عزيزتي أنصحك بكتاب الأطفال المزعجون للدكتور مصطفى أبوسعد
وتابعي تغريداته في تويتر جدا مفيدة

من ناحية اللعب مع أولاد أكبر منه بالعمر فأشوف هالشي مش صحي
له ، خصوصا إنك غير واثقة من أخلاقهم

حاولي تقضي وقت في اللعب معهم
شاركيهم المتعة فالأطفال يستمتعوا كثير
بهالأوقات الجميلة مع والديهم

نقطة أخرى
الايباد خصصي له ساعة معينة في نهاية الأسبوع
الجلوس عليه لفترات طويلة يزيد العصبية لدى الطفل

وفقك الله عزيزتي
وتقبلي كلماتي

__________________

أستغفرُ الله العظيم الذي لا إله إلا هو الحيُّ القيوم وأتوبُ إليه

أسعد الله صباحك يا روح
إلي بأكد عليه .. ما ينفع ولدك يلعب مع أولاد الجيران وهم أكبر منه إطلاقا !!
إنت ما تسمعين الحوادث إلي تصير ؟؟ الله يحفظه لك ويخليه
لكن لا قدر الله لو ابنك تعرض لشيء من هذا بيحتاج عمر يتعالج
هذي وجهة نظري
سلوكيات ابنك مارة علي والله
والحل انكم تطلعون جميعا تتمشون
ولدك لازم يفرغ الطاقة الي بداخله
احرصي تكون له علاقة مع اولاد اعمامه أخواله
لابد تخصصين وقت للجلوس معه بالبيت هو واخوه
تلعبون سوا او تشوفون براعم
شوفي فديوهات للدكتور مصطفى أبو سعد ع اليوتيوب جدا جدا رائع هالرجل
وبالنسبة لتوجهاته ناحية المدرسة بتتغير بإذن الله سنة عن سنة
لكن أعيد وأكرر .. خروجه مع الخادمة للبقالة ولعبه مع أولاد أكبر من سنه أمور لابد من إيقافها فورا > هذا رأيي وغاية ما يمكنني تقديمه ولك القرار عزيزتي ...

__________________
## مهم ##
هل تتعرضين للابتزاز في الانترنت؟


هنا من ينقذك

طيب ايش البديل !؟

اذا منعته من اطفال الجيران .. بينحبس في البيت .. و ممنوع ايباد .. ممنوع قنوات ..

انا مضغوطة مع العمل و مع النونو و باحاول قد ما اقدر اجلس مع الصغار ..

و ابوه مضغوط الايام هذه عشان لقي شغلة و بتساعده انه يسدد ديونه ..
و حتى انا ما بأشوف ابوهم غير بالنادر جدا ..

الويك اند ما امسك شي يتعلق بشغلي ..
و لما ارجع من الدوام ما امسك شي ؛ كله اخلصه بالعمل قبل الساعة 1 الظهر

و دحين كمان خليت لنفسي 4 ايام دوام و يوم اووووف ..

.
.

كيف احبسهم بالبيت !؟
و ايش البديل !؟

انا ممكن اطلعهم السطوح مع الشغالة بس ما توصلني اصواتهم
لكن بالحوش اسمع صوتهم لانه غرفتي طاقتها عالحوش ..

أختي قصص التحرش يقشعر منها البدن
خذي حذرك
الشغالة ماتستطيع منع شيء! هذا وانتي واثقة كيف لو لم تكن محل ثقة
وتأخذهم للبقالة أو اللعب خارجا!

الاستثمار الكبير في أطفالك
والكبير بحاجتك أكثر

اطلعي معاهم فترة العصرية للسطح
وخذي الصغير في سرير خفيف
أو العبي معهم في البيت كرة سلة أو ميني جولف
أو استمتعوا جميعا بتمثيل قصص الحيوانات مستعينة بدمى اليد أو الأصابع

الأنشطة الممكنة كثيرة ليستمتع في البيت بدون مايحس إنه محبوس

__________________

أستغفرُ الله العظيم الذي لا إله إلا هو الحيُّ القيوم وأتوبُ إليه

مع ابتسامة قمر

__________________
## مهم ##
هل تتعرضين للابتزاز في الانترنت؟


هنا من ينقذك

طيب انا اخاف على ولدي من الي عمره 11 سنة اكثر من البقية
هل قلقي طبيعي و لا انا مبالغة ؟

انا مستعدة اعطي اطفالي كل وقتي ..
الحمد لله ما اخلي دراستي و لا وظيفتي تاخدني منهم قدر المستطاع ..

لكن احتاج اعلم ( ما العمل ؟ )

.
.

و ارسالهم للبقالة مع الشغالة .. كنت معارضة من زمان
و زوجي يقول لي ( امسك الباب بالعرض و اني اكبر المواضيع )
و يقول خليهم يروحوا مع الشغالة و مافيها شي و كان يرسلهم عالساعة 9 الليل و زعلت منه
و خاصمت الشغالة ..

صرت اسمح لهم بس من قريب؛ و بشرط عالساعة 4 العصر فقط

دحين راح امنعهم ..

انا قبل لا احمل بالنونو ؛ كنت اروح معاهم ..
بس دحين صعب و البقالة بعيدة ..

اكثري من الاستغفار
واكثري من الدعاء لولدك

روح حبيبتي .. هل لابنكِ هواية معينة؟

__________________


اللهم طِيبَ الأثر .. وحُسْنَ الرحيل.

هوايته ..

العاب الكترونية ؛ لكن اخوه صغير و ما يعرف يلعب ..
يجي يكسر له العابه .. و ياخد الاشرطة و يكسرها ..

عشان كذا .. جيراننا لما سكنوا جديد و بعدنا ..
ولدهم الي عمره 11 كان هو اقرب شي بالعمر لولدي
كنت اسمح له يجي و يلعب ..

بعدين لاحظت عليه الملاحظات هذه .. و صار الولد يسحب
ولدي معاه و بدا هو بنفسه يختلط مع الاولاد الكبار و الفاظه اصلا مثل الرجال

مثلا ولدي لسى طفل .. لما زعل الشغالة مرة و اتريق عليها ..
راح يحضنها و يقول لها انا اسف خلاص ..

قاله الولد ، انت زوجها ؟ خلاص انتوا متزوجين ..

-----------

المهم الالعاب الالكترونية صار يكتفي بالايباد و يلعب لوحده ..
اصلا فكرت احمل بعد ما جبته و خلصت دراستي .. عشان حزنت عليه
ماعنده احد و هو مرة اجتماعي و يحب يختلط بالناس

ماشاءالله لدرجة لما سجلته بالمدرسة كنت شايلة همه ..
ما خلص الاسبوع الاول ؛ الا و هو متعرف على مجموعة كبيرة من الاولاد
و يتداخل بسهولة مع اي شخص غريب و يتكلم مع اي احد ..

حاليا قلتله ما تتكلم مع السواق .. بديت دحين افهمه ما يتكلم مع الغرباء ..
لانه خلاص راح يبدأ يختلط بالمجتمع و بعيد عني تدريجيا ..

.
.

هواية ثانية /

السيارات .. اشتريت لهم سياكل و سكوتر .. يلعبوه بالحوش
بس فيه اولاد الجيران الي بالثانوية .. صح انه امهم مربيتهم و لسى احس هيئتهم كانهم بالمتوسطة
لكن الجار الجديد صار يسحبهم معاه ..

حتى الاولاد الكبار .. امهم منعتهم انهم يمشوا مع هذاك الي عمره 11غير بالنادر
ماعرف احس نظراته كأنه رجال و يفهم .. ما صرت اسمح له يدخل بيتنا ..

----------------------

مافي هوايات غيرها .. و انا صعب مع النونو اخدهم المول و العبهم العاب ..
يمكن لو النونو شوي كبر .. عادي اطلعهم كلهم ..

على فكرة /
نحن امي كانت تسمح لاخواني كل شي .. و زوجي العكس كان كل شي ممنوع
اخاف امنع ولدي من كل شي ؛ و يجيب نتائج عكسية ..

يعني حتى ابوه؛ صعب حاليا يمشي معاه باستمرار ..
زوجي يعلمه مثلا انه يكذب ..

قاله لما احد يقولك يبغى موية ؛ قول له ماعندي ..

جاني ولدي هذاك اليوم و حاسس بتانيب الضمير
يقول ماما صاحبي كان عطشان و يبغى موية و قلتله ماعندي

قلتله اعطيه موية مافيها شي .. بس افتحه كذا و صب له
لا يشرب من نفس الفتحة الي تشرب منها عشان لو كنت تعبان او هو تعبان ما تتعدوا

قال ايوة اصلا كنت امزح معاه ( مو قادر يقول لي كذبت عليه )

قال لي /
ماما انا مرة نسيت اخد موية معايا و قلت للاستاذ عطشان
و واحد من اصحابي اعطاني مويته

قلتله ..
ايوة خلاص لما احد يبغى موية .. مو مشكلة خليه يشرب
عشان ربنا في الجنة .. يعطيك انت كمان موية ..

.
.

ميزة تربية ابوهم لهم .. انه يعلمهم يحترموا كلمتي .. و يعاقبهم لو كسروا كلامي ..
فأي شي اتعلمه انا منكم .. بأعلمه زوجي و هو يتعلمه مني و يحاول يطبقه

ف.. لكم الاجر ان شاءالله