تصدقين بسببك رحت امس سويت لي صفحه صراحه مافيه شي عادي جداجدا شكرا لك على تذكيرنا
|
شوفي حبيبتي أنا أكتشفت أن زوجي مشترك بالفيس بوك هذا كنت أسمع فيه بس ماأعرف ايش هوه بالضبط
عرفت عن طريق أيميله تجيه رسايل بالبريد شخص يريد أضافتك ومن هالنوع ودخلته لأني أعرف الأرقام السريه الخاصه بزوجي والحمد لله مالقيت أي شي يضايقني ماشاء الله تبارك الله وحتى مايدخله ألا ناااادراً ونادرً جداً كمان لكن أللي أنصدمت فيه أصحابه أللي ضايفين كل أشكال وأنواع النساء وسواليف معاهم ومزح كأنهم أصحاب فكانت صدمتي في بعض أصحابه قويه مو كلهم طبعاً لأني أعرف زوجاتهم ومتأكده لو عرفوا ماراح يرضيهم الشي هذا مالقيت لزوجي اي شي من الأشياء هذي الحمد لله أولاً وأخيراً وبين كل فتره وفتره ادخله بدون مايدري وليومك هذا ماقالي ولاأتوقع حيقولي أتوقع حتى أنه ناسي أنه مشترك فيه |
لكن هناك فيه تعارف بين الجنسن وفيه اضافات وبعض المتزوجات تعبن وهن يراغبن ازواجهن خوف انه يضيف بنات اعرف الكثير يسب هالموقع بالرغم فيه من اهل الصلاح ولكن للدعوة وليس تعارف واصدقاء والأمر يعتمد على الشخص وخوفه من رب العالمين |
زمان كنت اخاف من الفيس بوك وانه سي ومادري اش
الفيس بوك وسيله تواصل زيها زي المسن زيها زي اي شي انتي تقدري تتحددي استخدامك الفيس بوك يوريك اش شخصيتك المسن مثلا كل شي مخفي محد يشوفه اما الفيس تقدري انتي تحددي الخصائص والسريه اذا تبغيها لاصدقائك او لك لوحدك او مفتوحه للجميع والله العظيم اشتركت فيه ولقيته جدا جدا جدا رائع استفدت من دورات وتجمعات ومواقع رائعه وفوائد ونصائح صرت اتكاسل اقرأ بريدي صار وسيلة تواصل بيني وبين صديقاتي بالذات بعد الجامعه كل وحده تروح بطريق والاحلى لقيت كتير من اهلي وصديقاتي وناس من زماااااااااااااااان عنهم يعني بليز بليز لاحد يجي ويقول الفيس بوك سئ لو سئ ماكان المشايخ والقرأء والعلماء والدكاتره مسوين صفحات فيها معليش اختي دخلت بكلام كتير اما تصرف زوجك وانه ضايف بنات معك حق يقهر وبقوه لكن صدقيني كلها فتره وتعدي الفيس بوك للرجال المشغولين بس يجيه حمااااس واااو فيس بوك نتعرف ندخل نشوف صور نشوف اصحابنا وبعدها يطفش انا شايفه اخويا وخوالي اخويا مسوي حساب ولايدري عنه ونفس الشي خوالي بالبدايه تفاعل ويدخل يعلق وبعدين ينساه المطلوب اشغليه بشي تاااااني |
مو الفيس فقط اللي فيه تعارف بين الجنسين
اللي يبغى يتعرف باي وسيله كانت حتى لو بالحمام الزاجل الفيس عشانو علني يمدي الشخص ينت او ولد يتعرف مسن منتدى مواقع رسائل خاصه ومواقع التواصل الكتيرررره اهم شي الامانه وانه يخاف من الله |
ههههههههههه
الله يقطع ابليسك والله ضحكتني أضحك الله سنك بس عموما الفيس ترى روعه بس اللي يستخدمه صح ....أعرف كثير صاروا مايفتحوا المسن تبعهم الانادرا لأنه به أشخاص معينين جدا... بعكس الفيس ....الفيس فيه تنوع اكثر ومعلوومات أكثر وفيه شخصيات مشهورة تتمنى لو اتك تتواصل معاها والفيس سهل هذه المهمه بجعل كل واحدة من هذه الشخصيات صفحه خاصه فيه ليتواصل فيها مع الناس.... يعني لو عرفت تتعامل معاه بجد حتنبسط وبالنهايه حبيت اشكرك على مرورك واهتمامك تقبل تحياتي |
مشترك بالفيس بوك ما عندي أي مشكلة ، أما آخد راحته عالآخر << أكيد في مشكلة
أختي الكريمة الفيس بوك سلاح ذو حدين مجرد الاشتراك بالفيس بوك مافي مشكلة يعني مو جريمة ! لكن للحكم عليه ببين من قائمة الاصدقاء و المجموعات المشترك بها الشخص و بالنسبة للخصوصية في الفيس بوك ، كل شخص ممكن يحجب كل شي عن نفسه عن أي شخص يريد و ممكن يحجب البحث عنه عن طريق الاسم و الايميل و ممكن ينتقي من اصدقاءه من يريد ان يشاهد ملفه و من لا يمكن الأمر الوحيد المقلق في الفيس بوك هو البحث في غوغل ، و هذا اعتراضي على الموقع ، لأنه يجب ان يحتفظ بخصوصية كل شخص ولا يعطي المعلومات عنه في اي محرك بحث ، و ممكن تلافي ذلك عن طريق استخدام معرف غير واضح . |
شكرا أخواني الا عضاء واخواتي
على اهتمامكم بالموضوع وابداء أرائكم ... أنا بقولك ايش اللي حصلي مع زوجي بالضبط ...من قبل لا أشتكيلكم وانا مولع نار محتاجه مين يطفيها وكنت ناويه احرق الدنيا معايا من القهر بس لمى كلمتكم حسيت ان هديت شويه وبدأت أفكر بالموضوع برويه ... وشفت ان الموضوع جدا عادي مايستاهل ذا كله ...وزي ماقالت احد العضوات احمدي ربك مو متزوج عليك(الحمدالله) المهم مالكم بالطويله.... شفتي زوجي اليوم رايق ومبسوط واثناء حديثنا دخلتلوا عرض ... وقلتلوا ترى يافلان انت مره مضايقني من مسألة الفيس بوك واضافتك للجنس الأخر ...جلس بعدها يبررلي انهم هم اللي طلبوا اضافتوا مو هو ...ووووو..الخ... واذا تبغي احذفهم والله احذفهم بس مااعرف كيف...(يستخدم معايا اسلوب الدبلوماسيه سي السيد ) قلتلوا عموما انت ترضى اذا كانت لي صفحه فيه اسوي اضافات لمين ماكان...مع العلم اني ماعندي هوايه ولا أحبه مثل بنات جيلي اللي مولعين فيه.... قالي لا والله ماارضى ... قلتلوا عموما عادي سيبك من الاضافات اللي ضفتها ماابغاك تزيد عليهم و لا ترد على رسايلهم... ...ولاتقبل اضافات تاني مالها داعي ... (عاد هو وضميره ...المهم انا ريحت اللي براسي وقلت اللي بخاطره.... من بعدها ترى والله توبه ماعاد أفتش وراءه عشان مايتعب قلبي زي ذي المره... وياليت كل زوجه ماتفتش وراء زوجها عشان تعيش مبسوطه وبالها مرتاح ...والزوج مصيره يطفش ويمل) الحمدالله كما ينبغي لجلال وجهك وعظيم سلطانك ودعواتكم لي ربي يسخرلي فيه ويخليه لي.... وعينه ماتزوغش كدا والا كدا... تقبلوا تحياااااتي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|