المشاركة الأصلية كتبت بواسطة خالد_عبدالله

امور الميراث تتحول للمحكمه حتى يقسمها القاضي حسب الشرع ومحد له الحق يجبر الثاني انه يتنازل عن حقه .. وبعد التقسيم بما يرضي الله ان كان واحد وده يساهم في مشروع او شي ف عن طيب خاطر اما بالغصب ما يمشي الحال .
دايما لا يحبذ ابقاء الميراث معلق لفترات طويله .. الدنيا حياه وموت .. عقب تكبر العايله ويكثرون الورثه وتكثر المشاكل والنزاعات وياما مشاكل ميراث متعلقه في المحاكم لها سنين على قطع اراضي مات اصحاب الميراث واعيالهم استانفوا المسيره كل يوم في المحكمه ونزاع وهواش ..

الله يرحمه الوالد يوم انه توفى تقريبا بعدها بشهرين قسمنا الميراث في المحكمه وعملنا صندوق في البيت للي حاب يتبرع باسم الوالد نبني له مسجد .. انا للامانه حطيت كامل المبلغ ولما فتحنا الصندوق اتفاجانا ان الكل حاط المبلغ كامل .. ولله الحمد بني انا له 3 مساجد وكم بير ماء .. والباقي خليناه عند الوالده ..
لا تفرقكم الاموال وحاولوا موضوعكم ينحل في المحكمه ..

المشاركة الأصلية كتبت بواسطة خالد_عبدالله

المهم بخصوص البيت . . يتقسم بس ما ينباع ويجلسون فيه مافيها اي اشكاليه .. بخصوص المشاريع اللي خارج المدينه والمنتجعات .. هذه المحكمه راح تعرضها للبيع بتسعيرة السوق وبفلوسها راح تتوزع عليكم حسب الشرع .. واذا كان احد الورثه وده يشتري العقار يقدر ياخذه بسعر السوق .. يعني يشتري نصيب الورثه الباقين او يتشاركون فيه اثنينه او ثلاثه ...

اهم شي يا اختي لا يبقى الورث معلق .. اما يتقسم واللي بيتنازل عن حقه فهذا رايه اولا واخيرا محد له حق يفرض رايه على الاخر ..

الزبده اذا الورث تعلق راح بعدين يجون عيالكم وعيال عيالكم يتذابحون على الورث ومحاكم ومشاكل مالها اول ولا تالي .. فالاحوط ان يقسم كل شي حسب الشرع اليوم قبل بكره .. تروحوا المحكمه وتسوون حصر ورثه بعد موافقة الجميع ..

واذا هم محتاجين انتي بعد قولي لهم انك محتاجه .. واضح ان الورث كبير بالملايين يعني شو ها الدين اللي بالملايين . بس الانسان بطبعه طماع الا من رحم ربي ..

والله يرحم ويغفر للوالد لا تنسونه من الدعاء ويشغلكم المال عنه .. تبروعوا له وابنوا له وقف او مسجد باسمه واللي يهديكم الى الطريق المستقيم

المشاركة الأصلية كتبت بواسطة جرحي الدامي

تدرين سمورة أظن ان زوجك اللي زعله هو انك عارفه ان ماديته صعيفة ومع ذلك بتتنازلي عن حقك اللي ممكن يساعد في رفع مستوى حياتكم لاخوانك اللي مو محتاجين وماعليهم قاصر وانك فضلتيهم عليه وهو شايف نفسه انه ماقصر معاك وحاول يسعدك بامكانياته ومايحرمك من شي قبل لاتطلع قصة الورث ..انا بس حبيت الفت نظرك للاسباب المحتملة لزعل زوجك عشان تلتمسي له عذر محتمل وما يدخل الشيطان بينكم بسبب الفتنة هذي..الله يصلح بينكم ويعافينا من هذه الفتن يارب...

المشاركة الأصلية كتبت بواسطة زين ابيها

سمورة حبيبتي .. يوم من الايام كنا مستلمين مثل هالقضية
والورث ما شاء الله كبير جدا جدا ...
وكانت فيه وحدة مثل موقفج لكن الفرق انها مو متزوجة
وهي اكبر من اخوانها...
وكانت تحت الضغوط كل مرة تجي المكتب تقول بتنازل بتنازل .. ضميرها يأنبها...
قلت لها ان اذا كل مرة بتجين بتقولين نفس هالكلمة راح نسحب انفسنا كمكتب من قضيتج من الحين...
الحقوق تنتزع ولا تعطى
يعني لما يكون الموضوع متعلق بحقي لازم اكون قوي عشان اقدر انتزعه ما انتظر من الاخرين يعطوني اياه

.


اللي سويتيه نعم صحيح 100%
من ناحية قانونية يُنظر لكم كخصوم متقابلين
فلا تشعرين الخصم انج ضعيفة
أو خايفة تخسرينه
أو مترددة
خله يشعر انج قوية و مقدامة
وانج عارفة حقوقج...
بس بدون ما تتعاملين معاهم بإنفعال و عصبية
وفيه نقطة مهمة جدا جدا...
لا تخبرين احد باللي في راسج أبدا أبدا
لا تخلينهم كاشفينج...


حالياً انتظري فترة وبعدها ارجعي افتحي الموضوع مع اخوانج

خلال هالفترة راح تتعرضين لضغوطات منهم
كوني قووووووية..

المشاركة الأصلية كتبت بواسطة -مسك الليل-

مشان زوجك..

شوفي نحن مانقربك لا حتى نعرفك واغتظنا جدا من الموضوع و نحاول نرجعك لصوابك.. فما بالك بزوجك..

كلامه انك تظلي عندهم هو مجرد غضب من تفكيرك وكذلك يبغى يضغط عليك عشان ما تستسلمي لهم.. اما انا او هم..

خو معدنه طيب اختي يمفي ان ابوه ميسور وزوجك يرفض ياخذ منه درهم وكمان يعطيهم بالشهر!! تقولي راتبه قليل ومو مقصر معاك واي شي يجيبه لك..

لو هو طماع كان يستفيد من ابوه مع انه لا يعتبر طمع..

الغلطة الوحيدة الي عملها انو بدو يسجل البيت باسمو.. غير هيك انتي الي بتستفزيه ولتخليه يصعّد عشان ما ترتكبي حماقة..

لو زوطي اجا عندي وقال انا راح اتنازل لاخواني يمكن انا كمان اقولو اذا عملتها انساني.. مع اني عشت معه عالمرة والحلوة.. خل هذا يعني اني طماعة او ما احبه او اريد الفلوس بس.. لا.. هو مجرد طغط عليه واكيد لو تنازل ماراح اتركه..

هو اجا واعتذر وحابب يهدي الامور.. مثل ماقال كبري عقلك ولا تلزقي بهالكلمة.. ماكنتي تستفزيه وتقولي راح اتنازل..

المشاركة الأصلية كتبت بواسطة -مسك الليل-

طبعا شي بيقهر.. كتير..

اما من البداية قلتلك زوجك اسلوبه مو حلو في مسألة تسجيل البيت باسمه..

انا الان اتكلم فقط عن الحادث الاخير.. افترضي ان عمك الله يحفظه، يتوفى.. واخوان زوجك يبون يستولون على حقه.. وهو يجي يقولك سمورة انا راح اتنازل لهم. ماذا ستكون ردة فعلك؟؟ وتخيلي انك ماعندك ورث ولا اي شي.. صدقيني راح تزعلي كتير ويمكن تقولي اذا عملتها انساني.. اولا عشان الضغط، وثانيا حتحسي ان زوجك مافكر فيك وفي الاولاد وعشان مين؟ عشان الاخوان الي ماهمهم لا اخوهم ولا عيالو.. الام اذا ابنها يبي يترك المدرسة تقول لا انت ابني ولا انا امك.. مجرد كلام للتخويف عشان يتراجع

لا تكثري الهم على قلبك.. لا تكثري الجبهات.. خففي عن نفسك شوي.. الان حلي مشكلتك مع اخوانك وزوجك خليه لبعدين.. واساس مثل ماقالو الاعضاء لنتي محتاجة مساعدة.. ارجعي بيتك وشيلي هم الزوج وخليك تفكري في مشكل اخوانك فقط.. والله كتير عليك الكل مع بعض..

المشاركة الأصلية كتبت بواسطة عبدالعزيز 951

موقفك الاخير رائع ،، احييك علية ،، الدنيا تحتاج قوة وصبر ،،ومصير الزعلان يرضا ،، استمرب حتى تاخذي حقك كامل ،، الفلوس عز وسند للواحد ،، يبدا الناس يحبونك ويحترمونك اذا عندك فلوس ،،

ملاحظة بسيطة ،، كاسرخاطري زوجك احسك متحامله علية ،، اكيد الكثير من اموركم تخفى علي ولكن يضل ابو عيالك وولد عمك ،، وخصوصا راتبة الضعيف جدا ،، الي اعتقد انه ما يكفي حاجته وحاجتكم

المشاركة الأصلية كتبت بواسطة المتواضع305

اتقي الله بزوجك هو رأس مالك
,وحقك من الميراث لاتتنازلي عنه
يعني مايصير تأخذين حقك وتحافظين على زوجك ...! لاتجعلين وصخ الدنيا ...، تفرقك من زوجك ....!

المشاركة الأصلية كتبت بواسطة مسز داني

سمورة
الحين زوجك مو ابوه اللي هو عمك. غني كذلك. يعني بعد عمر طويل راح يورث ورث يكفيه عن مالك
هل هو سيتنازل عن ورثه؟؟ الم يبني آمال عليه
هل هو حاقد على والده لهذه الدرجة
كذلك اذكر ان اخو زوجك سكن معكم. هل والده لم يستطع توفير سكن خاص له. عوضا عن غرفة يسكنها معكم؟
وضع زوجك لو يتصلح مع ابوه. لما حصل هذا الطمع منه او رسم الآمال.