لو بتاخذه كيف بندخله للسعودية ؟؟
سواء تزوجته او لا
طريقة ادخاله للسعودية هذه هي المرحلة الاصعب الآن والاقرب للمستحيلة

سامحوني ازعجتكم معاي
بس لعل احدكم عنده حل او يفهم بمثل هذه القضايا ويسعفنا
والحمدلله على كل حال

لا مو مستحيله
روحوا السفاره كلموهم يطلعون له جواز
عادي كثير مواليد ينولدون برا السعوديه ويدخلونهم
تقارير الولاده خذوها معكم عشان تثبتون انه طفها

http://www.scuccs.com/portal/index.p...ess&Itemid=184

شوفي هذا الرابط ان شاء الله يفيدك

يحتاج شهادة ميلاد سعودية
و يحتاج كرت عائلة سعودي

الحل هو تدخل جهات الأختصاص بالسعودية مثل الشرطة و الهيئة و القضاء ليثبت عليه جرمه فيتزوجها
اثبتوا ابوة هذا الرجل بأي طريقة

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

باي حق هم اخذوه .. روحو اطلبو الطفل من دار الرعاية وعطوه لامه ترضعه حرام والله .. و معليش لازم اهلك يتنازلون وتظل مع اخوكم اللي يدرس مؤقتا والوالد او محامي تستعينون فيه يتولى متابعة الموضوع مع السفارة والداخلية واهل الولد حتى تلاقون حل ..

اقل شي تسوونه انه اختك ترجع بالطفل وتسلمه لدار رعاية هنا ولا يترك للكفار هذي جريمة ثانية بحقه

حمدلله على سلامه اختك
كنت دايم ادخل اشوف وش المستجدات
الموضوع صح معقد ومحتاج محامي
واهل الولد مايخافون الله
سوو تحليل دي ان اي
اختك هي الام البيولوجيه ولها الحق انها اي وقت تاخذ ولدها
الي معور قلبي انه بينشا مسيحي ممكن تشرط عليهم تاخذه عائله مسلمه
المشكله الحين رده فعل اخوانك
الوالد يظل قلبه على بنته بس الاخ تاخذه الحميه اخاف يسوون فيها شي
سالفه انه كيف قدام الناس يكون ولدهم قبل عمر الزواج ممكن تقول انها تزوجت مطلق بطفل وان هذا ولده من زوجه ثانيه
اهم شي اخوانك لا يدرون الحين
والله يفرج همكم
روحو لمحامي تبع السفاره وشوفو وش يقول لكم

انا اقول ارجعوا بالطفل وربوه بينكم كانكم ماخذينه من دار الايتام بالسعوديه
حاولو تطلعون اوراقه وشلون يدخل السعوديه

اتصلي على السفاره قولي اختي ولدت ومامعاها ورقه زواج وزوجها بالسعوديه وبنطلع الطفل واسالي لعل وعسى تكون الاجراءات سهله

اختي دنياي أتعبتني
مره كنت بالمحكمة أبغى اطلع صك اعاله لاولادي وقابلت بنت معها ولدها وجلسنا نتكلم وقالت انها تبغى تطلع صك اعاله لولدها لانه مجهول النسب قلت لها كيف مجهول قالت ابوه مات وانا حامل فيه وبعد ما ولدت ماعرفت اثبت نسبه سألتها عادي طيب بشهاده الميلاد
قالت ابوه ماكان زوجي غلطت معه وحملت وأهلي تبرؤ مني ولدت ولدي ورحت سكنت عند خالتي وبعدين ما رتاحت معها راحت وعاشت في رباط للأرامل او المطلقات حاجة زي كذا مكون من غرفه وصاله وقالت محتاجة 2 شهود و2 مزكين دفعت فلوس وجابت الشهود للشهاده ان طفلها مجهول النسب وطلعت صك اعاله وقالت لي تقدر تسجله في المدرسه و يتعالج عادي. واعترفت لي ان أب الولد حي مامات بس هرب ولا تدري وين راح وكان خطيبها وبعد ماحملت هرب وتركها

__________________
ريم نواف سابقا