شكرا اخي فارس مكه اسأل الله ان يرزقك من واسع فضله

الحمدلله انا دكتوري اردني شاطر كثير ورئيس وحده أطفال الانابيب بالمستتشفى اللي اتعالج فيه والحمدلله مشخص حالتنا ويعرف كل الوضع بالعكس كثير اعرفهم الله من عليهم بفضله وفضل شطاره الدكتور دايما يقولي رددي يارب وهالشي يريحني

صحيح المستشفى مع انه خاص بس متعب من ناحيه المواعيد والانتظار بس الدكتور استشاري كويس والاهم تعرف الرجال ما يرتاح لاي دكتور وزوجي مرتاح له كان صعب علي اقنعه انه اعمل العمليه عند دكتور بس أخيرا وافق وتقنيه المختبر عندهم ممتازه والكل يعرفنا ومتعاون معنا

الله يرزق الجميع يارب

حاليا افكر اعمل محاولتين مع الطبيب نفسه والله يكتب الخير

والله يااختي انا ما ظل شي ماعملته كنت في دوامه مايعلم فيها الا رب العالمين

فحوصات وابر وادويه وعملت حجامه ورحت لممرخه وتحاليل وش كثرها وكان كل شي سليم وطبيعي وهذا اللي كان يحيرني اكثر

وعملت كل شي رجيم ورياضه مع اني ماني سمينه / امتنعت عن اكلات كثيرة / ادويه حتى البندول أحاول مااخذه بس علشان ما يتأثر شي فيني / ورحت صلحت أي شي راجعت طبيب اسنان وجلد وكل شي مع انه مافيني شي الحمدلله كله أقول بسوي كل شي قبل العمليه واتخيل واحلم والله لسا ما أذن الحمدلله

بس كنت على طول ادعي ربي يهديني للدرب الصحيح ويهديني لشي يريح بالي لحد ما الله هداني وعملت اخر تحليل واكتشفنا المشكله تألمت ومتألمه كثير لكن برضو احمد ربي على الأقل عرفت وش فيني

رحت الحج ودعيت ربي كثير والان مقررين راح نعمل عمره باذن الله قبل المحاوله الجايه ان شاء الله تتيسر الأمور وظروف عملنا .

معك حق انا نفسيتي متحطمه ذابحتني قصه العمر 32 ماني صغيره ولا في كل احلامي تخيلت اني بعجز كذا وما عندي طفل واللي قاتلني نظره الناس متفشله ومتحسسه من الكل ماادري ليه هالشي مو بيدي واصلا مااطيق اشوف احد ولا تجمعات وغيره ازور المناسبات المهمه والواجب وبس ولو بيدي اخذ إجازة بدون راتب واسافر ولا ارجع الديره .

مع اني افكر كثير يمكن اجيبه يطلع عاق يطلع ظالم يظلم الناس وغير وغير بتحاسب قدام رب العالمين على تربيته ماادري بربيه صح او لا لكن يظل القلب يحن لكلمه ماما .

معاك حق كلمتك كثير اثرت فيني لي كم يوم افكر فيها فعلا راح افقد حياتي الزوجيه ومستحيل اتزوج غيره أصلا مستحيل استأمن رجل غيره على اطفالي فراح أحاول كم محاوله والله يكتب الخير

ولو اختار يتزوج في يوم من الايام فالله يوفقه وانا بنسحب من حياته الحمدلله عندي عملي ووالديني اخدمهم بعيوني وبحتسب حرماني وقتها منه والامومه اجر عند رب العالمين . هذا اللي رسمته الان لمستقبلي .

الف شكر عزيزتي

الف شكر عملتها اختي بس ما واصلت عليها

الله يقر عينك ما تحبين

حبيبتي أمل احسني الظن بالله ولاتقولي ممكن اجيب عاق...
الله قادر وحده أن يعوض صبرك ويرزقك بذريه صالحه باره
لاتخلي نفسيتك تسيطر عليك ولاتياسي من رحمة الله
التجربه الجايه أنصحك تداومين على سورة البقره والاستغفار والدعاء
وخلي نفسيتك مرتاحه ومتفائله لأن النفسيه لها دور في نجاح العمليه
انا تأخرت في الحمل وحملت بعد مااستمرية على الرقيه والزيت وسورة البقره والحجامة الحمدلله
الله يرزقك بالذريه الصالحه الباره وكل محرومه يارب

آمين يارب ويرزق الجميع اكثر مما يتمنو يارب

ميس والله رغم عني مو قادره ابعد هالفكره من راسي

احب الأطفال كثير انا صرت زي المجنونه على طول اتخيله واكلمه كثير أقوله ليه ما تبي الماما

واذا اتخيل اني بيوم بيكون عندي ابكي وابكي وادوخ وانام زي الأطفال ودي بس عيني تشوفه ابيه يتعبني ويسهرني احس ماابي من الدنيا كلها شي غيره حتى زوجي يقولي انتي أصلا متزوجتني بس علشان تجيبين أطفال مع اني ما كنت احبهم ويزعجوني كثير بس لي كم سنه من كبرت خلاص طبيعي يطغى إحساس الامومه

زي ما كتبت بريح 3 شهور وبعدها الله يفرجها اكثر شي احلم فيه وادعي ربي يوفقني فيه انه يكتب لي الخير ويرويني وين الصلاح علشان ارتاح واقصى احلامي في هالموضوع اني اعمل عمليه وتنجح وبعدها فتره ارجع اعيد اجنه مجمده وخلاص بعدها اتفرغ لتربيتهم ولحياتي لان لي كم سنه تعبت من المستشفيات .

الله يرزقني الخير يارب وكل محروم والف الف شكر