تعوذت من ابليس
وقررت انسى واقفل هالملف
احتراما لنفسي ولان رسالتي وصلت
الله يكفيني شر هالعقربه
و يرد كيدها بنحرها

لاراح اسفرها ولا اتنازل عن شغالتي
ماصار شي لحد الان
والشر اللي فيها بشوف اخره
يمكن بعد اليوم تتأدب وتلزم حدها
ما راح استعجل
ولا استبق الاحداث
اليوم هي فقدت صوابها
وزوجي لاول مره يصرخ عليها
يمكن خيره وينصلح حالها معنا
ما اعتقد بتتمادى معي زياده
لاني ماعمري قلت لها كلمه
بس تصرفها اليوم بين انها كاتمه
وشاحنه علي وانفجرت بدون شعور

وبصراحة اكثر
كل ما اتذكر شكلها وهي معصبه
وتنافخ علي بشكل شوارعي
احس اني عطيتها قيمه وهي ماتستاهل
شفتها اليوم بشكل بشع
تصرخ علي وهي تهز كنها مجنونه
رغم اني مازعلتها بكلمه
هي اللي هجمت علي بالصاله
لمت نفسي اني نزلت لهالمستوى
هي مستفزه صح
بس هشه جدا جدا وهذا شفته اليوم
الله يلهمني الصبر وراحة البال

الله يكفيكم شرها..اتوقع انها انضغطت هالفتره يمكن زوجك بعد تنبيهاتك ساحب عليها وام زوجك كلمتها بخصوص تعاملها مع زوجك ف حقدت عليك وحصل الانفجار..احرصي على وردك اليومي واستودعي زوجك اذا راح لهم..والباقي ماعليك منه..يسفروها يبيعوها يخلوها بالطقاق انتي لاغلطتي وهم بكيفهم فيها،،

الله يكفيكم شرها
جرأتها عليك مخيفة جدًا و لو بيدل ع شيء راح يدل انها متمكنة من زوجك فانتبهي و حبيبتي لا تتجاهلين الموضوع
وش يضمن لك ما تسحركم ؟
وش يضمن ان جلوسها يعلق زوجك بها

قسم بالله الوضع مريب مررررره

لا تسكتين و لا تطنشين

صحيح ما هي شغالتك ولا هي بكفالتك لكن وجودها يهدد حياتك
و من حقك تدخلين و تطلعينها

الله ياخذها حرتني

سبحان الله ، ردة فعلها غير متوقعة ابدا
و جرأة عجيبة جدا ...
اسأل الله ان يكفيكم شرها

__________________
أشهد أن لا إله إلا الله و أشهد أن محمدا رسول الله صلى الله عليه و سلم

انا انفجعت اليوم انها تتواصل معه جوال
وتجلس تتشكى وتتبكبك عليه
كنت حاااااسه والله العظيم
لحد ما ام زوجي اكدت لي هالشي
وهو لف السالفه وبرر انو كفيلها
يقول طبيعي تشكي لي انا كفيلها
قلت هي شغاله امك.. تشكي لها
وفي اختك برضو ممكن تشكي لها
مو تنط لك انت ببيتك وتكلمك بالليل
قال كنت بهدي الوضع
عشان ماتشب حريقه ببيت اهلي
وماتقول خلاص بسافر


طبعا تصرفات زوجي تقهر
بس خلاص احس تبلد
اللي جاني اليوم هد حيلي

زوجي انقهر اكثر مني
لحقها المطبخ وشرشحها
وجلس يتعذر مني ويطيب خاطري
بعدين قلب فجأه وقفل مزاجه


انا منغثه منها
كل تصرفاتها كوم
وموقف اليوم كوم
الله يشغلها بنفسها
والا انا وزوجي مو ناقصين مشاكل

لوفتي انا الى الان متعجبه
والله محد تجرأ يكلمني كذا بحياتي

اصلا انا طلبت من خالتي ماتعلمها باتصالي
ما ابي اعطيها اي اهميه
قلت كلميها ولا تعلمينها اني كلمتك
تروح الله يهديها تعلمها
وتجيني الشغاله شايطه وتسبني
كأنها هي المدام وانا الدخيله عليها
حسبي الله ونعم الوكيل

عندي سؤالين يا روان

من متى و الشغالة ببيت اهل زوجك ؟
و متى بدت المشكال بينك و بين زوجك بهذي الصفة الغير طبيعية ؟

صراحة توجد اشياء غريبة جداااا

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يكفيهم شرها ...كرري دائما اللهم إني أعوذ بك من شرها وأدرأ بك في نحرها.

__________________
سبحان الله وبحمده..سبحان الله العظيم

احرصي ع وردك واستودعي نفسك وزوجك واولادك الله
الله يكفيكم شرها