اقتباس:
المشاركة الأصلية كتبت بواسطة noora
ماشالله عليك غاليتي لكل شي حد
ربي يجزاك الخير ويسعدك وينولك ماتتمنين في الدارين
حلو ترتيب الافكار والنقاط
واختلافي الوحيد هو حضورها في هذه الجلسة
ارى وجودها بيزيد نفورها
اعتقد بانها بتتطلع من الاجتماع هذا
بفكرة ان فارس اشتكاها لابوها
ومابتسمع اي نقطة سلبية تجاهها
فقطً بتقفل عقلها علا نقطة الشكوى
وعدم كتمانه للاسرار واخباره لابوها
ثانيا ماعتقد ابوها بيقر بخطئه قدام بنته
حتى لو هو عارف ومتاكد انه خطا لكن بيكابر قدام بنته
اخيرا البنت طوع امها وابوها لو قالو لها اطلعي عادي
او اجلسي جنبه او اي شي من هذا القبيل ،، اعتقد انها بتتقبل
لذا اشوف انه الاجتماع دا يكون بين فارس وابو البنت فقط
ويحط النقط على الحروف معاه
والاب ساعتها اما يقتنع بكلام فارس ويرخي الحبل قليل
او الله يستر
اهم شي يافارس ليكونش حوارك معاه يبين انك بس مركز على
القرب البدني او على الرومانسية ،،لانه كا اب. يغااار على بنته
جدا حتى من زوجها واتفهم موقفه كون والدي كان مكانه في يوم من الايام
ليكون كلامك معه عام عن موضو ع الاحترام. وانه يساعدك في تقليل الحواجز
وانك مش قادر تتواصل معاها حتى فكريا عشان تخلص انسجام وتفاهم
واكرر ابععععععد عن مواضيع اللمس والقبل و القرب وكلام الحب
والخروج بدون قيود
لان هذا الكلام بيزعج الاب ،،،
|
ربنا يبارك فيك اختى نورة ولكن نصيحتك اتت متأخرة
عالعموم اتمنى من جميع الاخوة الاعضاء ان يقرأأوا ماساسردة الان ويقولوا لى ما رايهم بجد
وهل بحالها هذا ستتعدل الامور بعد الزواج
وان ما فيها هذا لصغر سنها ام ماذا
ارجوكم كونوا معى بعد الله
انا سأطيل عليكم قليلا انا اسف ولكن تحملونى
الله يسعدكم جميعا ويبارك فيكم وفى اعماركم
بجد يا اخت نورا تمنيت لو انى قرات رايك قبل ان اذهب فعلا جلوسها كان خطا كبير جدا
هى كل ما كانت ترد بة كان جدال فى جدال كانت تريد اثبات انها ليست على خطأ
وكلما تكلمت فى مشكلة ردت وتقول لا لا لا انا لم اقصد ما فهمت انا كان قصدى كذا
واشياء اخرى هى فهمتها عنى خطا
المهم اسرد لكم ما حدث بالظبط
ذهبت واول ما دخلت سلمت على والدها سلم على وقبلنى وتبسم فى وجهى
وقال اسبقنى الى الاعلى
قلت لة لا تفضل معى
المهم قال يعنى خلاص تعتبر نفسك ضيف
قلتلة ان شاء الله وانا مزمجر
والله على رأى حماتى كان نفسى حد يصورنى وانا متضايق كدة
جلست وصمت قليل ثم نظرت فى وجهة رايتة متبسم
قال انا مبعرفش اخبى حاجة ولما الاقى الامور مش طبيعية لازم اتكلم
اعذرنى لتدخلى فى شؤونك لكن لما الاقى الامور متاذمة واحس انى لازم اتدخل هتدخل
قللتلة لا يا عمى اتفضل قول اللى عندك
....
قال طيب انا عايز اسمع منك
قللتلة انا هتكلم والله وهقول بس يبدون انى غلطان فى حاجة ممكن اعرفها
قاللى هى قالت ان انت خرجت اخر مرة من هنا زعلان صح
قللتلة صح
قاللى طيب اية اللى زعلك قللتلة طيب لو سمحت تناديلها علشان الكلام يبقى كلة قدامها
جاءت هى وجلست
ثم استرسلت فى الحديث
قلت طبعا انا اخر مرة زعلت كانت من المفروض انها تتصل تسال انا زعلان من اية
سريعا قالت لو سمحت يابابا ممكن اتكلم
قللتلها لو سمحت اكمل انا وبعد كدة تبقى تكملى متقاطعنيش
قالت طيب كمل
قلت اما انى افضل حوالى 10 ايام ما اتصل وهى ولا على بالها دا معناة اية
معناة شىء واحد بس انها ولا على بالها ولا فى دماغها الشخص دة ولا يمثل لها اى شىء صفر على الشمال
المهم ابوها وامها لا يا بنى ما تقولش كدة
قللتلهم ازاى افرض انى مريض افرض انى فى المستشفى افرض انى مت
قالوا استغفر استغفر واستعيذ بالله
قامت هى تقول ممكن اتكلم
قللتلها اتفضلى
قالت اولا انت ماشى من هنا زعلان وانا عارفة انت زعلت لية
قللتلها لية
قالت عشان ماما جابت فى سيرة ان فى واحد اتقدمللى قبلك
قللتلها طيب وانا مش قلت قبل كدة يا خالتى ان الموضوع دة انا مبحبش اسمعة
قالت معلش يا فارس بس ما انت بتقعد تقول انا كان فى واحد عايزنى لبنتة والكلام دة
قللتلها ما هو انا فعلا بقول حاجات حصلت قالت خلاص متلومش بقى
خطيبتى دخلت فى النص وتقوللى انت كذا مرة تعيد قدامى ان انت اتقدمت لواحدة ومش عارف حصل اية واخر مرة كنت مكلمنى فى الموضوع دة قريب خالص
قللتلها ايوة فعلا حصل لان انت لبستى طرحة شبة اللى هى كانت لابسها وانا قللتلك ما عدتيش تلبسى الطرحة دى لانها بتفكرنى بيها
قالت مش حجة على فكرة
قللتلها انا اتكلمت عشان كدة
قالت خلاص ماشى
قللتلها ماتصلتيش لية بقى
قالت ما هو انت ماتصلتش
قللتلها يعنى انا ماتصلش انتى كمان ماتتصليش
قالت ايوة
قت لابوها رد انت يا عمى
قالها لا طبعا ماينفعش لازم تسألى بس هى بردة يا فارس زعلت
قللتلة لية تزعل لية مالهاش حق
قاللى معلش اسمعنى هى انا عايزك تنسى المواضيع القديمة دى كلها لان كل دة كلام فاضى
قللتلة معلش يا عمى انا عايز اعرف ازااى اقعد 10 ايام خطيبتى ما تتصلش على
هى قالت على فكرة دول مش عشرة دول 8 بس
قللتلها يكونوا زى ما يكونوا طول الفترة دى ماتتصليش ولا تسألى ازااااااى افرضى جراالى حاجة
كلهم ساااااكتين ولا عرفوا يردوا
(( والله تشوفوا منظرهم وهما عماليين يبصوا لبعض ))
......
قللتله انا مش جاى اتكلم وقللتلها على فكرة عشان تبقى عارفة حاجة
ابوكى اللى اتصل على وانا جاى هنا بناء على طلبة وانا مش جاى اشتكى
عمى هو اللى فتح معاى المواضيع بردة
ثم انا سمعت انك زعلانة من اية ان شا ءالله
قالت انت زعلان ان انا بقول لقريبى السلام عليكم اذيك يا فلان
طييب انت ازااى تكلم قريبتك قدامى
((اليوم اللى جبت فية قريبتى وخليتها تجلس معاها .....وكان عشان اغيرها و
الموضوع كان شغال بس هى ما بينت الا فى الجلسة دى
))
قللتلها لا عادى دى واخدة على ولما بتحتاجنى بساعدها بس
قالت خلاص وانا ابن خالتى كنت متربية معاة من واحنا صغييرين وبقولة اذيك وبس
قللتلها انتى عارفة ومتأكدة انا اقصد اية كويس
انتى عارفة انى اقصد انك تقوليلة اذيك اللى عمرك ما قولتيهالى وكمان باسمة
انتى عمرك ما قلتى اسمى
قالت لا طبعا قلتة اكثر من مرة
قلتلها ايوة لما اقولك انا اسمى اية تقولى فارس
انما لما تتكلمى معايا تندهى على
فيييييييييييييييين فيييييييييين مابسمعش منك اسمى
قالت ان شا ءالله
قللتلها لا مينفعش الاسلوب دة دا مش اسلوب انسانة مع زوجها
انتى حتى لحد انهاردة ما بتبصيش لية مباشرة
انتى تعرفى ان اطباء النفس قالوا ان فى حاجة اسمها لغة العيون دى مش موجودةما بيننا نهائيا
المهم اهلها بصوا لبعض وحماتى قالت لزوجها انت فين من اللغة دى
المهم
......
قلتللة لو سمحت يا عمى انا عايز تغيير جذرى للموضوع دة
\قاللى ممكن أسألك سؤال واحد بس يافارس
قللتلة اتفضل
قاللى انت عايز اية من مها
قللتلة تتعدل فى الكلام طريقة المقاوحة ورد الكلمة بكلمة تنتهى
الطناش وعدم الاهتمام واللامبالاة دة ينتهى
وتكون زوجة تحسسنى انى زوجها فعلا
....بص لى حتة بصة
وبعدين راح عليها
قالها نفسك فى اية من فارس
قالتللة يبطل شكوى
ومش كل موضوع نقفلة يرجع يفتحة ثانى
....
قال هتقدروا انتوا الاثنين على دة ها يا فارس
قللتله من ناحيتى اعتبر الامر منتهى يا عمى
وانتى يا مها
ان شاء الله يابابا
.....
قللتلة لو سمحت يا عمى انا عايز اقول حاجة بس
قال اتفضل يابنى
قللتلة فاكر يا عمى اول مرة زعلنا وحضرتك اتدخلت
قاللى ايوة
قللتلة معلش بس حضرتك جيت على يومها وبصراحة محكمتش بالحق
قال ازااااى قللتلة حضرتك سمعت من طرف واحد بس
ومسمعتش منى وخدتك عاطفة انها بنتك
وانا عشان عايز امشى الموضوع
قلت خلاص انا مش هقول هى عملت اية
على اساس ان الامور تتصلح
لا انا هقول دلوقتى هى عملت اية وصلتنى لانى اتكلم الكلام دة
قال اتفضل
قللتلة كان نفس الشىء يا عمى هو اللى من 10 شهور هو اللى حاصل دلوقتى
عدم اهتمام عدم تقدير عدم اكتراث
.....
قاللى بص يا فارس انا مبحبش اتكلم فى اللى فات وبحب انسى المشاكل ومبحبش اقعد ادور دا اتعمل لية دا حصل لية
قللتلة معلش يا عمى انا مش حمل انى اتعب نفسى
قال لية يا بنى لا سمح الله اية اللى حصل
هى راحت متكلمة بضحك اكيد مش منى
امها ردت عليها بضحك ايضا ربنا يسترها عالراجل هتعمللى فى اية اكثر من كدة
قللتلها لا يا خالتى انا بتكلم جد
معلش انا اصدقائى وكل اللى حواليا لاحظوا على
معلش انا خايف يحصللى حاجة
مش دة اللى كنت بحلم بية ولا دة اللى كنت اتمناة ولا راسمة لحياتى
انا كنت متخيل فترة خطوبة فترة وردية
وحب وعشق ورومنسيات لان الامور دى بتنتهى بعد الزواج واسأل اى حد من اللى اتجوزوا
بصوا لبعض امها وابوها وامها قالتللة امال احنا معشناش الفترة دى لية وضحكت
قللتلهم دى مشكلتكم انتم
.....
قللتلهم يا جماعة انا كتبت كتابى عشان اعرف اخذ مطلق حريتى انا كتبت كتابى عشان اعرف امشى صح لا افعل فعل ولا اتكلم حرف الا لما يكون موزون صح
(( وفى دى صوتى على ونبرتى احتدت لانى بصراحة اتضايقت انا متنرفز وعمال اشتكى وهما واخدين الموضوع ضحك ))
ابوها بصللى قاللى لاحظ ان صوتك عالى
قللتلة معلش انا اسف بس انا متضايق من الوضع دة
هو فهم ما بينى وبين بنتة
قالها بقولك اية
انتى ناوية فعلاً انك تكملى ولا اية ؟؟
ضحكت وقالت يابابا هجاوب بس مش دلوقتى
قللتلها لا فعلا انا عايز اسمع الاجابة على الموضوع دة
قالت هبقى اقولك بعدين ان شاء الله
قللتلها ماشى
....
ابوها قام وقاللى بجد انتوا الاثنين صدعتونى لان دى اصلا مش مشاكل
ولا هى اى شىء
دى امور محتاجة انتوا الاثنين تقعدوا مع بعض وتخلصوها وراح باصصلى
صقاللى انا مكنش نفسى فى كدة خالص
انا كنت عايز تقعدوا مع بعض وتحلوا مشاكلم بنفسكم
انا ماشى
...
قللتلة لا معلش لو سمحت يا عمى
قاللى اتفضل قللتلة انا عايز اقول حاجة
قاللى قول يا حبيبى فى اية ؟
قللتلة موضوع الجلسة دة انا بصراحة معدتش موافق علية
قاللى نعم ازاااى وراح قااااااااااااااافل تماما بصورة لم ارها علة من قبل
انا والله ما ارتدعت
قللتله انا مش هقدر انى عشان اكلمها احس ان فية حواجز وطاولة انا حاسس ان بينى وبينها شارع
والصراحة يا عمى انا مش هقدر اقعد بالطريقة دى
قاللى يعنى عايز اية وهو متضايق جدا
قللتلة عايز اية ؟؟؟؟عايز اعرف اقعد مع مراتى
انت بتسمحللى اخرج معاها برة اعتقد ان مفيش مرة حاولت اعمل حاجة غلط
مش معقولة اللى تاتمنة علية برة هيحاول يعمل حاجة جوة
وذكرتللة الموقف بتاع حماتى القديم
وقللتلة عيب قوى لما حماتى تقوللى انا اقدر احافظ على بنتى
هى هتحافظ عليها من مين من زوجها
...
قاللى بص انا الكلام دة معرفوش
قللتلها انت اية رأيك يا مها
قالت بصراحة بابا حط شروط للموضوع دة
واعتقد الشروط دى سرت على اختى الكبيرة وعلى وهتسير على اختى الصغيرة
قللتلة لا معلش سامحنى بس انا مش زى حد ولا لى دعوة بحد
قاللى انت ياة مشكلتك دلوقتى
قللتلة معلش مش عارف اتواصل معاها
قاللى دى مشكلتك انت بس انا نظامى فى بيتى معروف يا فارس اتمنى انك تحترم حاجة زى كدة كويس
انا مش هتكلم فى الموضوع كثير
قللتلة لو سمحت يا عمى انا عايز افهم اية وجة اعتراضك اية السبب انت مش مأمنى على بنتك
قاللى بلاش الموضوع دة ارجوك
قلتلة معلش يا عمى لو سمحت وزعقت
(( سبحان الله اقسم بالله انا ما كنت عارف انا بتكلم كدة ازاااى بس خلاص انا جبت اخرى ))
قاللى انت مصمم يعنى
طيب انت تجلس هنا وهى تجلس هنا على كرسيين قريبيين من بعض وايضا قريبين من الباب
ومشى ولم يتكلم
.....
انا ظللت ساكت اكثر من دقيقتين وهى جالسة للم تنبت ببنت شفة
قلتللها عاجبك كدة
قالت والله بابا واحنا فى بيتة ولة الحق انت
قللتلها بس انا مش موافق بردة عالوضع دة
قالت والله قدامك 8 شهور وابقى اعمل اللى انت عايزة فى بيتك
قللتلها الله وانتى مش عايزة ولا اية
قالت سبحان الله انا بقول يعنى لما نتجوز
قللتلها والهم اللى احنا فية دة بسبب البعد دة
قالت معلش بس اختى فضلت لاخر يوم بالوضع دة
حتى ان اختى فى ليلة حنتها
قللتلها وانا مليش دعوة بحد
قالت بس هو دة نظام البيت هنا قى
قللتلها النظام دة يا حبيبتى ابوك يمشية على بيتة انما مش على
قالت والله انا جزء من البيت دلوقتى
قللتلها انتى مش انا
قالت وانا بتحرك حسب البيت اللى انا فية
قللتلها يعنى انتى عاجبك جلستك دى
قالت ايوة مفيهاش حاجة
......
قللتلها خلاص خلاص قفلى عالموضوع بس اعرفى انى اتخنقت بجد
....
امهم فتحنا فى مواضيع
اول شىء سألتها اية رأيك فى وضع البلد الحالى
قالت والله ربنا يسترها
قللتلها هتنزلى تحطى صوتك فى موضوع الدستور
قالت ايوة طبعا
قللتلها لا تمنزليش
قالت لية
قللتلها كدة انا بلك وخلاص ولما اقول حاجة تتسمع وتتنفذ ومن غير كلام
قالت لا اقنعنى
قللتلها يا بنتى متجننيش مش كل شىء اقنعنى هنرجع تانى
قالت معلش بس مفيش شىء من غير اقناع
قللتلهتا يعنى كل اللى قلناة دا فى الفاضى
قالت بس قول
قللتلها طيب عموما عشان مادة الشريعة
وثانيا عشان الاختلاط والزحام
قالت بالنسبة للموضوع دة مادة الشريعة ليها تفسير والدستور هنا موجود لو عايزة
قللتلها جبتية منين
قالت صورتة من واحدة صاحبتى
قللتلها اكيد اخوان
قالت ايوة
مع الاغعتذار لاى حد اخوان يا جماعة بس انا قللتلها معلش بردة مش هتنزلى
قالت والله اقرار دة بايدى مش بايدك
قللتلها على فكرة كدة غلط انتى كدة بتعصينى
قالت والله انا شايفة انى بعمل لمصلحة البلد ودة واجب شرعى
قللتلها وانا بقلك متنزليش لان انا زوجك وامرتك بكدة
قالت بردة مينفعش
من غيظى قللتلها بس بس اقفلى انتى خنقتنينى
دخلنا فى موضوع العباية
قالت والله اتعانت
قللتلها الحمد له ماعدتيش هتلبسيها
قالت يعنى لما نشوف
قللتلها انا بصراحة متضايق من الموضوع دة
قالت ما هى خلاص اتعانت
قللتلها انتى عارفة انا ممكن اسمح بموضوع العباية دة فى حالة واحدة
قالت اية
قللتلها تتغير حكاية الطرحة دى
قالت خلاص ماشى يعنى لو بقى خمار عادى
قللتلها اة عادى
قالت خلاص ان شاء الله مع ان انا قللتلها البسى عليها خمار قبل كدة وقالت لا
المهم وهى بتتكلم
قالت على فكرة انا الشيخ اللى بيحفظنى قران سألتى قاللى لو تلبسى خمار يكون افضل
قللتلها وانا مالى بالشيخ وعيب قوى لما اكون انا قللتلك على حاجة ومتعمليهاش الا لما الشيخ يقول عليها
قالت لااااا معلش بس الشيخ اكيد اعلم منك فى امور الدين
قلللتها انا الحمد لله دارس شرعى ومعايا اجازات
واتمنى بعد كدة يا مها انى لما اقولك على حاجة تعمليها وخلاص
قالت لا طبعا لازم تقنعنى بالدليل
قلللتلها ثانى ثانى بالدليل يا شيخة حرام عليكى خنقتينى
قالت هو لازم اى حاجة بالدليل
قللتلها عيب لما جوزك يقولك على حاجة تقولليلة بالدليل هات دليل ؟؟؟ عيب قوى
قالت بس اى حاجة لازم فيها نص
قللتلها وان شاء الله جياتنا كلها هتبقى بالنصوص كدة
قالت اة طبعا
قللتلها والله شكلى هجيب عصاية فى الاخر وانزل فوق راسك دى اكسرها
قالت طبعا متقدرش
قللتلها لاوالله اقدر
قالت هقول لبابا
قللتلها خلاص لما تيجى عندى هكسرلك راسك دى كلها
قالت ومين اصلا اللى هيسمحلك بكدة
قللتلها يا بنتى انتى هتبقى عندى وهاعمل الى انا عايزة
قالت طيب وانا هسيب البيت وامشى
قللتلها نعم طيب يلا ورحت قايم وخرجت
امها مسكت فى والله كانت هتقطع الجاكيت
بالله عشان خاطرى تعالى بس اية اللى حصل ثانى انتوا مبتلحقوش تتصالحوا يا ولاد
قللتلها معلش يا خالتى ما هو مينفعش نبقى لسة عالبر وتقوللى هسيبلك البيت وامشى
قالتللها نعم ياماما احنا معندناش بنات تغضب
قالتللها ياماما بيقوللى هضربك
راحت حماتى بصاللى
قللتلها مهما كان الضرب موجود فى القران
قالت بالسواك
قللتلها ايوة ما هو دة
قاللتلها لا ياماما بيقوللى هكسر راسك
قللتلها يا بنتى بهظر انتى مجنونة هو انا هضربك
قالت طيب وانا بهظر بردة
قللتلها وهى دى فيها هظار
قالت وهى دى فيها هظار بردة
قللتلها ::: ياااااااااه بس بس اسكتى خنقتينى انتى مبتبطليش جدال
على فكرة والله اسلوبك لازم يتغير تماما عيب قوى كدة
هتفضللى كدة لحد امتى
انا كدة مش هقدر استمر
بتكلم جد
قالت ان شاء الله
انا ::: يييييييييه انتى تجيبى الضغط انتى ...
لسة ما كملتش الكلمة هى قالت اية باردة
قللتلها باردة !!!!!! اشمعنا يعنى
قالت عادى يعنى انا فعلا باردة قللتلها انا عمرى ما هقولك اللفظ دة بس لية قلللتى كدة
قالت لاوالله عادى انا فعلا صبورة وبستحمل وصدرى واسع
قللتلها دا حاجة والبرود حاجة
قالت لا عادى هو هو وماما قالتها لى مرة عادى يعنى
قللتلها لا اوعى تقوللى الكلمة دى ثانى
....
وبعديها ابوها جة
وانا من ساعة الكلمة دى وانا مقفول والله يا اخوة
حتى امها جابت عشاء والله ما عرفت اكل لقمة واحدة
نفسى اتصدت
الكلمة ليها صدى ووقع اخر كبير عندى
باردة
انا فعلا حسيت بدة
يعنى هى طبيعتها كدة
دا مش ثقل
هى فعلا كدة
طيب انا لية حصللى كدة
دانا بنفعل بسرعة ومبستحملش
لية باااااااااردة
وبعدين انا اعرف الانسانة الباردة دى حتى ما تمتع جنسيا
باااااردة
وانا اقول هى تعمل كدة لية
هى دى طبعها
ايوة كدة كل شىء بان
والله من ساعتها وانا مقفول
ومبقيتش طااااااااااااايقها خالص من بعد الكلمة دى
انا كنت بطلب انها تيجى توصلنى
سألت الله انها متوصلنيش انا بجد مش عارف
فجأة نفرت منها
انا لو كانت طلبت الطلاق كنت طلقت عللطول ومسكتش
بجد يا جماعة حتى الان وانا حالتى النفسية بعد ما كانت اعتدلت نوعا ما
اتقلبت 360 درجة شمااااال
بااااااااااردة
لا حول ولا قوة الا بالله
ان لله وانا الية راجعووون
.....
انتوا اية رايكم يا جماعة
اكمل
كفاية كدة
ولو دى حاجة سهلة اتعامل ازااااى
اطنش بقى
اقلب
مش عارف هى بتمثل على
ولا دا فعلا صح بااااردة
لا الاه الا الله
09-12-2012, 11:50 PM
رد : اعتذار للجميع ....ارجو من الجميع الدخول
رد : اعتذار للجميع ....ارجو من الجميع الدخول
ضوابط المشاركة
العرض العادي
