انتو شايفين مدام قرب لي المناديل كثر خيره وعمل معروف كبير وشي عظيم يكفر له كفهّ..

على فكرة أنا مافتحت معه أي مواضيع لما جيت له بالصالة هو اللي جالس يستهزيء ذبيحة وماذبيحة.

المسألة ماهي ماتعجبني ردودكم ولا أنا جالسة أبرر لنفسي.. لكن أنا أم وهو أب.. احنا الاثنين في نظر الأبناء شي عظيم..
هو يطيح هيبتي وقدري عند العيال عادي لكن أنا طيحت هيبته قدام عياله صارت مصيبة وكأني كفرت بما أنزل على محمد..

المسألة يا أم دان هي وجوب وضعُ حدٍ لهذه المشكلة .ً....

فهدف كلِّ الردود محاولةُ اقناعك صُلحَ زوجكِ بأقصر الطرق و أقل الخسائر ...

مقدّرة جداً يالوفتي، وردود الجميع بأقرأها مراراً بعين الإعتبار.

وأنا والله أريد إنهاء هذه المهزلة..

طيب ياأم دان
اذا قلنا لك استمري وواصلي
انتي شايفة المشكلة تنحل والا تتعقد وتتفرع وتخسرك اشياء كثيرة؟!

انا ماادافع عن زوجك واعطيه منزلة فوق منزلته
لكن لمصلحتك انتي ولحياتك انتي غيري طريقتك بعلاج المشكلة..
امسكيه بحوار بعييييد عن المشاعر والعواطف تصااافوا تماما
ابديها واختميها ان قدرك فوق راسي ولا ارضى لك المهانة والا الزعل وعشرتنا اكبر من اننا نهدمها عند عقبة نقدر نحلها سوا و...

سكررري المشكلة باقرب فرصة
عشرتكم ومحبتكم تستاهل

التكملة

في تلك الليلة كثر الكلام أو بالأحرى الجدل بيننا على الأبناء (وسيطرتي) على حد قوله،،وتشّعب تشعّب فظيع،، فاستحضرت حديث الرسول عليه السلام طوبى لمن ترك المراء ولو كان محقاً،،لمنع المزيد من الجدل والحوار العقيم الذي لا يُجدي..ففي جميع الأحوال أنا المخطئة من وِجهة نظره..

ساد بيننا صمت ساعة تقريبا..
بعدها قلت والنهاية؟
قال النهاية بإيدك،
قلت كيف؟
قال صلحي كل أخطائك
قلت له وشهي أخطائي؟

قال عشر ساعات وأنا أتكلم والحين تسأليني وشهي أخطائي؟ شفتِ إن الكلام معك مامنه فايدة؟ شفتِ إني تكلمت مع جدار؟

سكت ماعرفت شقول..
بعدين قلت له كثر الكلام ماله داعي أنت تارك المشكلة الأساسية وجالس تلف وتدور في مكان ثاني..أنا بحلل لك الموقف اللي صار من وجهة نظري،

قال لسة باقي فلسفة تراك أوجعتيلي راسي، تفلسفي أشوف وش باقي عندك...

(مع إنه هو اللي نسفني نسف بالكلام والإنتقادات اللاذعة والتجريح)

قلت له إنت من زمان شايل بقلبك العيال يحبوني أكثر منك،
لما ضربت ولدك ضربتني فوراً،،لقيتها فرصة عشان تنتقم مني وتفرّغ الشحنة اللي بقلبك..

وأنت لما ضربتني أنا حسيت بالإهانة بالإضافة إلى التراكمات اللي بقلبي،أنا أقولها لك بصراحة لحظتها استحضرت إنك مهمل مقصر، أنا أشتغل برة البيت،أنا أشتغل جوا البيت وأنا اللي أكلم السباك وأنا اللي أكلم الكهربائي وأنا اللي أتعامل مع السائق أنا أواجه مشاكل العيال وحدي، وأحلها بدون مساندة منك، رامي كل شي علي ولا تشاركني همومهم وفوقها تضربني عشاني ضربت ولدك..!!!؟؟

لحظتها حسيت مالك حق تتدخل لأنك مو تعبان في شي،، الحق لي أتعامل مع ولدي بطريقتي،، ورديت لك الكف بكف..

غِلطت علي غِلطت عليك،،اتساوينا ومحد له عند الثاني شي..

أنا يا............ ماني في البيت مزهرية إذا كسرتها تجيب غيرها..أنا لي قلب واحساس وكرامة وهيبة،
احفظ لي قدري وكرامتي قدام عيالي، بتكون جوا العين وفوق الراس، وقدرك وكرامتك وهيبتك محفوظين عندي وعند عيالك محد منا يقدر يمسهم...

أنا دحرت إبليس اعتذرت وراضيتك لكن إنت مكابر..

قال خلصتِ؟
قلت له إي خلصت..

من بعدها وهو على الصامت.. والكرة بملعبه يسوي اللي يبغاه..والله يكتب مافيه الخير.. والله ملييييييت.

نبض الدان اقرئي التكملة هذا بقية الحوار اللي صار

سامحوني تعبتكم لأني جزّأته لكن والله أحس إيدي اتكسرت وأنا أكتب ماقدرت أكتبه مع بعضه وأنا زعلانة.

حسيتك خربتيها يا ام دان
و كأنك تقولين له كان كفي لك. متعمدا!
و انت تستاهل
ماذا عساه يقول؟
لما لا تتكلمين معه بعاطفة. لا تقولي انا زوجي و اعرفه و بيتجرأ اكثر و ووالخ
بما انه زوجك و تعرفيه لما لم تتكلمي معه بالطريقة التي خفف حدة الامر و النقاش بينكما؟
شربكتي المواضيع كلها مع بعض ووضعتيه بوجه المدفع
اكيد انه ما بيلين

__________________

مسز داني
غلط صح هذا اللي طلع مني

صديقُكَ من صَدَقَكَ يا أُمَّ أحمد ....

فالمعذرة ان قُلتُ أنكِ أخطأتِ الرد على زوجك ....

لم يكن الحوار مُجديا و لا مفيدا و لا نافعا ...
بل كان مشعلا و مؤجِجا لنار الفتنة!!!

لاداعي للإعتذار يالوفتي.. إن شاء الله خير .. قد ترون أني مبالغة ومغرورة أو مكابرة غير ناضجة........الخ... سنين وأنا متحملة ومايعطيني فرصة للكلام.. ماأراه زوجي فعلاً كان محتاج صفعة توقظه..وماقُدّر سيكون..

صح غلط هذا اللي طلع مني..