وفي برضو ارضيتين ومنتجع خارج المدينه اللي ساكنين فيها ... ان شا الله يامتفائله اذا تم التقسيم حقولك كل شي بالتفصيل هنا ...🌹

__________________
-

فأجبر خَاطري .. بفيّض نعَمك ❤ ....

لا ياقلبي ماابغى تفاصيل اكثر كنت بتأكد هم شديدين ع اولادهم ولالا

زوجك ماله تفسير الا انه ربما ندم انه ماأخذ من أموال ابوه ومايبغاك تطلعي زيه

الي مايتفسر ليه مايبغاك تكتبي شي بإسمك

عموماً الله يجيب العواقب سليمه ويحنن اخوانك ويرضو بنصيبهم

يتحجج باعذار مالها معنى ... غسلت ايدي منه سويت له حظر من كل شي ومن حياتي ..

اللهم امين ... جزاك الله خير .. اشكرك 🌹

__________________
-

فأجبر خَاطري .. بفيّض نعَمك ❤ ....

لا حول و لا اقوة الا بالله
تعوذي من ابليس و ركزي على حقك الان و بعدها حلي مشاكلك مع زوجك
فتنة المال اخذتكم كلكم .

بس ان شاء الله اللي حصل لاختنا سموره خير باذن الله ...

اخوانك ان شاء الله بيهدون وبتبرد قلوبهم عليكم ..بس وضحي لهم ان زوجك ماراح ياخذ ولا ريال
يمكن هم منقهرين ان زوجك طمعان في فلوسك

عادي بتمر ايام ماراح يكلمونك بس خليهم لين تهدا قلوبهم
حاليا خليهم لاتحاولين تواصلين معهم باذن الواحد الاحد ومع الدعاء ربي يحنن قلوبهم عليكم

امور الميراث تتحول للمحكمه حتى يقسمها القاضي حسب الشرع ومحد له الحق يجبر الثاني انه يتنازل عن حقه .. وبعد التقسيم بما يرضي الله ان كان واحد وده يساهم في مشروع او شي ف عن طيب خاطر اما بالغصب ما يمشي الحال .
دايما لا يحبذ ابقاء الميراث معلق لفترات طويله .. الدنيا حياه وموت .. عقب تكبر العايله ويكثرون الورثه وتكثر المشاكل والنزاعات وياما مشاكل ميراث متعلقه في المحاكم لها سنين على قطع اراضي مات اصحاب الميراث واعيالهم استانفوا المسيره كل يوم في المحكمه ونزاع وهواش ..

الله يرحمه الوالد يوم انه توفى تقريبا بعدها بشهرين قسمنا الميراث في المحكمه وعملنا صندوق في البيت للي حاب يتبرع باسم الوالد نبني له مسجد .. انا للامانه حطيت كامل المبلغ ولما فتحنا الصندوق اتفاجانا ان الكل حاط المبلغ كامل .. ولله الحمد بني انا له 3 مساجد وكم بير ماء .. والباقي خليناه عند الوالده ..
لا تفرقكم الاموال وحاولوا موضوعكم ينحل في المحكمه ..

المهم بخصوص البيت . . يتقسم بس ما ينباع ويجلسون فيه مافيها اي اشكاليه .. بخصوص المشاريع اللي خارج المدينه والمنتجعات .. هذه المحكمه راح تعرضها للبيع بتسعيرة السوق وبفلوسها راح تتوزع عليكم حسب الشرع .. واذا كان احد الورثه وده يشتري العقار يقدر ياخذه بسعر السوق .. يعني يشتري نصيب الورثه الباقين او يتشاركون فيه اثنينه او ثلاثه ...

اهم شي يا اختي لا يبقى الورث معلق .. اما يتقسم واللي بيتنازل عن حقه فهذا رايه اولا واخيرا محد له حق يفرض رايه على الاخر ..

الزبده اذا الورث تعلق راح بعدين يجون عيالكم وعيال عيالكم يتذابحون على الورث ومحاكم ومشاكل مالها اول ولا تالي .. فالاحوط ان يقسم كل شي حسب الشرع اليوم قبل بكره .. تروحوا المحكمه وتسوون حصر ورثه بعد موافقة الجميع ..

واذا هم محتاجين انتي بعد قولي لهم انك محتاجه .. واضح ان الورث كبير بالملايين يعني شو ها الدين اللي بالملايين . بس الانسان بطبعه طماع الا من رحم ربي ..

والله يرحم ويغفر للوالد لا تنسونه من الدعاء ويشغلكم المال عنه .. تبروعوا له وابنوا له وقف او مسجد باسمه واللي يهديكم الى الطريق المستقيم

تدرين سمورة أظن ان زوجك اللي زعله هو انك عارفه ان ماديته صعيفة ومع ذلك بتتنازلي عن حقك اللي ممكن يساعد في رفع مستوى حياتكم لاخوانك اللي مو محتاجين وماعليهم قاصر وانك فضلتيهم عليه وهو شايف نفسه انه ماقصر معاك وحاول يسعدك بامكانياته ومايحرمك من شي قبل لاتطلع قصة الورث ..انا بس حبيت الفت نظرك للاسباب المحتملة لزعل زوجك عشان تلتمسي له عذر محتمل وما يدخل الشيطان بينكم بسبب الفتنة هذي..الله يصلح بينكم ويعافينا من هذه الفتن يارب...

سمورة حبيبتي .. يوم من الايام كنا مستلمين مثل هالقضية
والورث ما شاء الله كبير جدا جدا ...
وكانت فيه وحدة مثل موقفج لكن الفرق انها مو متزوجة
وهي اكبر من اخوانها...
وكانت تحت الضغوط كل مرة تجي المكتب تقول بتنازل بتنازل .. ضميرها يأنبها...
قلت لها ان اذا كل مرة بتجين بتقولين نفس هالكلمة راح نسحب انفسنا كمكتب من قضيتج من الحين...
الحقوق تنتزع ولا تعطى
يعني لما يكون الموضوع متعلق بحقي لازم اكون قوي عشان اقدر انتزعه ما انتظر من الاخرين يعطوني اياه

.


اللي سويتيه نعم صحيح 100%
من ناحية قانونية يُنظر لكم كخصوم متقابلين
فلا تشعرين الخصم انج ضعيفة
أو خايفة تخسرينه
أو مترددة
خله يشعر انج قوية و مقدامة
وانج عارفة حقوقج...
بس بدون ما تتعاملين معاهم بإنفعال و عصبية
وفيه نقطة مهمة جدا جدا...
لا تخبرين احد باللي في راسج أبدا أبدا
لا تخلينهم كاشفينج...


حالياً انتظري فترة وبعدها ارجعي افتحي الموضوع مع اخوانج

خلال هالفترة راح تتعرضين لضغوطات منهم
كوني قووووووية..

__________________

حاجة الناس إليكم من نعم الله عليكم ، فـ لا تملوا النِعم ☁✨

لا ياقلبي فتنة المال اخذتهم هما اما احنا ماهي فارقه معنا ... لو اخذها واحرقها بس اسلوبهم كان غلط ... وهم اللي حدونا على هالشي ...

أمين يارب ... اشكرك ..

__________________
-

فأجبر خَاطري .. بفيّض نعَمك ❤ ....