من قال انها تصرف انا اللي اصرف على البيت ولا ريال اخليها تدفعه للبيت ولا راتب السواق اما قصة اني مادري عن البيت اصلا انا بيتوتي من دوامي للبيت حتى الاستراحه مااروح لها الا كل اسبوع او اكثر اروح كم ساعه وارجع

طيب ايش رايك انتظر لنهاية الاسبوع لاني اعتقد ان اخوانها راح يجون

اذا ماصار شي هاليومين راح انفذ كلامك وكلام الاخ البليغ

تتوقع بقاءها بفندق يادبها

اخوي الوحيد طالما انك ما نمت ليه وديتها بس قالت لك لا الحين ودني توديها .. ارجوك لا تزعل مني ما تشوف ان شخصية ضعيفة شوية لا تزعل مجرد تسائل

وبعدين انت مسؤول عنها طالما انها زوجتك حتى هذه اللحظة وكلامك ان اخوانها مسؤولين عنها حتى لو طريقتها غلط كلام مو صحيح

اختي متفائلة اشوفك تدافعين عنها هذي راكبه راسها بلاش كلام عاطفي ضعيفة وما ضعيفة ويمكن انت غلطان ويمكن هي مجروحة .. على حسب كلامه ما اشوف اي ضعف ولا اشوف انسانة مسكينة وبيجيها يوم تبكي ندم ان شاء الله

1) أنتَ تودُّ مجيء إخوانها أولاً من باب الاعتزاز بالنفس.
2) دع هذا الأمر أرجوك يا عزيزي.
3) لا تنتظر حتى نهاية الأسبوع؛ لأنَّ الوضع لا يحتمل السكوت.. وهذا وضع خطير جداً.
4) أصلح هذا الأمر فوراً.
5) لو صدق ظنك وأتى إخوانها نهاية الأسبوع فمن الأفضل أن يتوافق قدومهم مع إغلاقك لهذا الموضوع، ويكون موقفك قوياً.
6) أما أخوها فلا بد من وقفة صارمة معه حتى لا يتجاوز على شخصيتك وحدودك مرة أخرى.. لكن هذا سيكون بعد عودة زوجتك.
7) المهم لدينا هو عودة زوجتك، وإخبار والدها بما فعلت هي وأخوها وفقاً للخطوات السابقة أعلاه "راجع مشاركة رقم 259"+وفقاً لما كتبته الأخت الكريمة في "المشاركة رقم "260.

لو يتصيد لها احد ويخطفها
بتلعب كراتيه وتدافع عن نفسها
ياخي قوارير كلام افضل الرسل عليه السلام
هذي شرفه وعرضه ومسؤول عنها يوم القيامه
لو يصير لها شي عناده مهب نافعه
لاهي مرجله لامنه ولا من اخوها تركها بالفندق
هي ضعيفه لانها امراه
وهي تحت قوامته
ياجماعه بغض النظر عنها وعن مشكلتها معه
تظل المراه ناقصه عقل ودين
يجي الرجل يصير انقض عقل وانقص دين
المشكله كلها بصوب وانا ماني مدافعه عنها
بس كونها بالفندق ووحدها لا ادافع عنه بشده
شي ماارضاه لبنات المسلمين
لو كانت يسكن معلمات قلنا
لو شقه مفروشه مع عيالها قلنا
لكن فندق صعبه
لاتنسون اخواتنا الي لحقهم في لندن مجرم وضربهم
ننطر يصير لها ماساه عشان نتكلم
انا الي املاه علي ضميري وخوفي وديني قلته

اخوي الوحيد
تكفى تحمل كلامي الشاهد ربي أني أكتب لك وكأنك أحد أخواني
ادري باللي فيك وعرفت شخصيتك من ردودك أنا لست محلل شخصي لكن أشعر بأنك انسان مسالم وهذه صفه جميله وبنفس الوقت لها ضرر عليك ركككككككككككز
( من أمن العقوبة أساء الأدب )
بصراحه
ماكنت أتوقع أن أخوها يرميها بالفندق ويمشي عنها وشهو هذا من الرجال بدل مايجيك يحل القضية يرمي أخته كذا
لو خرجت من ذمتك كان قلنا خلاص أهلها أبخص فيها

والله اني محتار في كل كلمه أكتبها بسبب تصرف أخوها
رد البليغ وخصوصاً رقم 5 أهداك شور من ذهب


لو كنت مكانك الآن
أفكر في أحد هاذين الأمرين وانفذ فورا
1- ( أعالج الموضوع بنفسي وبشده حتى أرتب كل شيء كما أريد أنا وليس كما يريد أخوها أو هي ) اروح للفندق وأسحبها منه بدون تفاهم و...................ا وامنع تواصلها مع اخوها لأني أصبته في مقتل بحركته رايح يجيك برجليه اذا مالقى اخته بالفندق أو يروح لأبوه ( وهي فرصه إن فتحو معك باب النقاش حجتك قوية جداً جداً )
2- اذا لك طولة بال ع النقاش مع والدها شغل وروح له هو بيختصر نفس الأول لكن أنت أطلب حقك منه وقول له انت أبوها وسمها وأذكر له الغلطه الأوله خروجها بدون إذن ثانيا اخوها رماها بفندق وراح ولو تذكر سالفة بطاقة الأحوال حتى تشوف من اللي عرف لها بدون علمك
بيردها لك وأنا متأكد لكن لابد من أنك أنت تعالج بنفسك وبشده .......................
المهم الآن الانتهاء من سالفة الفندق

وهذا شوري وأنا أخوك إن اخذته وان خليته مع أن فيه اعضاء هنا مثل البليغ أكثر مني خبره وفطنه فجزاهم الله ألف خير وكتب الله لهم في كل حرف آلاف الحسنات لسعيهم في إصلاح ذات البين والحفاظ على البيوت من التشتت

الاخ الوحيد .... انا مو مسألة اني واقفة مع زوجتك بس معقولة انت مافيك عيوب بالمره ....... اشوف الكل قايم على الزوجة ولا واحد سألك انت ايش عيوبك الا تكرها زوجتك فيك وتخليها تسمع لاخوها وزميلاتها ....
بكل حيادية تكلم عن عيوبك مثلا انت من النوع الا ماتقتنع بكلامها ولا تعبرها ولا تتناقش معاها او نقاشك تنهي الكلام بالشي الا تبغاه بدون توضيح اسباب ... لان اذكر في موضوعك السابق قلت انها قالت لك انك متكبر ..

كمان ممكن تكون محايد وتكتب هي كيف كانت معاك قبل اربع سنوات لانه بصراحه من الظلم انه تذكر اخطأئها الآن وتنسى محاسنها لو كنت معك تمام قبل اربع سنوات حتى من ناحية ردود الاعضاء ممكن لو عرفوا هي كيف كانت قبل يكونوا عادلين في نصايحهم ... ووالله لو كنت انا في مكان زوجتك لاقدر الله واشوف زوجي جالس يشرشحني على اخطأء سويتها ونسي كيف انا كنت اعامله وقايمه فيه واحترمه والله لأزهد فيه واقول مع السلامه هذا عند زعلي نسي افضالي وعشرتي الحسنه معاه... طبعا هذا لوكانت هي زينه قبل التغيير ...اني ممكن فيه اسباب خلتني اتغير حتى لو كان زميلات او اخوان انا ابغاه يوقف معاي ويساعدني اتركهم لاني بكون في هذي الفتره مغيبه عن الحقيقه واشوف نفسي الصح ..