رحاب حبيبتي
انا ايش قلت من أوّل يبغالك صبر وطولة بال ...

شوفي كيف ضعفتي يوم اتصل وضعفتي اكثر يوم اتكلم وبتضعفي اكثر اذا تناقشتي معه
قلنا لك كلنا وبصوت واحد زي ما هجرك اهجريه .............
صدقيني من تجربة مع زوجي ومع كل صديقاتي ... الكلام الي بتقوليه لو كان مسجل بالقنوات المباشرة لن يصعب عليه الرجل يسهل عليه الاتفاق مع المرأة والتبرير لها و مخادعتها وحتى العتاب واللوم والاعتراف يبقى كلااااااام
لكن الأفعال هي التي تهزّ وتؤثر ولا يتسطيع الرجل تحملها ...

كل من أشار عليك برفض مقابلته الآن فهو مصيب .. لماذا؟ لأن الامور ما زالت تمشي وفق خططه
ثانيا والأهم : أن ولا مليون كلمة او حوار او نقاش سوف تشعره بك ، لن يشعر بك إلا حينما يتعطش للقاءك ...
اصبري وتصبري واجعليه يندم أشد الندم انه نقل مدارس الأولاد بنفسه وأحضر أغراضك كاملة ...
عمر الكلام يا رحاب ما أثّر بالذات مع زوج راجع وهو متشبع من شهر عسل ...
زوجك وحبيبك وابو عيالك ورجل وبه مميزات كثير جميلة ولكن أخطأ بحقك وربنا الله القائل(( وَإِنْ عَاقَبْتُمْ فَعَاقِبُواْ بِمِثْلِ مَا عُوقِبْتُمْ بِهِ ))
من الحكمة انه الآن يتعلم درس جديد وخبرة جديدة

للمرة المليون أقول لك ،، اصبري عنه من اجل ان يشغف قلبه عليك ويعود إليه الحب الذي ذبل ... اصبري وبالصبر سوف تبني لك قيمة ومكانة عنده
تمنّعي فتمنعك لصالحك وليس لصالحه ،،، وأبناءك الي صبرهم شهر ونص يصبرهم شهر ونص تانيين ...

رحاب يا أختي انتي الان وان تحسنت نفسيتك فما زلت متعبه ... ابعدي عنه حتى تشعري انك فعلاً استطعت اتخاذ قرار افضل ورؤيه اوضح ...

انا ماغلطت علا الثانيه عشان بعضكم يدافع ومحروق عليها
مافيه وحده بيتزوج عليها زوجها وبتحن وتحب ظرتها وتقول والله مسكينه مالها ذنب
لها والا مالها مالكم دخل بمشاعري تجاهها
ومليوون مره قلت لكم انا ماطلبت طلاقها. ولا حطيته شرط لرجوعي
وان زوجي اتصل واعتذر وبيجي مو معناته اني ضعفت وخقيت وقلت الحمدالله برجع خلاص

انا قلت لكم اش رايكم. هو جاي وقال بقابلها واللي تطلب بسويه واخووي قال قرري قبل لابجي اش تبغين
انا ضروري اقابله مو معناته اني لاشفته برجع وانقل عيالي وامشي علا طول
هي كلمتين وبروح واخليه اخوي يكمل حديث معه ويرد اعتبااري
بعدين اخوي بيستقبله بالبيت ساعتين بس عشان اجي وبعده بيروحون لاستراحه
بدون مايعرف هو. لان اخوي بيجمع كل كبار العيله وبيفاجئه انه مو بس رحاب اللي جاي لها
الموضوع اكير من منتو متصورين. فيه ناس كبار منتظرته وعزيمه كبيره وبيخلونه مايسوى شي
حتى لو اعتذر وطلع صادق بيرجع مع دربه اللي جا معه. مو من اول جيه له بناخذه بالاحضان
ونقول خلاص صدقناك وعذرناك.

أنا أعلم أن تكملة الآية (وَلَئِن صَبَرْتُمْ لَهُوَ خَيْرٌ لِلصَّابرين))
ولكن الحكمة متى نفعل وكيف وليس ان نفعل فعل صحيح ففعل العقوبه صحيح وفعل الصبر صحيح
كلاهما فعل صحيح ولكن الحكمة متى وكيف ؟!


اقرئي ردود الأخوات وحتى بعض الأخوة الذين أجمعو بالتريّث و الصبر .. ولا تتعجلّي

أختي .. ان كنت مقتنعه افعلي ما ترتاح له نفسك ولا تقنعي أحد


ولا تنسي الاستخارة والتوكل على الله

زوجك ذكي واناني ومكار كوني اذكى منه تأكدي لورجعتي له بسهولة بتندمي عمرك كله فعلا ............ الي عمله معك مو هين مااحترمك ولاقدر العشرة الي بينكم حتى اهلك مااحترمهم وطنشهم زي ماطنشك لابد له من ردة فعل قوية وحازمة لانك مولعبة بيده يخطط وينفذ لمصلحته ومن غير مايعمل اي حساب لمشاعرك وعيشك انتي واهلك في هم وحزن وراجع ولاكأنه مسوي شئ الدنيا موماشية بكيفه ولازم تأخذين حقك منه من الهم والقلق والحزن والم الخذلان الي عيشك فيه وانا مع البنات الي قالو لاتقابلينه الالما يستوي تماما ويعرف ان الله حق وان بنات الناس مولعبه عنده ووكلي امرك لله لاتفكرين في الي بيصير ابدا انتي التجأتي له وماراح يخيبك ابدا ثقي تماما والله يكتبلك الخيرة والسعادة في امرك يارب ولاتنسي الاستخارة في كل خطوة بتقدمي عليها .

مع هدا الراي
واخوك اخطا لما تكلم معه
كان المفروض يهمل اتصالاته .. ويطنشه..
زي ماهو طنشكم لشهر كامل وماعمل اي اعتبار..
لاخوانك ولاولاده يل حسب حسابه جيدا وبتكتيكيه عاليه..
اختي الرجال تفكيرهم ..مو زي تفكبرنا..
هل سيلومه اهلك بتركك انتي واينائك ام سيلومونه في امر زواجه..
ام سيكتفون بالانصات ..وقبول عدره..ولملمة الشمل على طريقة لا من شاف ولا من دري..
هل سيعارضونه ..ام سيعدرونه..بدافع انه اخطا..
وبدلك تكتمل حبكته وبشكل مدروس منه..
لا تنتظري منهم ارجاع حقك.. ورد اعتبارك ..ارجوك..

__________________

بعد هالمقابله
وبعد ما يدري وراك رجال
اسحبي عليه فتره
الى ان يطيب جرحك
خليه يحس بانه بيفقدك ويتادب

هذا اللي بيصييير

الله يوفقك وينصرك على من ظلمك يارب

__________________
الذهب والالماس لاتغيره السنين ولاتغيره الظروف بل يحتفظ بقيمته ورونقه وتزداد قيمته مع السنين 💎