اشراقه حبيبتي

الله يفرج همك من حيث لا تحتسبين
ويهدي زوجك ويحنن قلبه عليك
فليس ذلك على الله بعزيز

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

آمييين يارب
شكرا حبيبتي ولك بالمثل

ماعليه اشراقه حبيبتي من كل شي يمر علينا نتعلم منه
انتي تعلمتي وفهمتي زوجك ع الوجه الثاني

خليك قويه صامده
ع فكره انتي من الناس الي تعجبني اسلوبها وطريقتها وقوتها

زوجك مااخذ وضع الصديق بالبيت ادفع زي ماانا ادفع والسفريات والاكل والشرب قطه الا الشي الي لك ادفعه

لذلك حبيبتي الحمدلله انتي التفتي للموضوع من بدري يعني مو لكم سنوات ع هالوضع يعني تقدرين تداركين الموضوع

شوفي اول ماتزوجت اعطيت زوجي وقتها نص راتبي تخيلي وقلت له حط نفس المبلغ ويصير نقضي للبيت منه شوفي الهبل

بعدها ندمت خيير ليه تزوجني عشان اصرف ع نفسي
وللامانه هو يرفض حتى مصروف فطوري كان يعطيني وهذا تحسب له

قلت له نفتح حساب ويحط كل واحد فينا مبلغ وحددناه بالنسبه حسب المرتب
ونستفيد منه مثلا لو نبي نسافر انا احب افخم الفندق والمطاعم لذلك ناخذ من الصندوق
والبقيه توفير

مااذكر ولا مره طلبني او قال ادفعي بس اهديه هدايا معقوله مش هبل
مثلا شماغ او عطر ساعه كبك بس سياره لا معليش مهما بلغ حبي

ومن وراء هذا كله عندنا حساب لولدنا نحط فيه مبلغ بسيط حتى يكبر ويحتاجة

الامور الماديه ماكانت عائق لي

بس نفقه شهريه مايعطيني ويقول اذا احتجتي اعطيك بعيد رمضان عطاني صرافه وحط فيها خمس الاف لي ولولدي
الشتاء والصيف اذا نزلنا مول واعجبني قطعه يشتريها لي او ختى قطع او فستان اكسسورات او ساعه

يعني الامور الماديه صراحة ماكانت متعبه لي

بعد طلاقنا صار يرسل مصروف ولده والعيد قابلني واعطاني صرافته

أهلنا ربونا نتعامل بأصلنا وطيبنا.. بس لما الوحدة تشوف بدأ الوضع يصير استغلال خلاص تنسحب

فكرة فتح حساب لولدك مرة حلوة ماشالله.. وانا وهو برضو لنا فترة نبغى نسويها لهم قلت له كل شهر هو يحط وانا احط

الله يعوضك خير حبيبتي ويريح بالك ويقويك ويرزقك بر ولدك

جربي تأخذين أجازه بدون راتب

ملكة ياعسل
أنا ضد زوجها وأسلوبه
لكن انتي كررتي انه يمنعها النفقة
لكن هذا غير صحيح
مفهوم النفقة المسكن والمأكل والملبس
وهو حسب شهادتها مأدي هالواجبات اللي عليه

الموضوع كله يدور على اسلوبه المستفز لطلب المال
بس برضو ياأشراقة
تأكدي أغلب الموظفات مروا بالمرحلة
عاد ياتستسلم يا تطلع منها..

وعلشان مااظلم اللي عندي ماسواها لذلك الحين لما ضاقت عليه وقفت معه وهنا همسة لأزواج الموظفات كلما كنت أكثر عفة عن راتب زوجتك كل ماكانت أكرم معك
وكل ماكنت أجشع كلما كانت أكثر حماية لنفسها ومالها لأنها تفقد الامان..

فعلا.

.....

لا يانبض ماعطاها نفقتها من ملبس لاعيد ولا صيف ولا شتاء
اي شي يخصها مايعطيها

نبض عشان تكون واضحة الصورة زي ما قالت ملكة ...

ليا سنة كامله ريال واحد ما اعطاني يخص ملابسي

ولما طلبته في عيد الفطر قال اشتري من كسوة الأولاد لكم كلكم خلاص والله ماخذت منها ريال

يدوب كفتني لهم وزدت من عندي فوقها

وللمعلومية ماعندنا ايجار !

له سنة بس أخذ شقة للثانية ايجار

وشفت عقد الايجار بسيط المبلغ بالنسبة له..

هيا الثانية لها دور في تعامله معايا

تدفع له كل شي كلللل شي وهو تعود

والحين قاعد اكيد يقارني فيها.. تحسب حتكسبه كذا .. مسكينة !

لا صحيح
هي قالت ما عطاها كسوة العيد
وجزمة بنتها يخاصم ليش تشتريها
وحبة شوكولاته يحاسبها عليها

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )