اخوي الكريم ،، الوحيد ،،
يقال : التشخيص الصحيح نصف العلاج !! وانت الآن يبدو لي انك عرفت ان زوجتك انسانه رائعه قبل 4 سنوات ولكن بعد الطلاق وفقد ثقتها فيك استلمنها صديقاتها ( شفتي ان كلامنا صح ؟ وانك ضعيفه وانك وانك .. الخ وكثر الدق يفك اللحام !! وياكثر هالنوع من الحريم في المدارس والمدرسات خاصه اغلبهم كذا مو الكل طبعا ولعن الله من خبب امراه على زوجها او العكس لكن زوجتك يبدو لي مالها خوات ،، وامها مدري وينها بالموضوع !؟ ووثقت بصديقاتها اللي يعطونها نصايح غلط واعتقد انك كتوم اتذكر لما كان زوجي كتوم شكيت فيه مليووون شك !! واساله ويسكت مثلك وتتأكد شكوكي ! اقول بنفسي ليش سكت ! الا لاني اقول الحقيقهngt !! بس الحمد لله مع المصارحه والثقه بطلت اشك ! مثلا اذا غارت عليك طمنها قل لها مااحب غيرك ولا اعرف غيرك > الشكاك محتاج امان من الطرف الاخر انه له وبس وفيه رجال كذلك شكاكين وغيورين لابعد حد ومع تطمين زوجاتهم لهم وصلوا لمستوى من الراحه والامان والثقه ،، الان عرف السبب وبطل العجب الحل : اولاً تحتاج من يصحيها وينبهها ان كلام صديقاتها غلط لان عالنوع من الصديقات اعرفهم زين تسوي نفسها الناصحه الامينه والحريصه عليك ويوميا تتصل تتطمن وكلامها كله خراب ودمار !! >> ياليتها تنصح نفسها بس + ثم تحتاج زوجتك ان تثق فيك وتتطمن انك لها وهي لك وانك ماتعرف غيرها + ثم تتلقى نصائح صحيحه من اشخاص عقلاء + هواتفكم بلا ارقام ابداً بالاتفاق وليس الاجبار من اجل مزيد من الثقه ( مو هي تشك ان لك علاقات ؟ هنا مربط الفرس قل لها هاتفي مفتوح لك وانتي كذلك وانا مايريحني انك تسكرين هاتفك عني وانا ماراح اقرا المحادثات النسائيه فقط كي لايدخل الشك لقلبي وانتي كذلك وهذا من حقنا على بعضنا ولكن اعطها وعدا ان لا تدخل المحادثات النسائية الخاصه وهي كذلك لانها قد تكون خاصه فعلا واتذكر اختي فتره حملها تواصل مع اخواتي باشياء خاصه نسائيه بحته وزوجها طلب يشوف هاتفها واخرجها فعلا ً والموضوع نسائي بحت وبينها وبين اختها فقط والله اتخيل نفسي اكلم اخوي لو كان بمكانك ومالي مصلحه انحاز لزوجتك ضدك وانت بنفسك مدحتها قبل سنوات وذكرت انها انسانه جيده لكن هي ايضا على عيونها غشاوه بسبب صاحبات السوء اتمنى انك تقدر تشيل هالغشاوه وترجع ثقتها فيك >> انت قادر باذن الله بس فكر وراح تلقى الحل وانت ادرى بزوجتك ووضعك وترجع اسرتكم سعيده كما كانت ويرزقكم ربي بالبنين والبنات وتذكر كل علاقه لازم تمر عليها عاصفه او فتره صعبه قد تكون في البدايه وقد تكون في منتصف الطريق وتمر باذن الله هذي انا قبل سنه تقريبا اشكي من زوجي واليوم الحمد لله امورنا تمام وفهمنا بعضنا ووثقنا ببعض بعد معاناه وتعب مني يسر الله امركم واصلح الله حالكم صدقني اخوي حل مشكلتك سهل بس يبي لك تمسك راس الخيط وتشده ،، ولو كان اخوي بمكانك والله ماراح اقول له تزوج لاني ادري ان حل مشكلته بسيط باذن الله والزواج الثاني يمكن يزيد من عذابه وهمه ، ويمكن الزوجه الثانيه تصير العن من الاولى وتبدا عاد حركات الضراير ومؤامراتهم ،، ويمكن يكون هذا سبب يشتت عياله او يعقدهم ،، |
قريت كل ردودك وتحليلي لمشكلتك زوجتك غيوره جدا وبعد الطلاق فقدت الثقه ادري الكلام قالوه قبلي لكن بعد ماتوظفت قالت خلاص أمنت نفسي ومايهمها بالاول كنت انت العون الوحيد لها بالهحياه لكن لقت العون من الوظيفه و بعد الوظيفه بدأت تدخلات صديقاتها استوت الطبخه اغلب النساء هكذا تجد صديقاتها المتزوجات يتحدثن ماذا فعلت وفعلت حتى تشبع شيء في نفسها وهي كاذبه اصلا وحتى لاتشعر بالنقص امام زميلاتها وانها ماسكه زمام الامور بتصرفها وزوجتك تنشحن بدون ماتدري لو كانوا يتدحثون في امور كيف ترضي الزوج لاشتعلت نار الغيره عند زوجتك وقلدتهم انت شفت العينات بعينك مثل اهديها طقم الماس سفرها جيب هديه هذا امامك والكلام موجه لك وماخفي اعظم هههههههه مشكلتك اكبر من كذا زوجتك تبي عماره بحالها ( شفت نتائج الشحن ) اكيد لما طلقتها راحت تشتكي لاقرب صديقة ومشت على رايها تفكير النساء طفولي وخلقن من ظلع اعوج يعني لازم تمشي امورك بالاسلوب وشغل التصريفات ادري بيجيني هجوم الآن لكن اتحدى احد ينكر كلامي عندي بعض النقاط استفستزتني وهي اعطائها للمال بدون اذنك وانت محتاج بعض الردود اثنو عليها وقالو فيها ان بها حب الخير وهذا خطأ من باب الشرع اخترت لك روى أبو هريرة رضي الله عنه، قال: قيل لرسول الله صلى الله عليه وسلم: أي النساء خير؟ قال: (التي تسره إذا نظر، وتطيعه إذا أمر، ولا تخالفه في نفسها ولا مالها بما يكره) وحديث عمرو بن شعيب عن أبيه عن عبد الله بن عمرو، أن رسول الله صلى الله عليه وسلم، قال: (لا يجوز لامرأة عطية، إلا بإذن زوجها) قال رسول الله صلى الله عليه وسلم: (ليس لامرأة أن تنتهك من مالها شيئا، إلا بإذن زوجها، إذا ملك عصمتها) الرأي الثاني: أنه يجوز لها التصدق من مالها قل أو كثر، لزوجها خاصة، أما تصدقها لغير زوجها فلا يجوز بدون إذنه لو تبي اعبي لك الصفحة فتاوي عبيتها لكن اذا موجود فيها حب الخير لماذا لاتجاهد في زوجها وبيتها لا اريد ان اشحنك مجددا احب اوضح لك بعض النقاط الحقيقه لو كانت جارحه لكنها علاج انت طرف في المشكله وانت اهملت من اول خطأ لين تراكمت في مخيلتك الترسبات يعني انت لازم تتعاقب وهذا انت تتعاقب الان بالشحن النفسي لكن مهما كبرت تهون ان شاء الله ومشكلتك حلها بسيط شغلة التفاهم بالاوراق مادخلت مخي مع اني قريتها كثير بكتب لك بكل صراحه وامانه وكأني في مشكلتك فيه علاجين الاول صعب ع الاطفال لكن جذري ويستمر مداه طول العمر ( شرطه الاساسي برود الاعصاب منك ) وهو توديها بيت اهلها بنيه الطلاق ( احذر احذر احذر تطلق حتى لو استفزتك ) تخليها شهرين ع الاقل وخذ اولادك معك فتره ومعها فتره ولا كلموك اخوانها لاتناقش معهم اي شيء قول لهم خلاص وصلت لطريق مسدود اتركوني افكر رايح تجيك المحاولات من كل صوب بترجيعها لاتعطي احد وجه اتركها لين تحس فعلا انها فقدت بيتها وزوجها وانها مو قد المسئوليه حتى الناس بتستحي تواجههم المرأه المتزوجه لاتشعر بالانكسار الا اذا خلاص حست انه زوجها مو محتاجها انتبه تجيب موضوع الزواج من اخرى وتقوله لزوجتك مباشره لكي تضغط عليها هذا الشيء بيهدم كل شيء وبيسير الشق اكبر من الرقعه موضوع الزواج الثاني خليه يسمعوه الناس حتى يوصلها الكلام ولازم يوصلها هذا الشيء في هذه الفتره رايح هي تكلمك او تراسلك هناااااا يبدأ العلاج الحقيقي فضفض كل اللي في قلبك ومهما اعتذرت لاتسامح على طول خلك ثقيل بعد ذلك مليار % رايح تسألك هل كنت بتتزوج ؟؟؟؟؟؟؟؟؟ هنا مفتاح الامان قول لها غير صحيح وما رايح ابدلك بنساء الدنيا كلها بعد كل هذا بتشوف مره سنعه مصفره برمجتها ع الزيروووووووووو ورايح تدعي لي لكن لم ينتهي العلاج هنا بعد كل عمل تقوم به لك كافأها اذا اهتمت في بيتها طلعها مطعم وقول هذا لانك مهتمه في بيتك استمر كذا شهرين ثلاث لين تستقر الامور وعيش حياتك عادي ------- العلاج الثاني صعب شوي لانك انسان متسامح وخفيف دم باين من ردودكصفه جميله فيك ( حسيت اني سفيه ههههههههههههههههههه ) اضحكتني كثيراً اضحك الله سنك المهم اتمنى فهمت طريقة العلاج الثاني عند كل خطأ او تقصير لاتقبله أبداً لكنه لمثل حالتك يأخذ فتره طويله ومتعب جدا لاعصابك لكن لو كان من البدايه لما وصلت الى هذه المرحله اتمنى لك التوفيق في حياتك اخوك ليتك معي .. |
للأسف اختي اكتشفت ان اللي يلعب براسها مو بس زميلاتها
اكتشفت ان احد اخوانها هو اساس الفتنه وانه يكلمها يومياً وهي تعطيه المعلومات حصل كذا وحصل كذا وهو يعطيها التوجيهات واخوها انا اصلا على خلاف معه من زمان ولانحب بعضنا وهي تثق فيه ثقه عمياء وهذا اكتشفته البارح وان شاءالله راح اقولكم القصه اللي حصلت البارح فـ كلامك اختي صحيح ولكن انا تعبت من التعامل معها لاني احس اني اتعامل مع سبعين شخصيه بجسد واحد اول كنت قادر على حل مشاكلنا لاني فاهم شخصيتها الحين انا اتعامل مع انسانه تتكلم بفكر غيرها اخوها من جهه واخواتها من جهه وزميلاتها من جهه وكلهم يحرضونها والظاهر اني انا ساعدتهم بهذاالشي لما شافوا اني لين شوي فـ تصوروا ان هذاالاسلوب ينفع وانا والله اني اللين وانا من داخلي الم لكن عشان عيالي ماابيهم يتشتتون لكن الشكوى لله لكن مااقول الا حسبي الله ونعم الوكيل |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|