وعليكم السلام ورحمة الله وبركاته

أختي الكريمة فايض حناني
مثل هذه المشاكل لا تنحل عبر المنتديات لكل من هب ودب ، فلعل هناك من شياطين الانس هادمي الاسر والبيوت من تدمر حياتك وتحرضك على إتخاذ قرارات مصيرية خطيرة تندمين عليها في اليوم ألف مرة ، ولا شك أن هذه التحريضات نتيجة تربية بعيدة عن روح الاسلام المتسامح ، ولا تنسي أن كل زوجين لهم ظروفهم وهما من يستطيعا تقدير المصلحة والمفسدة أكثر من غيرهما .
قلتي أن خلاف نشب بينكما سابقاً أضطررتي إخبار أبيك أن زوجكِ يشاهد أفلام الزناة والفسقة العراة ، وأنا لا أريد الان لومك على إخبار أبيك لانك لا تريدي الملامة والحمد لله أنك مدركة أن هذا خطأ جسيم وقعتي فيه وهو هتك ستر الزوج والله ستور يحب الستر ويحب كل إنسان ستور ، وكما تعلمي أن أقرب إنسان للزوجة هو زوجها وأقرب إنسان للزوج هي زوجته فكثير من العيوب والاخطاء يتم إكتشافها ومن الواجب عليها المحافظة على الحب والستر ومحاولة إصلاح هذه الاخطاء والمعاصي بالتي هي أحسن وبالتذكير بغضب الله والرجوع والتوبة فهو من يأمرنا أن نستغفره بعد كل أمر يقع منا ولا يجب أن نجبر شريك الحياة على شيء فالله هو المعاقب ومحاسبه على ذنوب عباده .
يبدو لي أن زوجك هداه الله بعد هذه الفضيحة تحركت لديه غيريزة الانتقام وهذه الغريزة كالوحش الكاسر والعياذ بالله إن لم تكبحها وتلجمها فإنها تفترس الانسان وتنقض عليه كإنقضاض الوحش على الفريسة وكثير عندنا في المجتمع من تسيطر عليه غريزة حب الانتقام ويخسر دينه ويغضب ربه ويظلم عباد الله أشد الظلم والقهر بكل ما أتي من قوة وكله من أجل التشفي والانتقام للذات ، وهذا فعله زوجك الان بك بعد أن فضحتي وهتكتي سره حصلت له صدمة كبيرة وكسيرة على قلبه ووجد الفرصة مواتية للرد على ما حصل من تشويهك لسمعته أمام خلق الله وأمام عباده فقام بالرد إنتقاماً منك بدل الصاع صاعين وأراد أن يكويك بنار الالم الذي إحترق منه وهو السمعة والشرف ، ومن المؤكد أن كلاكما أخطأتما وأظن أنه لم يتهمك بسوى تهمة أنك تكلمي شباب ولم تصل المواصيل له أن يتهمك بالزنا والعياذ تعالى لانها تهمة فادحة معاقب عليها شرعاً وقانوناً .
أختي الفاضلة المحترمة العفيفة الشريفة الطاهرة لا تبالي فزوجك مجروح ولكنه يريد أن يعطيك درس تستوعبيه جيداً وهو أنك قبل أن تهتكي ستر الناس يجب أن تنظري لفعلك وأعتقد أنه يريد منك تغيير بعض الاشياء فيك ولكن لا أدري ما الاشياء التي يريد أن يغيرها فيك فهذا الامر يحتاج الى فحص وتدقيق .
أنتِ أوصلتي الرسالة بكل وضوح أنك تحبينه حب الجنون ولا تريدي خسارته كزوج وهو يعرف هذا الشيء الان فلا داعي للتأكيد عليه كل من ذلك ، وانما المطلوب الان أن تتجهي الى شيء آخر وهو أن توصلي له رسالة بشكل جلي لا غبار فيه أنك مستعدة للتحاور معه بكل صغيرة وكبيرة وقولي له اذا هناك أشياء تصدر مني تضايقك فأرجو منك أن توضحها ولك طيب الخاطر ، بعد أن توصلي له هذا الامر أعطيه الوقت الكافي يفكر ومن الواجب التحكم بعاطفتك توقفي عن مراسلته بكلمات الحب والاشتياق فأن ما قلتيه له في الايام الماضية كافي ويفي بالغرض المطلوب وهو استعطاف قلبه .
الان المطلوب أن تعترفي له عن خطأك السابق وقولي له المسامح كريم وأنت أيضاً الان قمت بالرد وإتهمتني ويجب أن توقف هذه التهم وقولي له أنا متأكدة أن في قرارة نفسك تعرف أني شريفة ونظيفة والله يقول في محكم كتابة : ( يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ) والشيطان ملعون يريد يفرق بيننا واذا أخطأت في حقي وظلمتني فأنا سامحتك للحفاظ على عشنا الزوجي ولكن تأكد إنك إن ظلمتني فلن أدعوا عليك لانك زوجي ولكني أخشى عليك من حوبة المظلوم لان الله عادل يحب العدل .
أتمنى يا أختي يأتي اليوم ترجعون فيه لحياتكما الزوجيه وبعد أن يجد منك انك زوجة مطيعة وطيبة وملتزمة وخائفة لله يبكي ندماً بين جناحيك ويطلب منك الصفح والعفو ؟

كناري البحرين كلامك دررررررررررررررررر

وينك فايض حناني طمنينا عنك ولوبكلمتين والله اني ادعيلك ودايماً على بالي

الرجل دا يتصل يتكلم كلمة ويسكر وخلاص محسب إنو الحق معاه و لو حتى لو إنو غلط على الكبار عادي
أنا أشوف إنك دحين تاخدي جوالك وتقفليه وتعطيه لأبوكي مقفل وتقوليله لا يعطيك الجوال لو إيش ما صار أو ضعفت ولا تحلولي بأي شكل إنك تتصلي بزوجك مهما صار وخليكي على كده فترة وحتى لو طالت ل3 شهور أو أكثر وفي أثناء هذه الفتره إلزمي صلاتك ودعائك وإستغفارك وصدقيني رح يتجنن ويجيكي ويحاول يكلمك ويوصلك بأي طريقة وخصوصا كلما دخل على الواتس اب ولقاكي أوفلاين حيصير عقلو ياخد ويدي يبغى يعرف أمورك بس الطريقه هادي يبغالها صبر وقوة إيمان شديده
ولو كنت بنت أبوك صحيح إذا أتصل على البيت لاتردي حتى ولو أبوكي ناداك وقلك كلمي زوجك خلاص صفية النفوس أشريله ولا تخلي زوجك يسمع صوتك وقوليله خلاص يا أبوي أنا ما أبيه ما أحس معه بالأمان خوني أول كل الناس وهو أقرب الناس كان المفروض يسكتهم مو يوقف مع الناس ضدي كل ما أحد قال عني حاجة صدقه وكذبني ولا تكلميه لفتره من الزمن ولو طالت لأن الطعن بالشرف أسوء صفة في الإنسان فكيف ولو جاءت من الزوج أعتقد إنها مصيبة ولو لم تفعلي ذلك سيذكر لك هذا الموضوع طالما حييتي
أسأل الله أن يهدأ سرك يارب

اهلللييين اخواتي ،، ماصار شي جديد لكن زوجي جا مره ثانيه للرياض يجيب امه اللي هي عمتي لاخواتها تسلم عليهم ولما وصلو عمتي ام زوجي اتصلت بابوي تسلم عليه من رقم ثاني لان ابوي ماكان يرد عليها ابد اتصل من رقم ثاني ع ابوي وقالت اخبارك انت بالبيت بجي اشوفك واسلم عليك قالها ابوي انا طالع ماراح ارجع البيت الا متاخر ابوي ماله نفس لهم ،، بعدها اتصلت فيني عمتي ام زوجي وكلمتني ببرود مره وقالت ممكن ترسلين لنا عيالك بنشوفهم قلت ان شاء الله ارسلت عيالي الاثنين الكبير والصغير اللي توه مولود مع شغالاتهم وعاد زوجي شاف عياله ببيت عمي واخذ ولدي الكبير للسوق وشرا له ملابس جديده وغاليه ورجع ولدي وعليه ملابس غير عن اللي لبسته ومعه كيس فيها ملابس جديده وماركه وهو زوجي مايعرف بالماركات المهم وعطا الشغاله الف قال عطيها ماما يقصدني ،، ،، بس هذا اللي صار وهو ماكلمني ولا انا كلمته وانا اليوم اتصلت بعمي بساله عن حاجه وسمعت صوت زوجي عنده حسيت بضيقه وجلست ابكي يوم سكرته من عمي حسيت اني مجروحه منه ومافي ببالي الا ليه سوا فيني كذا وليه للحين ماطلقني ،، وشغالتي تقول ان بابا تقصد زوجي بس ماسك ولدي وانه يوكله ويمشي ورا ولدي وين مايروح مسوي نفسه حنون يركض وراه ويلعب معه كوره ويوم حطو العشا بييت عمي جلس يوكل ولدي ،، وايه ع فكره ترا ماشرا للصغير شي بس لولدي الكبير وايه بعد زوجي سال ولدي الكبير وقاله هذا مين قال ولدي هذا بيبي ماما،، بس هذا اللي صار وزوجي الى الحين بالرياض مارجع للشرقيه جالس ببيت عمي مع امه وخالاته ،، اللي قاهرني لو مايبيني ليه معلقني ليه ماطلقني ؟؟ وودي اعرف وشو تصرفاته هاذي مدري احس قصده انه بيطلقني وبيوريني انه انا اصرف ع اطفالي و اني بعيد واني راح اجي وازورهم واطلع واشتري لهم وانتي بطلقك هذا احس تفكيره بس المشكله دامه هذا تفكيره وناوي ع كذا ليه ماسواها طلق وانتهى كل شي وبقا على وضعه هذا؟ دعواتكم لي احس نفسي معلقه لاني اللي متزوجه ولاني اللي مطلقه

بالعكس أنا شايفه تصرفه الأخير معك تصرف واحد شاري مو بايع وأحسه تصرف واحد نادم بس محتاج بعض الوقت يراجع نفسه
(صدقيني لو بايع ما أعطى الشغالة مبلغ توصله لك ولا حتى دلل الولد ولاطلب يشوفهم)

زوجك بدأ يتحسف ويندم على إلي سوآه وحاب يوصل لك رسالة أنه شاريك ولسى عنده رغبه فيك

بس أنت لاتبادري بأي مبادرة خليه يأخذ وقته بمراجعة نفسه وخلي الصلح يجي من جانبه ويجي

يعتذر أعتذار يليق فيك ولاتتهوري وترسلين له رسائل أو تكلمينه حالياً خليك ثقيلة عشان يحس
على دمه وتكبرين بعينه فلاترخصي نفسك

والله أكتب لك الكلام وخايفه تطيرين بالعجة وترسلين له وإلا تكلمينه وتخربين على روحك

ترى مابدأ يحس ويندم إلا بعد ماطنشتيه وتركتيه يحسب ذنوبه فلا تبادري وأكرر لاتبادري بشيء


وزي ماقلنا خلي الموضوع بيد الرجال

بالعكس هذي بوادر خير لوكان يبي يطلق كان ما ارسل لك مصروف شفتي لما سمعتي الكلام وطنشتي وش صار استمري وياليت حتى عمتك لاتردي عليها خلي احد غيرك يرد عشان يعرفون انك مانتي مهتمه بهم وأحسن ان أبوك تصرف كذا عشان يعرفون انكم مانتم مهتمين فيهم وياليت تتوضفين وتعيشين حياتك حتى يعرف زوجك انك مستغنيه عنه عاطفياً وماديا وهذااكثر شي يخوف الرجال

أدعوه سبحانه وتعالى أن يجعل قلبكم أحلى من الدر والالماس

اتركى الامر لوالدك

الحمدالله هاذي بوادر خير الحمدالله على كل حال فايض لا تكررين هالكلمه مايبيني يطلقني مخليني كذا لاني متزوجه ولاني متطلقه انا وش قلت لك اتركي الاستعجال الامور هاذي يبيلها وقت لا تعيدين هالكلامه مره ثانيه فالها موحلوه احس ان هم يبون يرجعون المياه لمجاريها لا تسكرون البيبان بوجيهم من بعد ماكنتو تتمنون انه يرجع حبل الوصل بينكم انا اشوف تصرف ابوك حلو للمره هاذي بس اذا مره ثانيه قالو بيجون عاي استغبلوهم لانج انتي تبينه ماتبين فراقه بس لا تروحين تدقين عليه احذرج يافايض احذرج احذرج من انج دقين عليه او ترسلين له رساله حتى لو دق عليج لا تردين مو يتحرقص قلبج عليه وتردين خلج ثقيله واصبري واحتسبي لين تهداء المشكله اي حركه منج او تصرف ترى ترجعين المشكله تشعلل من جد وجديد اما موضوع انه جاء عند اهله وكذا ماعندي تعليق عليها ان شالله ربي يبرد خاطرج بالي فيه خير لج ولا تستعجلين الغاليه احس انه بديندم لكن حتى لوندم
لوتقطع ندم انتي مايفيدج ندمه الا اذا جاء معاه فعل ومو اي فعل الفعل الي يرد اعتبارج ويبيض وجه ابوج المسيكين