10-04-2011, 12:47 PM
|
المشاركة الأصلية كتبت بواسطة أصيله 3
ان لله وانا اليه راجعون ,, وش سالفة هالعرسان مع ازواجهم لازم يمر طاري الطلاق عليهم..
عادي يا قلبي بلحظات الهواش تمر انواع الالفاظ من الزوج المصون (حيوانه \ كولي ..../ ) مرات نطنش ومرات نتحلطم ومرات نرجع الكره علشان يعرف ان الله حق .. جلوسك عند أهلك ماله داعي ارجعي للبيت قولي والله اشتقت لغرفتي الجميلة خخخخخخ , اشتقت لمملكتي الحلوه .. الحل ياقلبي بالاستغفار والدعاء بان يجعلك قرة عين له وتكوني قرة عين له , وان يديم الله بينكم المودة والرحمه طلبك للطلاق مال امه داعي طالما محافظ على فروضه .. وباستطاعتك تغيرين زوجك الى انسان عاشق هيمان بانسانه لقبها حلاوه , خليه ما يقادر يفارقك , خليه يموت فيك حبا وعشقا .. اي شئ تسوينه له انويه تقربا لله مو علشانه, يعني وانتم جالسين بلحظات فضاوه قولي وش رايك حبيبي نستغفر سوى او تجيبين المصحف تقرونه او تحفظونه وتسمعونه لبعض .. اذا تهاوشتوا وقالك ياحماره قولي الحماره وش تبي تتزوج بالله ؟؟ اكيد حمار زيها هاهاها هاها,  ,عادي يابنت الحلال وسعي صدرك  ..اقلبي الهوشه الى ضحك ونكت وتعليق عليه وبنفس الوقت بردتي قلبك ..وخلاص تنسين السالفه ,,بعده سولفي طبيعي بس هو من النوع اللي يكابر ومايبين حبه لك .. [يبيك تجين بس يكابر مع اني ماشوف مشكلتك ذيك المشكله , برجع اكمل هذرتي لاخلصت شغلي ,,اهم شئ انتي روقي واستانسي ولاتخلين احد يكدر خاطرك ..[/COL |
10-04-2011, 12:50 PM
10-04-2011, 12:50 PM
|
المشاركة الأصلية كتبت بواسطة ذكرى الصمت
حبيبتي عارفه انه غلطاان بالاهانات ميه بالميه وحاولي تتفاهمي معه على انه يبطل هالكلام واذا مانفع كلمي اهلك يكلمونه
والحب يجي مع التعود والعشره الله يسعدك اتمنى من كل قلبي تنحل كل مشاكلك |
10-04-2011, 12:52 PM
|
المشاركة الأصلية كتبت بواسطة شوشوتي
الله ياقلبي بحكم تجربتي السنوات الاولى من الزواج بتعبين
تحملي بعد هذا حال الدنيا الله يوفقك ويسعدك ويكتبلك الي فيه الخير والصالح |
10-04-2011, 12:57 PM
|
المشاركة الأصلية كتبت بواسطة gere
آسف..الموضوع كان طويل وقريت نصه فقط..بس توي كملت النص الثاني  بس حرام عليك..تفضفضين لرجل غريب..هو ايش بيده يسوي لك ؟؟ ربي يختبر الإنسان في حياته..إن رجع لربه وفضفض له وشكى له همومه..لأنه يعرف إن كل شئ بيد الله.. هذا ينجح في الإختبار ويحوز على رضا الله وعونه..( قال إنما أشكو بثي و حزني إلى الله وأعلم من الله ما لا تعلمون) وإن سخط..وقام يشكي ويفضفض للبشر الضعفاء.وينسى ربه اللي بيده كل شئ...ربي يسخط عليه ويزيد همومه هموم..(ولا تكونوا كالذين نسوا الله فأنساهم أنفسهم أولئك هم الفاسقون) انتي توبي..وادعي واشتكي لربك..وإنه يصلح أحوالكم..وبإذن الله تتيسر أموركم.. واتركي عنك العناد وارجعي له.. |
10-04-2011, 12:59 PM
|
المشاركة الأصلية كتبت بواسطة الغالب
لا لا لا ماله حق أطلبي الطلاق عشان ماعمل شفط دهون لأثداءه { الله يصلحك ويردك له ردا جميلا }
|
10-04-2011, 01:05 PM
|
المشاركة الأصلية كتبت بواسطة نبض الدان
اهلين ياحلاوة
ربي يجعل أيامك كلها حلاوة بداية ياعسل خذي هالنصيحة وربي ماراح تندمين ابدا إن شاء الله لاتطلعين من بيتك الا بضرر لاتطلعين مشاكلك لأي أحد أيا كان امك ابوك امه ترا مو من صالحك والحين نجي لمشاكلك معه **الشكل والجسم شيء طبيعي بالبداية يفاجأك الشكل والجسم لكن صدقيني بعدين راح تعتادين عليه ويمكن تشوفينه اطخم شيء بالعالم  وجسمه صدقيني هو متضايق منه بس مكسل يسوي رياضة انتي ولايهمك شخصية زوجك فيها كثير من زوجي حتى الصفات الخارجية المهم انا تزعجني زوائده بس ماقلت له عنها قلت له مرة ان المشي صحي للقلب ويقي من امراض السمنة خلنا نمشي مع بعض كل ليلة ومع تكرار الموضوع بين الوقت والثاني صار يروح للمشى يوميا لحد ماالوت رجله ورجعت الكرشة هههههه المهم ان هالنوعية من الرجال تكره (إلقاء الاوامر)و برضو تتصرف بعكس الفعل إذا حست بانتقاد او عدم تقبل>>على الرغم انهم اساتذه بالانتقاد لكن مرررررة يمشي معهم المدح + الدفع المبطن مثلا زوجي كنت امدح اشياء عنده علشان يحس بالثقة ناحيتي واني معجبة فيه وبنفس الوقت المح على اشياء من بعييييييد **الانتقاد انا عانيت منه سنوات وكان الحل ابسط مما اتصور الحل هو الثقة+عدم الاهتمام بموضوع الانتقاد يعني مثلا كان ينتقد نظافة البيت حتى صار عندي وسواس نظافة وصرت امشي وامسح باصبعي من الخوف وهو يزيد ولما ينتقد اجلس ابرر اللي انتقده لكني اكتشفت انه انتقاده لشخصيتي اكثر من اي شيء آخر صار لما ينتقد عادي ماازيد واقول معك حق ولا ابرر واقول ماعليش اصلا ... لا ولا كأنه قال شيء واخلي الوضع على ماهو عليه لأنه بصراحة انا انسان لي كيان واهتمامات واشغال ومسؤوليات مو آلي اقدر اركز على مليون شغلة بساعة وحدة بعدها تغير وصار يثق فيني اكثر وترك سالفة الانتقاد بنسبة كبيرة الحمد لله **الاهتمام والحنان برضو كانت هذي مأساة عندي تعرفين اول الزواج كيف كان يقومني من النوم يفتح الباب بقوة لين يكسر الجدار ويفتح النور ويصارخ نبض نبض لين اقوم والله اقوم وانا ابكي ساعات لحد مرة قلت ترا مو معسكر عسكري خير ترا الهمسة تكفي ومو بس موضوع القومة كثير اشياء كان دفش دفش فيها ومع الوقت الحمد لله ترك الدفاشة زوجك مو متعود على الجنس الناعم متعود على الشباب ومزوحهم مع الوقت بيتعود اكثر عليك انا مااوعدك بتطور كبير وسريع بس انتي راح تعودينه بأسلوبك وذوقك معه وردة فعلك على اسلوبه يعني مو تضحكي والا .. بس بوزي وقولي اكره هالاسلوب ولا ارضاه لنفسي ممكن يتريق عليك بس صدقيني مرة عن مرة بيتغير ان شاء الله **الموسيقى والصلاة ادعي له ترا والله ربي الهادي دائما رديي (ربنا هب لنا من ازواجنا وذرياتنا قرة اعين واجعلنا للمتقين اماما) وسوي اللي عليك وربي بيهديه إن شاء الله **انتي خففي شوي من انفعاليتك كل مارديتي هو بياخذ موقف الدفاع لكن لو سكتي بيفكر بنفسه وممكن يستخف نفسه اول مايبدا الموال استغفري وربي ترتحين وهو بيسكت>>مجربة ومو كل شيء تحملينه محمل الجد بعض الاشياء فريها للوناسة وسعةالصدر خصوصا إذا ماتعدى حدوده **التوقيت عودي نفسك تكونين جاهزة من بدري وبرضو اطلبي منه توقيت دقيق لأن هالنوع مريح انه دقيق بمواعيده بس تتعودين عليه بترتاحين إن شاء الله **اخيرا ياعسل كثري استغفااااااار واتركي هالشاب مالك فيه ترضين زوجك يفضفض على وحدة مهما كانت درجة الاحترام والرقي عندها! احفظيه بالغيب وربي يحفظك وكل ماحسيتي بضيقة ومشاكل ارفعي يدك ربي يسمعك وبيده امرك وهو على كل شيء قدير الحين قومي صلي ركعتين وادعي ربي يسهل امرك ويفرج لك واستخري باللي اقوله لك ارسلي له رسالة انك تحبينه وتشتاقين له ومتأكده انه هو بعد يشتاق لك وانك ماترضين يدخل بينكم الشيطان وان طريقته ماترضيك لأنه بعينك اكبر من كذا ولاترضيتها له مثل ماترضينها لنفسك وانك تحبين الحياة معاه بكل تفاصيلها الحلوة بس هالشيء يدمرك وهو اقوى من انه مايقدر يغيره وماشاء الله اسلوبك مرة حلو وبتقدرين تعبيرنها باسلوب حلو ولما يجي بكرا اعزميه عالقهوة المغرب وروحي معاه>>كأنك واثقة تماما انه بيلبي لك اللي تبين صدقيني الرجل يحتاج من زوجته التقدير والثقة وهو راح يمنحها الكثير ربي يسهل امرك ويفرج لك |
10-04-2011, 01:14 PM
|
المشاركة الأصلية كتبت بواسطة ابو جـــــوري
انا قريت القصه كلها ياحلاوه
وربي انك جايبه العيد والعيد بعينه ايش اللي سويتيه لما رحتي عند اهلك خيانه !! انتي اللي متعبه روحك بروحك ترى وانتي اللي حساسه زياده عن اللزوم كل الناس تزوجت وكل الناس عاشت اول ايام الزواج في مشاكل وحرب وقلة حيا ليش ماتصبري وتحاولي تعدليه وتعطيه فرصه تراك باقي عروسه ماصار لك متزوجه سنه ولا سنتين اقعدي اقري بالمنتدى شوفي الاخوات ايش منزلين من مواضيع مافي شي يجي على طول انتي لازم تعلميه ولازم تعوديه ومن أول مره يغلط عليك تقوليله لو سمحت الا الغلط خلاص يتعلم ويوقف عند حده تدري وش سبب اللي انتي فيه ياست حلاوه ! انك تقارني زوجك بكل اللي كلمتيهم سواءً خطيبك ولا اللي تحترمي رأيه أسالك بالله يرضيك زوجك يكلم وحده ثانيه غيرك ؟؟ وانتي تكرهيه وحاقده عليه والله مايرضيك ليش كذا ؟؟ ليش ماعاد تشوفي الا زوجك وتحمدي ربك على النعمه ايش يعني لو كان مو وسيم ! ايش يعني لو مافيه ذرة جمال ! وين المشكله لو جسمه مو متناسق ! ليش ماتبادري انتي ليش مخليته هو بالواجهه تعزميه , تجيبي له هديه , بالعربي كذا بادري انتي مادام كل شي عنده ممنوع ترا موضوعك كله كوم وموضوع اللي تحترمي رأيه ذا كوم ثاني لاتخربي حياتك بيدك ولا تدوشي نفسك وخليك مع زوجك لا زي اخويا ولا زي ولد جيرانا الله يصلحك ويهديك ولي رجعه أن شاء الله |
10-04-2011, 01:19 PM
|
المشاركة الأصلية كتبت بواسطة ليه الغرور؟
[COLOR="Green"][SIZE="5"]انا تعليقي على هالجزء فقط..
انا استغرب من بعض الناس الي يسبون بلدهم وناسها.. والله لو يلف العالم كله مايلقى الامن والامان الي في بلدنا....سبحان الله البعض يعجبهم الفوضى الي في الخارج لانظام ولا قوانين ولا امان..شوفي كيف العالم حروب ومظاهرات وقتل ومجازر واطفال مشردين.. المفروض نحمد الله على الامن الي احنا فيه ليش مو عاجبه الوضع هنا...يعني عشان مافي محرمات ومافي نساء متبرجات ومافي مراقص.. صحيح عندنا في البلد فساد بس علني وعيني عينك مثل باقي الدول.. |
10-04-2011, 01:31 PM
|
المشاركة الأصلية كتبت بواسطة oO عفراااء Oo
عشان تتأكدي إن مافي شئ اختلف في تفكيرك قبل الزواج وبعده !! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
