الأخت الغالية روضة الله يوفقك ويسعدك ويكتب لك إللي فيه الخير يارب وأسال الله العظيم أن ينزع الغيرة والهواجيس الشينة اللي تطري على بالك ويصرفها عنك ويجمعك باللي تتمنينه يارب

بالنسبة للمشاركات أخواتي الغاليات في مشاركاتكم كلها حسستوني إن سالم هذا ريموت كنترول عند روضة وكل مابتضغط الزر على ok يطلع لها موافق ترى هو رجل وأكيد يعرف شرع الله وإنه يخاف الله ويتقيه في الثنتين يعني لو يبي العدل ومايبغى الظلم راح يقنع الثنتين ويرضيهم كلهم وكل زواجات التعدد تلاقي فيها حساسيات وغيرة بين الزوجات وشئ طبيعي ومتعودين نشوفه بحياة كل المعددين إن الزوجات كلهن الأولى والثانية بتحظى بنصيب الأسد من هالفارس المغوار وكلن تبي تجذبه نحوها بطريقتها ومافيه عيب في المنافسة ولا حرام إذا كانت مافيها ظليمة لأي طرف وإن شاء الله إن روضة بنت حلال وتخاف الله وتتقيه وماراح تضر أحد وكل هالكلام اللي قالته بحق الأولى مجرد وساوس من الشيطان وخرابيط تجي وتروح بعقل كل فتاة مقبلة على الزواج من معدد وإن شاء الله عقب الزواج كل الأمور تزين وتضبط وسالم بعون الله ماراح يظلم أحد من زوجاته بدليل عدم تخليه عن الأولى إن شاء الله إنه إنسان فيه خير ويسعى لتوفيق بين زوجاته ويعدل بينهم بما يرضي الله عز وجل .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

تبارك الله

صح كلاك
بس حنا همنا روضه احساسها وقلبها
يارب لا تكسر قلبها يارب
خايفين من تطلعاتها وتوقعاتها

بارك الله فيج ياام سلطان واشكرج ع الدعوة الطيبه من قلب طيب ويجعلها ربي في موازين حسناتج

اشكرج الغاليه ع خوفج وحرصج لو ان البعض استصغر سالم والثاني طلعاه مايصلحي والاخر ركز على مشاعر الاولى في النهايه كل الﻵراء جدامي وانا يرجعلي القرار ..

انتي تقولين اني احب الدنيا وانا رديت عليج لو شرع ربي الانتحار جان مايلست لليووم..بالنسبه للنصيحه اشكرج عليها بس نحن مانعلم الغيب .. وفاهمة قصدج

مهره

اشكرج على التوضيح بس تظل افكار ..

حبيبتي روضة ورب من خلقني انا اساسا كنت مسجله في المنتدى علشان مشكله عندي ،،

لكني ماقدرت اقرا فضفضتك وردودك وما اكتب لك كلام من واقع تجربة صحيح يمكن الناس ماتتشابه بس هذا الواقع اللي يتكرر ويتكرر وانظري حولك كويس راح تشوفينه جلي وواضح ..

انا الان متزوجة بس قبل كنت مخطوبة لشخص حبيته من كل قلبي وهو بعد وبالرغم من شخصيته القوية وغروره مثل ماقلتي جاب لي اهلي وكنت اعتقد انه هالشى برهان واضح على حبه .. لكنه عند اول موقف حقيقي ومشكلة حقيقية تخلى عني وبعد سنين رتب وضعه ورجع جاني مع انه له مكان كبير بقلبي لكني رفضته لاني كنت مستعدة من البداية اوقف معاه واسانده لكنه ضعيف وتخلى عني ..

وانا ابصم لك بالمليون ان سالم مسيره بيرجع لزوجته وبيختارها وما بتستفيدين شى غير انك بتنجرحين زيادة ..

والموقف الثاني اللي مريت فيه واحد خطبني وهو كان منفصل وعنده اطفال من زود اصراره علي وقف في وجهه اهله ناسه كل من بس علشان اوافق عليه وحبني حب مو طبيعي ومثل ماقلتي عن سالم هالخاطب بعد كان انسان رائع بكل ماتحمله الكلمه من معنى ومن اصراره علي عرفت اني لو اتزوجه بكون اسعد انسانه وتمنيت لو عرفته من زمان قبل مايتزوج وعلشاني استأجر بيت واثثه كامل وارسل اخته علشان اطلع معاها وتسوي لي مفاجأة وتراويني المكان وكل يومين يتصل على امي واهلي حتى ابوه اتصل لي قال احنا نبيك انتي ..

لكني حكمت عقلي وطلبت منه يرجع زوجته واطفاله مع انه كان تارك زوجته لانها خاينته وزوجته اتصلت لاهلي تتراجهم وحسيت انها صادقه تبي ترجع لبيتها مكانها الطبيعي مع زوجها .. وكل مره كنت اطلب منه هالشى يزعل ويبكي ويتألم لحد ما وضعت له الخيارات مثلك وقلت له اسفه مااقدر اعيش مع شريكه لو بيوم رجعها (لاني متاكده كنت انه بيرجعها ) مو بس علشان الاطفال لانه اهله بعد يبون كذا ومافي اي انسان طبيعي بيقبل انه يعصي اهله مثل ما سالم عمل بس ترى ماعمل هالشى بس علشان اهله لا علشان نفسه بعد وعلشان ينجب ويعيش حياته أما انه مانساك فهذا امر طبيعي انسانه كان يحبها ماراح ينساها بسهوله وبتظل تمر في عقله من وقت للثاني او يحن لها وكل ممنوع مرغوب والاهم انه عارف انك تحبينه وراح توافقي تتكلمي معه حتى لو هو متزوج وهو مايبي غير تكوني معه روحيا ونفسيا بس المشكله بالبنت اللي تقبل انها ترخص نفسها وتخلي نفسها بموضع خيار المفروض الكرامة اكبر من كذا بكثير لانك عزيزة وغالية وانا متاكده انه في الف من يتمناك و بالنسبه للي صار معي وبعد ما رميت الكوره في ملعبه وقلت له مااقدر اعيش مع شريكه..كم يوم وكم شهر ظل يفكر بعدين صار يتهرب من هالموضوع لانه مايبي يجرحني ويحاول هو واهله يقنعوني اني اكون زوجه ثانيه ..لحد ماخبرته بيوم انه مايهمني الا راحته فاتمنى انه يسوي اللي يريحه علشان انا ضميري يرتاح لانه كان يأنبني وكنت اتالم كثير وابكي.. وبعد ما خبره ابوي بهالكلام تعرفي وش سوه رجع زوجته وفي المكان اللي كان المفروض لي أنا .. ورجع قال ابي اتزوجك ثانيه حزتها انا رفضت بكرامتي وريحت ضميري والحمد لله .

لكن تعرفي الله استجاب دعاء زوجته مع اني ورب البيت كنت ابيه يرجع لها وماكنت ابي اتزوجه ولما كلمتني هديتها ودعيت لها ترجع لزوجها وقلت لها ان شاء الله هذا اللي راح يصير لكنها دعت علي وقالت الله راح يذوقك من نفس الكاس مالمتها حزتها من قهرها اكيد .

وبعد ماتزوجت وش اكتشفت زوجي المصون كان يحب وحده وفترة كلمها حبيبتي انتي ماجربتي تكوني زوجه الزواج حاجه كبيرة وربي قرار الزواج امر واجد صعب بس قرار الانفصال اصعب بكثير مهما كانت حياتي مليانه مشاكل هالشى يهدم بيت واسره باطفال او بدون في شى بين زوجين محد يقدر يحس فيه الا الاثنين في اتصال روحاني غريب بكره تتزوجي وتحسيه .

ماتتخيلي كيف انا انكسرت وتذكرت دعوت البنت وادعي ربي انه يهديها وتسامحني مع اني ما خطأت بحقها بس هي اعتقدت اني ابي زوجها .. وماتتخلين الالم اللي ممكن تحسه البنت اذا زوجها خانها انا بنت كنت معززة مكرمه في بيت ابوي خطبني واحد ووافقت عليه وبالنهاية اكتشف انه كان يحب وحده قبل الزواج وماقدر يتزوجها لانها مريضه طيب وش ذنبي انا يظلمني معاه ووتسأل عنه بعد الزواج ويرجع يبوح بمشاعره هو اختارني وربي اختارني له انا قومت القيامه ماقعدتها والان انا وزوجي نحاول نحافظ على بيتنا مع انه ماعندنا اطفال وخبرني انه ماراح يطلقني مهما صار لاني حلاله وزوجته وبالعكس نبي نحافظ على اللي بينا ولا نزعل اهلنا ونبي نجيب اطفال .

حبيبتي انتي حره بتصرفاتك بس انتي مافتحتي هالصفحة بالمنتدى بس علشان تفضفضين انا متاكده لانك تحسي انه في شى خطأ بالموضوع واحسبي وحده وحده بتعرفين

سالم لو لك كان هو نصيبك من الاول وكان تمسك فيك ورضا بشروطك وحاول يقنع اهله هو رجال .. لكنه اختار اهله لانه شاف انه هذا الاصح وموضوع انه جاب اهله اي اكيد بسوي هالشى لانه فعلا كان يبيك وشاريك وهذا الامر الطبيعي حب شريف . لكن فكري فيها اليوم انتي كتبتي خلها تدعي علي ماتهمني انا اقولك كوني صادقه مع نفسك هل راح تكوني مرتاحة لو طلق زوجته واختارك شهرين سنه سنتين بعدين راح تخافين منه او تخافين باي دقيقه يرجع زوجته علشان اهله خاصه انه كل واحد بديرة .

وهل بنت معززة مكرمة تقبل انه ترخص نفسها وتتزوج بدون اهل زوجها هالشى بس استصغار لك ولكرامتك وش معنى هو يخاف على رضا والدته وانتي ما ترضين والدك اللي وضع شروط لمصلحة بنته هو يشوفها كيف تبين تكسرين كلام ابوك اللي رباك وكبرك ومايبي من الدنيا شى غير سعادتك تتوقعين راح يكون سعيد وحال بنته كذا الا هو يتمنى لك تتزوجي من زوج انتي كل حياته ودنيته ولا تدخلي للمشاكل برجولك ..معززة ويفرحون فيكي اهله

انتي تقولي السعادة الله قدمها لي كيف ارفضها انا انصحك اتركي شئوونك لله واتركيه لزوجته لله وشوفي صنيع الله معاك وشوفي كيف الاحساس بالراحة اللي راح تحسينه لانك ماهدمتي بيت ..وقلتي ليش بنت تقبل بزوج تدري انه يحب غيرها عادي جدا لو يحب غيرها ما جه وطق باب بيتها برضاه الزواج مو بالغصب .. الحين في بنات تقبل تتزوج مطلق تجربه وراحت من حياته ليش ماتقبل تتزوج بشخص عنده تجربه حب ..شى انتهى بدليل انه قرر يتزوج غير حبيبته وهي عليها بالظاهر .. لا تقولين ابتعدو عن الافتراضات الوهميه لا هذا واقع راح تعيشه بعدين صوره الملاك اللي مصورتها ممكن تختلف عن الواقع العشره تبين الشخص على حقيقته كل واحد أو وحده بالتلفون ممكن يكونون ملائكة ..

اتمنى الله يوفقك ويوفقنا جميعا ويكتب لك مافيه خيرك وصلاحك وخذي ورقه وقلم واكتبي كل الايجابيات والسلبيات بس بحساب العقل مو القلب واحكمي بنفسك واستشيري اللي اكبر منك مافيها شى ..

حبيبتي الحب قبل الزواج يكون متأجج لانه ماوصل لمراحل كثيره مجرد الزواج والعشره وانه يحدث كل شى بين الزوجين يفتر الحب لاشعوريا بعدين تتضح الرؤيا للامور المادية والعقلانيه واعادة حسابات ويظل طبعا الحب موجود لكنه يخف مرات ويزيد مرات الحياة مواقف بعدين يصير شى عادي وروتيني لانه بين يدينك وتبتدي تفكيري بالمستقبل .

الله يوفقك

اخت امل..



تبقى نظره .. جوفي حولج جم وحده تعاني من اهل زوجها ومن معاملتهم السيئه .. وين المنطق والعقل والكرامه اللي تطرقتيلها برضا وعلم اهل الزوج ليش بتزوج اهله انا والا بتزوجه هو
تتزوجين من واحد بقلبه غيرج وتحكمين ع نفسج وعليه بالحياه المثاليه صورة جدام الناس وليش تتركين مكانج مع واحد شاريج لمجرد انه متزوج وعنده عيال هم العيال بيضيعون اذا انفصلوا والدينهم؟؟ اضيع عمري في محاوله الوصوله للسعاده مع زوج اختاره لي القدر والا استغل كل لحظه مع حبيب وزوج اختاره قلبي ..
والا ارخص بحياتي وسعادتي والايام الباقيه من عمري في سبيل سعاده غيري .. والا والا والا والا .
كم مره بنعيش؟؟ وجم لازم نقدم ونعطي عشان الناس تكف عن الكلام الناس ماعندها غير تصيد للخلق ليش اعور راسي واتزوج برضا اهله الاهل ياامل وقت العرس كلهم بيتجمعون حولج وبيهنونج وبعدها كل واحد بيلتهي بحياته انا مااقدر اتصنع دور المراه المثاليه وارضى باي شي ... انا لازم اشبع ضميري ورغبتي وعيني بشي فيه سعادتي وقادره املكه بحول الله ..

بس شو يخصه دعاء زوجته عليج وانتي تزوجتي بثاني وسعيتي لانه يرجع لها موب واضح الكلام
تدعي عليج وانتي ماتزوجتيه ورجعتيها في ذمته وتزوجتي ثاني مااختاره قلبج اكيد بذوقين الخيانه ماله خص ابدن دعاءها في الموضوع هي ظالمه موب مظلومه خلها تروح بيت الله وتدعي ليل ونهار والله الملائكه بترد الدعوة ع راسها بامر من الله ولك بالمثل
طبيعي زواجج لمجرد يكشفلج حقيقه الزوج بس لو تزوجتي بالاولي راح تسعدين ولاتربطين دعوة الاولى بزواجج الحين لانه انتي وفقتي بينهم


بس انتي سلبيه تدعي عليج وتسكتين والله اخذه واعطيها كرت احمر .. واراويها الله حق ... خيرن تفعل شر تلقى


المهم




اشكرج عزيزتي بس انا ماراح ارفض حبيبي سالم عشانه متزوج او عشان اهله وزوجته كلهم ورى ظهري وسالم بس اللي جدام عيني
واذا ع ابويه ربي يحفظه انا ماكسرتله شروطه من البدايه يعني ماجلبت الدنيا وتعبت اهلي عشان سالم رضيت بالمكتوب ورضيت بكلام امي الله يرحمها .. وتركته في حال سبيله لين رجع .



دعواتج بالتوفيق وتقبل الله

روضة ياريت ياحبيبتي تروقي شوي و تعرفي انو احنا مالنا دخل بالموضوع نهائي ولا مستفيدين شي ولا بنعرف زوجته الاولى ولا جايين من طرفها ... احنا فقط وفقط وفقط بدنا مصلحتك وخايفين عليكي وفقط بكل معنى كلمة فقط
انا حاسة بتفكيرك تماما ... مو شرط اكون مريت بنفس التجربة انما مريت بنفس العناد و نفس الاحساس ونفس عميان البصيرة بسبب اصراري الشديد على امر معين واصراري رغم اراء الي حواليه بانو هادا مش في مصلحتي و كنت اغمض عيني وبالنهاية اعمل الي بدي اياه و مااتعلم الا من تجربتي ...
وقلتلك مو شرط الي بقول عليه يكون نفس الي انت مريتي فيه انا بقول على الاحساس النفسي والانساني بهيك مواقف
صراحة انا حاسة كل هالكلام الي بنحكيه عالفاضي و انك معاندة و مصرة تماما على موقفك
و انا متاكدة وان رديتي علية هلأ و نفيتي كلامي ... انا متاكدة انك احيانا من داخلك تشعري ان كلام البعض صح وان ماتقدمي عليه فيه وفيه وفيه مما ذكروه الاعضاء ... وترجعي تقولي داخلك لا اكيد انا حكون غير وتجربتي غير انا ماهمني وانا ايزي و انا مغامرة وماتهمني النتائج
لهيك حاسة كل شي بنحكا عالفاضي والي براسك هوة براسك ...
عموما الله يوفقك و يقدملك الي فيه الخير وعملنا الي علينا و كل شيء بارادة ربنا
و لي طلب منك ... خففي من حدتك في الرد على بعض الاعضاء الي بقولو كلام مابعجبك
وانا هنا لااقصد ردودك علية لانو ماحسيت انك كنتي حادة معي لكن لاحظت حدتك في الردود فاللطف ماكان في شيء الا زانه ومانزع من شيء الا شانه
فقط نصيحة ... وربنا يوفقك

__________________