ما هو للاسف انى كنت فاكر انها كدة هتتظبط ويبدو فعلا ان الجرح ملتلمش من عندها وهى من نوع الكتوم ومرديتش تعرفنى انها زعلت خصوصا انها زى ما تكون بتستخسر انها تبين دموعها قدامى
يمكن بتحس انى مستاهلش
اللى معلقها بى لحد انهاردة ان ابوها وامها بيحبونى
انا بجد مش عارف اصلح اللى عملتة دة ازاااااااااااى
لحد انهاردة ومن يومها وانا حاسس ان دة فعلا هو السبب فى افعالها دى

الحياه عموما عطاااء ثم اخذ... يجب ان تعطي حتى تأخذ.... و لكن اذا اعطيت و اعطيت و اعطيت و ما اخذت.... راح توصل لمرحلة التعب...

3 اسئله فكر فيهم عدل:
- متى هي بينت لك انها تباك؟
- متى بتتوقف عن حلد الذات؟
- ما المانع ان تقوم هي بارضائك و لو مرة واحده؟


ملاحظه مهمه: الحياه الزوجيه تحتاج قائد يعرف متى يتخذ قراراته بعد دراستها بشكل سليم و لا يتردد باستمرار و يشكك في نفسه و في قراراته باستمرار.... يشارك فيها شريكة حياته و لكن يكون حازم في بعض الاحيان

عندك حق اختى
بس انا حبيت ادخل اليوم
حسيت انى بعد الزيارة الاخيرة دى وصلت لدرجة من الرضا
انا دخلت تكلمت معها عادى جدا كأن شيئا لم يكن
هى كانت تشتكى انى افتح فى الماضى واعيد وازيد فية
لكن يبدو انى فعلا كنت غبيا فأنا كنت دائم الاستعجال
والله ظللت اتكلم واحوالك وبتعمللى اية اليومين دول وبتعمللى اية مع المدرسين
وبس
وهى لما ملقيتش بد انى هفتح المواضيع السابقة
اتكلمت
قالت انا عايزة اقول حاجة بس
قللتلها اتفضللى
قالت كان فى كلام كدة انت قلتة المرة اللى فاتت وانا عايزة افهم معناة
قلتها ...ها احنا قلنا اية واتفقنا على اية؟؟؟
قالت استنى بس هقولك
قللتلها لا خلاص اللى فات مات ومعدناش نفتح فية ثانى خلاص
قالت طب بس ثوانى هقول ونقفل عالموضوع دة
قللتلها بما ان فى حاجة حازة فى نفسك انا مش هقدر اخليكى تكتمى فى نفسك وتضايقى قوللى اللى عندك بس اعرفى ان دى اخر مرة هنتكلم فى كل المواضيع القديمة دى عشان نقفل عليها بالضبة والمفتاح
قالت ماشى
دلوقتى انت كنت اتكلمت معايا فى موضوع الدستور والنزول وانى احط صوتى وكدة
انا عايزة افهم دلوقتى انت هتمنعنى انى احط صوتى واروح الانتخابات والكلام دة بعد كدة ولا اية؟
قللتلها ولو قللتلك مش هتنزلى هتعمللى اية ؟
قالت اعرف بس
قللتلها عموما انا مش هقدر امنعك من اى حاجة وعشان تبقى عارفة اللى خلانى اتكلم بالطريقة دى
طريقتك انتى ...انا كنت مشدود ومتعصب وانتى محاولتيش تمتصى غضبى
قالت .انت كنت على اخرك اصلا
قللتلها وحلو يعنى اللى انتى عملتية تعصبينى زيادة
قالت ما هو انت بتقوللى مش هتنزلى تحطى صوتك
قللتلها انا عايزك يا مها يبقى عندك مفهوم ان زوجك حبيبك لما يقولك على حاجة تعمليها وانتى راضية وبحب حتى لو دة على حساب راحتك
قالت بس ميبقاش بالطريقة دى
قللتلها طب خلاص عموما من عينى الاثنين انا بردة مقدرش امنعك من اى حاجة دا رأيك وحريتك
...
قالت طيب موضوع لما انا بقولك هنزل انت قللتلى متخلنيش اقولك لو نزلتى تبقى ....ومكملتش
انا بس عايزة افهم هو انت اسلوبك هيبقى كدة عللطول يعنى الكلمة دى هتبقى ملازمة بقك عللطول
ضحكت وقللتلها بصى يا حبيبة قلبى انا الحمد لله عارف دينى كويس وعارف كمان ان الراجل اللى كلمة الطلاق فى بقة عللطول دا انسان ضعيف وانا الحمد لله مش كدة
قالت امال اية اللى انت قلتة دة
قللتلها منا قللتلك عصبية وكمان كنت بشوف غلاوتى عندك
قالت خلاص
فى موضوع كمان قللتلها اتفضللى
قالت حكاية الضرب دة اية؟؟
ضحكت وقللتلها اية عايزانى اضربك كدة بس
قالت لا انا لو دى تبقى طريقتك مش هينفع
قللتلها مش هينفع اية
قالت كدة هدخل بابا دلوقتى عشان يتصرف انا مقدرش اعيش مع حد يضربنى انا بابا اصلا مضربنيش من زمان ولا ماما انت هتيجى تضربنى
قللتلها ما عاش اللى يمد ايدة عليكى انتى كل حاجة بتاخديها جد كدة
قالت لا معلش بس الكلام دة مفيهوش هظار
قللتلها ويعنى كلمتك اللى كانت سهلة هو فى راجل يستحمل ان مراتة تقولة هسيبلك البيت وهما لسة مخطوبين امال لما يتجوزوا يعملوا اية؟
قالت خلاص دى بدى
قللتلها تعرفى انى اتخنقت بجد لمجرد انك فتحتى المواضيع دى
قالت معلش بس عشان ميبقاش فى حاجة فى القلوب
قللتلها الحمد لله انك عرفتى انا لية كنت دايما بفتح المواضيع اللى اتقفلت
اعتقد وجهة نظرى وصلت
وبما انك فتحتى والله انا كنت ناوى ما افتح فى اى حاجة
دلوقتى يا استاذة ازاااااى بعد كل الكلام اللى قلناة دة متتصليش على
قالت على فكرة فى نص الاسبوع كدة انا رنيت عليك مرة باليل قللتلها فعلا حصل قالت انت فى نفس الدقيقة رحت رانن على مسد كول قللتلها صح قالت انا كنت ناوية اتصل عليك بس لما لقيتك رنيت كدة قلت خلاص هو بيردللى الرنة برنة طب مش هتصل
قللتلها اية دة دا عذر اقبح من ذنب
قالت اية؟؟
قللتلها بجد يعنى اية يعنى انا رنيت تقومى انتى ماتتصليش
قالتللى معناة انك بتعتبرنى برن خلاص انا برن
قللتلها هو كدة يعنى قالت اة
قللتلها خلاص يا مها اللى تشوفية
سكووووووت
قللتلها طيب انا كان عمى سألك سؤال وانتى اجلتية ومردتيش عليةوانا يهمنى قوى اعرف انتى ردك علية اية؟؟؟
قالت قول
قللتلها عمى كان سألك انتى عايزة تكمللى الموضوع دة ولا لاء
قالت اها قللتلها وانا عايز اعرف ردك ((غلاسة ))
سكوووووت وقالت مش عارفة
قللتلها لا انا عايز اعرف
قالت لا مش هجاوب
قللتلها كدة يعنى
قالت بسهولة يعنى مكنتش هبقى قاعدة معاك القعدة دى
قللتلها الحمد لله اخيرا
...
قللتلها انتى عارفة ان سكوتك دا بيدمرنى لان اصلا السكوت بيقتل الحب يا مها
هى صامتة تسمع وفقط
قللتلها بما انك فتحتى فى اللى فات
انا عايزك تتطلعى كل اللى جواك فضى فضى
قالت مفيش خلاص
قللتلها لا انتى شكلك معبية زى ما انا كنت معبى ولسة
قالت قول اللى عندك
قلللتلها قولى انتى الاول
قالت مفيش
قللتلها انا يعز على قوى ان فى يوم احس انى جرحتك
قالت لا عادى متشغلش بالك
قللتلها بجد ؟؟؟
بس انا بجد لما كنت فى الاول تعاطيت مع الامور بشكل غلط الامور وصلت لشىء مش كويس
قالت ازااى
قللتلها فى الاول انتى كنتى راضية عن اللى حصل
قالت بصراحة احنا الاثنين غلطنا
قللتلها ايوة (( والله قلبى انشرح انى اتكلم ))
قللتلها فاكرة لما انتى طلبتى الطلاق
قالت انت اكيد عارف كان اية السبب والموضوع على حسب منا كنت شايفة كنت فعلا هنهية وبعدين ما هو انت كمان قلت الكلام دة وكنت عايز تقفل الموضوع صح؟؟
قلتللها وانا سبتك براحتك ورضيت ودست على كرامتى عشان خاطرك وانا لو عايز انهى الموضوع دا كلمة يا بنتى كل شىء ينتهى بس انا حبيت اردلك كرامتك واعتارك ولو على حساب ننفسى
عارفة لية؟
قالت اشمعنا
قللتلها لانى حسيت انى جرحتك جامد ومكنتش عارف اردك الموضوع دة ازاااى وقلت لو حتى على حساب نفسى وكرامتى انا هتنازل بس انتى متحسيش بالجرح اللى حصل منى
انا سيبتك تطلبى الطلاق وعرفتك انى لا يمكن اتنازل عنك مع ان دة فية اهانة لية
بس لا انا مأخدتهاش بالشكل دة
انا عارف كويس قوى يعنى اية مفيش لا كرامة ولا اهانة ولا اى حاجة من دى بين الزوجين عشان كدة عملت دة
عشان خاطرك انتى يا مها
عشان بحبك
وعشان اثبتلك فعلا انى بحبك
...
هى سكووووووت تماما وحسيت ان الدمعة هتنزل من عنيها بس مسكت نفسها
قلت الحمد لله الحمد لله ...دا كان سبيل عشان اطلع الكلمتين اللى عندى
حسيت منها باقتناع
شوية وجلسنا ولما لقيت الجو صفى
قللتلها انا عايز اسالك سؤال
قالت قول
قللتلها مها بتحب فارس
سكتت وقالت مش عارفة وضحكت
قللتها يا لهووووى انتى بردة
قالت بجد بقى مش عارفة
قللتلها طب بتحبينى يا مها
قالت انت شابف اية
قللتها السؤال موجهلك ...
قللتلها طيب انتى عارفة ومتأكدة انى بحبك ولا لاء
قالت ايوة عارفة
قللتلها طيب الحمد لله
قالت وانت انت اية رأيك
قللتلها فى اية ؟؟
قالت فى الموضو ع اللى انت قلت علية دة انت متأكد منى ولا لاء
قللتلها بالنسبة لكى دى حاجة بتاعتك قالت طب خلاص
قللتلها لو عايزة رأى يعنى انا متأكد انك بتحبينى
قالت خلاص بس كدة
...
والله فرحت جدا حسيت فعلا انها مكسوفة تقولها بس بتجيبها بشكل تانى
الحمد لله اننا وصلنا للنتيجة دى
الحمد لله

بسم الله ماشاء الله والله انبطسسسسسست لكم

ربي يسعدكم و يهنيكم

مسكينة تلاقيها من الاسبوع الي فات و هي تفكر في كلامك تبع منعها من الانتخابات و الضرب

وخايفة

اللهم لك الحمد شفت احتوائك لها و الكلام ياللين و العقل كيف خلاها تتكلم و تاخذ راحتها ..

زوجتك و الله فيها خير كثير
بس لسه شوي من بواقي المراهقة مع قليل جهل بكيفية نكسب الرجل
ودا طبيعي لوحدة صغيرة السن و موودبة .. ان دل على شي فهو يدل على عفتها
وانها فعلا متربية

استمر زي ماقلنا بالمكالمات العادية و تكون مخلوطة قليل سوال عن الحال و قليل حب و عاطفة
و قليل مزح و حاول ماطولها عشان لا يدخل الملل

والزيارات نفس الشي .. قصيرة و مرحة


ارسل لها رسايل جميلة من وقت للثاني بس مش من الجاهزة .. لا رسايل انت تكتبها

وتكفي لو كلمة وحدة ... وحتى لو مالقيت رد .. لا تياس .. صدقني تفرح فيها .. بس ممكن تخجل ترد



اذا شفت الامور ماشية تمام .. باذن الله

وفي احد الزيارات .. (بس تكون زيارة مرحة وو تحس انه خطيبتك مرتاحة و مبسوطة فيك )

وانت طالع اطبع قبلة سرييعة و خفيفة على خدها و اطلع بسرعة لا تستنى رد فعل منها واوعى حد يشوفك من اهلها

ربي يسعدكم ياااارب العالمين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ربنا يبارك فيك اختى يا رب
ما كنت وصلت لما انا فية الان دون نصائحكم بعد فضل الله علينا جميعا
الله يحفظكم جميعا يا رب
الحمد لله انا كنت ناوى من كثر الفرحة انى اعمل كدة امبارح بس كان خوفى من دخول امها او ابوها علينا
بس رجعت قلت لنفسى بلاش استعجال
ان كان الامر للتقريب فلا داعى للتنفير
فى امر اخر اختى حابب اخذ مشورتكم فية

ابوها لما جلسنا مع بعض قعد يحكيللى عن واحد صاحبة زعلان هو ومراتة وبقالهم سنة ونص متخاصمين وكل واحد قاعد فى بيت لوحدة واولادهم بالجامعة
المهم فى ظل كلامة سالتة هى مراتة كانت بتتصرف معاة ازااااى ؟؟
قالىى بصراحة زوجتة متعبة يقولها على الحاجة مرة واثنين وعشرة وعشرين مبتعملهاش ولا بتسمع الكلام
قللتلة دا غلط كبير جدا
قاللى وعنيدة يعنى يطلب منها الشىء تعمل عكسة
ودايما بترد علية فى الكلام
والله انى جة فى بالى اقولة طب ما هو بنتك بتعمل كدة
بس سكت
بس خفت والله فى نفس الوقت ان الموضوع دة يحصللى بعد الزواج
بس تخيللى يا اختى ان بقالهم 24 سنة زواج
قلت اكيد الراجل دة صبر كثير بس معدش قادر
قاللى هى مشكلتها ان كل حاجة كانت بتروح تحكى لامها واختها وتدخلهم فى المواضيع ودة اللى قلب الدنيا عليهم
والله لما قاللى كدة قلقت اكثر لان الموضوع دة اتكرر منها اكثر من مرة
المهم فى نهاية الكلام قاللى عارف يا فارس
اول مرة ادخل فى مشكلة ومعرفش احلها بالصعوبة دى
انت رايك ممكن نعملهم اية؟؟
قللتلة بصراحة يا عمى لازم الاثنين يعترفوا انهم اخطأوا
وتقعدوا مع الاثنين قدام بعض ولازم يخرجوا كل اللى جواهم
وتدخلوهم فى اودة ويتقفل عليهم ويحاولوا يخرجوا اللى عندهم
قاللى عندك حق بس ممكن لو سيبناهم مع بعض لوحدهم يبهدلوا بعض
قللتلة مش مشكلة يخرجوا اللى جواهم
قللتلة وبعد كدة لو هيتفقوا يقعدوا مع بعض فى بيت واحد ولو حتى عشان خاطر الاولاد بس
ماشى
بس دا هيفضل شوية فى الاول وبعد كدة القلوب هتتصافى صدقنى
قاللى عندك حق يابنى
المهم اتكلمنا شوية وقاللى ادعيلهم بالله عليك يا فارس تدعيللهم
.....
اللى عايز اوصلة من ورا المشكلة دى حاجةواحدة بس
هى اولا خطيبتى كانت قاعدة
وانا عايز فى مرة اكلمها واقولها شفتى العناد ونشوفية الراس بتودى لفين
شفتى الرد على كل كلمة بكلمة بتودى لفين
شفتى عدم مسياسة الراجل بتودى لفين
ومن هنا ادخلها من مدخل ان الحياة المرهقة بيكون سببها عناد الزوجة وعدم سماعها للكلام واخراجها لاسرارها برة البيت .
فانتوا اية رايكم ؟؟؟
انا عايزة ادخل لها من المدخل دة
....
وفية حاجة ثانية ان شا ءالله المفروض حاليا اننا هنحجز قاعة عشان الفرح ان شاء الله
والمفروض انها هتتحجز اليومين دول
طبعا المفروض انى اظبط الميعاد على ميعاد البريود بتاعها
بس مش عارف هل اكلمها بقلب جامد ولا اجيبها ازااى
اقولها اية ؟؟؟

بالنسبة للكلام الي قاله عمك و المشكلة الي حكاها

احنا لينا الظاهر و بس ... و ماحدش يعرف ايه الي بينهم بالضبط

ليش على طول انه الراجل هو الي استحمل ؟؟؟

قد يكون تعامله معاها برضو غلط ووصلها لمرحلة العناد ..

مافيش زوجة عاقلة تخرب بيتها و تنكد لمجرد النكد

اكيد برضو الزوج له يد في الموضوع ...

برايي طالما و انها كانت موجودة

فمافيش داعي تقول لها شوفي .. هي لحالها سمعت و تستنتج لحالها طالما و انه ابوها اتكلم امامها
وكدا فا بتفهمها لحالها

واخيرا .. دايما حط ببالك انك متزوج شريكة حياة .. وانه لها الحق برفض بعض الاشياء و الاخذ برايها بعض الاحيان
و بالتفاهم كل شي بيكون احلى ...

الشي الثاني.. ممكن تسالها من بعيد لبعيد .. هي حابة اي موعد للزفاف ؟؟
او تقولها القاعة فاضية تاريخ كدا ؟ تمام احجز ؟؟؟

وخلاص مافيش داعي تسال عن موضوع الدورة ..
لانه حتى لو كانت صادف الموعد .. فا مش مشكلة عادي استحملها كم من يوم


اضف الى ذلك انه زواجكم بعد شهور صح .. يعني تقريبا سبع او تمان شهور
فاصعب تحدد من الان موعد الدورة هيكون ازاي ساعتها
لانها مش شرط تيجي بكل شهر بنفس التاريخ
احيانا بتقدم او بتااخر يومين ولا 3
وفي بنات حتى مع قلق الزواج و ترتيباته ممكن تتاخر او تقدم فتة اطول ( اسبوع او اكثر)

فايعني بسوالك ماراح تستفيد شي .. لانه مش شرط لو جتها الشهر دا تاريخ 9 مثلا
انه بعد ست شهور هتجيها تاريخ 9 .

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

بس انا كنت بتكلم عشان محاولة لانى ادخل معاها فى الامور دة من الناحة دى
وافهمهما ان عادى انى ابقى مطلع على كل حاجة عندها
دى كانت نيتى
بس طالما الموضوع ممكن يجيب نتيجة غلط حلاص مش لازم
على فكةر انا قعدت معاها قبل كدة وسألتها عايزة الميعاد يبقى امتى
قالت عادى
قللتلها طيب انتى هتخللصى امتحانات امتى
قالت على اول 8
قللتلها خلاص اول 8يعادل اخر رمضان تقريبا او قبل العيد باسبوع
قالت ان شاء الله
قللتلها طب خلاص نبقى 2 يوم العيد
قالت ماشى
بس فى العيد وضحكت
قللتلها انا نفسى يبقى فى العيد
عشان تبقى فرحة بجد
قالت بس ازاااى فى العيد؟؟؟
قللتلها لا والله عادى
قالت خلاص اللى تشوفة
قللتلها ما علينا الميعاد اللى تحددية
بس انا كنت مصمم على الميعاد دة وهى اللى كانت مترددة
المهم لسة متفقناش بالظبط
بس هى متمسكة بان الفرح يبقى فى قاعة
انا كنت بقول يبقى قدام البيت
بس شكلى هرضى بحكاية القاعة عشان خاطرها
...لانها فعلا متمسكة بيها
وربنا ييسرها ان شاء الله
ربنا يكرمك اختى نورا يا رب
ويبارك فى عمرك ويكرمك بأبنائك

__________________

__________________

ربنا يبارك فيك يا اخى
ربنا يسترها على بلدنا يا رب
وينجيها من شر الفتن ما ظهر منها وما بطن
...
بالنسبة لموضوعى انا بقى يا اخى الحبيب
كيف اجلس بجانبها يا اخى الحبيب وابوها قد رفض ذلك
انا تكلمت مع والدى
قال لى انت اخطئت انت تريد الجلوس بجانب زوجتك اجلس دون استشارة احد
قللتلة وافرض ابوها او امها تكلموا
صراحة تعصب وقال هى زوجتك وما حد يقدر يتكلم معاك
انت ما بتروح تجلس بجانبها لية؟؟
والله انا بحس فى نفسى بكسوف لو عملت كدة ومعنديش الجرأة لدة
وكمان مش عايز اعمل احراج بينى وبين اهلها
انا حاسس انى انا اللى خايب والله
مش عارف
.....