حبذا لو تترك الموضوع مدة قبل التسرع للطلاق !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أختليت فيها ولكم شهرين بس!
وش الكلمه اللي قلتها لها؟
وليه خبيت هالتفاصيل من البداية؟
اللي أعرفه لأني شرطت مؤخر إن مجرد تنازلها عنه تخلعك لاتعطيها ولاتعطيك

كلمت الشيخ الفوزان قالي مالها اي عذررر ترجع ويتلغي المؤخر حتي لو اختليت فيها ومدري صح او لا

ماقدرت اقولة بكل صراحة انا مادري احسها عدة امور فية انا طايح
صاحب مشكلة داخل قضية الزواج يبحث كيفية استعادة محبوبته .

ماخبيت ولا كان قصدي اخبي التفاصيل
الكلمة الا قلتها لها انتى طالغ وتصالحنا بس اثاريها مانست ولا قدرت تتناسي هالكلمة

انا مافكرت بالمال
ولافكرت بالمؤخر
ولا فكرت بكل دا لو تبون الصدق
انا كل همي كيف اخليها تسامحني ونرجع لبعض
بس مع الزعل المتكرر وكلامها المستفز انها تبي الطلاق أسكتها بكلمه روحي دبري فلوسي وبعدها كلميني
انا مادري احط المشكلة روحانية ولا مشكلة نفسية ولا مشكلتي انا نفسية وروحانية
حطووو نفسكم مكاني لمدة دقيقتين تكلمون حرمتكم وتقولكم عن اذنك بقوم اصلي تقولها تقبل الله وتروح تصلي وعقب ربع ساعه ترجع لك وتهلل فيها وترحب بالواتس اب وترد عليك تقول بقولك شي مهم يا فلان تقولها تفضلي ....
انا عفيتك ومابيك ولاتحاول ترجع وترجعني لاني اشوف حياتي معاك مابتمشي وسامحني مقدر اكمل
وهب خذيت الحظر من الباب للطاقة ونت فاتح فمك ولا تدري وش الطبخه وش الا سويتة وقتها وتراجع نفسك وتراجع كلامك ماتشوف انك سويت شي ولا قلت شي
وش بتسوي بعدها بتحطها روحانية ولا نفسية ولا جنونيها ولا ايش
اوك انا معاكم انى غلطت وقلت لها انتى طالغ سبب كلمتي انها تخيرني يا تقبل تسمع كلامي والا ابية (مدري وش كان طلبها وقتها ) يا انك تفارق والله يستر عليك قلت لها يافلانه تراني زوجك عيب عليك وش فيك عليا قمتي تنفسنتي الان ولاشوو قالت لو مو عاجبك مشكلتك قسم ابليس جالس جنبي وقلت لها انتي طالغ
هذي العلوم عشان لاحد يقول لي انت بتخبي شي عشان تطلع نفسك برائة لا والله اني اشهد على نفسي اني السبب الرئيسي للمشكلة بس مو لنفسيتها

طولت عليكم وهي قصيرة
الا حصل المستجد كالتالي ونتم وحكمكم
اخوها قبل نص ساعه
وعرفت الحقيقة كلها منه الان بعد ماجلس مع امه امس الصباح
والبنت كانت تقولي امي تبغا تنهي الموضوع لاتحاول تكلم امي يافلان لان امي تبي تنهيه وهي كذابة
الرجال قالي الوالدة زعلانه من الكلمة ماسكة معاهم من هذاك الوقت وخايفة ع البنت بالمستقبل من هالكلمة بس انها ماتبي لبنتها الطلاق ورافضه فكرة الطلاق خير شررررر
وقالي باقي انت ع موعد العرس وتبي تظبط قلت عن نفسي لو من بكرة انا جاهز قالي لاتشيل هم دام امي رافضة فكرة الطلاق فارتاح وخلنا عالموعد أفضل وحاول تسايس حرمتك وتراضيها بكم ترا يافلان كلنا عارفين انها مجنونه وعقلة فاصل بس صدقني انا اكبر منك وبنصحك تحمل بكرة بتعقل معك وبتقول فلان قالي .. قلت يصير خير

وش رايكم هذا اخر ماجاني
يعني كذبت وقالت ان امها تبيني اخلص الموضوع واثاريها هي تبي تخلصة مو امها
الان محظور واتس ومكالمات عندها فكيف ااحاول ارجعها الان
لو مافهمتو اعذروني قسم ان مابراسي عقل يركز ولا يفكر

هل كانت زوجتك مخطوبة مسبقا؟

__________________

ياخوفي يبغونك تكمل للزواج عشان تجبر تدفع المؤخر

__________________
سبحان الله وبحمده ، سبحان الله العظيم

التفهم دايما شي حلو انا حافكر لو اني مكان البنت عشان تعرف هي كيف تفكر كلمة انت طالق في شهرين كبيره جدا جدا حتقول كنت معصب والسؤال كل ما عصبت حترمي الكلمة كلها 3 فقط وبعدها تحرم عليك وتصير مطلقه رسميا وبالتالي فرص زواجها اقل من لو تطلقت الان وهي بنت ولو قدر الله وحملت المشكله اكبر وافراد اخرين دخلو في المشكلة يعني فقدت الثقه فيك وانت لازم الان تحاول ترجع الثقة اذا الرسول صلى الله عليه وسلم قال وكسرها طلاقها الكلمة هذي كسر للمراه ماينفع اتصالات روحلها البيت واجلس معاها وتكلم وحاول تخليها تثق فيك من جديد والله يكتبلك اللي فيه الخير