حبيبتي كنافة الله يفرج همك يا رب
و يلهمك القرار الصحيح
نصيحة لا تستعجلي
اصبري في هذا الشهر الفضيل و الصبر جزاؤه الجنة
الله يفرج همك و يسعدك يا رب

اكثري دعاء ولا تاخذي قرار

بصراحة انفعالك ماكان له مبرر أبد كلها ملابس ما راحت ولاجات حتى اتصالك على أمه تراني بجي أخذ الملابس ماله داعي يعني زوجك ماله دوام؟ تقدرين تطلعني للبيت وقت دوامه وانتهينا !!وان كان في أجازه روحي وقت سهرته المعروف يعني ماله داعي تبلغين العالم والناس انك بتاخذينها والأسواق مفتوحه.. على العموم اللي صار صار وإدرسي خطواتك مره ثانيه

الله يسهل عليك

__________________
ربي فرج همي ويسَر امري

هدي حبيبتي
انا واعتقد كل الاعضاء فاهمين كلامه انو متمسك فيك وخااايف تتركينه وناادم
ومنحرج من اهلك قدام غلطاته المتكرره
انتي انفعلتي من بعد كلام ابوك
وذكرتي موضوع طلعتك من البيت بنص الليل وانتي تبيكين وهالسالفة اصلا راحت من 10 ايام

حبيبتي كنافة انتي من الناس اللي تقدس الخصوصية
ف تدخل امه بينكم بيوترك كثير ، اذا احتجتي غرض ولاشيء عطيه خبر برسالة وبس

الحين انتي روقي وشيلي هالهم من بالك شوي وخلي رمضان يعدي وان شاء الله مو صاير الا كل خير

الله يفرج همك ياكنافة وييسر امرك ويصلح حالك

__________________
سبحان الله وبحمده..سبحان الله العظيم

1+

الله يعوضك يامبتعثه خيير ويرزقك من واسع فضله
كلامها عين العقل
والاخت تبي تطلق من غير سبب ماشوف مشكله اساسا رجال مو راعي علاقات ولا حشيش
يسفرك ويصلي ولو كان مقصر يرجع يصلي
واحمدي ربك امه تكلمك تحاول فيك في الطلاق انتي الخسرانه وبنتك اما ولدها تقدر تخطب له وحده بكر عمرها 18 بواقعيه
والغريب انتي تتكلمين عنها بالاسلوب هذا

مدري انتي متى تصحين اذا خذتي ورقتك في يدك وسمعتي انه تزوج وخلف وانتي تنتظرين حظك مره ثانيه
وضع المطلقه صعب مو سهل مثل ماتتوقعين اذا تخافين على صورتك قدام الناس بمجرد خبر طلاقك راح تسوى صورتك اكثر

في حالات الطلاق فيها ضروري مثل الضرب او مسكرات او غيرها لكن وضعك مدري وش اقول
لاتتصرفين بحماقه نصيحه من قلب اسمعيها والا قطيها بحر
والمشكله انتي حتى مو موظفه وظيفه حكوميه مضمونه واهو مايقصر في مصروفك
يعني الله يعينك ابوك وامك مو دايمين لك وبنتك من عمر سبع سنوات ابوها احق فيها
يابنت الناس اعقلي ولاترفسين النعمه برجلك وشوفي البنات ماليات البيوت
وكل الناس يتهاوشون ويغلطون على بعض وتمشي الحياة واذا عرفت ام زوجك اهي في مكان امك والحرمه طيبه وماتستاهل تصرفاتك

الله يصلح حالك ويهديك لنفسك

كان الله بعونك وفرج همك

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

كنافه ياعسل انا ماجبت سيرة الطمع ابدآ
ولكن حابه أوضح لك انك تسرررعتي بطلب اغراضك
ماتدرين وش كان بيسوي زوجك يمكن بيعتذر لأهلك يمكن ويمكن
لكن يمكن انك انتي خﻻص مقرره طﻻق عشان كذا ماعاد همك
وحتى لو قررتي. .برضه اشوفها بدددري تطلبين اغراضك مو أي شي يجي
فبالك تنفذينه على طول. .فكري شاوري تأني
السرعه مامن وراها أﻻ الندم
الله يكتبلك اللي فيه الخير..

أقل شي انتظري لين يخلص رمضان وقضي بس للعيد
وبعد العيد خير
ماتدرين وش بيصير انتي كنتي ماشيه صح
فجأه انفعلتي بزياده الله يهديك
احنا نبي مصلحتك. ﻻتفهمين غلط

جزاكم الله خير لتفاعلكم واهتمامكم
اعترف اني اندفعت امس وكان المفروض اطنشهم
لكن كنت متفاجأه من تصرفه الغريب معي
وابوي اشعل الموقف زياده لماقال روحي اطلبي الطلاق

عموما انا ابتركه هو وامه وبنزل السوق
وبشتري لي ولبنتي ملابس جديده للعيد
غير اللي تركتها في البيت

بالنسبه لتعليق غاليه
فاعتقد ما اطلعتي على مواضيعي السابقه
زوجي مبهذلني بالسب والشتم على ادنى سبب
وياما مد ايده.. ويهجرني بالفراش مده طويله
وعلاقتي معه متوتره من زمان وسبب لي اذاء نفسي
وانا ماقلت الطلاق حلو.. بالعكس بكيت وانقهرت
عالعشره اللي ماقدرها والبيت اللي انهار
اما قصه انه بيتزوج ويعيش حياته وانا راح انتظر حظي
فهذا بعلم الغيب.. وما ندري ايش اللي ربي كاتبه

انا قلت من البدايه اني يا ارجع بشروط او انفصل عنه
وهو اللي جالس يدفعني للخيار الثاني
واعتقد كل شي راح يبيبن قبل العيد
والحمدلله على كل حال