شقر 55ديه..وهـ يابعدي تستاهلين بوسه على رآآسك أخيرا فيه أحد يتوافق معي في رايي ..
والله الكلام اللي قلتيه عين العقل,,لافض فووك يالغاليه,,
ياحبيلك لاطولتي ولاشيء خذي راحتك بقووة ياقلبي..
والله يجزاك خير ولايحرمك غالي..


نسيم الوسم..والله اني ماقصرت مع حماتي والله العظيم قلت لها بجيب لك مسماار قالت لااا انا جربته مررة زااد الوجع علي..
قلت مسكن قالت مايفيدني..يعني هذي الاشكال الطب يعجز قدامهم..حتى هم نفسهم مايدرون وش يبون..
وفي الاخير يحق لي اعصب ..
بس اعترف اني كتومه بزيادة والله يصلحني..
مشكورة اختي الله يجزاك خير..


توفي وفيصل..ههههههههههه يابعدي وانا أقرأ كلامك حسيت اني عجيز ياحبييييييييييييييييلك والله..
انتظر قصتك بفارغ الصبر امووت على سوالف الحريم هههه حتى انا بقولك وش اللي كرهني في التونون والتشكي <<من قدنا عندنا قصص...
جاااري الانتظار يارب ينامون عيالك بالعافيه..



Beta 2 ههههههه ياحبيلك حلوة اجل انشب لزوجي اذا طلع وابين له اني مهتمه مع اني من جنبهاا..
شسمه انا مو قصدي اذا ماعلمت زوجي ان معناة انه مايقدر او موقادر يساندني المقصد اني اعرف البير وغطاة فليه انكد عليه..ان شاءالله اتغير مثلك ياارب,,
بس للمعلوميه انا اكل حبوب "الفوليك"زوجي يشتغل في المستشفى وجابها لي وكلتها قبل الحمل ب3 اشهر..
وان شاءالله انا متطمنه من هالناحيه..
الله يخليلك لزوجك وتدلعينه ويدلعك وترفرف عليكما طيور الحب.."حلوة الدعوة00000



نبض الدان ..ياحياتي مررة رحمتك بس انتي اصبر مننا كلنا ماشاءالله لاقوة الا بالله
شوفي الناس لو ماتشتكي لها قالوا هذي ماتتعب ابد ((مايخلون احد بحاله
أذكر مرة كنت عند بنت خالي في النفاس وتسالها بنت خالتي عن الولادة هي كشرت وقالت تضيق الصدر الله يكتب الاجر
المهم بعدين شفت بنت خالتي نفسها صارت تقول ((شكل فلانه ولادتها متيسرة مرررة أسالها عن الولادة وردها بارد
عادانا خذت درس من ولدت اي احد يسالني عن الولادة انواااع الوصف وافلام الرعب والتهويل علشان مايحسبون اني ولدت وانا نايمه ولاحسيت الا وبنتي تصيح,,,,,,,,,,,,,,,,,
انا خصوصا في الولادة لازم يدري زوجي علشان يدعيلي ويرتاع شوي ويتوتر ويتحمس ومن هالامور
مو تجيه باردة مبردة..
ماشاءالله الله يحفظك ويخليلك زوجك وبنتك ..


ماريا 13..يابعدي والله الدورة متاخرة=حمل
لان عندي اعراض الحمل وش بقى بعد..
والله زوجي مسافر له اسبوعين بيرجع اول محرم وانا عند اهلي والمستشفى اللي عندهم خاايس مايدرون وين الله حاطهم..
بس اذا امك عندها خبرة اساليها عن اختلاف فصيله الدم يعني خطير او لا..
انا مدري وش السالفه بس امس وانا احوس في المنتديات طحت فيها وخفت شيء اول مرة اعرفه..
وش بعد انتبهي لنفسك وللرضوض ولاتهملي نفسك ويعيش الصبر يعيش..
والله القصص اللي قلتيها تحززن بس اهمال الاهل حصل بعد الولادة مو اثناء الحمل ..
وزوجي ماشاءالله عليه حريص في هذي الامور..
مشكووورة حبيبتي الله يشفيك وتختفي الرضوض ولاتشوفين لها أثر...

__________________
ربي أني لما أنزلت الي من خير فقير....

هايدي

موضوعك جاء في وقته

انا اليوم حزينه

نعم حزينه حزينه لدرجة البكاء والصمت والكبت

حصل موقف ضايقني جدا من زوجي

__________________

لا اله الا انت سبحانك اني كنت من الظالمين

& دلوعه مودي& ياااقلبي مو زين عليك تكتمي في صدرك لازم تفضفضي "انا لاضاق صدري وصار الموضوع خاص اجيب ورقه وقلم واجلس اكتب وابكي ليييين يطيح اللي براسي..

يارب مايأذن فجر بكرة الاثنين ألا وانتي مبسوطه وسعيده سعيدة لدرجه الضحك والله يصلح مابينك ومابين زوجك ويهدي سركم..آمين

__________________
ربي أني لما أنزلت الي من خير فقير....

حبيبتي هايدي ..تراني أحب هذا الاسم دام انك متابعة .. الحمد لله... طمنتيني على البيبي

ايوه عجبتني الدعوة ..ولك طيور مرفرفة مثلها

ربي يسخر لك زوجك ويسخرك له ويجعلكم قرة عين لبعض ويرزقكم ذرية صالحة تملي حياتكم

أولا ألف مبروك عليك الحمل والله يتمم لك حملك ويرزقك إبنا سليما معافا يجعله لك قرة عين ويكون بارا بوالديه إن شاء الله يارب
ثانيا يالغاليه أنا ما أحب الونونه والتشكي والصياح لاكن الحمدالله زوجي يحس فيه لوأنا تعبانه من شئ من تعابير وجهي
وطريقة الأكل أحيانا أجامله بس صار يحس فيه فيقوم يسألني وأقوله باللي يوجعني على طول يوديني مستشفي وحتى لو شافني ضغطت بيدي أومسكت مكان محددفي جسمي على طول يسألني يوجعك شئ أقوله لا يقول طيب وش فيك ضاغطه يدك يمكن يوجعك وماتبغي تتكلمين وآخر شئ يحلفني
بالله إن مافيه شئ .
وأذكر مره كنت تعبانه من الوحم وكنت دايم إستفراغ وأنتم بكرامه على طول أول لقمتين أقوم المغسله أستفرغ وما أخلص ألتفت حولي ألقاه شايل كأس الماء وعلبة المناديل يترك غداءه ويلحقني المغسله ويقول وش ذا الحمل خلاص إذا كان يسوي فيك كذا خلاص ما أبغى عيال هذا بيموتك وباقي ماجاء وأذكر ذاك اليوم وداني ثلاث مستشفيات واحد حكومي وإثنين خصوصيه وآخر شئ عطوني مغذي ثلاث ساعات وروحت البيت وأنا من النوع إللي معدتي تتهيج وتتفاعل مع الوحم وتتعبني والحين يوم عيد الأضحي طحت على الدرج وأنا نازله وصار عندي اللتواء في مفصل القدم والله إنه ترك الغداء على السفره وقال إلبسي عباتك وساعدني بنزول الدرج ورحت وسويت إشاعه والحمدالله مافيه كسر سولي لفة ضماد على الرجل وروحت حتى أثناء حملي بعيالي كلهم أتابع في عيادتين وحده خصوصي والثانيه حكومي من بداية حملي حتى نهايته علشان زوجي مايرتاح لمستشفى واحد يقول أضمن علشان ماتحصل مضاعفات عليك او على الجنين
لو فيه شئ ماكشفوه في هاذي العياده يكشفوه في العياده الثانيه ولو أصحيه الساعه إثنين أو ثلاثه وأنا تعبانه مايقول شئ فديت عمره ومره كنت تعبانه صحيته الساعه إثنين باليل وداني المستشفي وجلس معي ماروحنا البيت إلا اليوم الثاني الظهر من الطوارئ طبعا هاذا زوجي إذا ماشكيت له وما أهتم فيه على من أدق مافيه إلا الهلال الأحمر حينها بالذات لو أهلك بعيدين بس صراحه بعض الأزواج لوسيارته خربانه كان صلحها وجاب لها قطع من أغلى الوكالات لاكن زوجته لوبغت تموت من المرض ماحس فيها ولا عالجها
بالنسبه لزوجي مسكين مايحب يحسسني بمرضه لأني صراحه لومرض مرض شديد أقلبها مناحه عند راسه علشان كذا مايشتكي إلا فيما ندر طبعاالإنفلونزا والزكام وصداع الرأس والحراره والإرهاق أنا آلاحظه عليه بدون
مايتكلم ولوسألته يقولي وش يوجعه بس بدون ز ن زنه بس أختك ماتقصر فيه زيتي جاهز وعلبة الفكس جاهزه والزنجبيل جاهز والكمادات جاهزه وكمان مساج وتدليك لرأسه وحلقه كامل والماء والملح جاهز للغرغره وكمان شوربة الخضار وميزان الحراره وجهاز قياس السكر لأنه مريض عنده سكر والمستشفيات مايحب يروح لها إلا غصيبه
وما أتركه حتى أشوفه يسولف ويضحك والحمدالله على السلامه لاكن أتركه وهوفي أمس الحاجه لي وين الحب والرحمه والعشره وشئ أكيد أعامله مثل مايعاملني وإبن آدم ضعيف مهما كانت قوته وتبغين الصراحه أسلوبك هاذا أحسه غريب أكثر الزوجات يحبو ا يدلعوا على أزواجهم ويشتكوا ألآمهم بس أنت
ماشاء الله عليك بس إنتبهي لنفسك زين وأنت حامل لأن جنينك أمانه في أحشائك
فلازم تراجعي عيادة النساء بصفه دوريه كل شهر والشهور الأخيره في كل أسبوعين الله يعطيك العافيه على موضوعك الطيب والشيق .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

صباح الورد

معليش وعدتك اذا نامو وانا ماصدقت نامو نمت على طول قلت خليها لما يروحون لمدارسهم وصلتهم وجيتك

اسمعيني ياقلبي انا مااقولك اني صرت اشكي من فراغ لا ياعمري من تجربه انك لو ماشكيتي ماحد بيقدرك وبيعتقد الي قدامك انك سوبر وومن

وان عندك طاقات عظيمه يبدا كل شوي يكلفك بمهمه زياده وانتي قدها وقدود ومن هالحكي الي مايفيد

انا قبل عشر شهور تقريبا كانت شغالتي مسافره وقلت يلله الله اكبر لازم اعيش دور الزوجه المثاليه

وخذي من صباح الله خير اقوم عيالي وافطرهم وعلى المدارس ثم خذي كنس وطبخ ونفخ وغسل صحون
وملابس وتراها دورين وحمامات الله يكرمكم

واذا جو عيالي ليني مستمره اقعد معهم واذاكر لهم شي صراااحه فوق طاقتي

اسبوع الا انا طايحه حراره وانفلونزا مقدر اقوم وعلى بالك رحمت نفسي مستمره اطبخ واغسل صحون

يومين تماما الا انا مقدر اتحرك والاخ ولا همه حتى ماقال يلله على الدكتور

يدخل ويقول لا غدا لاقهوه لا ترتيب لا لا لا ولا شاف هالطايحه واخيرا رحت للدكتور وعطاني مضاد

ماقصر يجي بالليل ومعه عشا بس باقي الاوقات عايشه على المعمول ولا اتحرك من الكنب بالدور التحتي وحالتي حاله حتى الدرج مااقرب منه

عيالي مايروحون للمدرسه تصوري بعدها بشهر رجع لي نفس المرض و وبعده بشهر نفس الشي

اتوب اكررها نعم للدلال

دللي نفسك يدللك الي حولك

أنا مثلك ياهايدي

ماأحب الشكوى والونونة

مرة عاتبت زوجي قالي :إنتي قوية

والله أمرض ما يسأل عني

واللحين أنا ماأهتم إذا مرض ماشاء الله مايقصر على نفسه إذا مرض كل يوم كيس أدوية وعصير

وياكثر مايتمارض عند أي مشكلة أنا مريض

أكره عمري إذا زرت أهله البيت كله يون كأني في مستشفى

حتى كاسة الموية يشربها الواحد فيهم وهو يون ،،،الحمد لله على العافية

إذا ما أشتكينا لبعض
وتقاسمنا الهم
بنشتكي لمين؟!!!
أنا إذا تضايقت أشتكي لزوجي وحبيبي وكل شي ف حياتي
يخفف عني ويسمعني
وهو بعد يشتكي لي وأسمعه
الله يخليه لي
الحياه الزوجيه تكون مشتركه بين الشريكين
يتقاسمان اللحظات سوياً سواء حلوه أو مره
تشكرين ع الطرح ارائع
ربي يسعدك

ماشاء الله عليكي .. صبورة ..

بنتي عمرها خمس سنوات , وهي مثلك صبوووووووورة ,

تجيها اللوز , وتصير جفونها حمرااااا , وما تآكل بالايام , وعلى طول نايمه ,

.. ولا قط يوم قالت ( ماما يألمني ) .. حتى لما أشوفها كذاا , وأسئلها ( شنو فيج ) ( وين يعورج ) ؟؟

.. يالله ترضى تقول .. اتعب انا وأبوها نسئلها !! الظاهر هذه البنت طالعة عليكي ^_^

..

أما انا فأتشكى وأون , بس مو كثير , مرة مرتين , وخلاص يعني ( اوصل المسج وخلاص ) ^_^

.. وزوجي يقول لي ( سلامتك وما تشوفين شر ) .. وبسسس وما يقول قومي بوديك المستشفى , لانه يعرف انه برفض ..

.. أفضل أكون في سريري , ووأشرب بنادول اكسترا وبسسسس , مالي مزاج مستشفيات !!


..

__________________

بصراحه كثرة التشكي والون والأنين لزوج أو غيره توجع الراااااس جدتي الله يحفظها على طول تون وتتألم طبعا هي مره كبيره في السن وهذا شي عادي وأنا عن نفسي مقدره وضعها وماتضايقني لكن أشوف كل الي حولها من أبناء وأحفاد يتضايقون لأنهم مابيدهم شي بعكس جدتي الثانيه الكل حولها ومهتم فيها لأنها قليلة الشكوى أصلا حتى أذا مرضت ماتتكلم

لكن غاليتي أنتي وضعك بعد مبالغ فيه مافيها شي أذا تعبتي تخبري زوجك يعني لاتزني فوق راسه بس بعد حطيه بالصورة خليه يحس فيك ويهتم في حملك ويدلعك شوي
صدقيني بعدين تندمي وحده من جاراتي كانت كذا حتى وهي نفاس مابينت لزوجها تعبها وألامها والنتيجه من ثلاث أيام خلها تروح بيت أهله تزورهم والله صدق ليه لأنه ماحس أنها تعبانه أو فيها شي

يعني صح الواحد يحتسب الأجر لما يمرض أو يتعب بس من رايي مافيها شي لو حسسنا الي حولنا أن أحنا تعبانين سواء كان زوج أو أم أو أخت حلو الواحد يحس الي حوله مهتمين فيه صح وإلا لا

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.