مستجدات
رحت زواج فيه كل اقاربنا والمعارف ومن بين الحضور وحده من اخوات زوجي

كان موضوع الليلة بنت غاليه زعلانه عند اهلها
الموضوع وقع بين مؤيد وشامت ومعارض ومتفرج

اخت زوجي ماسلمت على امي وابوي اتصل فيها يوم العيد يبي يعايد ماردت
وتجي والدة زوج حماتي وتذب علي بخفة دم
يا الشروووود وراك شاردتن من بيتس ؟؟ سألت عنتس قالوا شردت ثم بدهاء العجيز شاردتن من الحر انتي ؟؟
مارديت عليها ابددد
ابتسمت لها وراحت

ثم الحريم يمسكن امي تحقيق وتحريشات فوووق الخيال سبحان الله مافيهم احد عقله براسه يقول ابي ادخل بخير

ثم تنتقل المعلومات لي
زوجي واهله قايلين للناس البنت ماكان بينها وبين زوجها مشاكل بس اهلها اخذوها بدون علمه وماكان يدري وان الولد يبيها بس اهلها حالفين ماترجع والسبب في السالفه اخوها حرشها وخرجها من بيتها

والله انصدمت من اللي سمعت ولكن
ما اقول غير حسبي الله ونعم الوكيل .

__________________
من عاش لله ومات لله فقد ربح دنياه وأخرته...

السلام عليكم ورحمة الله وبركاته.

طالما ياغالية ما في حل ولا أحد يريد أن يتفاهم التدخلات والكلام سيزيد والرجوع يكون صعب..

سؤال واجيبي بصراحة..

عقلك ماذا يقول وقلبك كذلك؟!

وهل تحبيه وتكابري؟!

الأمر مع إحترامي لايستحق بسبب الوظيفة.

أعانك الله

الله يعينك على القيل والقال .. بيتعبون الناس من الكلام وينسونك لا تشيلين هم ..

انا يا بنت غاليه بصراحه ما اعرف انصح يعني كلامي دايم يجي مثل الثرثره اللي مالها داعي
او مجرد تحليل مثلاً .. بس عندي اقتراح لك اشوف مامنه ضرر وبيحرك زوجك يمكن ويخليه يستحي ع نفسه ويشوف حل او تجي منه مبادره ..

ليش ما تكتبين له رساله مخمخيها ع روااااااقه اكتبها اولاً في الملاحظات .. ع قولتهم انثري فيها المسبحه كاااااااامله .. كل اللي في خاطرك اكتبيه بس ع شكل نقاط وتكون مفصله و امزجيها بالكيد وخليه يعيش تأنيب ضمير .. لا تقولين ماراح يقراها والله انه بيقرا .. ولا تقولين ما بيتأثر او بيحس والله بيصير لها وقع في نفسه .. خليه يعرف وش هو مسوي لأنه شايف نفسه ماغلط نهائياً .. فصلي له غلطاته واخطائه في نقاط .. خليه يراجع نفسه صدقيني زوجك فيه خير مو سيء ابداً .. اعتبريها محاوله اخيره منك .. وفي نهاية الرساله مثلاً خليه يعرف موقفك تمااااام انك مستحيل ترجعين او تبادرين من دون هو ما يجي ويعتذر لك شخصياً ع غلطه ع ابوك
وخليه يعرف بس بطريقة ذكيه انك مازلتي محافظه ع صورته قدام اهلك ولا علمتيهم عن غلطه على ابوك .. لأنه ع الارجح طايح وجهه في هالنقطه تحديداً يحسبك علمتيهم ..

اخيراً .. يا اختي يا حبيبتي تذكري داااااائماً ..... والصلح خير ...... طريق المحكمه ارجووووووك لا تبدين فيه انتي انتبهي ترئ الدخول في هالطريف ماله الا نهاية وحده وهي الطلاق .. او يمكن صلح بس بعد ايش بعد ما تجرجرون بعض بالمحاكم وياعالم الصلح هذا كم يستمر .. وبتكون النفوس مشحونه ع بعض ..

الله يعينك ويصبرك ويساعدك ويرشدك الى الصواب ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

امين اشكرك على دعوتك الطبية

__________________
من عاش لله ومات لله فقد ربح دنياه وأخرته...

اشكرك على نصيحتك الثمينه واحساسك الصادق
للاسف ما اضمن ان زوجي يحتفظ فيها لنفسه راح يوريها اخوانه ويقول شوفوا اتهاماتها لي
من جد نفسي بس ماعاد اثق فيه ولا اثق بردات فعله ماعاد ابغى انجرح زياده اللي جاني منه كفايه

__________________
من عاش لله ومات لله فقد ربح دنياه وأخرته...

واضح انك مجروحه منه كثيييييير .. وانا واثقه ان فيه أسباب ما ذكرتيها هنا ..

عموماً الله ينور بصيرتك ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

اشكرك على ردك واهتمامك
اي نعم مجروحه منه ومن اهله لاني ما اذيتهم وهم شغالين حرييييقه وراي من اول ما ملكت علي زوجي ... الله يهديهم .

والله ما انهزم وانا واثقه بربي وعدله

__________________
من عاش لله ومات لله فقد ربح دنياه وأخرته...

مستجدات

اعمام زوجي حظروا عند ابوي وقالوا له نبيك تلين معانا شوي
قال ابوي ليش كنتوا تقولون يستاهل خل بنتك عندك ليش تغير كلامكم !!؟؟؟
سكتوا قال وش رايكم ماعاد تتدخلون ابي الولد وبسس
قال عم الولد واضح انك حريص على بنتك بس ترا بنتك قوييييه ابوي اعطاه نظرة حاااده وسكت


ام زميل زوجي اتصلت بي
قالت زوجك يبيك وكللل كلام اعمامه عنك وعن اهمالك للغسيل والطبخ حلف انه كذب وانك ماعمرك قصرتي الا لسبب قاهر
ذكر سببين
الاول اهله يقول ماتركوه في حاله واني انا بنت غاليه ماعرفت اسايسهم
والسبب الثاني يقول اهلي ماعطوه فرصه يصحح غلطته وابوي حالف ما ارجع الا بعد ما يجي

اخر شيء
قال للرجال لو ادري ان زوجتي باقي تبغاني لو واحد بالميه والله لاسعى لرضاها بس احس انها بايعتني
وقال افكر بعد العيد اكلمها رغم اني خايف من ردة فعلها ...صراحة مادخل مخي هذا العذر اعرف انه يصرف


عسى الله يفرجها

__________________
من عاش لله ومات لله فقد ربح دنياه وأخرته...

طيب ارسلي رسالة ان عرفت انه خايف انك ما ترضين بالصلح
و ان ذلك غير صحيح. لكن من الأصول حضوره لوالدك و تطييب النفوس

__________________

السلام عليكم ورحمة الله وبركاته.

مستجد جميل جدا ماشاء الله تبارك الله..

غالية حبيبتي لاتكابري واطلبي من أن يأتي لوالدك ليطيب خاطره..

نصيحتي لا تسمعي كلام الذي ينقل إليك سواء كان صحيح ولا لا فهذا الكلام يكبر الفجوة بينكم..

أصلح الله حالكما، سعدت جدا لأجل هذا المستجد وبدأت تفرج بس لا تكابري ياأخيه ولرسلي.