلها
لكن الاخت ساكنه بنفس البيت بالدور الاول واهلها فوق

_ايش يمنع تجلس في بيتها وقت غياب زوجها ؟!

_ وايش يمنع تتطلب من اختها تجلس عندها ؟!

__________________

اشكر كل من رد علي
الله يوفقكم وينولكم كل اللي تتمنونه
.. لازلت متردده وخايفه افتح النقاش مع
الوالده
لاني امس سهرت مع اختي في بيتي
ماجت الساعه 1
والا جائت الاتصالات
لين متى يالله اطلعو😯
هذا من اولها الموقف هذا خلاني اشيل هم اكثر
الله ييسر الامور

والدتك حريصة بزيادة عليك، وتخاف عليك ، واتوقع هي من تحمل مسؤليتكم
_ هل والدك موجود ؟!

__________________

اختي الكريمة

تبغي تعرفي السبب لرفض والدتك ان تباتي عندهم وقت ما زوجك يسافر
لما تكبري وتزوجي بناتك باذن الله وازواجهم يكونوا مسافرين وقتها حتعرفي

خذي القصه الواقعيه الصغيره هذه
في واحد متزوج ساكن عند ابوه في شقه منفصله ومره خرب عليهم دش التلفزيون وطلع السطوح في عز الظهر في عز الحر يصلح الدش ابوه شافه وجالس يصيح عليه يا ولدي انزل يا ولدي انزل جيب واحد يصلح لك الدش واخونا في الله مو راضي يسمع كلام ابوه
قام ابوه دخل بيت ولده وجاب حفيده الرضيع وطلع واياه للسطوح عند ولده العنيد
لما شاف الزوج العنيد ان ابوه جاب ولده الرضيع للسطوح في عز الشمس الزوج قام نزل بسرعه ويقول لابوه حرام عليك تعذبني بولدي
رد الاب عليه
زي ما تحرق قلبي على خوفي عليك
حبيت احسسك كيف الخوف على الضنا
مهما كبر الولد او البنت واتزوجوا وخلفوا
يضلوا صغار في نظر ابهاتهم وامهاتهم ويخافوا عليهم

اللهم احفظنا لامهاتنا واباءنا
واحفظ امهاتنا واباءنا لنا
اللهم ارزقنا برهم يا رب

ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء

ان مع فكرة انه اذا سافر مره ثانيه لاتعطينهم خبر إلا بعد كم يوم ومع الايام بيتعودون.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

اللهم امين يارب العالمين...

صحيح كلامك ميه باليه ومقتنعه فيه
وقلبي مو مطاوعني اساسا اسوي هالشي
لكني اتخذت قراري بسبب ضغط مريت فيه لفتره طويله
نحملت وتحملت لين بدأ يبان علي في صحتي
صرت ابي اخفف عليهم حملي الثقيل
صرت انزل وقت الغدا انا وعيالي اطبخ لهم وااكلهم وبعدها يكونو روقو
ف اطلع عندهم
عارفه تفكير الاهل وخوفهم واكيد اني حاسه بما انه عندي عيال الحمدلله
لكن مين يتحمل التضييق والكلام من كل جهه صرت احس اني ثقيله
احاول اتبع نظام اقلل فيه جلستي عندهم
ابتعادا من المشاكل واني اسمع كلمه جارحه
الوالدين على راسي وعادي لو سمعت اي شي
لكن الاخوان اللي يجي منهم جروح تهد الحيل ترى.

قصتك بجد أثرت فيني اكثر
الله يرزقنا بر والديننا يارب
جزاك الله خير