كلام يخط بالذهب

اهلا تايهه

كان ودي ارد عليج بموضوعج اللي نقلوه .

لي تعليقات ...
حبيبتي .. انتي مااشوف انه عندج مشكلة جنسية ..بس ممكن تعود
مرت علي ايام كنت متعودة ماانام الا معاه و الاغلب بعد العلاقة .. و لما ينام قبلي او يتأخر مااقدر انام .
لكن بعد ما دربت نفسي و انفصلت عنه عاطفا و سويت لي جوي الخاص .. صار ما يفرق معاي كثير لو نام قبلي او نمت قبله .

اذا بتمين بنفس طريقتج و نفس الاسلوب ... ما في شي بيتغير .
زوجج يحبج .. لكن عنده معتقدات انتي ساهمتي في تأكيدها براسه .

لو تغيرتي بتشوفين الخير اللي فزوجج .

اسمحيلي تاييهه اقولج . انه الغلط منج

انتي دويطري شي يشغلج .. حتى لو لمة صديقات او جيران ...روحي لمركز تحفيظ او سجلي بدورة تنفعج .
فكري و بتلاقين بداااائل كثيرة .

فكري في نفسج .. كيف تسوين شي ينفعج وتستمعين بوقتج .

حتى او تسجلين دورات بالنت .

و اذا رد زوجج متأخر خففي الكشخة والوله .. صح بتتعبين لكن يا قلبي انتي الكسباانه بالاخبر
هدي اعصابج .. و لا تتوقعين انه للتغيير من يوم او يومين

لبسي بحامة حلوة وتعطري و ارقدي .. سوي الشي لنفسسسسج و بس
لكن قميص نوم و كل حركات الحب وتشتكبن . ما ينفع .

حتى لو تمثلين انج راقده او افعدي شوفي التلفزيون او اقري كتاب تو سوي اي شي بس لا تلبسين قميص نوم و تبااادرين
واذا طلب حقه تفاعلي معاه بس خليه يسعدج .. انتي لا تكثرين غزل ودلع له .. خفي شوي

اميره مشكوره والله
لكن بالنسبه لي احسها مشششكله
مايستاهل كل هذا والله
وعبالك ماحاولت والله حاولت وحاولت وحاولت اعيش بدونه وانفصل عاطفيا واذا جا اسوي نفسي نايمه يكشفني ويعرفني زين
ماحولي شي ممنوع ازور صديقاتي وممنوع طلعات وحدايق والسوق يده بيدي مافي شي قريب مني
حاولت اكمل ماجستير وماقدر ابعد عنه صراحه تشتت بترك بيتي عشان ادرس ماجستير
ماقدرت
انتظر الوظيفه لعلها تغير حياتي بعد الله
لي كم يوم تعبااانه ويومين حتى بيتي مالمسته خارت قواااااي ذبحني الصداع والتفكير
والله اني افكر بالطلاق متزوجه رجال ماهو عايش معااي
اليوم صحى ع صلاة الجمعه قال لازم يتغير الوضع ماهي حاله هذي نايمه لهلوقت ويطفي المكيف
ويطلع لاهله ومنها لصلاة الجمعه وبعد الصلاه تغدى عندهم ومر علينا يهاوشني ليش مااصحى بدري وطلع
احسه ...... بكل ماتعنيه الكلمه
متخيله يطق يدي قدام العامل عشان اشرت على اللي ابغاه
ويدفني قدام الناس
ومااسكت له ويستمرر بالغلط حسبي الله
انسان متعلم لكن والله ان الامي يمكن احسن منه متخلف زي امه نفس كلامها ومأثره عليه بقووووووه
يوم يقول ماهي حاله هذي بغيت اقول.............. زي مايقولها لي
تعبت نفسيا
يتامر علي ويطلع ياليته يجلس معاي
اقسم بالله اكتبله اكرهك وامسحها وودي اقوله اكرهك انت وامك
نفسسسسسسي اقوله اكرهك عشان اكرهه صدق
وامه اكرها الله ياخذلي حقي منها عاجلا غير اجل


ادعيلي بالوظيفه يارب ترزقني الوظيفه تعبت ادور وظيفه
احس هالانسان براسه شي والله العالم وش براسه

الغلط لاني اهتميت ازواج يتمنون نص اللي اسويه
ياسبحان الله

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

بصراحة انا ارى وضعكم طبيعي ولاتوجد فيه منغصات وسبب قطعه لمصروفك الشهري ربما يكون من باب التأنيب وليس عدم رغبتة فيك
وبالنسبة للتعبير عن الحب فاسئلي الرجال في هذا الموضوع لأن الرجل غالبا مايعبر عن حبة لزوجته بالافعال وليس بالكلام ويختلف من رجل لرجل فبعض الرجال يعبر عن حبة لزوجته بالكلام محاولتا منه لتعويضها عن تقصيرة في الفراش والبعض يعطيها حقوقها كاملة في الفراش ويكتفي بذالك فهل يعني ذالك انه لايحب زوجته (طبعا لا)

__________________
تمنيت حبـاً يدوم طويـلاً .. فـدام الحب وَ رحل الحبيب.

الاحساس اللي يجيك هو الجواب لسؤالك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لو ما ساعدتي نفسج محد يقدر يساعدج
الغلط مب كله في زوجج
انتي اللي عطيتيه الضوء الاخضر بانه يتصرف معاج بهالطريقة .
وقت ما يكون برا البيت ... سوي شي لنفسج

فكري الحين شو هوابتج .. شو ممكن تسوين وانتي بالبيت

والماجستير .. شو العائق ؟ ما فهمت عليج


طيب لما يوصل البيت بالليل .. اقلها لا تبادرين وتدلللينه .. اجلسي عالتلفزيون او اقري كتاب وان هو تقرب او سأل ردي عليه بشكل عادي وبدون مبالغه

اواقري واااااايد لناعمة الهاشمي

انتي في بالي ..

وكل شوي اجيك على موضوعج ...

تعرفين .. انتي تبين تريحينه بالفراش عشان يريحج بالنهار و يدللج وتلين تحسين باحبه لج اكثر من الغلاقة نفسها
هذي طبيعتنا نحنا النساء
نحب المشاعر و العواطف اكثر من العلاقة
نستاانس بشعور اغواء الزوج .

لو تبين تحصلين اللي الدلع و الاهتمام .. خفي عى زوجج العطاااء
اتركيله مجال هو يدلعج و يتغزل فيح

عطيه فرصة انه يبذل

لكن دام كل شي يشوفه جاهز فاكيد بيدلل عليج اكثر واكثر
و بتشوفينه مب عارف انج مضايجة

ومن قال أن اللي تريح زوجها بالليل يريحها بالنهار،،
كنت دايم اريح زوجي وادلعه في الفراش وبعد مايخلص ينسى إن في واحدة محتاجه حبه واهتمامه وكلامه الحلو للاسف،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

العلامه احساسك بقلبك
انتي تعرفين اذا يحبك او لا

__________________
لا اله الا انت سبحانك اني كنت من الظالمين

حبيبتي دايم اذا جيتي تسالي زوجك خليك واثقه من نفسك
يعني المفروض ماتقولين له انت تحبني
لا قولي له انت تحبيني مره والا مره مره يعني كانك واثقه انه يحبك
جربيها وان شالله تنفع معك بالتوفيق والله يسخر لك
وشخصيه جنوبي الغربي🙈حساسه جدا