السلام عليكم ورحمة الله وبركاته .. انا اقول للأخوات شوي شوي على الرجال تراه يتيم .. واما اليتيم فلا تقهر .. لا تجلسوا تزيدوا همه هم .. وانت انفعالي وانت قاسي ومن هالكلمات الي مالها داعي !! .. خلوا نصحكم وانتقادكم احترافي اكثر .. ومثل مايقول المثل ( الي يده بالنار غير الي يده بالماء ومايحس بالنار إلا واطيها ) ..وما اعتقد انكم بتكونوا أحن عليها منه .. وهو الي حبها وقدرها وكانت في يوم من الأيام زوجته وقدم لها الغالي والنفيس وماقصر وصبر معاها كثير وبإعتراف منها ! .. اذا البنت فعلاً محسودة ليش تقوله تعبي ماله دخل بأني ما ابيك !! .. يعني سواء تعالجت من العين ولا ماتعالجت انا مابيك ؟! هالكلام غلط بصراحة .. واعتقد العين ماتسلب الانسان عقله بحيث يوصل فيه الوضع يقول هالكلام .. لو انه سحر بنقول معليه معذوره والكلام الي تقوله خارج ارادتها بس بناءاً على قراءتي لموضوعها السابق اعتقد ان لديها الادراك التام والقدرة على التفكير السليم وبإمكانها تصبر عليه مثل ماهو صابر عليها .. عموماً انا بكل الاحوال ما اشجع على الطلاق والأخ الكريم رجل عاقل وانسان صبور وواضح من كلامه انه ضحى بالكثير طوال عمره سواء مع اخوه وحتى مع زوجته وعنده الاستعداد دائماً للتضحية اتمنى منه ان يريح اعصابه وياخذ وقته .. وياليت يسافر مكة عشان يهدأ وبعدها يقرر اذا بيرجع لزوجته السابقة .. او يكمل حياته .. واتمنى تذكر حديث الرسول عليه الصلاة والسلام : ( احمل اخيك المؤمن على سبعين محمل من الخير ) .. احمل كلام زوجتك على محمل من الخير وإلتمس لها العذر .. قد تكون زلة لسان .. قد تكون تتغلى عليك .. وبالأخير هذا قرارك والي يناسبك سوه .. والانسان ماياخذ الا نصيبه بهالدنيا .. الله يوفقك يارب ويحميك ويفتح ابواب السعادة امامك ..


تحياتي ..

يااااأخوااااااااات الله يهديكم كأني شامم رائحة نقاش حااد
أستهدوووو بالله
بعدين ياأختي أم حسن وش الي تصرفاتها غبيه!!
مهما كان ماأرضى عليها بهالألفاظ
أنا فقط من يحق لي تصطيرها

أمزح معك اخذي راااحتك

طمنا اخوي عليك وعليها وش صار؟؟؟
ان شاء الله تفاهمتوا وهي ندمت على الكلام اللي تقولة؟؟

الله يجزاااااااى الجميع كل خير
أنتم عائلتي هنا
أختي بيتا الله يرفع قدرك
أبدا ماأزعجني كثرة مداخلاتك بل على العكس كثر الله خيرك تتعبين معنا
ومادام زوجتي بعمر بنتك الصغيره فأنا أتقبل نصايحك كنصيحة أم لإبنها
الله مارزقني بأخوات وأخي مشغول لكن الله رزقني بأخوان وأخوات هنا قلوبهم على بعض ويراعون الله بكل حرف يكتبونه وأعرف نظام المنتدى وأعرف أن مافيه تواصل بينكم وبين زوجتي وأعرف أنها مادخلت المنتدى من كتبت موضوعها لظروف الي حصلت لكن أنا اليوم باخذ أغراضها لها ومن ضمنها اللاب فإذا حصل ودخلت لاتقصرين معها يابيتا
ماأهملت أي رد من ردودكم أبدا كلها قرأتها الله يعطيكم العافيه تكفينا دعواتكم لنا

طنشتها يومين على أساس تتأدب وتراجع نفسها وأتصل علي أبوها يقول ماترد,,,وهل كلمتك أومريت عندها؟؟؟
كسرت باب الغرفه لأنه مغمى عليها ولاصحت إلا بالمستشفى
هذي لوتكمل معي بتتكسر كل ابواب بيتي
اي ضغط نفسي عيشتني فيه وأي فقدان اعصاب وأسألها ليش صايمه أن شاءالله وممتنعه عن الأكل تقول بكيفي,,,قلت ايه نعم بكيفك لكن أنتظري إلين يرجعون أهلك لاتورطيني فيك ولاتحرجيني مع أبوك الطيب
أسألها وين جوالك دقي طمني أهلك؟,,حطيته بالزباله!! ليش؟,,لأني أدق عليك يومين ومارديت علي!!
أستخدمتي الزيت والسدر؟,,حطيتهم بالزباله !!,,ليش؟,,عشانك طلقتني!!
وأعتذرت وقالت برجع معك وخلنا نفتح صفحه جديده
قلت لا أنطقي عند أهلك إلين تنتهين من العلل الي فيك بتروحين شيخ بتشيلين أفكار من راسك أنا مدري وش الي فيك أنتي يوم كذا ويوم كذا بعطيك مهله شهر وإذا أنتهيتي من حركاتك الطفوليه بلغيني برجعتك أو طلاقك
وإذا رجعتي بنفتح صفحه جديده وإذا أخترتي طريقك أبشري بورقتك
قالت طلع لي جوال قلت لا ماأسمح لك فيه لأنك قطيتيه بالزباله وإذا لزم الأمر بجيب لك الكشاف
تستخدمينه إلى شهر 5 من العام القادم إذا الله أحيانا بإذنه
وطلبتني أروح معها مكه ورفضت قلت خلاص حنا متفقين تروحين مع أخوك
وقابلت صديقي العزيييز الي هو عمها وأخبرته ووعدني يستمر معها بالذهاب لشيخ وبنشوف وش آخرتها معها
وأنا بضغط على نفسي وأبتعد هذا الشهر وأسأل الله الخيره من أمري,,

الله يسعدكم ويزيل همكم يارب

اخي الفاضل احمد
يعجبني تغيرك
وباذن الله تعالى تغيرك هذا الى الافضل مع ان فيه حبتين قسوه
بس احسن خليها تصحصح وبلاش كثرة دلع البنات
وصدقني وباذن المولى راح ترجع لك امراه صالحه
انت ابتعد عنها هالفتره
ون شاء الله تتعلم الدرس
وهو ((تقدير النعمه اللي ياما بنات يتمنوها وهي الزوج الطيب الصالح))
ولو انها اختي او لو افترضنا بنتي
كان وبختها على تصرفاتها
لكن مااقول
الا الله يصلحها ويهديها

__________________
اللهم صلي على نبينا محمد وعلى اله وصحبه اجمعين

أنار الله بصيرتك ورزقك الله على قدر صبرك وتضحيتك ووفقك الله
وجمع الله شملكم مع زوجتك ورزقكم الله الذرية الصالحةوانا متأ كدة من حب زوجتك لك ولكن هناك أمرا ما قد يكون عين او غشاوة على قلبها وسوف تنكشف
فهي إنسانه رقيقة واعية
حفظكما الله وسخر الله قلبها لك
استمرا على الرقية حتى انت ولاتنسى الدعوات والاستغفار والصدقة

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

الله يوفقك

__________________
وقل حسبي الله عليه توكلت وهو رب العرش العظيم
اللهم عليك بمن سحرنا اللهم رد سحرهم عليهم وسلط جنهم عليهم وارنا فيهم عجائب قدرتك

بالبداية ولما قرأت موضوعها كان تخميني انها عين بناءا على جملتها هذي
"" شممت رائحة عطر أخوي ولاحسيت بكره لرائحة العطر فسألته عن اسم العطر وفهم أني بهديه لزوجي وقال أنا بجيبه لك هديه وفعلا اليوم الثاني كان عندي العطر وأهديته لزوجي لكن تعال شوف لما تعطر منه حسيت أن راسي صار فيه انفجار من التفكير والهم الرائحة تغيرت عندي
حتى البيت أحيانا احس رائحته موحلوة وأجلس أبخر فيه وأبحث عن مصدر الرائحه ولاأجد شئ

ومع ذلك ما توقفت عند هذا الكلام بل أكدت عليها انه سرعة الزواج كان لها دور بصعوبة تأقلمها مع زوجها

وعند قراءتي لموضوع أخونا أحمد لما ذهبوا للشيخ وزوجته قال انها راجعت ( استفرغت ) فتأكدت انه العين لها دور كبير بحالتها لاني شفت كثير وأعرف انه هذا من أعراض المعيون عند علاجه ... شيخ المسجد الملاصق لبيتنا يرقي الناس رقية شرعية ويجيه ناس من بلاد مختلفة وشفت عنده مثل هذي الحالات .

وأعذريني عن مواصلة النقاش معك أو مع غيرك لأني أشعر انه نقاشنا له تأثير سيء على مشاعر الزوجين

__________________