عدت لكم من جديد..طبقت ما طلبتموه مني اصبحت لا اتكلم معه ولا ارسل له اي رسالة تبين له حجم التعب النفسي اللي اعانيه...مر اسبوع...بعدها جاء..يطلب. يحضنني ويبوسني ....فقلت بعصبية تريد تجامعني وانت سابني اليوم ومتلفظ عليها بكلام الواحد يستحي يقوله..قال انا جاي اتكلم معك واتفاهم...قلت 8 سنسن كفيلة تعرف باللي اريده منك اريد معاملة طيبة واسلوب طيب ما اريد حب الحب من الله...وقتله افضل تعطاني كف بيني وبينيك ولا تتلفظ علي وتهيني قدام ولدي والشغالة..وقتله 8 سنين حاولت اسعدك وابذل قصارى جهدي عشان نكون عائلة طبيعية كاقل شئ. قتله باغي تتزوج تزوج الشرع محللك 4 انا فشلت اسعد نفسي قبل لا اسعدك تعبت وضحيت وسويت اللي اقدر عليه بس للاسف ما جاب نتيجة ..المهم وعدني انه ما يغلط علي قدام ولدي والشغالة...بعدها بيوم عطول كنت بردانة شوي وكانت بنتي وولدي فالصالة ومشغلين مكيف وانا طلعت اجلس فغرفة 2 بدون مكيف..جات بنتي وخربت ستارة الصالة وبدخوله هو وشاف الوضع قام يسب ويغلط كالعادة...احس خلاص ماشئ امل ابدا يتغير وصار عندي تبلد مشاعر اتجاهه ...صرت ما ارد عليه ولا اناقشه اقوله انا بس مازينة تزوج يمكن تسعدك انا فشلت ...صرت ابكي بيني وبين نفسي واستغفر واجد..احس حياتي جحيم معاه... جاني البارحة وباسني وقالي نايمة...سكت عنه وعطيته ظهري وشغلت سورة البقرة وانا ابكي طول الليل ...جى الصبح وبنته صبحت مزكمة ومحمومة جلس يغلط علي اني طولت المكيف واني ما يهمني غير مصلحتي ..ومن هذا الكلام اللي يسم البدن...للعلم رفع الحظر عني امس كان حاظرني 10 ايام بس انا مار سلت له اي شئ احسني خلاص استنزفت كل طاقتي ةقلت كل اللي عندي وما عندي كلام اقوله له
ايش اسوي الحين معاه...بيتوتي جدا..ماعنده اصدقاء واساسا ما يروح حتى مع اهله كثير 24س فالبيت وهذا اللي يضايقني اكثر لان واقفلي عالحبة

عصبية زوجك من عصبيتك ،،، انتي ذكرتي انه باله طويل مع الاطفال اذن حتى لو فيه من العصبية هو قادر انه يتحكم بها اذن ما السبب بعدم تحكمه بنفسه معاك ؟ ،، نعم التربية لها دور لكن هالشي لا يفرض انه يكون مثلهم فلكل شخص شخصيته الخاصة ،،، قللي من عصبيتك ومن اللوم و كثرة الشكوى كل هذا بيقل تدريجيا مع الوقت فتحتاجي للصبر وطول البال ...

كلامه بانه ماراح يجي يراضيك بسبب عدم قبولك بالنهاية او وضع اللوم عليه على اي حال يكشف انه يحاول التصليح ولكن انتي الطرف الرافض وبجذي هو مو عارف انتي شنو تبغين بالضبط ! لو تضلين يوم كامل تفهميه شنو انتي محتاجة راح بس يسمع اول كلمتين وهو الرفض !

اقولك هالكلام لاني انا نفسي عصبية ناااار مولعه هههههههههه زوجي اول خطبتنا تخيلي قالي اتمنى فقط عصبيتك تروح ،، قللت عصبية ولكن بعد ان كبرت بنتي وانا صرت دوام متعب وتعب البيت وما احب وجود خادمة فكنت اسوي مثلك ! زوجي صار هو العصبي ووقت عصبيته لحد يجي يمه ! تنبهت على نفسي وحطيت اهداف لي واولها تقليل عصبية واتحمل النتيجة .. صرت اقدر اتحكم بنفسي ، ولدت بالسلامة وكان الضغط الضغف فاخذت اجازة عشان اتفرغ لاطفالي واقل التوتر شوي وفعلا تحكمت بالشي رتبت اولوياتي وحاليا لما يعصب انا اهدئه وبين فترة وفترة اخليه يعصب ويسوي اللي يريحه هههههه كونه ينضغط من العمل شوي واطنش اي كلام يقوله ... بالنهاية هو يرجع يعتذر حتى لو انا غلطت بشي ...

لما يجيك يعتذر فاجئيه بقبول اعتذاره ، لاتناقشيه بالموضوع ! خلي السالفه لوقت الرواق ،، موضوع ان مايجي يراضيك الا لحاجه هو محتاجها هاذي شيليها من بالك ! لو يبغي هالشي بحطه بالشارع حتى صدقيني واصدقاء السوء والانترنت مليانين ! جاي يراضيك وهاذي طريقته لان نفذت عنده كل الحلول فصار الحين يطنش ! يخليك براحتك تهدئين ..

حبيبتي كلنا نعاني مثل معاناتك مع الاطفال واكيد 3 وتوام منهم متعب اكيد مع الدوام ، فنصيحتي لك لحتى تقدري ترتبي امورك حاولي تنقلي لدوام جزئي بحيث تحصلي راتب ويكون بفترة اقل وبجذي تقدرين تقضين وقت اكثر بالبيت وتهتمي بامورك بدل مايروح نص اليوم على الدوام والباقي بين التربية والاهتمام بالبيت ،،، نومك ونوم الاطفال عدليه على اساس ينامو بوقت ابكر لحتى انتي تنامي بعدهم بساعه يكون شبعتي نوم ع الاقل وياخذوا غفوة باليوم ع الاقل ساعه فقط ... انا اسوي هالشي من صار عمر بنت الكبيرة 6 شهور واقل وحاليا بنتي الثانية قاعده ادخلها بالنظام وبجذي يكون لك وقت لنفسك حتى ...

اصبري وجاهدي لاجل اسرتك ولله لحتى تحصلي على الثواب ،،، حاولي تغيري جو ، زوجك لا تركزي على كل كلمه بوقت عصبيته بل ابتسمي واتركيه او حاولي احتضانه ، زوجك يحبك ماشاء الله تبارك الله فلا تخلي ابليس يفرح

الله يفرج همك ويسهل امرك