بصراحة واتمنى انك ما تزعل مني انت اسوأ منها والمفروض انها هي اللي تجي المنتدى تشتكي منك

حياتكما معا تحتاج الى مراجعة والجلوس معا لتصحيحها
وابدا اولا بصلاح نفسك مع الله وتقرب اليه وابعد
عن المنكرات ومن ثم ابدا بصلاح بيتك


تقول لاتحب خدمة اهلها لذالك هي ترد اليك الدين

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

تبي الحل مع هذه المراه تزوج عليها لا تطلقها

راح تشوف الاهتمام فيك وبنفسها

بس اختار وحده حقت شياكه

هذا حل خاص فيك انت بس

والله يديم المحبه بينكم ..

__________________
قل لمن يحمل هماً أن همك لا يدوم .... مثل ما يفنى السرور ..هكذا تفنى الهموم

اخوي الله يعطيك العافيه
اخوي السلبيات معها من اول شهر اللهم التدخين اخر سنه
ونظافه البنات مشكلتها من اول بنت
تحملتها من البدايه لانها ابنه عمي ويتيمه
والحين تركت البيت ورمت البنات بوجهي
بسب اني اضربها
بس المشكله اني بديت اراجع كل عيوبها ولقيت ان غلط نستمر
لان ماخليت ولا طريقه الا واستعملتها
نصح توعيه لدرجه وصلت للتطبيق يعني اصلي قدامها واشرح الصلاه خطوه خطوه
لدرجه اني اكتشفت انها تجلس جلوس تشهد في الفجر بين كل ركعه حتي الطبخ طبخت وكنت اعلمها مقادير الطبخات نظافه البيت اشرحه لها وبالتطبيق يعني حتي الغسيل قلت ياولد غسل يوم ووريها عزلت الابيض لحال والملون لحال وملابس البنات لحال لن ملابسي واضح انها تنغسل مع ثياب ثانيه يعني الفنايل شي صار احمر وشي بني وشي ازرق

بس الحين يوم شفت اني كنت أعاني وساكت وهي لمن تركت البيت ماقصرت كل شي بيننا وصل للصغير قبل الكبير لكن شي عن عيوبها ماقلت شي بس اني انا اللي غلطان وكلي عيوب
ما قعد احد من رجال الجماعه ما مسكني ونصحني لاتضلمها وخاف ربك فيها حتي عماتي وخلاتي والرجال حاطين ان الغلط راكبني من راسي لساسي وهي مبسوطه من هذا الدعم من العائله والقبيله بكبرها
وانا ماقلت الا انها مهمله ولا أقولها الا لعماتي بس وبقاقي العيوب قلت ماله داعي افضح بنت عمي
في البدايه كنت عازم علي الانفصال
بس لمن قريت ردودكم وقفت بس انا مو شايل الا هم بناتي واهي ما صرت اتصورها وودي نفصل اليوم قبل بكره بس الشكوه لله بناتي خايف عليهم وشاغلين باللي
المشكله هي ماتبي تقتنع بعيوبها
كذا مره توعدني انها تتعدل واسبوع أسبوعين وترجع واشد عليها اشد تبقي علي نفس الطبع لين اضربها وتتعدل اسبوع او أسبوعين. وترجع يعني زي اللي تقول الضرب هو اللي يمشي معي
والله احترت
أفيدوني بقي معي محاولت الزواج بالثانيه ومادري أخاف اشوف اهتمام الثانيه و هي تعدلت فاكرها
تكون انصوني وادعو لي
اشكر الجميع علي الردود
وهذا الرد لجميع استفساراتكم

بالنسبه لايجابياتها
ان اشوف انها ما ترفع صوتها علي
اذاطلبتها للجماع توافق وتتزين بس تتذمر اثناء المعاشرة
حالات مره تحب هلي مره تكرهم
بس احس مافيها شي يشجع
من سلبياتها ماتثق بعمرها

يعني بعد مانزلة ردي وصل عدد المشاهدات ميه وشوي
ولا واحد نزل نصيحه
الله يستر اذا رجعت النصيحه بفلوس....... امزح
بس ابي مشاركات ونصايح يعلم الله ما نزلت موضوعي الا لأني ابي حل
نصيحه وحده منك قد تتسب بدخولك الجنه
الله يدخلنك فسيح جناته اللي رد واللي دعا لي ولزوجتي واللي ماعلق

توكل علي الله وتزوج
وصدقني ان شاء الله بتتعدل واهم شي تعدل وتكون قادر علي فتح بيتين
والإخوان مايقصرون معك في النصائح
بالتوفيق والله يرد لك زوجتك لك ردا جميلا

سبحان الله استغرب من اللي قاعدين ينصحونه بالزواج من ثانية وما نصحوه انه يعدل من نفسه لو شوي
يعني تدخن و تصلي في البيت وعصبي وتضرب وخاين وكمان اوقات تكون بخيل وتبغى زوجتك كاملة مكملة ليش ما تغير من نفسك اول وشوف هي كيف رح تتغير كمان ..... اوقف مع نفسك شوي وحاسبها:
هل انت انسان طيب وخلوق؟>>>>> لا .لانك عصبي وتضرب و تقول كلام يسم البدن
هل انت كريم؟>>>> لا ,لانك اوقات تعطيها بالقطارة وواضح من كلامك ان بخلك عناد يعني مو بسبب ضروف مادية
هل انت مخلص؟>>>لا. لانك تتعرف على بنات والمشكلة انها كشفتك
هل انت رومانسي؟>>> لا, لانه واضح انك تبغى كل ما خرجتو تاخد اهلك ما عليه اهلك على العين والراس وحاجة طيبة انك تهتم فيهم وتطلعهم وهدي نقطة ايجابية فيك لكن المفروض لا سافرتو تسافر مع زوجتك لوحدكم حتى من دون عيالكم تجددو ايام شهر العسل وترتاحو من الضغوطات ولو ربي يسر لك بسفرة ثانية مو مشكلة خد اهلك
انا ما انكر ان زوجتك فيها عيوب <<<< عشان ماتقول اني منحازة لها لاني امراة لكن ربنا جعل القوامة بيد الرجل لانه هو القادر على انه يسير امور البيت ..
نصيحتي لك ان تجلس مع زوجتك وتتناقش معها بجدية وتسالها ايش الاشياء اللي انت تكرهها فيها وانت كمان تبين لها سلبياتها اللي انت تكرهها وتتفقو سوى انكم تعدلو من نفسكم في البداية رح يكون شوي صعب لكن مع الوقت رح تضبط اموركم صدقني مافي احسن من النقاش والحوار بين الزوجين ما تدري يمكن في نفسها ضغوطات خلتها تكره كل شي حولها وساعة لما يكون الواحد متضايق ومكبوت ما يقدر يقوم بمسؤولية نفسه فما بالك بمسؤولية البيت والعيال اعرف وحدة كانت في بيت اهلها نظيفة ومرتبة وشايلته كله على راسها وتزوجت وضلت على نفس الحال في البداية الى ان زادت مشاكلها مع زوجها تعبت نفسيتها وصارت مهملة في نفسها وفي بيتها وكل ما كلمتها تقول لي خلاص سيبيني تراني مو طايقة نفسي
اسأل الله العظيم مثل ما انت تسعى في اصلاح حياتك ان ربي ينولك مرادك ويسخر لك زوجتك ويسخرك لها وان يكتب لك السعادة معها واساله تعالى ان يهديك ويهديها الى طريق الصواب ... الله يوفقك آآآآآآآآآآمين
ارجع اعيد لا تزعل مني لانه ردي الاول وهدا كمان فيه قسوة عليك لكنها نابعة من محبة اخت لاخيها

زوجته بتصرفاتها ماراح تعطيه مجال يعدل من نفسه ... وضربك لها ماراح يعطيها مجال تتغير ..
برايي ان الزوج يحق له بالزواج من ثانيه اذا كانت الزوجة مهملة او ماتنجب .. ويجب العدل بينهم بالمبيت وغيره
الطلاق شيله من بالك عشان بناتك وعشانها بنت عمك ويتيمه .. هذا اولا

ثانيا.. قلها انت في بيتك معززة مكرمه لكن اسمحي لي انا راح اخطب لاني ابي زوجة كذا وكذا وكذا .. تهديد فقط

اذا ماتعدلت اعقلها وتوكل...

وبعدين مايصير تضربها بعدين تدعيها للفراش سلامات ؟؟؟ شلون تبيها تشارك نفس الاحساس وهي متألمه منك ؟
شيل الضرب من بالك ويمكن الضرب نتج عن ضغوطات نفسيه وهي مو من عادتك.. لكن حاول تكف يدك ولو وراها اخوان او ابو ماقدرت تمد يدك عليها ،، بس لاتنسى ربك فوقك ..

وتدخينها لازم تشوف له حل لانها هي مشكله كبيره لحالها ..

موفقين

راح اكلمك بصراحه اخوي ولا تزعل

انت صدق طلبت النصيحه او النقد بس اسلوبك يوحي بانك من النوع اللي يجلي اخطاء الاخرين
لا تحاولون تعدلون او تقولون تعدل >> وتتذمر من عدد الزوار بلا اجابه >> هنا نرجع لانك تجلي اخطاء الاخرين وتتناسى اخطائك واقوالك

ذكرت سلبيات زوجتك قبل سلبياتك
والمشكله انك اعترفت انه تجميعها كان صعب اسبوع وان تحفر وتدفن في شخصيتك وشخصيتها
الايجابيات الى الان ما جبت لها طاري وتقول يبغالي يوم اجمعها >> بالله عليك ياشيخ فيه انسان يشوف شي زين ويتردد انه يعترف فيه ؟؟؟

حياتك ان تعودت عليها وصدقني لو تزوجت راح تحن لهذي الزوجة اكثر من اي زوجه ثانية ليش
ببساطة لان شخصياتكم متقاربه

نجي للحياة بينكم :
- العاطفه بح >> يبغالكم اخوي تجديد في العاطفة وهذي ابدا فيها انت بما انك المشتكي الاول من الحياة تقرب لزوجتك تودد اليها بهدية بكلمة طيبه شاركها اهتماماتها شاركها العمل في البيت ولن يضرك ابدا الرسول صلى الله عليه وسلم كان في خدمه اهله الى ان يحين وقت الصلاة
- الغيره بين الزوجة واهل الزوج امر وارد في كثير من البيوت للاسف
انت حاول تنفذ بجلدك من مشاكلهم يعني لا تسوي مقارنات بين زوجتك واهلك ولا تجيب طاري زوجتك عندهم او خواتك عند زوجتك
مجبر على السفر معهم جميعا حسس كل وحدة انها الاهم اذا صار فيه نقاش بينهم انت ارفع يدك ولا كانك تسمع لاي احد منهم ابد
- اسرار البيت >> انت تقول في غيابي تتكلم علي
كيف عرفت ؟؟؟؟؟؟
عموما لا تترك الشيطان يلعب في عقلك كل زوجه تفضفض اذا الكلام اللي يطلع مايسيء لسمعتك عند ناس يهمونك انسى الموضوع الان والحب كفيل انه يربط لسانها
- الصلاة هي صلاتها اسرع من البرق طيب انت ماتصلي اساسا في المسجد
هي غلطانه وانت غلطان بنفس القدر اذكرك بحديث قد ضعفه بعض الرواه لكن لايضر ان نستشهد به : كيفمآ تكونو يولى عليكم
لا تطلب الكمال وان متقاعس عنه
- الدخاااااااااااااااااااااااااااااااااااااااااااااا ااااااااااااااااااااااااااااااااااااااااااان
ماعليش بس اسألك بالذي رفع السماء وبسط الارض هل تدخين الزوجه بسيط او انك تبحث عن السيئة
اخوي العزيز تدخين الزوجة يعني انحراف كبيييييييييييييييييييير يعني مشكله دينية واخلاقيه قاعده تصير في بيتك
يعني البنيه التحتية للبيت قاعده تنهار يعني بناتك قاعدين يضيعون يعني فيه اشياء ثانية غلط وكبيره في بيتك انت عارفها او مو عارفها قاعده تمشي للاسوأ والاسواء الكارثي
وانت كتبتها من ضمن السلبيات هذي مو سلبيه هذا خطر كبير يبغاله علاج
وهنا اقولك شي لا تلوم الزوجه هي جت من بيت اهلها ماتدخن المرأة دخنت في بيتك يعني انت المسؤول يعني فيه دافع لها ابحث عنه
- النوم الكسل التبذير الطبخ كلها عيوب يبغالك تعالجها وحده وحده بس قبل اي شي انت تعدل ( ادري قلتها من اول لا تقولون بس هذي النصيحه الاهم لك واللي انت عارفها )

انا اتكلمت عن عيوب زوجتك بس
نجي لك انت يكفيني اقولك ولا تزعل :
ان كان رب البيت في الدف ضارب فشيمة اهله الرقص

الله يصلح حالك ويهدي قلبك

__________________

الله يصلح الحال

__________________
لااله الا انت سبحانك اني كنت من الظالمين