لاحظت في اللهجة البحرينية تبلعون الحروف علي كيفكم

دياي وين حرف الجيم
تقولوا ما ننطقوا
طيب كم تقولوا جم كيف نطقتوه
علي كيفكم يعني

دورت وراكم في قوقل لقيت بلاوي عافسين اللهجة الخليجية عفيسة ما بعدها و لا قبلها
لكان تمر تسموه سحة
و الظلام خرمس و كملتوها الاسعاف صار عمبلوس

__________________

صباح الياسمين
اصبحنا و اصبح الملك لله

هاجر
دامك دورتي على اللهجة معناه انتي الشبحة الجاية .........
وش معنى اندوج !!!!!

ننطق حرف الجيم ولو .. والجيم الصحيحة احسن من بعض الناس مايقدرون يلفظونها ..

بس في كثير من الكلمات العامية نقلبها إلى ياء من باب التخفيف :
دياي = دجاج
شيرة = شجرة
يبل = جبل
ياية = جاية
اليمعة = الجمعة
يديد = جديد

القاف عندنا بالعامية نلفظها مثل الجيم المصرية أو G من قولد ( كتبتها بالأنجليزي طلعت لي مشفرة ) يلا اقرأيها بهالحرف :
قمر
قبل
رقدت
ورقة

وبعض الكلمات نحول القاف إلى جيم عادية بس هذي مش كثيرة . يمكن عند الاماراتيين أكثر :
جديم = قديم
جدام = قدام

وحرف الكاف نحولها ج اللي فيها 3 نقط Ch مثل Chair :
مبجر = مبكر
جبريت = كبريت
أحبج = أحبكِ



شفيها لهجتنا حلوة .. على الأقل مانجمع المفرد ونأنث المذكر

هاجر عمبلوص أجدادنا كانو يقولونها ..
وهي الكلمة المعربة لكلمة امبلانس Ambulance او سيارة الاسعاف ..

وفيه كلمات قديمة معربة على شاكلتها بس إحنا مانقولها :
عرنجوش : Orange juice
حفيز : Office
سبيتار : Hospital

شفيها لهجتنا حلوة .. على الأقل مانجمع المفرد ونأنث المذكر [/QUOTE]
ههههههه مريم
مو منهم احنا براءة
مؤنثنا مؤنث و مذكرنا مذكر
حتي نيسان مثلنا
هذا شعب امونة و انعدوا منهم الولايات ااشرقية الي في حدودهم

القاف عندنا ننطقها G مثلكم
هالمرة نقول هالنوبة
و نشترك في كلمات كثيرة الصراحة
في صباح الخير تقولوها بتسكين الصاد و احنا بعد

وناسة تتعلم لهجة غيرك
الحين حسيت بميمو امس كانت طايرة من الفرحة

__________________

لا ياختي
التوبة امشي ورا زيون انشف ريق العالم
خلوني قاهرة الاشباح ⏩⏩ عجبتني حطوها في وسامي

__________________

حلو درس اللهجات هذا
شكلنا نكتب القاموس الخليجي -المغاربي
اما قلب المونث مذكر و العكس فنحن و الحمد لله لساننا سليم و ننطق المذكر للمذكر و المونث للمونث
و شئ طبيعي المدن الحدودية سواء الشرقية او الغربية يتاثروا بجيراننا

هويجرررر يالعجيز اشفيها لهجتنا هاااااا
هدوني عليها خل اكفخها هني هدووووني
هذي اللي بتخليني اشمر جميماتي وايي اكوفنها 😆

😂😂😂 بس عجبتني .. خرمس
" قبل اذا الدواعيس خرمس مستحيل امشي فيه "
فما هي الدواعيس ؟ 😆

__________________

حاجة الناس إليكم من نعم الله عليكم ، فـ لا تملوا النِعم ☁✨

السلام عليكم ورحمة الله وبركاته
طيب الله مساكم بكل خير و فرح😍😍
زيون يا مربطة العصاعص😀بشري كيف كان موعدك مع طبيبتك.

__________________
سبحان الله وبحمده..سبحان الله العظيم

وبالمرة عطونا مفرد الدواعيس الله يسلمكن.

__________________


اللهم طِيبَ الأثر .. وحُسْنَ الرحيل.