المشكله مو في كده

المشكله لما يجلس معاكي و ما يعرف يسولف و ﻵ تسافروا و ما يعرف يستمتع معاك

خﻵص تعود على كل شي شبابي

لتغيير الجو خذي استراحه و خليه يشوي و يسوي اي شي شبابي

ما أظن بيعرف يتواصل بالكﻵم و يونسك

اعرف رجال يعرفون يونسون الحريم بالحزاوي و الكﻵم و المسايره بس حقينا ماهم منهم

منا لين ما يتعلم شدي حيلك يا بت خليكي قويه و متماسكه و حاولي تقضوا مبدئيا وقت برا البيت و اذا سافرتوا قولي و الله انا جايه عشان اقضي الوقت معاك مو تروح تتعرف و خليه يتمشى معاك تزور أماكن اعملي له برنامج لين ما يتعود حتى لو هو ع الصامت

و بربري على راسه لين يتعلم هذرة الحريم و بعدها يمكن ما يبطل

بس الصبر و المسايسه كم رصيدك منهم ؟

__________________
[img]http://im78.***********/FRd0Bi.jpeg[/img]

أهلين كوين.. أسعدني مرورك

اسمحيلي أسألك أسألة شخصية مو لقافه بس والله من باب التحليل والفهم للمشكلة اللي عندي مع زوجي

هل زوجك صار بيتوتي من قبل أو من بعد ما ربي رزقكم بالأطفال؟

هل زوجك عنده أصحاب كثير؟ وهل هو من النوع اللي كل شويه يتعرف على ناس جدد؟

طيب كيف يقضي وقته في البيت؟ هل عنده هوايات معينة مثلا (هذا السؤال ممكن يعتبر تدخل في الخصوصيات ماراح أزعل منك لوما جاوبتي عليه)

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

هلا والله بعاشقة الكوفي

صراحه مشاركاتك حمستني اني أحاول مع زوجي وما أفقد الأمل انه ممكن يتغير <<< عجبتني هذه الايقونة أحسها تمثلني وانا أحاول أستميل زوجي لي هههههههه

راح أبدأ من آخر سؤال سألتيه.. للأسف ماعندي رصيد كبير من الصبر والمسايسه

لكن هذا ما يمنع اني أحاول.. فكرتك في اني أخليه يسوي أي شي شبابي حلوه مره لأنه هو يحب طلعات الشباب والكشتات وكذا.. بس خايفه لو نطلع استراحه مثلا يمل لأنه مافي جمعه مافي إلا راسي وراسه

فكرتك اني أجاريه في الأشياء اللي يحبها ويحبونها الشباب بشكل عام حلوه بس فيه أشياء ماتنفع مره مثل البلوت ( يبيلها أكثر من اثنين وأصلا ما أعرف ألعب) والبلايستيشن لعبة الكورة (مستحيل ألعبها) هههههه

يا ليت أكتشف عنده هوايات غير اللعب أقدر أمارسها معاه.. إلا على طاري اللعب, فيه ألعاب مسلية تنفع اثنين يلعبونها؟ غير الأونو والباصرة؟

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اشغلتني ،، على طاري اللعب جربي البليستيشن او الافضل بالنسبة لي هي الوييي فيها مناطط ومناقز ( رجعنا اولى ابتدائي ههههههههه) جرربي وخليه هو اللي يعلمك على لعبة الكرة ترى انا اول مثلك مستحيل ومادري سنو لكن رزيت الوجهه ذاك اليوم لانه قالي انتوا النسوان ماتصلحون للعب مالي الا ربعي وحطيت راسي براسه وابد غلبته من قلب ،،، فيه العاب في هالحهاز تناسبكم كثنائي مثل المقاتلة ، السيارات ، لعبات تحدي وتنشي وقت وتسولفوون اثناءها صدقيني ممتعه ...

البيتوتي خلقه بيتوتي
بس اول الزواج يطلعون بصورة مثالية وثانية
اذكر اول زواجي كان يقول ، اصدقاءي لي ساعتين اطلع يومياً معهم
الحين يا ويلي ولا صديق
ما ادري وين راحوا ؟!

أشغلتني لسه ما عندكم اوﻵد يعني ؟!

اذا عندكم اوﻵد حلوة الكشته بيهم بس في استراحه و جيبوا لهم مسابح البﻵستيك

اخاف من مسابح اﻹستراحات

وضع المخ يا أشغلتني لما يتبرمج على شي صعب

يبغاله اعادة مصنعيه هههههه و حذف البرامج الضاره

خلي عندك قوة اﻹصرار ان يومكم يعدي بجمال حتى لو في البيت و اذا طلعتوا امدحي اي شي الجو السياره الشجر اللي في الطريق ههههه اي شي صدقيني يتشجعون بالمدح

و بيتمنن لمدة اسبوع انه طلعك

__________________
[img]http://im78.***********/FRd0Bi.jpeg[/img]

ياقلبي عادي خدي راحتك عالآخر...

سار بيتوتي تقريبا من بعد زواجي بسنه ...ولا قبل كان خرجاتو كتير ..وقبل الزواج كان كل يوم بالاستراحة .. اول كنت اتذمر من خرجاتو ...ودحين لما تغير سرت اتذمر كمان ... حريم مايعجبنا العجب ...

ماشاءالله اصحابو كتير ..ويتعرف بسرعة ..

كيف يقضي وقتوا ياحلوه ..24ساعة عالجوال لاتفتكري جالس باحضاني ...ومباريات وبلاستيشن او نشوف افلام سوا ....او يعاندني

هوايته المفضله ...جالس لي عالحبه ...

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

تعودي ..
الرجل اللي مثل زوجك مرة شخص كويس ..
احمدي ربك عالنعمة ما اشوف فيه مشكلة ..

الله يسعدك يا ام مريمي

حمستيني لألعاب البليستيشن هههههههههه

فكرتك حلوه إن شاء الله راح أنفذها

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

هههههههه شوك

زوجك يمكن بغى يحطك في الصورة في حالة لو بيروح لأصحابه عشان ما تسوين له سالفة.. يعني على قولتهم يعطيك خرصك في اذنك

لكن يبدو انه في الواقع مايحب يخرج كثير حتى لو عنده أصدقاء

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا