أمس حصل موقف أثر فيني وايد.


أخت زوجي كلمتني تسألني عن شي .. رديت على سؤالها وتكلمنا شوي بخصوص الموضوع اللي كانت تسألني عنه.

في نهاية الحوار قالت لي: ميرة أنا وايد أحبج.



الحمدلله رب العالمين.

__________________


اللهم طِيبَ الأثر .. وحُسْنَ الرحيل.

ماشالله تبارك الله.. الله يسخر لك عباده يا ميرة حبيبتي
مين يعرفك أساسا وما يحبك !

كلنا نحبج ..

يلا تأثري ..

فديتج يا إشراقة .. الله يرضى عليج.





جذي زين؟ .. وإلا أتأثر بعد؟؟


حبيبتي مريوم.

__________________


اللهم طِيبَ الأثر .. وحُسْنَ الرحيل.

هذا الفيس يعبر عن شوك توداي

مريم الحال من بعضه
العصبية مؤذيه...
اكره ان احد يرفع صوته ويتكلم بنرفزه وعلى اشياء سخيففففة
لكن مثل ما قالت أمة الرحمن اذا الرجال فيه اشياء تشفع له
فالأمر يصير اهون شوي....

اما بالنسبة لي فيه اشياء وايد تشفع له
خصوصا انه بعدها يبدأ يراضي ويلطف الجو ووو
مع ذلك الامر خانققققق خانقققق

__________________

حاجة الناس إليكم من نعم الله عليكم ، فـ لا تملوا النِعم ☁✨

فعلا زوجي فيه أمور كثيرة تشفع له ما أحب أكون ناكرة للعشير ..
لكن عصبيته مبالغ فيها .. موقف عصبي واحد ييساوي 5 مواقف طيبة له ..




اللي مصبرني في الفترة الحالية إني قريب بسافر لأهلي .. وبعدها بشهر هو بيسافر شهرين في مهمة عمل ..
أقول الحمد لله برتاح شوي وبتسترخي أعصابي المشدودة ..
وبحصل فرصة أشتاق له وأحن لوجوده ..

شوفوا شلون ؟
توني ملاحظة إن عصبيته أدت إلى إني أنتظره يبعد ..
ياليت لو يقرون كلامي الرجال ويشوفون أثر افعالهم علينا ..

مريم.. العصبية مرض ما له حل !
أنا أعاني من عصبية زوجي وأولادي الإثنين طالعين له
عصبيتهم تسبب كوارث .. شي خارج عن العادة
الصغير الحين صرت أحاول أحتويه..
كل ما بدأ نوبة الغضب آخذه وأضمه وأبوسه،
على طول الولد يخمد

أما الزوج لازم من نفسه يتصرف كبالغ مسؤول
ما بيدك تغيريه

صباح الخييييييييييييييير

اول ضحايا العصبية هو العصبي نفسه
الله المستعان