الله يفرج همك

اذا ما تكبر ...ما راح تصغر

ربى ضارة نافعة

يمكن اللي صار يكون درس لكم انتوا الاثنين لتجنب الاخطاء التي اوصلتكم الى هذا المستوى في المستقبل

وترجع حياتكم افضل من السابق

وعسى أن تكرهو شيئا ويجعل الله فيه خيرا كثير

لعل فيما حصل تذكره لتعرف قيمة ما كانت تملك
ولتعرف عدوها من صديقها
وناصحها بالخير من داعيها للشر

صراحة انا ماضاق صدري الا علي ها الاطفال ياحياتي . المهم الضحية هذولا لاتنساهم وتتركهم

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

اخي مشاكلكم لا تحتاج طلاق

الله يعينك ومااسوء من الصدمه من القريب الي بيوم كان حبيب وعشير وشريك

هي مسكينه نزلت سمعها لهم ولم تكون راجحة العقل حتى تصمت افواههم بكلمة لادخل لكم بيني وبين زوجي حتى انا اطلب منكم وراجية التدخل لحل مشكلة ما

اغلب مشاكل الزواجات تدخلات الاهل

الله يعينك ويعينها وننتظر سرد للقصه

خليها فتره عند اهلها بدون اتصال منك .خليها شهر او شهرين،،.بس ارسل مصروف لعيالك..لاترد على اتصالاتها هالفتره ..خليها تفكر وترتب اوراقها بعيد عنك..وانتا بعد محتاج تفكر وترتب اوراقك بعيد عنها..و اذا جيت تاخذ عيالك بلغ شخص ثاني من اهلها انك جاي عشان تاخذهم احد من اخوانها والا ابوها والا امها..خليها تحس انك جاد بكل خطوه سويتها..الله يهديكم ويسخركم لبعض..ماتضيق الا تفرج ان شاءالله..

قبل البارح حسيت ان عندي استعداد للتفاهم فـ قلت خليني اعطي نفسي واعطيها فرصه لعل وعسى
فـ رحت لها لقيتها جالسه بالغرفه تشتغل طبعا للمدرسه قلت لها ممكن نتكلم شوي قالت تفضل
المهم جلست اتكلم عن حياتنا وكيف كانت وايش صارت الخ من هالكلام وانا اتكلم وهي منزله راسها ماتطالع فيني
ابدا المهم تكلمت كثير فـ ظنيت انها فهمت كلامي واستعوبته زين المهم لما خلصت كلام وطبعا هي ساكته ماتكلمت ولاكلمه
المهم بعد ماخلصت قلت هاه وش قلتي قالت خليني افكر كم يوم وارد عليك انا عارف ان الموضوع مو موضوع
تفكير هي تبي تشاور المهم قلت لها تفكرين بايش لما اقولك ابيك تهتمين فيني هذا يبي له تفكير لما اقولك اسرار
بيتنا لازم يبقى داخل بيتنا ومايطلع هذا يبي له تفكير سألتها انتي تدرين وش اللي يحصل ببيت فلان وفلان اقصد اخوانها
قالت لا قلت طيب ليه هم مستورين وحنا مفضوحين والناس كلها تدري وش قلت لك ووش قلتي لي
ليه الناس كلهم يتعاملون مع زوجاتهم بناء على شخصية الزوجه وانا ماني عارف اتعامل معك بشخصيتك والا على شخصية
اخوك فلان والا فلان والا زميلاتك والا خواتك الين وصلت لمرحله ماني قادر افهمك قالت لي اخواني عزوتي ويبون مصلحتي
ولازم اشاورهم لانهم يعرفون مصلحتي لما شفت ان مافيه فايده واني اتكلم على الفاضي قلت لها طيب والمطلوب
يعني راح نبقى كذا قالت خليني افكر وارد عليك المهم جا سؤال ببالي وماقدرت امنع نفسي من اني اقوله
سألتها انتي تبيني جلست شوي وقالت لا قلت خلاص اجل مافيه داعي للكلام كله جهزي اغراضك وطلعت
جتني امس العصر وجلست قالت لي اجمع اغراضي قلت ايه انتي مو قلتي ماابيك قالت ايه قلت خلاص
اللي مايبيني انا ماابيه جمعي اغراضك وانتهينا وراحت وانا طلعت لدوامي والمغرب اتصل علي اخوها ومارديت
واتصل كذا مره ومارديت ارسل لي رساله قال انا ابي ازوركم والا ماتستقبل الضيوف ومارديت عليه
وجاني خبر انه راح يجي احتمال اليوم

اخي الوحيد المرأه منا تحب ترى تمسك زوجها بها الى مالا نهايه هي قالت ماابيك في داخلها تبيك ولكن حبت تشوف غلاتهاعندك كان انت رديت انا ابيك ومتمسك فيك ولا أتنازل عنك وانا ماطلبت اهتمامك الاوانا احبك ومن ذا الكلام ترى المرأه ضعيفه بكلمه حلوه تكسبها وانت لكسبت حبها واسترديت ثقتها عاد فهمها اسرار بيتنا لاتخرج برى وحتكون مطيعه لك لانها حبتك بكل وهل ذهبت لأهلها وباقي الأعضاء يفودونك والله يفرج همك ويردهالك ردا جميلا باذن الله

ليه
هي كلمة ما ابيك هينه
كم تناقش معها و هي رافضه التغير
و هذا فوق انها تدخل اخوانها في كل سالفه انا متأكدة لو صاحب الموضوع دخل اهله في كل سالفة و يشاور اهله في كل سفرة و خرجة بتزعل و يجن جنونها
عشان تقوم بحقوق زوجها الطبيعة لازم تشاور اهلها !!!!!
اللي ما ترضاه لنفسها لا ترضاه لزوجها

الله يسخركم لبعض