اللي فهته انها ماقالت لاترفع صوتك بوجهك ؟
يعني مع نفسها تتحلطم بالمطبخ 👀
عالاغلب زوجتك لسانها مفلوت منها لذا
لابد من جلسات مصارحة بينكم وخلوها على ورق افضل .. كل شخص يكتب الأمور اللي تزعجه من الطرف الاخر 👀

- بشكل عام كيف تسير حياتكم ؟ << لانك دايم تجيب طاري الطلاق بمواضيعك ! معقولة لاجل مشكلة كذا تفكر بالطلاق 😟

انت جالس تدور داخل دائرة مغلقة و كل ما اصطدمت بمحيط الدائرة قمت تردد ( الطلاق و الطلاق و الطلاق )

اشوف الموضوع عادي او بالاصح مشكله عادي زي اي مشكله تواجه الزوجين ..
مو موضوع هي نكيده او انت نكدي ..
في مشاكل عاديه بتصير بين الزوجين وهذي الحياه بطبيعتها مابنعيش بدون مشاكل ..
الموضوع مايستاهل الغاء سفر او تتضايق من كلمة لاترفع صوتك ..

يعني كلمتها ماتجرح لاكرامتك ولا قالت كلمه كبيره بحقك ..
لاترفع صوتك .. فين المشكله في الكلمه .؟؟؟ لا تدقق كثير ..

والموضوع مايحتاج ان السفر يتكنسل لان المشاكل البسيطه الي زي دي .. مع السفر راح يكون تجديد لكم ولحياتكم خذوها كنوع من الاستجمام والابتعاد عن ضغوط الحياه والمشاكل .. وان شاء الله مع الايام بتعدي المشلكه وتسافرو وكأن شيء لم يكن ...

انا وزوجي العكس كل ماحسينا ان بدت بيننا مشاكل عادي في البيت على طول نخطط لشي يبعدنا عن جو المشاكل ويرجعنا بعض

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

مش على قوله لا ترفع صوتك بس
برضو على كلمة وش قلة الحيا اقرئ الموضوع

مدري عندي افكار متنثتره وامور غير مرتبه اولها وجود اخوها امس الليل يدق الباب الساعه 12:30 يريد اشوف ابني وقت متاخر وغير كذا هو كبير وعارف بس مدري ليش يتصرف كذا

ثانيا العلاقه الخاصه لم امارسها منذ اول شهرين منذ زواجنا فتره ااحمل رفضت بسبب انه بيسبب آلالام لها او بيسقط الجنين وبعد الولاده حصلت مشاكل اثرت في العلاقه الخاصه وقبل فتره المح لها ان تضع الطفل في سريره الخاص ولكن يوجد مشكله انه يبكي وترضعه وتنومه وانا اكون نمت بسبب الدوام واكثر الاحيان ما اتقبلها للعلاقه مدري ليش والله قبل 4 شهور كنت استحدم عقار وله اثار واعطيتها خبر بس الحين انتهت الاثار تبعته... الان ما اتقبلها او بالاصح ماقدر اكون مبادر ودي تكون اهي مبادره...

ابي حلول مفصله وطرق فعاله لاني مشتت وشكرا لكم

اخي الكريم
مو انت اللي اقترحت على اخوها يسكن معكم؟؟
عليك انت تصرفه بأي طريقة

__________________

الخطأ من الطرفين
جملتها غلط
الاولى والتانيه
اصحي اخوي
وش قلة الحيا
صراحة كل البشر عند الغضب يخطؤن فلا تكبر الامور

ونجي لتصرفك
لا تضايق ام بأمومتها صعبه كتير والله هدا اولا
ثانيا تضرب طفل بعمر سته شهور قوية جدا
معها حق تخاف على الطفل وهو معك
ولهيك بضل تسأل ليش الطفل بيبكي
هدا قلب الام بتم ضعيف لبكاء الطفل وتصاب الام فورا بالتوتر

رأي صدر خطأين من الطرفين
وحاليا هي بدأت تتودد بتحضير الطعام
ارخي الحبل انت شوي وضع النقاط على الحروف
بإمكانك تخبرها ايضا انه حان الاوان لتكونوا ببيتكم لوحدكم بعد كلامها الاخير
وان حق الضيافه انتهى
او اصبر على وجود اخيها ولك الاجر

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

ايش سب عدم تقبلك لها بالعلاقه ؟؟ هل هو بسبب الطفل ؟ سبب لكم الفتور والبعد عن بعض ؟

حاول تبعد عن التلميح وتتكلم بلي بقلبك معاها بالصريييح لكن بإسلوب حلووو صارحها حتى بموضوع العلاقه اسمع منها وشوف رأيها ..
هي زوجتك وحلو يكون كل شي بينكم واضح ومكشوف والي بقلبك تقوله والعكس

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

زعلان من ايش ياقلبي انت تزعل ع شي ماينزعل منه عشان قلت لك ليه يبكي تعرفني زين ماحبه يبكي لانه يزعجني ويقلقني اشتغل وانا قلقانه راسي ملخبط وانت تبكيه هم تنزله وقد علمتك تبكيه اقعد معه ماهو تنزله عندي وكل يوم ع ذا الموال تبكيه هم تنطله علي وانا ماني فاضيه ضيفان ولازم اجملك معهم واجل اشغالي عشانه وانت تطلع وتخليه اصلا ع اي شي ع اطرف سبب ترفع خشمك تعبت والله ومن ذا الزعل تقوم من النوم وترفع خشمك وتطلع ورافعه وعلى كل شي 24ساعه معصب وزعلان وتعبان حتى تضحك في البيت بفلوس بس ماشاء الله تكلم وضحكتك تششققق الجدران ترى بالاحق انا الضحكه مفروض لهل بيتك لان بكره والله مايفيدك واحد
المفروض انك مع اشغالك وماتفضى لنا ع الاقل تخفف علينا بالسواليف والخاطر الزين مابي لاطلعه ولاشي ابي الخاطر الزين والسوالف ماهو لاخاطر ولاحياه زينه ليه ي المشاكل وليه ي المناقره تراك زوجتك ماني عدوتك وليه كل ذا انا وش سويت ليه ماحياتنا حلوه وشهو اللي يستاهل يخلينا كننننا اعداء المفروض ان حن اسعد ناس قلوبنا ع بعض ونخاف ع بعض ونسال ع بعض وكل واحد يحاول يسعى يسعد ثاني ماهو كنا اعداء لاسوالف ولاخاطر ولاشششي ليه كل ذا وش مناسبته
واصلا انا ساكته لك والله ماجبرتك لا ع طلعه ولاروحه ماغير حارسه البيت وعادي عنددك لو اقعد سنه ماتفكر اصلا ماطلع وحتى لو طلعت تقعد تحسبه طلعتي ذيك المره الناس تفرح لطلعو اهلهم لا انت العكس تزعل اذا طلعنا تحسها مصيبه عمرك يوم طلبتك اي مشوار مشغل سوق او اكمل أثاث لبيتي وما الى ذلك حتى السوق لا ودتيني مره تقعد تحسبها علي سنه انك قد رحتي ذيك المره ليه انا جماد ماحتاج شي والولد مايحتاج شي ماحسك تفكر بشي ماهمني والله بس فكر وفكر في هاذا الشي شغل مخك والولد ماتطعم كل يوم اكلمك وطيب ولا عاد قلت شي لين اشوف متى تفضى وسكتت كله عشانك وعشان شغلك تراني اسكت ع اشياء كثيره كثيره مقابله البيت والشغل واحسك مرتاح اهم شي تكد في البيت وبس لاتحسبني غبيه لا والله بس ابي اشوف متى تفرج الى الان تراني صابره والله ثم والله انه لوغيري ان تأخذ حقها وافي هاايش عاد اسوي كل شي سويته معك مانفع واذا قلت اخاف من شي تحفظها الى وقته الين ترفع ضغطي وانت تدري ويش هي بس والله ماعلمك تراك تقول اشياء تحسبها فيني وتراها فيك انت بس انك مشغول اجلس مع نفسسك وفكر وتشوف من الصح ومن الغلط واعيد واكرر فكر اني والله صابره وساكته وقاعده في البيت ماضغطتك واجبرتك ع اشيااااء كثيره تأكد ان كلها عشانك فكر في حالي وشوف واذا انت ماتقدر ع هاذي الحياه عادي علمني عشان نتصرف وترى باقي فيه وفيه بس خلاص ماعاد ابي الي فيني كااافيني ماقول انك مقصر معنا بس ابيك تنتبه لنقااط انت مافكرت فيه او انك فكرت بس تتجاهلها ونقطه

.................................................. .........................................


اللي فوق رسالة منها بعد ما طنشتها الفترة الماضية الغلط اللي سوته انا مارفعت صوتي توني صاحي والولد كان معي وبكى بصوت خفيف وجات على طول يعني لو بكى بصوت عالي ماعندي مشكلة تجي بس بصوت خفيف وانا تنزفزت وقلت مافيه شي وراحت للمطبخ واسمعها تقول " لا ترفع صوتك وش قلة الحيا هذي "
طبعا هذي رسالة منها والاسلوب سيء صابره علي وساكته ؟؟
وبعض طلباتها تسكت عنها ما تطلبني مثل المشغل مره طلبتني وقلت لا قديما ولا عاد طلبتني السوق انا ما احب اروح له ولكن اوصلها السوق احيانا بغض النظر عن هذي الاشياء هي تطلب اشياء وهي نفسها ما تطبقها وفي اشياء كثيره تقول مابي اعلمك انت تعرفها ؟؟؟

والادهى والامر كأنها نست وش قالت لي !!

ملاحظة / لغة الحوار بيننا ضعيفة جدا وسببها اهي اذا تكلمت معها في امورنا والزواج ما تحب وتقول انا ماحب النصيحه حتى لو قلت انها لنا كلنا وتقول راح تتعود علي وانا فاهمه الحياة!!

نصائحكم بارك الله فيكم مابي اظلمها.

ما وديت ولدك للتطعيم لين الحين؟!!

__________________


اللهم طِيبَ الأثر .. وحُسْنَ الرحيل.