المشاركة الأصلية كتبت بواسطة Sun_of_me

حرام عليك ،، إنت كده بتضيعي نفسك و بتضيعي زوجك منك

مش قراءته لأخبار الممثلات و اللاعبات هي اللي هتضيعه من إيديك ،،، لكن غيرتك هي اللي هتخليه يدايق خصوصاً لما تضيقي عليه الخناق بالطريقة دي

إيه المشكلة إنه يقرأ أخبار أو يزود حصيلته المعرفيه !!! دي مجرد قراءة ،، يعني مش قام مثلاً و دور على أرقام تليفوناتها و بارك لها عودتها للملاعب

هدي نفسك و هدي أعصابك و اعلمي إن من أكثر الأشياء اللي ممكن تدايق الرجل إنه يحس إنه مش مصدر ثقة ،، خصوصاً من أهل بيته و خصوصاً كمان لما يكون إنسان مشهود له بالأخلاق من الجميع و منك إنت شخصياً و بعد كده مش يلاقي ده في بيته

أكيد طبعاً ده من حبك ليه (ربنا يبارك لكم و يزيد المحبة بينكم) لكن يا أختي بالعقل ، هو لم يصدر أبداً منه أفعال تدفعك لهذه الغيره القاتله

استعيذي بالله من الشيطان الرجيم و حطي دايماً في بالك إن هو فضلك على نساء الأرض جميعاً و إنك بكثرة اتهاماتك و كلامك في هذه المواضيع قد تدفعيه فعلاً للتفكير بالطريقة التي تفكرين بها

ربنا يهديلك الحال و يصلحلك حالك و يبعد عنكم الشيطان