الله يجزاك خير

__________________

اخذت منوم وابي افصل وليتني مااصحى ابي اروح لربي هو احن علي من اي احد
ااه قلبي تقطع تقطيع ويعورني ليتني افقد قلبي وارتاح
فوق كذا يقولي تراني ماكذبت عليك واذا مو صادقة اشربي من البحر الاحمر
وربي لو اشرب من البحر الاحمر والاصفر والبنفسجي مايطفي حريقة قلبي
وفي الاخير يقولي طيب انتي تاكدتي الحين اني خاين ومااصلح لك وشتبين؟
انا فعلا اخاف من كلمة طلاق بس والله ياني بعيش عزيزة نفس حتى لو اخسر الي وراي ولي قدامي
مايبي يتاسف ويعترف بالغلط يكابر وكل مالقت له عندي الدليل يهجهم علي بالكلام

__________________

لا حول و لا قوة الا بالله
طولي بالك اختي، نحن معك لا زلنا... استغفر الله... سبح الله... احمد الله

طول بالك... بتهون... لا حاجة لكل هذا. خففي عن نفسك و اي شئ نحن مستعدين

كل عام و انت بخير اختي

ماقصرت وربي
بس من جد قلبي يعورني
حتى المنوم مانومني كثير واحس باضطرابات
ابي الموت تاخذني يازيتون ابي ارتاح كل مااذكر كلامه لغيري احس باركثة حلت على مشاعري
وربي البيت اني كنت اقرى بعيونه انه يحب النساء من كثر اطلاق بصره في الحريم وانا اكره الرجل الي كذا
ايش معنى انا لمن تجي عيني بعين رجل استحي من الله واغض بصري حتى هناك من الرجال من هما يفتنون
والله ياخوي زيتون اذكر مرة بالمطار وهذا قبل الزواج اني شفت رجل ماشاء الله لحية منيرة ودين ومارفع عيونه في بني جنس الحريم عجبتني قوته وخوفه من الله كان شى بداخلي يبغاه وتمنيته زوج لي وقات مع نفسي ياحظ زوجته فيه الرجال مارفع عيونه وفاتح مصحفه وجالس يقرا
فكرت كثير اني اروح له واقوله تتزوجني ؟ واسوي ماسوت امنا خديجة مع حبيب الله بس استحيت وندمت اني ماسويتها

__________________

طيب ياأختي سؤال هل أكتشفتي أي أمر يدل على خيانته بعد الزواج؟؟

ممكن يكون كذب عليك أنه ماله اي علاقة في الماضي بس أهم شي الأن هل أثبتي عليه شي بعد الزواج؟؟

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

هلا اختي ندى حياك
قد سافر الي احدى الدول العربيبة ولقيت معه رقم وحدة هذا اول ماتزوجته ووصلنا الي الطلاق لولا تدخل احد اقاربه
الشى الثاني معه وانا معه دقت عليه وحدة ونادته باسمه وهو قفل بوجهها وصار يقول غلطان غلطان وجهه صار مثل الجدار
رجع قال انه كان يبي يتزوج عن طريق خطابة قبل لا يعرفني وربما هي الي دقت عليه قلت له الحين تزوجت ليش تدق عليك وانت المفروض تقولها تزوجت قالي قلت لها بس للحين تدق حاولت اقنع نفسي بشى ماني مقنعة فيه وسكت
ولا اخليك الشك فيه بدا من يوم سافر حتى الطلاق يهون عليه بسرعة يقولي الي تبينه حاضر ولاولا ان ماعنده البديل كان مايكون قوي بالشهى هذا
امس برضه يقولي تبين تصدقين اهلا وسهلا ماتبين اشربي من البحر الاحمر لانه عارف اني احبه ومتمسكة فيه ولا ابي الطلاق

__________________

اخيتيى ... ادرى نفسيتك تعبانه ... الواضح انك تواجهى اكبر محاوفك
اكثر شئ تهربتى منه فى حياتك هو اللى جاك .. بمعنى انه هو اختبار من رب العباد
لا تتهربى ولا تخافى حاولى تحلى الموضوع بطريقه ترد لك كرامتك
مهما كان الانسان كرامته فى الاول والاخير مالك الا اختيارين

الاول
انك تصونى بيتك وتحافظى عليه بدينك .. بعد مواجهتك له لا تواجهييه للمره الثانيه
اتبعى اسلوب الحلم معه وارجعى انتى الى ربك وتبعدك ... وفى نفس الوقت ادعى
الله له بالهدايه وان يحفظ لك بيتك (سبحان ربى يسير كل شئ بحكمته )

الثانى
بما انك تأكدت انه راعي سوالف حريم ... اطلبى التسريخ وارجعى لبيت اهلك
وانتى مؤمنه ان هذا قضاء ربك فيك وعسي ربى يعوضك بالرجل الصالح المتدين اللى تتمنيه

وفى كل هذا انتى مأجوره باذن الله
بس لا تفكرى فى الغلط ابد ... الله يحفظك ويرعاك

تسلمين يالغالية كلامك جدا ريحني الله يريحك يارب ولايوريك مكروه
تدرين وربي البيت لو ماحبه ماحسيت بالالم ماتخيلت ان زوجي قال كلمة احبك لغيري وانه كان ملقوف على الزواج بهالطريقة ويبي يتزوج عن طريق مواقع وكلام فاضي
من شدة حبي له تمزق قلبي معقولة ياكبرياء مافي رجل وماله ماضي
لا ادعي الكمال ولا اقولك اني كاملة ولكن الي كنت ادوره يدل على صفاء نيتي
انا مرة غيورة ومرة احب حاجتي تكون لي ولا احب من يشاركني فيه واحب المتدين لاجل اني ارتاح ولا اشك فيك لان الي يخاف الله صعب يجرح مشاعر من يحبك وفوق كذا خوفه من ربه يمنعه من الكلام والعلاقات المحرمة بالتالي سعيت عمري كامل وانا ادور هالشى لا ربما اطلب المثالية بالرجل ولكن مستحيل انه مافي رجل لم يسبق له التعرف على البنات
المشكلة الثانية انه هو مو راضي يعتذر ولا يتقبل النقد انكر كل شى وقلب الموضوع على راسي
مابي اعيش معه على الخديعة والسن يضحك للسن والقلب فيه الخديعة ولكن الي اقدر اقوله لك انه فعلا مات بداخلي انسان والله يغير الحال الي احسن الاحوال هذا الي اقوله
تكلمنا جوال وقلت له خلاص انا ماراح احاسبك على الماضي وهذا صار قبل لا تتزوجني لكن بحاسبك على الحاضر والمستقبل لانهم لي وملكي
تدرين وش قالي ؟ قالي اكيد ناويتلي على مصيبة كيف اقتنعتي وانتي طول عمرك ماتصدقين شى
يعني يبيني اسويله ردة فعل قوية
اللهم اني اشكو ضعفي وقة حيلتي وهواني على الناس
ادعيلي حبيبتي

__________________

أختي أنت لسا بنار المشكلة ومكبرتيها .. كما ذكرتي بالبداية الخيانة قبل الزواج
يعني انسي الموضوع وتابعي حياتك واصفحي وابدأي صفحة جديدة .. ربنا سبحانه وتعالى يغفر الذنوب إذا تاب العبد
بعدين ليش كل هالتشاؤم بعدم وجود رجال صالحين .. الخير موجود أختي ليوم الدين
أنتي طلبتي التدين عند اختيارك لزوجك وهذا مطلب لشريحة واسعة من فتياتنا .. ولكن عند أول موقف نسفتي هذه الصفة
وقد تزرعين التردد في كثير من الفتيات اللواتي يقرأن الموضوع وتقل ثقتهم بالرجال الملتزمين والمتدينين ..
كل ابن آدم خطاء ..
لا تكوني فتنة لغيرك أختي الكريمة .. هذا ابتلاء من الله عز وجل فتعاملي مع الموضوع بحكمة وحلم تعامل يليق بإمرأة مؤمنة صالحة ...
أين الصبر على الابتلاء أختي ؟؟ تصفين نارك بنار جهنم .. تفكرين بالخيانة .. تطلبين الموت .. أهذا هو صبر المؤمنين عند المصائب !!! ..
لما هذا التشتت ؟؟ اصبري واحتسبي مشكلتك صغيرة أمام مشاكل غيرك .. تذكري النساء التي تصبر على ظلم الأزواج .. وغيرها من المشاكل منذ عشرات السنين ولم تمل من الدعاء والصبر ..

استعيني بالصبر والصلاة واصفحي عن زوجك وتابعي حياتك ...
نسأل الله أن يفرج همك

انا عارفة والله اني لازم اكون مؤمنة بالله واصبر
بس والله ياخي او اختي ااني فقدت الكثير من الحرمان وتعقدت من والدي الله يرحمه الي ماخلى حرمة الا وتزوجها لم اشبع من حنانه ولم اعرف له طعم
والدتي من وحنا صغار وهي منشغلة بموهبتها تصميم الازياد وفي حقيقة الامر حققت الكثير لاجلي انا واختي لكي لا نحتاج لان ابوي ضيع كل ماله على الحريم وامي كانت كثيرة السفر بحكم شغلها وعملها وقت ماكنت احتاجها كانت تقولي مستحيل اوفر لك المال والحنان اختاري
كبرت مع الدادة لا حب ولا حنان وعطف كنت اللقى الاكل والشرب واللبس الفاخر ولكن لم ان سعيدة بذالك
دوم لوحدي وعزولة عن الناس كنت احس بنقص ان امي ماعمرها دلعتني ولا ابوي اخذني مرة وطلعني وحضني كل من كانو يتقربوا من لاجل الطمع وللاسف هما اقرب الناس لي
كان حلم دايما يروادني ان هناك رجل مثل خالد ابن الوليد فارس كيان دايم ينقدني لا كنت بخطر ويغطيني لا صرت عريانة ويخاف علي وكان لحيته كثيفة ووجه مثل البدر
حلم سنين وهو يراودني مع نفس الشخص كنت دايما ادور الرجل المثالي الي يكون لي قدوة ويلعب دور ابوي وكنت ابحث عن الدين واتخلى عن امور كثيرة مع العلم اني والله ليس فيني عيب ولاني قبيحة والناس كانت تستغرب لبش هذي تتنازل
حتى في مهري ماتشرطت ورضيت بالمقسوم
فكرت بعمق اني اتزوج من ارض الحرمين ويكون لي رابط قوي بهذي البقاع الطاهرة فكرت اعيش في مجتمع الكل فيه محافظ ولابس سواء فكرت اني اكون بمكان عاش فيه الحبيب الغالي محمد اللهم صلي وسلم عليه
حملت وحلمت ولم يتوقف حلمي على مر السنين
خطبت لنفسي رجل تهيئ لي انه متدين وعرضت عليه نفسي لاجل مصداقيته ورحت ملحه بالصدفة بديرتنا
اول ماخطبني طلع مخفة وكل شوي يدق على جوالي قلت له الحين ليش تدق علي تراك ازعجتني؟
وفسخت خطوبتي منه لاني ماحب الرجل الي يركد وراء حرمة قبل الزواج
وبعد موت الواد جا النصيب وهذا من على ذمته الان والله انه هو الي شراني وسوى المستحيل عشان يتزوجني واستخرت في اول الامر ولكني لم اكن مرتاحة ولكن عندما دخلت خالتي في المضوضوع وهي تعتبر قريبة مني وافقت واعطتني الاشارة الخضرة
لم احبه في البداية ولم اقتنع فيه ولكني كنت ادعو الله انه يالف بين قلبي وقلبه لاني كنت ارحمه يوم يقدم لي السعادة وانا ماكنت قادرة اسوي له شى
وفعلا ربي استجاب وحبيته وليتني ماحبيت من هناك سلملت له امري وحطيت فيه الاب والام والحبيب وكل دور كنت انا محتاجة ان اعيشه في حياتي
احيانا استغرب عندما تقولك الوحدة لا تعطي لزوجك وجه ولا تبيني له حبك خلك ثقيلة طنشي ومن هذا الكلام طيب انا اذا اتغلى على زوجي اخضغ لمين ؟ وخاصا وحدة مثلي انحرمت الحنان وذاقت طعم المر
وهذي قصتي وليش انا ماستحملت الي سواه زوجي واتمنى انكم تلتمسوا لي كذ الاعذار

__________________