مو عارفة ب ايش ارد عليك مبتعثة
طبعا انتي تترجمين مشاعري و احاسيسي و فاهمتني جداً

مستجداتي اليوم :
نادوني الوالد و الوالدة:
من بكرة سنة دراسية جديدة ايش ناوية عليه

قلت ماعرف
صارت دموعي تنزل مثل المطر

مريت ب ايام محزنة مؤلمة صعبة كثير
في فترة اني معلقة
هذا اليوم كان اصعبها علي

بكيت كثير
من صحيت و انا ابكي
احس ب توتر وخوف فعلا ان بكرة عام دراسي جديد
و صفحة جديدة كاملة ب تبدا بحياتي

فيه افكار تدور ب راسي مقطعة قلبي
قلت لأمي و ابوي الله يسامحني
انتوا السبب في اللي وصلت له
ربيتوني على اني لازم ارضي الجميع
لازم كل الناس يحبوني
ماعندي حدود في العطاء او التضحية
انا ايش غلطي
لما اكون الزوجة الكويسة المراعية عالنمط التقليدي
انا لا اعاند و لا ارفع صوتي
احترمت قدرت شكرت عالقليل صبرت
في النهاية زواجي يفشل فشل ذريع
و في النهاية زوجي طوال حياتي معاه اكتشف انه كان يحاول يدوسني
يحطمني
يجردني من المال
من الشهادة
من حتى السعادة
كل شي كان يحاربني فيه

ترا كنت متكيفة على بالي كذا الزواج
و ان الزوج لازم ينكد و يغث و يعل
و ينقهر بدون اسباب

اكتشفت لما ابتعدت قد ايش كنت عايشة في جهنم و مو حاسة

انا مثل الطالب المجتهد من اول يوم
اللي قرا كل الكتب و الدورات عن النجاح
و استخدم كل الاساليب
و في النهاية اخذ صفر
صففففر

اعرف مافي شي يضيع عند الله
و الحياة ابتلاءات

لكن شعور الفشل الان دخلت فيه
و شعور جلد الذات و اني انا السبب
انا اللي صنعت لي ظالم

انا كنت أحبه و اخلص له و اسامحه و اعطيه
غير التربية و النشأة عندي مكون ديني كبير يوجهني
و كان الاحتساب لله مالي علي حياتي

حتى لما اتزين له كنت احتسب قول الرسول صلى الله عليه و سلم
" اذا نظر اليها سرّته "

لما كنت اروح اكلمه و اتفاهم معه بعد ما تصير مشكلة
" و خيرهما الذي يبدا بالسلام "

طبقت كل المباديء و القيم و الدورات و الكتب اللي قرأتها
محبطة مكسورة
من النتيجة اللي حصلت عليها

فيني دوامة ما تخلص من لخبطة الافكار اللي انهكتني
صوته يمرني وهو يبكي قبل اسبوع و يقول طول عمري
عايش معك مُهان

كيف مُهان و انا اللي كنت احس هالاحساس بكل ثانية معه
ماحس اني عزيزة و راسي مرفوع او عندي كرامة و انا معه
يصارخ علي قدام الناس
يتفل علي

ليش يتقمص احاسيسي ؟ و حتى الاشياء اللي توجعني ينكرها و يشوف انه هو عاشها؟

حتى الخطوة الاخيرة في اسدال الستار على هالزواج
مو قادرة اخطيها
هو رمى الكرة في ملعبي
و رفض الشروط

لازم انا اقول ابغى اتطلق
و اتحمل عبء انهاء هذا الزواج
و هدّ البيت و فض الشراكة هذي

مو عارفة ايش اقول
لكن بداخلي احساس اني ب امر على هالموضوع بعد سنة و ب اضحك كثير
و ان كل شي ب يمر و لطف الله ب يمحو و يطبطب على كل شي اشعر فيه

__________________

الحمدلله على قضاء يقربني من الله عز و جل.

ليش زوجش حاسس بالاهانه طول عمره معاش ؟

هذي الكلمه لازم توقفين عندها وتسألينه وتعرفين سبب هالاحساس

دموعه ما نزلت عبث * بصراحه من خلال كلامش عن نفسش وحتى لما تحدثتي عن سلبياتش كانت سلبيات
لا تذكر نقدر نقول غير موجوده
احس انش تحسين انش كامله وعيوبش لا تذكر وهذا شي غير معقول * اخرجي من دائرتش وفكري لا بل صارحيه
شو الي يبكيك شو الي قهرك اسمعيه ولو مره وحده من غير شك * في حلقه مفقوده واعتقد لو زوجش
كتب مشكلته هنا من الممكن بعد نتعاطف معاه

في شي غير مفهوم والمفروض تكونين واضحه وصريحه معه *انتي بس امليتي عليه شروطش عليه لكن

ما عالجتي المشكله من جذورها * اسباب ضربه؟ شعوره بالاهانه!بكاه اسأليه ولو مره وحده وخلصي ضميرش

انتي مثل ما تقولين زوجه مثاليه ولكن زوجش يشعر بالاهانه هذا الشعور كافي يهد كل مثاليتش ويشوفها
ولا شي
نصيحه اعرفي الاسباب

__________________
وهل من مصير اخر ؟

اقرأي عن قانون الانعكاس

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اليوم تواصلت معي صديقتي الصباح
صديقتي اعرفها من 14 سنة تقريبا
و علاقتنا قوية
حضرت ولادتي و كانت معاي بأمور كثيرة

امس كنت اكلمها و اشعر بالشتات و ابكي

دقت علي
قالت اذا ممكن زوجي يكلمك ب احط سبيكر و انتي اسمعي كلامه بس و رأيه
قلت لها استحي
قالت اجل بيكلم ابوك او اخوانك

المهم رجعت قالت لي رايه
قال لها : صديقتك فلانة هل هي صادقة بكل حرف
ما أخفت او بالغت ب شي
قالت لا والله اعرفها من سنين ماشفت عليها كذب
انسانة تخاف الله
قال اجل تخلعه ليش ما تخلعه
قالت ماعندها فلوس و ماتبغى تكلف على ابوها و إخوانها
قال مستعد اتسلف عشانها
قولي لها لا ترجع له ابدا سواء ب شروط او بدون

..
قالت لي هذا راي زوجي
انا اخاف من التخبيب و اقولك ان كان فيه أمل حاولي
لكن زوجي حكيت له و انحرق دمه عليك
يقول الان دقي عليها بكلمها

..
كلامها شجعني جدا
تكلمنا عن موضوع بكاءه
و كيف يشعر بالاهانة و انا كنت البسه جزمته
اطيع كلمته ما اكسرها
ما اعانده
بالمقابل هو يتفل علي
يصارخ علي قدام الناس بالمول
يطردني

قلت لها عكس كل مشاعري
حتى قدام الشيخ اقسم بالله إني أمن عليه بالطبخ و التنظيف
مع ان العكس هو الصحيح
كل ما عطاني شي آذاني فيه

نفس الشي ابوي كلمه بمشكلتنا الاخيرة
قال له البنت سديت نفسها عن الزواج كله و حطمتها
مهمل في مظهرك و شكلك الخارجي " وهذا الشي واضح جدا و ب اعترافه و عندي رسايل كثيرة
في كل مشكلة كبرى تتفجر بيننا يرجع يعترف
و يكتبها صريحة انا اعترف خليتك تبعدين عني بسبب شكلي و ملابسي و و"
قال هي اللي مهملة في شكلها و بيتها

ف اللي احاول اوصله لك كوكي
نعم اعترف موضوعي يعتبر غريب و كأن فيه حلقة مفقودة
و في البداية يميل الشخص للتكذيب او افتراض ان فيه اسباب ثانية

لكن اللي يسمع الطرفين يعرف الصدق
و انا أستشهد ب 2 من اخوالي و صديقه
كلهم اخذوا مني موقف الهجوم
اول ما سمعوه
و ب حوار واحد مني يبان الصادق من الكاذب

+
و الاهم مني و منه
عندي أدلة على كل شي و ب أطرحها امام القاضي باذن الله
و عندي شهود على كل اساءة

يكفيني ان صديقه ارسل لي رسالة طويلة
بعد ما سمعني مرتين فقط
و قال لي في رسالة فحواها:
رحم الله من رباك
اشكري لي امك و أبوك
اعتذر عن الاصلاح
و الله يعوضك خير

- و بالنسبة لنقطة زوجة مثالية
نعم في التنظيف و الترتيب و الاهتمام بالنفس و الاطفال
غير مقصرة ابدا

لكن في نقطة الشخصية عندي عيوب كثيرة داخلية
تخصني انا مثل الشعور بالذنب المبالغ فيه

و مؤخرا
( و لا تحدث عن نفسي )
كثير بنات حولنا مع ارتفاع نسب الطلاق
تطلقوا كانوا امهات و زوجات مثاليات
لكن الرجل ممكن يظلم او يبخل او يهين
هل الطلاق شرط في ان المرأة سيئة او قليلة ادب او غير محترمة
أو فيها بلا ؟
طيب و اللي تبتلى ب مدمن او سكير نقول لها راجعي نفسك انتي ظلمتيه
انا قدري من الله اني تزوجت رجل مستقيم ظاهريا
لكن بخيل بخيل بخيل

و الى الان ما تكلمت عن بخله ابدا
كله بالعموم
ما تكلمت عن سير حياتي اليومية
ولا كيف يتعامل معي
بطريقة قصرت عمري و كسرت نفسي

و الان الشروط
كلها موافق عليها المعنوية
موافق يوقع على تعهد بعدم الضرب و الطرد و و
و النظافة الشخصية و و
و كل شيء " طيب لو هو مظلوم او انا اوصلته لهالشي
ليش ب يرضى يوقع !؟"

لكنه الى الان رفض بشكل قطعي
الشروط المادية ( رفع النفقة و الرضوة )
فقط

__________________

الحمدلله على قضاء يقربني من الله عز و جل.

ان شاء الله شكراً لك

__________________

الحمدلله على قضاء يقربني من الله عز و جل.

مستجداتي/
كلمت ابوي اليوم لأول مرة و انا منحرجة
قلت له مستعد تعاوني عالخلع لو وصلت للخلع و تساعدني بالمبلغ الكافي لو ماعندي؟
قال لي اكيد
انا قايل لك من زمان اخلعيه

ان شاء الله ب استخير
ب اخلي أخوي يرسل له رسالة نصية
آخر كلام هل موافق عالشروط كلها ولا لا ؟

بعدها ب ارفع فسخ نكاح و احتمال اوكل آخر محامي تكلمت معه

__________________

الحمدلله على قضاء يقربني من الله عز و جل.

كذلك أعقب عليك كوكي
رفض الشروط المادية
و راوغ في شرط توثيق الزواج في مصر

و قال اوثقه الاجازة الجاية بعد سنة
قلت له كل إجازة توعدني و ماتروح
آخر مرة قلت له لما سافر لوحده لا ترجع الا و الاوراق معك
قال اوعدك و ابشري

رجع وهي مو معاه
ولا وثق الزواج

انتي مستوعبة انا متزوجة من 6 سنين
رجل على كفالتي استفاد مني
ضيق علي ماديا عشان يبني عمارة في بلده و شرا اراضي
و حالته الاجتماعية في بلده و القانونية اعزب

كلمته قبل اسبوع قلت له لو مت لا قدر الله
انا و بناتي وين نروح
وحقنا ب يضيع لازم توثق الزواج
قال ايش دراك يمكن تموتون قبلي انتوا الثلاثة !

بالله هل هذا رد شخص عاقل
جالس يضيع مستقبلنا كامل !

رجعت سالته ليش ما وثقته بآخر اجازة
قال ماكان عندي سيارة سيارتي خربانة و المكان يبعد عني ساعة
قلت له بالله هل هذا عذر
انا عذرك هذا ما اقبله من طفل
فيه تكسي سيارات اجار سيارات اخوانك
سيارة زوج اختك
مليون حل و حل

والله اعلم انه متعمد يضيعنا
و ما يعتبرنا اسرته او اي شي بالنسبة له

مجرد جسر مرور لمصالحه فقط

__________________

الحمدلله على قضاء يقربني من الله عز و جل.

في حاله طلاقك
ماذا يحصل عليه هل يرحل ام يبحث عن كفيل اخر
ذكرتي سابقا انه يعطيكي مصروف 500 كم استمر اعطاء هذا المصروف
كم راتب زوجك

__________________