لا تنكرين يا ام الدان يوم طحتي كيف تأثر ووقف معاش

ويوم بكيتي عطاش الكلينكس ورد الملابس وقفل الباب

شو بعد تبين .. حتى سالفة الشاي كان يبي يغير السالفه وانتي غصب تفتحين مواضيع غريبه معاه

لا تخلطين وتتهربين وتدخلين مشكلة ولدش بمشكلتش

ها عجبش الكلام ...هههههه اكيد لااااا

__________________
وهل من مصير اخر ؟

لا تكونين ضعيفة ولا تكونين ذليلة
غلط اصلا وستين غلط لو بتكونين كذا عنده. .
ولا تستخدمين ابدا الدموع أو توضحين قهرك له ..

قلنا لك كوني ودودة ماقلنا لك كوني ضعيفة..

من ناحية أن بقلبه حقد ايه بقلبه حقد ..بس تعلمي التغاضي التجاهل الاستغباء
كوني مرحه بشوشه ..
هو قاعد يستفزك وانت تعاملي مع استفزازه ببرود ولا تخلين كلمه منه تهزك..

صايره كل تصرفاتك بركان ..بكلمه منه تنفجرين
وتجمعين بقلبك لين خلاص ..

أول شي حطي ببالك انك بجهاد
والجهاد وش يتطلب ؟
الرسول عليه والسلام وضح أن جهاد المرأه ببيتها...
يعني كل اللي بتسوينه على أجر مو ضايع
ولا تنتظرين من زوجك حنية أو تقدير لك بهالفترة لأنه موب حاصل

ازرعي وازرعي بتحصدينه بعد مدة. .

لا تقولين ماراح يتزوج ..ياكثرهن حريم قالن هالشي مستحيل وقدر الله وتزوج ازواجهن
ثقي بالرجل بكل شي الا الزواج...والله ماحد يضمنه

ومن ناحية أن زوجك ماراح يتزوج ...قلت لك الفكرة براسه وفي سبيل العناد يسويها
في سبيل العناد يمكن يهد لك جبل مو عاد زواج

فتعوذي من الشيطان وسوي اللي عليك لأجل الله قبل كل شي

وأضيف على ردي السابق حسب معرفتي بزوجي ٩٥% ماهو متزوج ولا راح يتزوج..

صحيح هو عنيد لكن بزواجه علي راح يخسر الكثير والكثير جدا أول خسارة له عياله.. وهو يحبهم لدرجة الجنون..وما أتوقع يخسر عياله والله أعلم.

ام الدان شكلش ماليه يدش منه

لكن لا تطمنين كثير وستبعدين فكرة زواجه .. أمي مثلش انغرت وابوي ما كان في خاطره الزواج ابد

لكن تزوج رد لكرامته وليس حب للزواج .. هيبة زوجش تزعزعت في البيت وراح يدور عليها في بيت ثاني

واعرف راح تعاندين كلامي وتطلعين لش مبررات .. براحتش

__________________
وهل من مصير اخر ؟

ريماس
فعلا أنا كنت مشحونة ومكبوتة من زوجي والكف كان ناتج تراكمات..وهذا خطأ حصل،والمكتوب مامنه هروب.

مو منتظرة منه اعتذار صريح.. لكن أي فعل منه تودد يكفيني..


اثارتني منك هذه النقطة لان بعدة ردود لك لاحظنا
تودده لك ابسط مثال امس لما رجع ملابسك للخزانة
وقرب لك المناديل واحد مكانه وبايع حيخلليك تطلعين
البيت وترجعين كيف ما طلعتي منه!

زوجك له مواقف كثيرة فيها تودد لك للاسف مانك شيفاها

ومستنية يعتذر ويندم رغم انك اهنتيه واخذتي حقك يوم المشكلة

الحين هو نايم ومعطيني ظهره
مسكت إيده لعله في استجابة لو بسيطة تشجعني أترمي بحضنه..
لاحياة لمن تنادي..و الحمد لله مادفني.

أحسنتي
حافظي على الإيجابية
توكلي على الله ثم تمسكي بكل شيء إيجابي ستنتهي مشكلتك
وهو زوجك وحلالك مافي داعي للكرامه بينكم في مثل هذه المواقف ياليتك كملتي ماكنتي تنوين فعله

مشكلتكم إنك عزيزه جدا وهو عزيز جدا
اثنينكم منهارين على بعض بس نقطة العزه والأنفه مانعتكم 💔


صدقيني نوعيته ممكن يتزوج عادي لأنه يتخذ القرار وقت الغضب مايحسب الأبعاد قهرتيه وهدفه وقتها يكسرك وبس

إلا العرس يا أم دان تراه رجال تكفين لاتستفزينه تكفين 😩
بيتزوج وبيندم وبتندمين
بيني انك تغارين وتحبينه وتبينه لك لحالك وحتى مع الزعل إلا العرس خط أحمر
تنازلي شتسوين راضيه بشكل مباشر وواضح بدون ايحاءات يختي زوجك وسنين وابو عيالك طيحي في حضنه غصبا عنه ناقشيه غصبا عنه
ضميه وقولي مقدر اعيش بدونك خلاص عاد وش هاللعب متى تجي الحلقة الأخيره والله متفاعله معك جدا 💔😭

هو قاعد يتودد بطريقته ويتدلع عليك
انتي عطيه جوه
مع الوقت بيطيح الي براسه
بس انتي الله يهديك مافيك صبر