جزاك الله خير احبه وهذا المتأمل منك

الله يسعدك

وبالنسبه للشغاله وقت استضافتهم

اتركيها لوقتها لكل حادث حديث ان شاء الله

دامك نويت خير ربي بيوفقك ويفتح الأبواب بوجهك ان شاء الله

الله يرزقنا بر والدينا أحياءا وأمواتا

لك خالص محبتي ودعواتي بالذرية الصالحه الطيبه الباره المباركه عاجلا غير اجل

تصدقين احبه

حياتك كلها ستحل بها البركه بمجرد قدوم الوالدين والبر بهما فهمًا والله بركة البيت والحياة 💕

جزاك الله خير ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يهديك ويصلحك اعملي بأصلك وتربيتك وبري في أمك واتركيه يبر في أمه بطريقته ولا تجيبين سيرة فلوسك .

تذكري ما ترسلينه من إحسان يعود إليك 🌹🍃

__________________

احبه
من اللي راح يجيك الحين
امه و الا ابوه و أمه. لان اشوف تتكلمي بصيغة الجمع؟

وش رد عليك لما رسلتي له ؟

لما ربطتي الامر بالتفكير في مستقبلكم و التوفير المادي. رغم ان لهم تأمين بالمستشفى اللي رايحينها
و الحين امه و ابوه بيناموا في غرفتكم ؟

__________________

انتي طيبه احبه
بس مشكلتك عجله
شي يتعلق بزوجك تندفعين وتزعلين بشكل غريب
تعلمي الصبر والثقل
وطوله البال
حرام قلبك الطيب تخسرينه بردود افعال متعجله
الواحد دايم يقدم الطيب ويصبر
واحتسبي كل الامور لله تعالى

انا ما ادري ليه الزوجات ما يفهمون ان بر الام واجب على الولد .، طيب اذا اخواني مقصرين مع امي يعني اكون مثلهم !؟
انا عانيت من هذا الشي مع زوجتي كانت تزعل اني اهتم في امي وابويه لان اخواني مقصرين معاهم .، طيب اذا مقصرين انا اقصر !!!
ما تعرفون ان الولد ما يبغى يجرح امه ويخليها تطلب احد ويقصر معاها او يتأخر عن خدمته لها .،
يا زوجات الدنيا سلف ودين مثل ما تساعدين زوجك في بر امه بيجي اليوم زوجة ابنك تحرص عليه وتضغطه انه يبرك اذا شافت منه قصور لك .

و هو كيف راح يحل مسألة الاهتمام بوالديه وقت الدوام؟

__________________

الرجاء من جميع الاخوة والاخوات الالتزام بقوانين المنتدى التي تمنع..

7 ــ التدخل في خصوصيات الآخرين كالأمور الشخصية لأحد الأعضاء أو الإداريين, وكذلك نشر الشائعات, أو التحريض على الآخرين بأي وجه.

20 ـ النقد غير الموضوعي الذي يوجه لذوات الأعضاء, أو التعرض لهم بالتجريح أو الجمل الاستفزازية والتهكمية.

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

يا أختي اعملي بأصلك وزين اللي سويتي ..خليهم يجوا وقومي بهم وقابليهم وأحسني ضيافتهم صدقيني اذا شافك سويتي كذا مع أهله
هو بيخجل من أهلك وبيعاملهم أحسن معامله ..وانتي بعد صيري مثله أمك وأبوك خليهم الأوليه في حياتك...ومو لازم اهله يناموا في غرفتك ..اذا عندك غرفة فاضية في البيت جهزيها من أحسن مايكون وخلي أمه وأبوه يجلسوا فيها وانتي لك غرفتك ..وجيبي شغاله تساعدك بعد وصدقيني كلها أيام ويرجعوا ولكن راح يتذكروا طول عمرهم حسن معاملتك ..في النهاية مالنا الا الذكر الطيب اذا رحلنا عن هذي الدنيا..

رغبتك بالتغيير ممتازة ، اهنيك عليها
بالنسبة لنومهم بغرفة نومك (انا ماراح ارد على الردود اللي علقت ع هالنقطة)
لكن بقولك شي من واقعي
عندي بنت خال امي صدفة صار لزوجها عمل
بنفس المنطقة اللي انا ادرس فيها بعيد عن اهلي
و رحت انام عندها امس ع اساس تغيير جو
و طبعا ك ضيفة توقعت يحطوني بالمجلس او الصالة
تؤمنين بالله خلتني انام بغرفة نومها هي و زوجها
و طلعوا ناموا بالصالة هي وياه !
انا للحين و انا اكتب مو مصدقة اللي صار
حتى كلمت امي و انصدمممت من كرم ضيافتهم

اذا قمة كرم الضيافة عندكم انك تحطينها بغرفتك
ترا والله ماراح تنساها لك ، و كل شي عند الله محسوب
و اتوقع هذا هو الاحسان في اكرام الضيف

اشكر اختي صاحبة السعادة ع ردها
الحمدلله ان ربي ارسل لك ناس يذكرونك بالله
يا صاحبة الموضوع

اخيرا لي تعقيب ع رسالتك لزوجك
احس فيها نوع من النكد و الاستفزاز و الدراما
انا اصدقك القول .. تخيلت نفسي مكان زوجك
راح يقل مقدارك عندي و اقل شي راح تستفزيني
و الشخصيات اكيد تختلف
لكن المقصد اختاري كلماتك بعناية
و ابتعدي عن النكد و الاستفزاز .. اسلوبك جدا مستفز و يغم.
اتمنى تعتبريه نقد بناء.
( اذا حابة ابين لك مواطن الخلل بالرسالة انا مستعدة)