آخر مستجداتك أخوي الله يفرج همك و يرزقك من أوسع أبوابه

__________________

بصراحه مستغربه من تصرفات زوجتك وبرودها ،
لو انها شاريتك وتبيك ماوصلت الأمور بينكم لهالدرجه ،
اعرف الوحده إذا خايفه ينخرب بيتها تسوي المستحيل
مع أهلها عشان ماتخسر زوجها بس زوجتك واضح مافيه
أي محاولات جاده منها لأصلاح الأمور بينكم ،،
شوف كم لك تطارد وراها ما يقارب السنه مو معقول
وحده عنده اهلها تصبر هالمده كلها وزوجها هو اللي يطلب رضاها ،
ليه ما تروح عند اهلها وتجلس معاها وتقول لها من الاخر كذا
انتي يابنت الناس وش تبيـــــن ؟؟
أو انك ترسل لها هالكلمتين وبعدها اختفي تماما ولا عاد ترسل
شيء ابدا ،،
ولو تقدر تروح مكه لاداء العمره وتدعي الله من قلبك
يفرج همك ويكتب لك اللي فيه الخير لك ،،

بالضبط اصبتي الرأي

كل الردود قريتها وسبق وان عملت بها

اللي راح اتكلم فيه اعتبره ضرب من الجنون اذا كان صحيح ولكن بدخل بالموضوع بدون مقدمات

أنا مؤمن وميقن ان مجتمعنا مجتمع نظيف وطاهر
ارقي باستمرار واخبرني احدهم بان بيني وبين زوجتي تفريق وان من قام بهذا هي امها
وسالني هل تعرف فلانه وسماها لي فقلت ماعرفها وانا صادق قال ام زوجتك استعانت بفلانه لتساعدها بالتفريق بينكم
جلست افكر يوم كامل وبعدها قلت امي عن فلانه هذي اللي مااعرفها فقلت لاامي ام زوجتي مين صديقاتها قالت ماعرف غير فلانه بس نفس الاسم بالضبط اللي ذكره لي الراقي
قالت امي لي هذي فلانه وتذكرني بزوجها وعيالها
وذكرتهم وعرفتهم بديت استرجع الذاكره لسنوات ورى وذكرت بذاك الوقت موقف كنا جالسين صغار كان ولد الحرمه هذي معنا وكان لابس خاتم الفص حقه كبير وكان يتكلم وقتها عن هالخاتم والجن والسحر وهو صغير
بعد ماربطت الاحداث مع بعض قلت كل شي جايز زوجتي مطيعه لاامها وتكذب علي الى مايثير الريبه ولاكانها زوجه تاركه بيتها
واحياناً احس بتانيب الضمير بمجرد اني افكر في هالامور واتعوذ من الشيطان
ولكن المعطيات قدامي تخلي الواحد يشك بالموضوع اللي هي
ام زوجتي مااستغرب عليها شي فهي دائما تحب تكون فوق الكل وعيالها وبناتها وزوجها مطيعين لها بشكل خيالي وانا عطيتها حجمها الطبيعي اللي هو اقل من عاديه وهذا سبب كرهها الشديد لي
الثاني فلانه اللي مساعدتها بعد احتكاكي البسيط مع عيالها ايام الطفوله كانت هذي سوالفهم السامري والزار والجن ...الخ

ياليت تُبنى الرودود على افتراضيات
اذا كان هالشي صحيح واذا كان غير صحيح ماهو التصرف
بكل امانه بعد ماسمعت هالكلام تمسكت بزوجتي
زياده وماراح اخليها ابداً

كتبت على عجاله عشان صلاه الفجر ولي عوده بعد الصلاه

كل شيء جائز في حياتنا هذه ..

الان عرفت اليد التي سوف ترد زوجتك لك وهي ام زوجتك

وهذا كثير سهل مهمتك..

يلا استعجل وبادر بالاتصال عليها والسؤال عن أحوالها

حبذا تكون البدايه رسائل عن طريق الواتس

الى ان تصل لمرادك وهو طلبك لها بإرجاع ابنتها لديك ..

اخي الكريم الكذب للإصلاح يجوز .. موفق

__________________

الراقي الشرعي
مايسمي احد
ولا يذكر لك ان فلان ساحرك او مصيبك بعين
عشان مايصير عداوه وخصومه بين الناس
هذي من علامات المشعوذ او المحتال انه يسمي لك شخص
لازم ماتروح الا لشيخ ثقه


ومجتمعنا لازم يحطون السحر والعين شماعه

انت حل المشاكل الي بينك وبين زوجتك بالتفاهم والهداوه

وتذكر من اتى ساحر او عراف لا تقبل صلاته اربعين يوماً



الحل ابسط مايكون
روح من الباب و سلم على اهلها و اخذ معك هديه طقم ذهب او اسواره
و اطلبها تتفاهم معها لوحدكم وشوف ايش عندها
واوعدها بتنفيذ طلباتها
واكيد ماراح تطلب شيء يضرك او يغضب الله
ونفذ الي تقدر عليه
والي تشوفه يضر اسرتك بالكلمه الحلو و اوعدها بشي احسن منه
ولا تطلع الا وهي معك او قولها تتجهز و الصباح اخذك

والكلام مو بفلوس اعتذر منها ومن اهلها وطيب خاطرهم بكم كلمه

الله يهديكم و يجمع بينكم على خير

هذا ساحر مش راقي

__________________
وهل من مصير اخر ؟

أهلاً وسهلاً بك يا أخي ..
يبدو أنك لم ترسل الرسالة التي أوصيتك بها في ردي السابق !! لماذا ؟

عَنْ ابْنِ عَبَّاسٍ قَالَ: كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ:

((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))

لاتلجأ الاّ لـِ ( رب الخلق ) حتى تظفر ..

__________________

ولا تمشِ فوق الأرضِ إلا تواضعاً ... فكم تحتها قومٌ هُم مِنكَ أرفعُ

يااخي هذا ساحر مو راقي
واذا صادق ان ام زوجتك ساحره بنتها اولى انها تسحرك انت كمان معاها وتسير مطيع لها
يااخي الراقي الشرعي مايعرف من اللي سحرك
انتبه تروح للمشعوذ او الساحر ويسحرك عشان كل شوي تجيه وتدفعله

اخواني

يبدوا لي ان اللي يقول روح لااهلها وراض زوجتك
ومن هالكلام ماقراء المشكله من بدايتها ولايدري
انا وش سويت عشان اراضيها دون جدوى
واللي جاء على طول قال ساحر
يااخوان الرؤيا جزء من النبوه وماعبر غير عند ثقات
واغلبهم كانوا متفقين على الرقيه للبيت كامل وجميع الغرف
استغرب من بعض الاشخاص يرد رد بعيد كل البعدعن الموضوع يدل على انه مايدري
ايش جذور المشكله اصلا
اللي يقول لاتروح لساحر ومشعوذ ومن هالكلام
خوفتوني صرت اذا دخلت الموضوع اقراء المعوذات
ممكن اني دخلت بالموضوع ع طول دون ذكر التفاصيل
تعبير الرؤى جزء من النبوه والانسانه هذي تكررت علي كثير وانا ماعرفها

اخوي
البرونز من اولوياتي رايك هذا وراح ارسل الرساله ولايهمك