والله ياخوي هالسالفة على زوج اختي انا استغرب منه وهي متقبلة الوضع رغم انه ماصار اكثر من 6 سنوات متزوجين وهو من بداية زواجهم ع هالحال ،،، يعني عادي يتركها بالشهر والشهرين ... وهي المسكينة مثل اللي يقودوه شنو مايبغي تسوي! انا طرحت عليها هالشي تقوول بس جذي او مرة يطلع بتبرير انها عصت امره واشترت لنفسها فوشار طبعا هالحجي قاله بعد ما حسوا اهلي ان الموضوع فيه إن ...

هههههههه اما عن نفسي العكس زوجي هو اللي يتنقع ببيت اهلي وانا جالسة ببيتي بحكم صداقته القوية باخوي ومحبته لوالدتي ووالدي ع قولته يحب سوالف اول والامور القديمة ..

اما الهدية ،، انا عن نفسي انصحك بباقة ورد وفيها كلام من قلبك و لازم تاخذ لاولادك كل واحد لعبة بسيطة مناسبة لعمره لان احنا الامهات نفرح اكثر لما نشوف الاب مفرح الاولاد وراح تكبر بعينها ،،، وربي يديمها عليكم اخوي

انزين شلون تتعامل معه زوجته اذا كان بهالاسلوب وهي فعلا يعني عدم محبة ؟ غريبة يعني بيستمر الى ان يكبروا الاولاد وبدل مايحسوا انه ابوهم عايش يحسوا كانهم عاايشين مع مدير جاهز للعقاب فقط ،،، للاسف هذا الحاصل مع اختي ..

ماشالله اقرا بين سطورك عشق وهيام لزوجتك الله يزيدكم من نعيمه..الله يردها سالمه وغانمه..~~>اهم شي غانمه 🎁
ماسبب عدم صبرك على فراقها،،؟ هل هو كرهك للعزوبيه (تبي اللي يخدمك) ام حبك وشوقك لها؟؟ سوري على التطفل لكن ودي اقيس ع زوجي😁

الاخ امجد
صفة التردد في زوجتك من سمات شخصيتها ( الجنوبيه)
اصحاب الشخصيه الجنوبيه يتميزون بالرومنسيه و الكسل نوعاً ما و التردد و حب السوالف و اجتماعيين
اتوقع زوجتك كذا

الاخت ام مريمي
الله اعلم ان زوج اختك عنده مرأه اخرى بحياته او اكثر
مااحط بذمتي استغفر الله لكن ممكن يكون هذا السبب
لان زي ماقالو الاخوان ماافي زوج يصبر عن زوجته اكثر من اسبوع اسبوعين بالكثير
خليها تنتبه
ويمكن هي تعرف بس ماتيغى تقول
الله يكون بعونها

هي قالت لك مرتين ودها تجلس اسبوع
وانت قلت لها عطيني قرارك الاخير بالليل وكأنك تقول لا تجلسين
فواضحه جدا منك انت
قرارها ما اعجبك فهي حبت ترضيك
وحبت تبين لك انها ايضا مشتاقه لك

هذا مش تردد لانها قاست النبض وغيرت رايها

عموما انصحك ان الهديه تكون شي غالي الثمن

كلامها صحيح ...انا يعرفني زوجي غير متردده ابدا كان يشاورني في اصعب الامور في حياتنا واشاوره بدون تردد
لكن في المواضيع هذي بصراحه اتهرب مو اتردد ماابغاه يحس اني ماابغاه لاني بالفعل مشتاقه له وفي نفس الوقت ماشبعت من اهلي واخاف لو قلت له بقعد يحس اني ماني مهتمه فيه او اخاف يزعل واخاف اتهور واقول بروح معاك وارجع والنفسيه زيرو وحصل معاي كثير ....،

وحبيت ابشرك زوجي حس اني متردده وقال بسافر وبعد اسبوعين برجع لكم واخويه قاله انا بجيبها
حاولت اوضح له اني ابغاك تجلس معانا ونروح سوا ( لما تاكدت انه معزم&#128514 قال اخاف اخذك وانتي ماشبعتي والنفسيه تخرب اذا رجعنا .....

الله لايحرمني منه ❤️

عجبتني فكره الهديه بشتري لزوجي....


ممكن يااخواني تدلوني ع هدايا يفضلوها الرجال ؟؟؟؟؟


بحدود ألف ريال ،،،،


بليز اليوم او بكره بشتريها

ويمكن يكون عنده ضعف جنسي الضعف الجنسي منتشر بكثره ولا نقدر ننكر وجود مثل هذي الحالات
واكيد يحس انه يعوضها بانها تنبسط عند اهلها او يعوضها مادياً

اخوي الوافي.....


لازم تفهمونا ،،،

والله الزوجه الي تعشق زوجها ماتنساه ابداً وتشتاق له وتتمنى ماتفارقه لكن برضه عندها ام واب واخوان يعشقوها وممكن يضغطو عليها تجلس اكثر وهي تبغى اهلها وتبغى زوجها لكن بيكون في بالها انه مثلا ماعاد بشوف اهلي الا بعد سبع شهور او خمس شهور فأهلي اضيف كم يوم زياده وراجعه لزوجي حبيبي شهور باذن الله ...
المرأه حتى لو فالتها مع اهلها ماتستغني عن زوجها لكن الزوج مشاعره مثل الرجل الالي مايتحكم فيها( واقصد بالمشاعر اللقاء الجنسي والشوق والوله ع الزوجه
عكس المرأه تتحكم بمشاعرها ..وتقول بياخذني شهور ومابشوف اهلي الا في خير رغم شوقها ورغبتها في زوجها ،،،

لاتفسروه تطنيش او تهميش للزوج ....

قانعة ،،، فعلا انا فكرت بهالشي مرة قالت لي انا اعرف عنه اشياء وبعدها من تشوفه متصل لها تنسى كل الدنيا وتروح له وكأنه لم يكن .. مشكلتها عاطفية بزيادة عن اللزوم ... بس على قولتها يحبها فمن جذي استغربت شلون يصير هالحب بالبعد؟؟