نعم لوفتي لست مستسلمة لمثل هذه الأفكار لكن بنفس الوقت خايفة أرضى بسهولة وأتودد له أكثر فأصغر بعينه ويتجرأ علي أكثر...

للآن مو مستوعبة زوجي أعطاني كف والله متألمة ومجروحة جداً ، لولا العِشرة والحب لكان لي موقف ثاني..

ام دان
شدعوه يعني لما قرب لك علبة المناديل ماتعتبرينها تودد
والا لما طلع ملابسك عن الشنطة..

والله لو بايع طلع وخلاك غرقانة بدموعك وراح لاقرب بيت يخطب منهم..
انا مع رأي انه خلاص وصلته مشاعرك
لازم ترجعون لحياتكم الطبيعية..
جاااهدي ترجعين الحميمية اللي بينكم
وسكروووا على هالموضوع نهائي
الشمالي اذا زوجك شمالي يحب الحوار العملي قولي له ياابو فلان خلنا خلاص ننهي هالموضوع بكل خلافاته واشكالاته اليوم ونرجع زي زمان بلاش نفرح الشيطان بنا..ووضحي له ان كلامك معه امس مو من قلبك لانك قلتي كلام مو من مصلحتك صراحة انك ممكن تستغني عنه وانا متأكدة انك لايمكن تفرطين بظفر منه بس لانك منفعلة..

طولي بااالك معه لانه ممكن يثأر لكرامته واقري سورة البقرة تطرد الشياطين من البيت..
ربي يصلح الحال

أختي نبض
قرب لي المناديل هالشي ماينسيني إنه هو اللي بدأ بالغلط والضربح

ام الدان شكلش ماليه يدش منه

لكن لا تطمنين كثير وستبعدين فكرة زواجه .. أمي مثلش انغرت وابوي ما كان في خاطره الزواج ابد

لكن تزوج رد لكرامته وليس حب للزواج .. هيبة زوجش تزعزعت في البيت وراح يدور عليها في بيت ثاني

واعرف راح تعاندين كلامي وتطلعين لش مبررات .. براحتش

__________________
وهل من مصير اخر ؟

لا تنكرين يا ام الدان يوم طحتي كيف تأثر ووقف معاش

ويوم بكيتي عطاش الكلينكس ورد الملابس وقفل الباب

شو بعد تبين .. حتى سالفة الشاي كان يبي يغير السالفه وانتي غصب تفتحين مواضيع غريبه معاه

لا تخلطين وتتهربين وتدخلين مشكلة ولدش بمشكلتش

ها عجبش الكلام ...هههههه اكيد لااااا

__________________
وهل من مصير اخر ؟

واضيف على كلام كوكي
اعرف2شخصيا واحد منهم أبوي
كانوا ضد الزواج وعندهم أولوية استقرار الأسرة ومحبين جدا لزوجاتهم..تزوجوا بعد ماعدد عيالهم..سميها غيرة او تجربة او ماادري..

والله ابوي سبق وواحد مدخله بالقوة على مجلسه بيزوجه بنته يقول بس بينك وبين الدخلة الشوفة الشرعية ورفض ابوي وقال يرضيك اظلمها انا مكتفي وبيتي عامر ومو راعي تعدد
كل اهلنا يقولون لو عددوا الرجال ماعدد فلان..
وخلال سنة تزوج اخوي ال2لظروفه الزوجية وراح ابوي اخذ اللي اصغر من زوجات اخواني كلهم متخيلة الوضع!!

لمي بيتك واخضعي لزوجك ومو انت ياام دان اللي نعلمك

قلتي بنفسك زوجك شمالي لو ايش مايعتذر اعتذار صريح
وغير كذا اخطر شيء ان الشمالي يشوف ان اسرته اللي يعطيها كل اهتمامه ومن اولوياته ببساطة ممكن تستغني عنه ممكن كل مبادئه ينسفها وانتي عارفة..
مهم جدا عنده الاستقرار والاهم عنده ان كل شيء بحياته بمكانه الصحيح والاخطر انه اذا حط على احد اكس انسي يشيلها..

ليش تهدمين حياتك بنفسك..
غلط صح بس انتي اولا ثأرتي لنفسك وضربتيه
ثانيا عاتبتيه
فاقتصتي لنفسك جسديا ونفسيا خلاص
استعيذي بالله من الشيطان وبلاش تكبر براسك وهي ماتستاهل
يكفي ماوصلتوا له
لاحول ولاقوة الا بالله

وأضيف على الاخوات ..
أنا أجزم مليون بالمية لو انهدم بيتك وتشتت اسرتك وتزوج زوجك ..إنك بتعضين أصابعك ندم إنك كابرتي ومارخيتي ..
بس وش الفايدة ؟.. بيكون الأوان فات والفاس طاح في الراس ..


لا تظنين نصايحنا كرها فيج لا والله ..
إلا خايفين عليج ومضايقنا الحال اللي وصلتوا له ..

يمكن براسه السبب اللي يخليه يتزوج مقنع جدا ..
الرجال اذا بغو يتزوجو يطلعو اي سبب عشان عشان يقتنعو ويقنعو اللي حولهم زي ماابنك اقنعك بسبب زواجو
الظاهر طالع ع ابوه انتبهي ولاتكابري نصيحه وبصراحه انا شايفه من كلامك معاه غرور زي ماقال زوجك
ربي يصلح احوالكم وجميع المسلمين

__________________
الحمدلله

يا أمَّ أحمد ....
ان فعلت معروفا فاخلصي النية لله ...
و قدمي كل تنازلٍ لله ..
بادري بكلمة طيبة لله ..
اصلحي ذات بينكم لله ...
اطيعيه لله ...
اصنعي كل خيرٍ خالصا لوجهه سبحانه ..
ان فعلتِ ، فلن تؤثر عليكِ النتائج مهما كانت ... و لن تتزحزحي مهما ساءت رداتُ أفعاله ...
لان كل هذا ببساطة ليس له ... هو لله عز و جل ...

و لا اخفيك ما يترتب عن الاخلاص من خير و رحمة ...
فلا تحسبيها بطريقة بشرية لا تجدي ....
بل احسبيها كما أَمرنا الملك جلَّ في علاه ...

اسألكِ بالله ان تنهي الموضوع بطريقة لينة و إيمانٍ متين ....ففواتُ الوقتِ ليس من صالحك ....!!

طيب أعطوها حلول عملية
ماذا تفعل الآن
ماذا تقول اذا هو جاب الطاري
ماذا تفعل اذا صدها

ثلاث اسئلة مهمة.

__________________