السالفه ..ياخواني .....ويعلم الله اني اعتبركم اكثر من اخوان ..لانكم الوحيدين اللي اتحدث معاهم باريحيه

وبدون تكلف او رسميات ....وماتعبنتنا الا الرسميات .......


جات في بالي فكره اني اروح مكه مع ام مريم واسوي عمره وافاتحها بالموضوع ...من شان قلت مستحيل

تكذب وهي محرمه ..واما بيت الله .. فسوينا عمره ..وصلينا جمعه ..روجعنا ..وحنا راجعين حصل معاي

موقف ..طريف ..جدا ..وفيه عبره ...بعلمكم فيه من شان الطف الجو شوي .....

وانا راجع جده وقفت بمطعم الطازج المعروف ..للوجبات السريعه ..من شان الغدي ...

فعطيت ام مريم ..الجول والبوك.. لاني لابس الاحرام ... فقلت لها خلي الجول بشنطتك ..ولو اتصل الوالد ردي ..انا بروح اطلب الغدي ....المهم رحت ...وجبت الاكل معاي .. فلقيت ام مريم ماهي موجوده ولا البنات ..

وحاطه الشنطه فوق الطاوله ... اثاريهم راحوا يغسلون ايديهم .....

المهم قلت عطيني الجوال ...بشوف في احد اتصل ...قامت تدور الجوال ما لقته ...يمن شمال ..

مافي فص ملح وذاب .....اممممممممم طيب شوفي جوالك ...جوالها موجود ..والمحفظه موجوده .

مافي الا جوالي انسرق ...قلت الحمد لله اللهم ائجرني في مصيبتي واخلف لي خير امنها

اخذت جوال ام مريم واتصل علي جوالي .....مافي احد يرد ...حرقت الجوال اتصالاات ..يرن بس مافي احد

يرد .. قلت عليه العوض ..تغدينا .. قامت ام مريم قالت اشوف اتصل الحين ...قلت لها خلاص انسي

الموضوع .....مستحيل يرد ..زنت علي ..قمت اتصلت ...الا وردت علي حرمه ...الو مين قلت انا صاحب الجوال ...ابي منك خدمه ..ابي الشريحه فقط ..الجوال حلالك ..معاي ارقام مهمه ..الله يخليك

حطيها لي في اي مكان ...قالت بصراحه الجوال عاجبني ....قلت حلالك اهم شي عندي الشريحه ..

قالت امممممممم افكر ...وبرد عليك بعد 5دقايق ...قلت طيب ..... الا واتصلت ..الو ..شوف تعرف الكوبري حق شارع المنصور ...قلت ايه اعرفه ..قالت في محل ذهب تحت الكوبري ..بالزاويه بحط لك الشريحه هناك

جنب الباب ..وابتصل عليك من الكابينه اللي جنبها ..قلت خلاص مشكوره دقايق وانا عندك ..

المهم رحت .ادور عليها بالكابينه اللي جنب المحل المذكور مالقيتها ...ودورت الشريحه ..برضه مافي ..

اممممممم وشربنا المقلب الثاني ....الا شوي واتصلت ..انت فين .. قلت عند محل الذهب ..

قالت خلاص غيرنا المكان ...تعرف الصراف اللي اخر شارع المنصور .. قلت اسمعي بتجيبي الشريحه ولالا ؟؟

تراني خارج من الحرم .......والله لدعي عليك لين ماتتسمري مكانك ..لاتتعبيني عندك نيه ترجعبيها علميني ..قالت والله لرجعها روح الصراف بتلقاها هناك وسط المنشوارت بداخل الصراف ...

المهم رحت مكان ماقالت ...وفعلا لقيت الشريحه ....قلت الحمد لله ..ورجعت ..وانا ماشي خارج من مكه الا واتصلت من جوالها ...ها لقيت الشريحه .. قلت لا ..لالقيت شريحه ولاشي ...طلعتي كذابه الله لايوفقك

قالت والله حطيتها بنفس المكان ...قلت خلاص ماابيها .. لكن ابشري بالدعاوي ليل ونهار .....

قالت خلاص تعال بعطيك جوالك ...قلت الحين ماعطيتيني الشريحه ..بتعطيني الجوال ...قالت والله لاردلك هوا ...تعال والله اكلمك من جد تعال خذه...قلت اجيك وين ...قالت انا منتظرتك عند اسواق الحجاز .قلت طيب بجيك الحين ..

عاد ام مريم تقولي لالالا ماعليك منها ..غارت .. ...قلت ولك وجه تغاري ..حاطتلي الشنطه فوق الطاوله

كأنك في البيت ... المهم وارجع نفس المكان ...ايه نسيت شي ....قلت لها اشلون بعرفك .. قالت بتلقي مرسيدس بنز ..بيج ..وفيه سواق ..مصري ....قلت طيب ... وصلت المكان اللي قالت لي عليه

وفعلا ليقيتها ........وحده ؟؟؟؟؟ وكلنا عبيد لله ...عطتني الجوال ..وقالت الحلاوه يامطوع ..قلت كم تبي

قالت حق الغدي ...قلت وهذي 100حق الغدي وان بصراحه مبسووووووووط انك رجعتي لي الجوال وكمان مبسوط لاني اول واحد ينسرق جواله ويرجع له ... قالت امانه لاتدعي علي ....قلت لالالا بدعي انه الله يهديك ...بس لاتعوديها مره ثانيه ...

وانا راد لسيارتي الا ولحقني السواق ... قالي يا مطوع احمد ربك انها رجعت لك الجوال ...انت عارف انها سكرانه ...والله لو صاحيه ماتعطيك الجوال ..قلت والله ...قال والله ..قلت كويس انها سكرانه ..

المهم سبتهم وقعت اضحك .. علي الفلم اللي صار .......والفائده اخواني من ها القصه ..ان الحق ما يضيع ......وزي ماقالوا شيبانا ...الحلا مايضيع ........وانا ادري انكم منتظرين السالفه الثانيه ...

لكني قاعد اتهرب ..من المشاكل كالعاده ولنا لقاء ...............دمتم لنا بود.

طيب اخواني نجي للسالفه ..اثناء السعي ....قلت لام مريم ...امممم انتي كم مره اتصلتي علي زوجتي ؟؟؟

قالت وتقول زوجتي قدامي ....قلت طيب اسف ..كم مره اتصلتي علي صديقتي فلانه ...

قالت وتنكت بعد .. قلت معليش علميني كم مره ..قالت ليش هي كم مره قالت لك ...قلت ماقالت ...

بس انا ابي اعرف ..........قالت مره واحده ...يوم ماشفت الرقم .. في الفاتوره ... قلت معقوله ... مره


وحده بس ...قالت والله العظيم مره وحده .......وماعاد اتصلت عليها ابد ... ......قلت تراك في بيت الله

ومستحيل تكذبي ..قالت والله زي مااقول لك ...ليه ويش فيه؟؟؟؟

قلت اممممممممم مافي شي .....

طيب ماتعرفتي علي امها ..او اختها ...قالت ولا ابي اتعرف علي احد ..فيهم ...

قلت خير ان شاء الله ......طيب ليه ماتحاولي تخربي علي ..تتصلي علي امها ..تشوهي سمعتي عندهم

تقولي لهم اني لعاب ...وايما اتزوج واطلق .. واني العب ببنات الناس ...يعني زي مايسوا الحريم ...

قالت وليه اشوه سمعتك قدامهم ...انت برضه ابو عيالي ..........المهم شوف لو لك نيه تواصل معاها

اهم شي ..تسكنها بمكه ...لوتغليني نفذ لي ها الطلب ...قلت خير والله مايصير خاطرك الا طيب ...

وبس .........وانا ابصم بالعشره ان ام مريم صادقه بكل ماتقول ............واترك المجال لكم اخواني ........

بالله الواحد ويش يسوي .......فعلا اذا انت اكرمت الكريم ملكته .........واذا انت اكرمت اللئيم تمردا ...

انا وبصراحه ارتفع الؤشر عندي الي 97 % طلاق .......خلاص ماينفع .من بدايتها كذب وافتراء ...

اللي ابي افهمه ليييييييييييييييييييييييييييييييييييييه كل هذا اللف والدوران ...معقول يكون كله غيره ...

افيدوني ماجورين ....ويش السوات مع ها الانسانه .................منتظركم .

(( أخوي صدقني ما بتوصل لشي غير بالمواجهه )) وأنا ما أتمنى أن تظلم اي وحده منهم ..

مثل ما واجهت أم مريم واجه الثانية وأمها وتحقق من كلامهم .. <<< أنتبه أنك من هنا لازم تبدأ بالعدل

ووالله أني أدعيلك من كل قلبي أن الله يهدي بالك ويريحك للي هو في صالحك ..

أحس انك في بحر أمواجة متلاطمة موجه توديك وموجه تيبك .. ( بس مب أنت الي جبته لنفسك ؟ )

أنا مب حاقده عليك لأنك من مؤيدين الزواج بدون سبب لا والله بالعكس أنا أحترمتك لأخلاقك والي كبرك في عيني مراعاتك للحق وبحثك للحقيقة علشان لا تظلم وحده منهم ..

أدعو من الله أن ينير لك عقلك وطريقك ويهديك للي فيه صالح لك ولأهلك .. والله يوفقك

مشكوره اختي لولو ............وانا اعتقد انه مافي داعي للمواجهه ..كل شي بااااااااااااين ...انا اتعب من

المشاكل واتهرب منها قدر الامكان ........يعني ويش تبوني اعرف اكثر من كذا ...اللي كنت خايف منه صار ..

وسبحان الله ..من حفر لاخيه حفرة وقع فيها ......وزي ماتفضلت احد الاخوات ..جنت علي نفسها براقش ..

وانسانه تفكيرها كذا .........بصراحه تخوف ...رغم اني عشت معاها احلي ايام ....ايام المراهقه المتاخره ...

طلعات ..واخذها من الكليه .. وفنادق ...ومطاعم ...وجلسات علي البحر ....... بس الله

يهديها ..استعجلت علي رزقها .........وزي مابيقولو الطمع ..فرق ما جمع ........ حسبنا الله ونعم الوكيل

...............اللهم ارنا الحق حقا وارزقنا اتباعه ...... وكنت دايما ادعي ..اقول يارب افضح سريرتها ..


واعتقد ان ربي استجاب لي ........ وفضحها من غير ميعاد ....ويمكرون ويمكر الله والله خير الماكيرين

مني سقطت التاء في أختي

لكن باقي الردود خاطبتها وأعرف أم عبيد الله من بدايه الردود


...
المهم أنك تجاوزت كل مافات


وعوداً حميداً للجوال


...

عد لبيتك


وإن فكرت مجدداً


فإستعن بزوجتك
وأضنها ستتفهم حينها

...

وفق الله الجميع

__________________

رجعت تتهرب من المواجهه .. أسمحلى أخوي أنا ضد قرارك بالمواجهه ..

أخي في الله الفداء:

أولا : أنت تعرف زوجتك أم مريم ومن كلامك فهي إمرأة لاتكذب فما قالته صحيح وأن الثانية هي من

كذبك لكن لابد لك من مواجهة الثانية حتى تعرف أنها هي من جنت على نفسها وتسببت في طلاقها منك

وأن ليس للأولى دخل في ذلك لأنني أخشى أن تأخذها العزة بالإثم وتدبر لزوجتك الأولى مصيبه أو سحر

لتبعدك عنها 0


ثانيا : لماذا لاتضع بناتك عندما تنوى السفر للعمل عند أهل زوجتك أو إحدى أخواتها الثقات وتسافر أنت

وأختي أم مريم منها عمل ومنها تجديد للحب والرمانسية بينكما فهذا افضل حل لاتقل لاأستطيع أو أن أم

مريم لاتوافق فقط أخبرها بالسبب في زواجك من الثانية وسوف تراها توافق 0




0

شسالفه اخوي زواج وطلاق حرام عليك هذيك اخذتها برضاك محد ضربك على ايديك !؟

بعدين اذا اتزوجت اثنين اتأكد انك راح تشوف مشاكل بالهبل وكذب وافتراء من الطرفين ..

والرجال هو اللى لازم يشكم زوجاته ..

انت كزوج تروح لزوجتك وتصارحها انك عرفت ان كلامها كذب وناقشها ..

وافهم اسبابها يمكن هونت من الزواج وانت ماتدري ..

والله اخوي اللى يهرب من مشاكله تكبر ومايقدر يحلها بالآخر ..

خذ موقف وواجه زوجتك وامها على كلامهم ..

والله يوفقك ويسعدك وينور لك طريقك وتشوف الحق حق والباطل باطل ..

ويارب ماتظلم اي احد بأي قرار تاخذه ..

مع اني من البداية قلت لك راح تكون نزوه ويارب ماتكون نزوه عشان لاتظلم زوجتك الثانية ..

والحمدلله مافي اطفال ..

بصراحة الله يعينك والله يصبر قلب زوجتك الاولى
وفي رايي ان اللي سوته ام مريم دليل على حبها
وعشقها الك فهنيئا لك والمفروض انك تقابل هذا
الاعجاب بالحب اكثر والاخلاص مو بجرح المشاعر
وزوجتك لازالت في قمة شبابه والعشرة اللي بينكم
مااعتقد انها تدفعك إلا اغلى مراضاتها
والقرار بيدك