a_gleam - تعبت اعطي- انين الدنيا

شكرا على المرور

انصحك ان تجيب لها كتاب الاطفال من الجنه

وهو الجزء الثاني من كتاب رجال من المريخ والنساء من الزهرة...

مفيد مرررره .....

وبالتوفيق

__________________
وتبقى ... الحيـ ـ ـاه .. بــلا لــون ...
حتـى يــ ـــ ــورق ... زهر الايمــــان ...


لا اله الا الله رضيت بالله ربا وبالاسلام دينا وبمحمد صلى الله عليه وسلم نبيا رسولا

اخواني اريد ان اوضح بعض الامور


زوجتي اتت من بيئة تقدس الزوج وان الذي يحدث بيننا طبيعي وانا استطيع ان احل المشاكل بكل هدوء وان لزم الحزم افعل لاكن هناك امور يجب ان تعلموها

اولا السبب في ان زوجتي تعامل ابنتي بهذه الطريقة لانها تريد ان تتعود الينت عليها والسبب ذكرته في البداية

ثانيا في بعض الحلات تقوم زوجتي بضرب ابنتي اما انا فلم اضربها الا مرتان فقط ( مع العلم هي لاتعرفني طيلة 3 سنوات الا منذ 3 اشهر )

انا دائما اهاوشها وهي تخاااف مني فاذا مدت يدها علي اقوم الدنيا على راسها وامها تهاوشها يعني ياجماعه بالنسبة لنا احنا نحاول لاكن المشكله اني احس انه مافي فائده بل صارت تبكي من اي شي صغير لدرجة انها الان تخاف تجلس مع اعمامها لحالها فاذا دخلت امها دورة المياه اعزكم الله تقعد تبكي وتقولها انزلي وانا امرت امها انها ماتسمع كلامها ففعلت لاكن المشكله ان البنت تقعد تبكي لين تطلع امها ومع ان امها تهاوشها كل يوم ومع ذلك مافي فائدة المشكله ان من اول ماكانت كذا

الحين ارجو اني وضحت لكم المشكله البنت هي متعلقة بامها وامها ماودها تبعدها عنها بالقوه تقول تخاف تتعقد خصوصا ان اعمامها الله يهديهم مايحاولون يكسبونها بل دائمم يصارخون عليها بسبب بكائها وهذا سبب خوف كبير عند البنت تخيلو لو ذكرت امها انها بتقوم لدورة المياه قعدت البنت تصيح

الحين البنت صارت انعزاليه ماتلعب مع الصغار دائما وانا اريد حلا لهذا الموضوع المشكله مو في الحزم وبس المشكله اني احس الخوف فيها يعني دلع وجبن وانا مابي ادلعها ولا ابيها ترتعب مني اريدها ان تحبني وفي نفس الوقت تحترمني

لذا ارجو ان تفهمو الموضوع وتفيدونني

اكيد البنت محتاجه لحنانكم و انتم عارفين هالشئ
اعتقد انها مسألة وقت, يعني مع الوقت بتتعود عليكم و بترتاح نفسيتها
هي عاشت في بيت ثاني و بعدين انتقلت اكيد بتتوتر
بس اهم شئ لا تتركونها عند احد لازم تبقى معكم انت و امها

طيب ما تقدر في اقرب وقت تسافر انت و زوجتك و بنتك علشان تكون معكم انتم الاثنين بس
حاول تمسك نفسك و تتحملها و عطها حنان و بالتدريج بتتغير

و الله يعظم اجركم ترى كثير يعانون مثلكم و مو طفل و احد اكثر...

شكرا على المرور


ان شاء الله بحاول اجيبه

جزاك الله خير

كلامك ممكن صحيح بس انا خايف ان الشي هذا يزيد الدلع عندها

اما السفر مقدر الحين والحقيقة اننا لانتركها عند احد هي دايم معنا لانها ماترضى تجلس عند احد

وان شاء الله اذا كبرت بتعقل لاكن ماريد ان تكبر مع تربية خاظئة تزيد المشكله

البنت فاقدة جدتها وجو بيت خوالها وإنك تجبرها تجلس عند أهلك أو إن أمها تهاوشها على بكائها إذا راحت أمها لدورة المياه من أكبر الأخطاء، وأنتم كذا تضرون البنت ماتنفعونها ..

حببوها في البيت بالألعاب والتراكيب والألوان والقصص، وتعلقها في أمها شي طبيعي لأنها في مجتمع جديد عليها ..

اصبروا عليها شوي ..

وأستغرب من أسلوب تعاملك معها مع إنها ياحياتي عليها ماعرفتك إلا من 3 شهور !!
بعذرها يوم إنها تتعلق بأمها ..

والله أن بنتكم كسرت خاطري أعتقد أن البنت خوفها أنها تفقد أمها مثل مافهمت أن بنتك كانت عند أم زوجك ومتعلقه فيها لذلك أصبحت متعلقة بأمها بزيادة حتى ماتفقدها مره ثانيه خصوصا أنها ماعرفت أبوها ألا من فترة بسيطة حاولو تحسسوها بالأمان وأنكم مارح تتركوها بكرة تكبر وتفهم وأنت والدها حاول تكسبها وتجلس معها تلاعبها وتقرء لها قصص وتطلع أنت وياها يعني عوضها عن غيابك لأنه فاتتك سنواتها الأولى والي فاتك من حياتها موشي سهل أوبسيط وفقكم الله لما يحبه ويرضاه وأعانكم على تربيتها

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

يا أخي هذي بنتكم الوحيدة


لا تقسون عليها

بل حاولوا تربيتها بلين في حزم من غير شدة
دلعوها بس بشرط الصح صح و الغلط غلط

أنا
أمي و أبوي ربوني في صغري بطريقة متوازنة (جزاهما الله عني خير الجزاء)
فكان في دلع بس بحدود
و كان فيه حزم و جد بس بحدود المعقول
و هذي بنتكم الكبيرة و أول فرحتكم بالعيال من هالدنيا
يعني طبيعي إن تدلعت شويتين
بس المهم
توجهونها للصح
و تنهونها عن الغلط

و بالنسبة لتعلقها بأمها فكثير من الأطفال يجيهم فترة يتعلقون بأمهاتهم و بشكل يملل أحياناً
بس الحل موفقط أنكم تتركونها في بكائها و خلاص

لا .... لازم تفهمونها بطريقة بسيطة تناسب عمرها
يعني إذا أمها بدورة المياه (أكرمكم الله ) خلك جنبها في بداية الموضوع
و احملها و فهمها ---->> خلاص حبيبتي ليه تبكين ماما شوي و تطلع
بنفس الوقت ارفعها لفوق
روح انتا و اياها للثلاجة و عطها شوكولاه
و بعد ما تطلع أمها قولها : شفتي ماما طلعت و انتي ممتازة و قاعدة عندي
يعني مو الحل تخليها تصرخ و بس
استفد من مبدأ الثواب و العقاب
يعني المرة الثانية قول لها
خلاص حبيبتي إذا سكتي بعطيك حلاوه مثل المرة اللي راحت
و اذا ما سكتي ما فيه

::

اشترلها ألعاب حركية و شاركها لعبها أوقات أطول حتى تستطيع تبتعد عن أمها شوي
يعني مثلا دراجة و أنت تدفعها و تركبها أو أرجوحة و أنت تهزها
يعني حاول تبني معها علاقة ودية و بإذن الله بتترك التعلق الزايد في أمها و يصبح هناك
توازن عندها في ارتباطها بأمها من جهه و بارتباطها بك من جهه أخرى

::
و بعدين إذا كان في حد يصرخ عليها ببيت أهلك طبيعي إن رفضت تقعد عندهم
حنا عيال عماتي و عماني يتمنون القعدة عندنا لأن حنا ما نهاوش بزيادة و بنفس الوقت ما نخلي لهم الحبل مفلوت بالمرة
يعني نكافئهم و نعطيهم حلويات و نلاعبهم و نشجعهم بس إذا أخطوا نوجههم على قد خطأهم
إذا كانت قعدة بنتك بهالوضع بتكرهها في اهلك بلاها هالقعدة
خذوها لهم معكم و رجعوها معكم

::
و إذا كنتو تبون تاخذون راحتكم ببيتكم
حاولوا تنظمون نومها و تحطون بغرفتها ألعاب مشوقة

::

و أنصحك بالاطلاع على مواضيع عن تربية الطفل و خاصة الطفل الأول
و شراء كتب عن الموضوع
بس احرص ان الإطلاع يكون منك و من أمها بنفس الوقت
عشان تصيرون يد وحدة و على طريقة وحدة
و هذا أمر مهم في التربية
أن الأم و الأب يكونون متفقين على نفس المبدأ

::

وفقكم الله ، و أعتذر عن الإطالة

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

اخوي بارك الله فيك انت انسان راقي

ردي بيكون عكس الكثير جدا..

حازم وغيره.. هذا مو وقتها..

زوجتك مريض.. والحمدلله على سلامتها ورجوعها لك..

بنتك الان الدلع هذا لانها تعتبر فارق اهلها اللي ربوها..

لازم تروح لطبيب واستشاري نفسي.. تعرض حالة بنتك..

بنتك الحين تعاني من فقدان اهلها.. انت وزوجتك ما تعتبرون اهلها.. لانها ربت مع جدتها..

لاتحاول تسوي حواجز كبيرة..

زوجتك مسكينة.. المرض ماخلاها تتهنى باول واخر طفلة تنجيبها..

والله يكتب لها الشفاء .. وتنجب عيال..

زوجتك تعاني .. هذي الطفلة هي قلبها.. وروحها مالها غير هذي البنت بالدنيا..

لو لاقدر الله يصير فيها مكروه.. تجن زوجتك..

انت رجال ممكن تتزوج وتجيب عيال بس هي لا..

اخوي انصحك من كل قلبي..

تروح دكتور وتشرح وضع اسرتك. روح لانسان مختص..

مع احترامي للاعضاء.. لكن لقيت كثير منهم نصائحهم تودي لداهية..

يتكلمون عن مستقبل وصرامة..

في وقت انت وهم يحتاجون لتنسيق وتفاهم.. ومراعاة نفسيات..

كأنك تقولهم زوجتي تعذب.. ويقولون لك زيدها عذاب..


واخوي الله يرضى عليك..

حط نفسك مكان بنتك.. كنت بين اهلك.. ودخلوك بين جريم سويتها سجن.. هذا السجن فيه شرطي بلدك.. هو ارحمهم.. وكل يوم كل جدول عذيب عند الشرطي والفلاني والعلاني.. كذا يضربك.. وهذا يهينك..

كلهم مو حاسين فيك.. بس يضربون وبس كل واحد يبيك تحترمه.. والشرطي اللي من بلدك هو اقلهم عذيب لك.. واذا كان موجود.. ما احد يعذبك بقوه.. واذا راح شفت انواع التعذيب والخوف.. ايش يكون شعورك وانت رجال الحين..
لما يطلع الشرطي اللي من بلدك..
ودخل شرطي ثاني..
ما احد فاهمك..
ولا انت فاهم ايش ذنبك تتعذيب..

هذا وضع بنتك..

ارحمها هي طفلة.. عاجزة ظلم تضربونها..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء