*
:
أستمر على نفس المنوال ولاتستعجل النتائج
التأديب يحتاج لطولة بال وصبر وهي الآن
تراجع نفسها وتستخدم معك كل الحيل القديمة
وتحاول عمل هُدنة معك بقولها (لا أريد دلع
أريدك تكون عادي معي)

وإذا لنت وخنعت ستعود بنفس السرعة لسابق
عهدها
دعها تنضج وتأخذ الوقت الكافي حتى لاتعود
لنفس أخطائها السابقة وتعتاد على عمل البيت
وتعتاد القيام بدور الزوجة الصالحة المسؤولة

* كلفها بالإهتمام بالصغير وعودها على
العناية به ولاتسمح ببقاء الطفل متسخ
أو بدون طعام فالطفل دائماً بحاجة لملاعبة أمه
له وتواجدها حوله


*لاتجعلها تستفزك وكن صبوراً صموتاً
إلا في حدود الحاجة

وبإذن الله سوف تتغير للأفضل

:

__________________

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

السلام عليكم

احداث منتصف الليل........:

طبعاً اليوم كان محكوم عليها انها ماتطلع وراحت الاخت وصكتها نومه من العصر الى الحين الساعة 2 و 49 دقيقه وهي في سابع نومه والبيت كله طلع على الساعة 10 حتى ولا فيه الا هي فقط لاغير.

طبعاً قبل مايطلعون اهلي كنت جالس مع ابوي وولدي يلعب تحت مع عيال اختي ولما جو يطلعون شافهم لابسين قعد يبكي يبي يروح معهم وقلت لا خلوه قال ابوي وين امه قلت نايمة قال نايمة الى الحين قلت ايه.

المهم قعد يبكي قلت خلاص خلوه يروح قالو نبي جزماته الله يكرمكم قال ابوي هي نايمة !!!

قلت ايه يايبه نايمة..

راح وسأل امي وقال وينها نايمة هي قالت لا صاحية ( تكذب على ابوي عشان تغطي عليها ) ابوي ماصدقني ولا صدقها يخاف انه يظلم احد.....

راح وجاب اخوي الصغير قال رح جب الجزمات وشف نايمه هي ولا لا !!

جاب اخوي الجزمات وسأله ابوي قال نايمة قال ايه نايمة...

اخذ اخوي وراح به لأمي قال يوم تكذبين علي وتغطين عليها ليه عشانها تقرب لك خلاص ماتبين نعرف شي عنها شوفي ولدك وش يقول وسأله وقال نايمة قعدت امي تصرف الموضوع...... كله مراعاة لهم وتبي تبين لنا انهم ناس كاملين والعيب مايجي الا منا حنا..

جاني ابوي وقال انت وهاذي مشاكلكم عيت تخلص قلت يابوي البزر لاشفته سوا غلط وضربته عنه ماعاد يسويه فما بالك في وحدة سنتين وانت تفهمها شي طبيعي مافهمت طول هالفترة مستحيل تفهم بعدها الا بحلين ياتزوج عليها ياتطلقها قال ابوي حتى لو طلقتها بتنشب في حلق الي بيتزوجها.

بس انا وانا ابوك بتدخل في الموضوع وعقد صلح..

قلت يابوي هالبنت ماينفع فيها شي اهلها مانفع فيهم وهي وش بينفع فيها ويكون بعلمك اساس الغلط من بيتنا من اول هوشه تهاوشت انا وياها وامي متدخله وانت تعرف امي كل شي الا الي يعرق فيها منزه من الغلط ومن اول هوشه وهي مركبتني الغلط وتسب فيني لما رسخ في مخ البنت اني انسان مريض نفسي ويكون في علمك ترى هي قالت لا اهلها كل شي وشوهت صورتي قدامهم وحطت اني مريض نفسي والبلا مني شلون ماتبيني احس بالقهر لما تشوف نفسك مظلوم ولا تقدر تسوي شي كله حشمة لهم!

قال لا وانا ابوك حنا عارفينك وامك عارفها انا قبلك وعارف ان امك ماتصلح الا تخرب.، ، ونا سبق وحذرتها بس شكل الموضوع رسخ في مخهم.

بس وانا ابوك انا بتصل على امها وبقول لها كل شي وبقول ماعليك من كلام امه تراها تدافع عنها عشانك تقربين لها ولا البنت عوبا والرجال ناوي يطلقها وانا الي ناشب في حلقه عدلي البنت وعلميها وش الحياة الزوجية اما انها تطول لسانها على زوجها هاذي ماتستحي ولا تربت اصلا، ولا ودها لا اهلها وخلها سنة عندهم لين تأدب.

قلت يابوي وديتها اكثر من مره وعلمت امها بس الي مايفهم مايفهم ولا تتصل عليهم ولا شي ابد انا ناوي لي نية ان ماعتدلت شلتها هي وعفشها وعلى اهلها انا ماني قاعد على وحدة كل يوم رافعه ضغطي اقعد اصيح لواتنرفز ويتغير صوتي من العصبية والقهر الي تقهرني فيه لايجي شي بكره فيني ولا يضرب فيني عرق منها ولا تستبعد اذا لقيتني بيوم من الايام ميت بجلطة تراه منها ولله ماجاب لي الضغط والقهر الي هي وانت تعرف قهر الرجال.

سكت قال براحتك

وانتهى هذا اليوم.

أخوي لاتكبر الأمور ومع الأيام راح تكبر وبتتعدل إن شاءالله
صح أنها مقصره لكن مو مصيبه الدنيا

الله يصلح حالكم

__________________

قبل أن أخرج من المنتدى الآن أقول لك:
لا تجعل والدك يتدخل خلال هذه الفترة أبداً.

الله يصلح حالكم

بس من جد نومها كثيييير

مافكرت تحللها عن الغده والا تشوف هرموناتها؟؟؟

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

أخي الكريم

1- لماذا لا تخرج بزوجتك ببيت منفصل وتفصلها عن أهلك وتحديدا - الوالدة - حفظها الله ؟

2- لا تجعل والدك يتدخل الآن وأكمل الموضوع لوحدك.

بالتوفيق

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

أنتبـه يالغلا الحـين أنت بفترهـ إصلاح ،، ولا يتدخل أبوكـ أو أمكـ

وأنت صبرت ماشاء الله عليك سنتين ،، يعني لا تعجز أنكـ تصبر ثلاثة أو ست شهور حتى تظهر النتايج

أذا ما ضبطت عاد الشكوى على الله ،،

ولكن أحنا متفائلين لكـ بالخير وحياهـ سعيدهـ أن شاء الله بفضل الله ثم فضل الأخوآن المتواجدين هنآ ،،


تحياتي تسبقها دعوآتي

أخوكـ

:
*

أخوي أنتِ الآن في مرحلة إصلاح
فلاتدخل أطراف أخرى بالسالفة
والمرأة بدأت تتغير فلاتستعجل النتائج

والله يعافيك حل مشاكلك بدون تدخل
أي أطراف خارجية سواء أهلك أو أهلها
حتى تيأس من حلول الأخوان هنا وتشوف
أن لا أمل بها

بعدها طبق ماعرضه والدك بأن يكلم
بنفسه أمها ويحرجهم بتصرف بنتهم

:
*
والله يهديها ماتشبع نوم
ماشاء الله تمشي وتنام
والصغير ماتدري عنه
*
كلفها بالإهتمام بأبنها
ولاتعتمد على أهلك في رعايته

__________________

بالعكس اني اشوف ان البنت صغيرة وتقدر تغيرها وفي تطورات ..

بس هي غافلة عن العواقب بحكم سنها ..

عادي الانسان يغفل ..

ويمكن بعدها موعارفة تتأقلم مع الصغير يبى لها تتعلم ..

ما اشوف زوجتك لهذي الدرجة سيئة بس طبعا رفع الصوت اخليه على جنب ..
ورجاء ياجماعة اللي بيدخل وبيأجج الزوج على زوجته يقول خير او يسكت اقلامكم عليها رقيب من فوق اللي هو الله سبحانه ..

واكو الاخ البليغ والاخت سيدة الموقف ماشين معاه في الخير ..فلا تخربطوه ولاتزيدوه ..

اشترك معاها كثير اخي في تربية ولدكم ولعبكم معه انتوا الثلاثة مشاركة ..

تعلم انت تغير اليه وتأكله وكل شي تسوي له ..

خليك دوم معاها ..

الله يصلح الحال..

(بس الغريب نومها لازم تكشف مومعقولة ام وكذا كيف رضاعة وسهر ومرض وتغيير )

__________________
إن اليقين بكرم الله -تعالى- وحسن الظن به، من دواعي إجابة الدعاء، فقد أمرنا حين الدعاء: أن نظن أن حاجتنا بالباب.. فلنتصور مدى يقين من يرى أن حاجته بالباب، ولا يفصله عنها إلا المفتاح الصغير الذي يفتح به الأبواب الكبيرة.