الحصه الاخيره كنت بفصلي وفجأه أسمع اصوات كلام وضحك وضجه من الطابق السفلي ماالتفت للاصوات واكملت شرحي شوي وتجيني معلمه تقول تعالي شوفي المفاجأه وتسحبني اروح معها رفضت واستمريت في الشرح شوي ويدق باب الفصل وينفتح جايتني زوجته مع احدى المعلمات وهي في اوج نشوة الانتصار والابتسامه والفرح وتقدمت نحوي تسلم الجمتني المفاجأة وصافحتها وانا مذهوله ثم قلت لها من اللاشعور لو سمحت اطلعي بره اندهشت مني المعلمة الثانيه وصارت تقول صل ع النبي كررت مرة ثانية وقلت لها احترمي نفسك واطلعي بره قالت بتهكم وش ذا الاستقبال انتو كذة تستقبلون ضيوفكم
مسكتها من كتفها وادرته لجهة الباب قلت لها هذا مكان علم وعمل فقط اطلعي مرة والمنظر على مرأى الطالبات والصدق نبرة صوتي كانت منخفضة لاني كنت مخنوقه لحظة بكمل.
خرجت جوالي كان معي اتصلت بزوجي وانا ارجف وابكي قدام البنات والطالبات كبار ثانوي قلت الآن تجيني وبسرعة قال لي مكانه بعيد مايقدر يوصلني ولا بعد نص ساعة كان ياقي على نهاية الدوام 10د قفلت الخط بوجهه واتصلت بأحمد مارد علي اتصل بي زوجي يبي يفهم وش صاير ع قلت فلانة بالمدرسة جتني لفصلي هذه المهزلة والمسخرة اللي انا عشتها انت السبب فيها صار يهديني وقال انا بتصرف لا تطلعي مع السواق انا بمرك ارجعك البيت وانتظرته لين جا وطول الطريق وانا ابكي وحكيت له القصة بالكامل رسايلها وفصل جوالها
سألته 3مرات انت رجعتها مايرد علي لكن طول وقته حاضن يدي بالسيارة وطلعني البيت الين غيرت ملابسي واكل فواكه وجبرني آكل معه وبعدين .. سلم ع راسي وخرج.